kaleenie's Profile

一向好少比食評差，但係呢間嘢真係要寫返個食評比佢，等大家小心啲，真係令我感覺搵我笨又唔好食，食物份量細又貴。見到咁多like食評 以為唔錯 點知非常失望。我認為如果食物質素係高嘅話，貴少少都唔緊要但係呢間嘢係又貴又細份，嘢食又冇乜味，而且服務質素麻麻地。生蠔細隻又唔好味，扇貝都係細份又唔美味，而且蒜蓉嘅味道好似生生地感覺好似冇炒過咁串燒牛丸仲過分，以為好大粒好好味，點知得果兩粒牛丸仲要係切開半邊做四舊一串收人廿蚊，味道唔係特別好食惹味，完全俾人搵我笨嘅感覺食咗約10碟嘢加一支野飲，埋單四百幾蚊，偏貴。呢個價錢我去第二間舖頭食到好多嘢食，同較高嘅食物質素店員喺我進食呢半個鐘頭不斷行咗過嚟收我啲碟，其實我仲未食完，不停行過嚟問我食完未要收碟，好騷擾。環境狹窄又逼夾，坐得唔舒服。我係非常少俾差嘅食評，呢間嘢真係食完覺得非常中伏，奉勸各位小心選擇！希望此店會改善一下食物質素和調整價格。…Read More

食一次霸王川莊已經令我上癮😍除左快餐店 好少一星期內食同一間廳廳兩次返完一日工咁辛苦 搵下有咩好野食 呢排又想食辣野一於試下霸王川莊既辣辣水煮魚啦環境好寛闊，樓頂好幾層樓高 感覺似去左酒店裝修簡約古中國式中國特色茶已經準備好係餐枱上叫左例牌水煮桂花魚 揀左辣度2辣另外可以揀四款配料叫左雞肶菇 牛肚 午餐肉 水晶粉皮等左10分鐘侍應傳上一大盤水煮桂花桂花魚肉香 肉質煙韌方形既午餐肉非常好食 必點黎食雞肶菇切細塊片 薄身 岩我鍾意細細塊咁食 有口感牛肚都係切成細塊 易入口 唔會太韌 沾上辣湯超惹味 又係必點水暗粉皮 ok不過朋友想食 個人鍾意食條狀紅薯粉多d愈食愈辣 叫左杯水果茶飲 好大杯但都好快飲晒再叫杯芒果沙冰 都係好大杯 味道超香 飲過最好飲既芒果沙冰 必叫！唔食得太辣既人應該叫1級程度辣 因為2辣都好訓7啦仲叫左名鎮乾鍋雞 真係好乾身 乾到好難食 味道差 份量都好少雞件之後過左幾日，個腦對水煮魚好回味 放假又叫左朋友同我去食霸王川莊今次叫左水煮牛肩肉 辣度揀1 因為前幾日食太辣啦4種配料揀左午餐肉 雞肶菇 白蘿蔔片同紅薯粉牛肩肉好香牛肉味 薄身食落唔會太韌 半肥瘦肉比例今次又係叫左芒果沙冰真係會食上癮 …Read More

平時食放題 打邊爐同食雞煲多都開始有點悶，想試下食其他餸，酸菜魚會係一個好選擇。雖然成日聽到朋友話北上食酸菜魚，計我話返上內地食咁遠 倒不如先幫襯支持香港既酸菜魚先。叫左一鍋小辣既酸菜魚煲，有莞茜，辣椒同酸菜做配料。飲啖酸菜魚湯 酸味味，超開胃，飲唔住係咁倒黎飲 個湯太好飲啦，魚肉幾滑，一d都唔會"鞋"口，不過魚肉味較淡，多得酸菜魚湯帶起成煲既味道。另外，仲叫左炒紫薯粉，幾大碟份量，加埋碎菜同洋蔥去炒，香同有口感。食咁熱既野，緊係要叫杯野飲啦，叫左藍莓沙冰，好大杯，紫色顏色好鮮艷 非常吸引 飲落重藍莓味同好解渴。不過2個人食就叫得好少餸，下次多幾個朋友一齊黎食可以叫多d餸，menu仲有好多餸菜都好想食，例如口水雞，花膠雞煲同回鍋肉。…Read More

今日帶個外國朋友去主題公園玩，玩完好攰同肚餓 就想起曾經食過呢間高質burger,可以帶外國朋友黎食返d岩佢口味既野3個人食叫左2個雙層牛肉芝士漢堡同1個鵝肝牛肉漢堡另外，叫左芝士薯圈同炸雞柳雙層牛肉芝士漢堡大大個漢堡包 牛肉好大份量又厚又圓 咬一啖d牛肉汁水吱晒出黎 係好juicy 味道方面 係好重牛肉味好香 平時快餐店同普通餐廳係食唔到呢種高質素牛肉漢堡包 果然係一分錢一分貨雖然一個牛肉漢堡包已經要差唔多一百五十蚊 仲要唔係套餐 無野飲，但都值得買咁貴黎食 因為真係超高質美味既雙層芝士牛肉漢堡芝士薯圈 好味不過攤凍左唔熱既 相信熱既時候芝士仲熔緊係會好味好多炸雞柳 雖然好煎炸熱氣 但係幾好食 點埋個汁食仲好味鵝肝牛肉漢堡鵝肝外皮脆內軟 入口即溶 香噴噴既鵝肝味停留係口到繼續回味，再食一口超juicy牛肉漢堡無得頂呀 食到超飽外國朋友都話好味…Read More

有次經過深水埗買野，無意間經過呢間五嫂石磨腸粉，見係香港少見即整既石磨腸粉又餓餓地就幫襯叫碟試下，就係呢一試 之後再黎食左幾次，屋企人間中就會話想去深水埗食腸粉，即係呢間五嫂石磨腸粉，深水埗仲有另一間五嫂石磨腸粉，但始終覺得企位呢間師傅整得比較好食。叫完腸粉隔離鋪都係五嫂石磨腸粉既，有得買野飲同有台比客人企係到或企係到食腸粉。叫左兩碟豬肉腸粉，腸粉皮薄得來實淨唔會易斷開好似霉左咁。口感滑身唔"鞋"口，腸粉豉油汁岩我口味唔會太咸仲有叫左碟雞蛋瘦肉腸，雞蛋蒸熟左始終會有點"鞋" 口，不過加左雞蛋會更香同飽肚感d。…Read More

同朋友星期日聚會，想坐得舒服d同耐d傾下計。就選擇Mr Steak本來想食lunch，貪佢半自助餐午餐有自助salad同甜品bar同有湯, 但因為星期六放工遲趕唔切食，非常可惜，唯有下次有機會中午食，後來選擇食下午茶3點15分時段。同朋友一致選擇左SRF 牧場牛扒，不過侍應無問我地幾成熟。香濃燒汁，牛扒外觀吸引，有碎粒青瓜，紅蘿白同茄子伴菜。牛扒切落去有d韌，食落口真係有d'鞋'口同韌，無咩牛肉汁 較乾身同埋無咩牛肉味，唔香。另外，叫左個甜品set，最上層係炸雞翼，起殼扇貝，香腸。中層係薯仔salad, 蟹柳salad。下層係Macaron，泡芙同朱古力蛋糕仔。甜品set還可以，但牛扒味道就較差。不過都坐得舒服for朋友聚會既。…Read More

美孚區食西餐選擇唔多, 如果住美孚或係美孚返工既想近近地可以一試意樂，意樂既menu，有多款配搭既拉麵、意粉同意大利飯，仲有扒類餐，豬手，沙律同薯條。餐廳環境大，好多座位，唔洗等位就有位坐，而且座位闊落。本身想叫白汁芝士焗脆薯條 但係侍應話焗爐壞左 所有焗既野都無得叫，有點失望，真係好想食焗薯條叫左厚切吉列豬扒豬骨濃湯拉麵厚切吉列豬扒並不是厚切，而是薄切，這一點有點誤導消費者。豬扒味道唔錯，豬骨濃湯也很香，只是menu說是厚切而不是厚切 好大差距。黑松露煙肉菌皇忌廉扁意粉黑松露既香味配上扁意粉係非常美味 另外仲有忌廉既奶香，再咀嚼煙肉同菌令成個意粉有口感又滋味。…Read More

成日都黎食飯, 香港地每次出面都會好多人等位等叫飛 證明幾受呢區既人歡迎同質素都有返咁上下先多人幫襯，雖然多人等位 但都好多有位 等左唔洗15分鐘4個人黎食叫左二人餐有紅蘿蔔百合湯 好甜 好多舊紅蘿蔔湯渣可以裝到5碗雲耳勝瓜炒魚鬆家常便飯 唔會有重味精味 都可以煮出幾香既味道 不過唔鍾意呢個餸咁多汁 鐘意乾身d茶樹菇南瓜牛肉幾鍾意茶樹菇既口感 南瓜較爽身 無煮到好林物 牛肉恰到好處肉唔會韌魚香茄子煲惹味茄子煲 一啖魚香茄子飯再配一啖白飯 美食享受 就 只有呢一個餸飯黎食都滿足煎蛋免治牛肉炒底飯 每次黎都必點呢個飯 賣相已經好吸引 黃白鮮明既煎蛋 令人好想一啖食左佢，煎底飯好香配埋免牛 肉同汁食唔停口，呢個飯都推介要食。…Read More

每次經過「我想和你無所事事」都有好多人排隊，今日好少人排，立即諗都唔諗就排隊買，因為想飲好耐，但平時太多人排隊 就無飲到。好大個藍白色霓虹燈 好吸睛，個幾趣怪 係一個人飲既特色飲品既logo, 也係一個打卡位Menu好多選擇 有鮮水果茶、拿鐵、GG茶、梳打系列同原味茶。叫左黑糖鮮奶珍珠，價錢唔貴，只係29蚊一杯。叫左少甜少冰，好香黑糖同鮮奶味，珍珠都好煙韌。飲完一杯絕對會上癮想再飲。雖然唔大杯，但因為叫左少冰，都夠飲。旁邊仲有台可以比客人企係到飲飲完呢杯有質素既黑糖鮮奶珍珠，相信其他系列都唔差，下次一定要試其他系列飲品。…Read More

香港開左呢間喜茶咁耐都未幫襯過 行街經過新城市廣場就一定要去飲喜茶啦第一次飲喜茶係深圳 一試果然2係幾好2飲 唔係淨係得個出名。接近夜晚10點 好少人排隊 5分鐘就可以點到喜茶飲啦，建議大家唔想大排長龍隊 可以夜晚趁鋪頭關門前黎買就輕鬆好多叫左芝芝莓果粉紅色超靚 好有少女心 大大杯 先打開蓋飲佢既香噴噴芝芝再用飲管飲佢底部既雜莓 有草莓同藍莓肉 不過有少少甜再點左冰火雞蛋仔賣相好吸引 脹卜卜既雞蛋仔夾住雪糕雪糕係抹茶味 一啖凍冰冰雪糕 配上熱辣辣既雞蛋仔 真係做到冰火效果呀其實叫左2樣野 已經可以飽到唔洗食飯 下次經過一定要黎飲芝芝呀…Read More

經過沙田緊係要去多野食既新城市廣場覓食一樓十幾間餐廳 睇到L.D.K. Ufufu Cafe既menu 見到有芝士咖喱烏冬 流晒口水好吸引想食 再望見到有蛋包飯就揀呢間食啦叫左白芝士咖喱雞烏冬 個人鍾意食濃d 芝士味唔夠濃 芝士配合咖喱第一次 又ok唔會覺得難食 可能咖喱比例較少 唔會搶晒芝士味 好多汁 食晒烏冬仲有成碟汁 炸雞翼 沒有特別 朋友好鐘意食雞翼所以點左 個人覺得唔抵食同普通 點其他款式菜仲好漢堡咖喱蛋包飯漢堡好香牛味 唔係快餐既重味精漢堡 再配上好滑既蛋同索左咖哩汁既飯 都幾好食…Read More

同長輩食飯 都係比較愛食中菜 唔想去大排檔 無冷氣熱辣辣而又想坐得舒服有冷氣而又有大排檔既穫氣 選擇了元朗既工廈薑蔥蠔 蠔煎外脆小小脆 蠔脹卜卜飽滿多水 好味豉椒炒大聖旨6隻加煎米粉底 米粉好香脆加汁 非常美味 聖旨真係大隻 味道唔錯鮑魚雞煲 細隻鮑魚無特別 雞件幾香 不過份量好小脆皮炸大腸 份量多 不過炸得太乾紅燒乳鴿 鴿不夠嫰 有點老 乳鴿皮燒得唔夠香大沙巴躉一條$268好大隻 幾抵食 魚蒸得剛剛好 非常滑同好食6人食咁多野有鮑魚，蠔同聖旨同沙巴躉只係千四蚊 都ok啦…Read More

星期日同朋友去旺角搵野食 旺角既日式放題星期日平均都要$228-$248每人平均 未計加一睇過松本食物相都幾吸引 而且人均$199 未計加一 價錢實惠食8點半呢輪 唔洗等位 侍應安排左4人卡位比我地坐侍應禮貌問我地飲咩幫我地拎 方便我地快d落單叫野食 因為知道我地肚餓灸燒三文魚腩壽司極好食 好香三文魚味 肥美不油膩帶子刺身鮮甜不過油甘魚唔夠鮮甜一口芝士 好香芝士味好好食鮑片還可以點左天夫羅皮較厚點左雪糕天夫羅但無黎另外，問左侍應有無蠔食 只限每人一隻 要另一張單落 但之後無左件事，返到屋企先記得無食到蠔甜品選擇較少 燒菠蘿好酸食物款式唔算多 不過價錢較其他平少少 要求不高可以來食…Read More

雖然夏天天氣比較熱 但係都無阻我要食辣野既心 無阻我要食重慶麻辣火鍋平日晚上黎好快就有位，二人食都係被4人枱我地，眼見好似係無二人細枱，食野最緊要坐得舒服，火鍋店環境空間大 座椅枱都係用木既而且寛闊 可以放好多碟餸菜湯底有麻辣鍋，同蕃茄魚頭湯 飲左好多碗魚頭湯 好香魚味叫左極品牛小排，普通質素得幾塊已經百幾蚊 唔抵食鮮嫰牛 好嫰超好食 寧願叫多碟呢個 可以唔洗點小排香穌肉 細細條 又香脆黃喉 好爽 好食四寶丸 原來真係得4粒 份量非常少 就成$70 質素一般 唔值咁貴稻田毛肚 好'' 鞋'' 口, 唔識欣賞 好似食緊一塊布咁蝦雲吞 ok油炸鬼 浸落麻辣鍋再食 完全感受到重慶麻辣既威力呀紅薯粉 一大塊 比幼身一條條出奇地好食午餐肉 ok食物質素一般 唔值咁貴 二個人食左唔多野 埋單9折左都要6百幾蚊…Read More

玩到夜左成12點幾 search深水埗睇下邊到咁夜仲開門既見到小菜王超人氣好評就緊係要試下啦點左一碗豬紅 味道好香同口感好彈 唔會無味 而且好大碗 份量好多另外，都叫左椒鹽鮮魷 侍應傳菜過黎時 見到咁大碟 有點驚訝 可能因為我地兩個人驚食晒 豬肉大碗 鮮魷又大碟雖然鮮魷個炸皮有點厚 但味道好香 唔會好濟肚仲有叫左個雞煲雞肉幾香 不過份量相對另外兩碟較少 同埋好多豬潤，愛食豬潤既朋友適合點雞煲啦今次得2個人黎食 叫得3個餸，下次多d人黎食可以叫多d菜試下…Read More