apyanki.cheung's Profile

發掘到一間喺香港大學站嘅Cafe～坐得好舒服、嘢食好味、又有洗手間嘅Cafe!真係好啱同朋友食嘢同嘆咖啡，適合坐好耐嘅朋友仔嚟呢間！🥰🍣🍠<手工藜麥番薯餅配煙三文魚> 💰72一睇有藜麥同番薯，就知呢個係健康嘅嘢食。口感軟糯，個人覺得如果煎香左佢、會變脆啲會更加好食～不過整體都唔差，煙三文魚係新鮮！推薦比想食得健康嘅朋友仔食呢個！🍮🍞<焦糖燉蛋西多士> 💰138見到咁多人推介食呢個西多士，咁啱嗰日隔籬枱嘅客人又係食呢個，已經好吸引好想食😋西多士係偏厚身嘅麵包、麵包面頭搽咗滿滿嘅焦糖燉蛋醬、食落去好香甜😆鍾意食甜品嘅朋友仔真係唔好錯過呢個！！不過略嫌水果唔夠多，如果水果可以加多啲就完美😳🇫🇷🧁<波爾多可麗露> 💰38好少見到Cafe有呢個甜品叫，呢個甜品非常之難整得靚。除咗個蛋漿要雪超過24個鐘之外，用嘅模具都好講究。所以一粒成功嘅可麗露係唔容易！佢就係一個外脆內軟、咬落去有淡淡嘅酒香、好味嘅可麗露😆…Read More

閒日去尖沙咀嘅Hugo西餐廳食Lunch，一入門口見到餐廳放咗拎獎嘅相架出嚟！網上都有唔少Comment話幾好食，未食之前已經對佢地啲嘢食抱有期望呢！<餐前麵包>🥖上菜之前有一份餐前麵包（法包同酥皮包)，但麵包質地太煙靭，亦冇麵包個種香味. 我就只係每款咬左一啖😿☕️每個Lunch Set會包一杯野飲，不過Staff唔會特別講，想飲野飲要主動提出呢！試左Hot Latte 同Cold Mocha☕️. Latte咖啡味重啲，但Macha可以用淡到同水一樣.🥹<2-Course Lunch Set 🍽️> 💰588 per person 1st Course試左自選頭盤同龍蝦湯.自選頭盤有超過20款嘅嘢食可以自己揀，侍應會推餐車出嚟，逐一層去問你有咩嘢鍾意食！因為我唔鍾意食salad，所以幫大家試唔到啲菜新唔新鮮.🤣但個人覺得南瓜、三文魚、蝦、Palmer ham配哈密瓜都唔錯！其他冇特別講嘅嘢食就好普通. 我建議真係唔好揀太多嘢食，因為全部生冷野食，食食吓會好滯😖之後食2nd course就會有啲辛苦🥹<龍蝦湯>🦞龍蝦湯一飲落去有啲苦苦哋，餐廳用咗龍蝦膏去煮，所以苦都係正常！不過龍蝦湯都係一般般，冇話特別好飲～<燒美國頂級牛肋骨肉>🥩🥔牛肉好冧，煮得啱啱好，不過唔重牛肉味.牛肉係配磨菇Sauce嚟食，但係調味好淡，要加Mustard食夾啲🥹Side Dish係配焗薯同Sour Cream👈🏻冇乜特別、酥皮盒👈🏻亦都唔重牛油味，好普通😖🦞🥔<原隻大西洋波士頓龍蝦拼盤酥皮盒及扒龍蝦> 龍蝦肉質鮮甜，連Side Dish嘅酥皮盒同薯蓉都好食過牛肉個個！呢個酥皮盒係用左龍蝦嘅汁嚟整，薯蓉亦好香忌廉味～…Read More

閒日夜晚試左呢排大熱嘅泰國餐廳.佢哋第一間舖係尖沙咀，而家喺灣仔開第二間分店. 不過只有灣仔分店係可以喺WhatsApp預約訂枱！餐廳夜晚六點開，未夠鐘已經有人排緊隊. 建議差唔多呢個鐘數去或Book定枱去食就Perfect 池！😚野食嚟得好快，落左Order 5分鐘左右就上左一碟炒河，無耐已經上齊曬啲菜！🇹🇭<燒牛肉>🥩 💰 148牛肉燒得啱啱好，好冧又有牛味. 佢調味係燒烤蜜糖味～佢仲有另外一個泰式辣醬可以點埋，不過係酸辣味. 個人覺得就咁食牛肉已經好惹味！食食下有啲位置會有肥膏位，不過唔大影響整體味道～呢個真係必點！！😋<醉貓炒河> 🐖🍝 💰88好有鑊氣嘅炒河粉🔥佢入面有好多豬肉碎、燈籠椒、蕃茄仔、洋蔥嘅配料. 調味係鹹辣嘅口味，食到用左豉油同豆瓣醬嘅調味. 雖然呢個炒河係偏重口味，但我都覺得好惹味！😳〈船麵（牛）〉 🥩🍜 💰88湯底一飲係好重香料味，但唔會想飲晒碗湯嘅感覺～入面有豬肉丸同好多牛肉片. 牛肉唔韌又有牛味！麵底冇得揀，係配咗金邊粉，不過麵身好快變咗糊質地. 個人建議餐廳可以轉返其他麵底.（eg蛋麵）心目中嘅Top 1船麵依然係佐敦泰排嘅船麵🤣食過就知道好味嘅船麵有幾咁濃郁.😌整體來講，呢間野食都唔錯，會再幫襯！😋…Read More

估唔到熱潮過咗 都仲係有好多人Lunch Time排隊! 12點幾左右到 餐廳都已經比緊第二輪嘅籌 都要等到1:45pm先可以入席～ 可以夠鐘再去返餐廳！入席等緊嘅時候見住廚師逐份意粉咁樣煮！入席之前將單會寫咗幾多號Number 等廚師整完之後會叫張單上面嘅Number 聽到自己嘅Number就可以舉手示意拎啦☺️ 要注意⚠️Bar枱係比較迫🥹整體嚟講 呢個價錢食到意大利人整嘅手工意粉係唔錯👍但要排咁耐隊 就等冇乜人嘅時候先再過嚟試都得😆<Tagliolini with Beef Ragu> 💰73意粉係每一日新鮮整 口感彈牙 肉醬用咗罐頭蕃茄嚟整 出奇地有啲淡味 個人覺得調味可以重返少少就最好🤣<Tagliatelle with Smoked Salmon>💰78意粉口感彈牙 煙燻三文魚係整碎咗 醬汁係忌廉味 呢個調味啱啱好 鍾意食重口味少少嘅一定要揀呢個！<Piedmont Panna Cotta with blueberry>💰38第一次食Panna Cotta~佢係重忌廉味嘅布甸 配埋藍莓 酸酸甜甜幾好食！…Read More

呢間Cafe 嘅嘢食名用咗唔同國家嘅名嚟起 好有趣😸！閒日同Frd子一聚 傾左幾個鐘 呢度都唔會趕客～😳🍅🥩🍞🍳<London> 💰148主食叫左London 佢係重香草味嘅蕃茄Base配牛肉 牛小排好冧 同埋麵包食好夾！😋但個人認為個香草麵包太硬 已經用左香料嚟整個醬汁 再食返用香料整嘅麵包就少少Over左 我建議餐廳可以轉法包或Sourdough 嚟食 會Match好多😼🍟<Truffle Yam Fries> 💰68後來因為唔夠飽 就追加咗炸番薯條 呢個就略嫌普通 因為炸得唔夠脆呢😿<Honey Cinnamon Latte >💰50有淡淡嘅玉桂香味 但咖啡味唔太出🥹<Dirty>💰45都係唔重咖啡味🥹…Read More

呢間西貢Cafe平日嚟都好多人 同朋友仔兩個一開始都要搭枱 隔籬枱走咗先可以坐返另一枱🤣呢度除咗主打嘅酸種麵包之外 都仲有好多曲奇、蛋糕嘅小食～ <Peanut Sandy> $55呢杯咖啡面頭有花生忌廉 撈勻咗白咖啡之後就冇乜花生味 咖啡味偏淡 唔推薦試呢杯🤣<Market Fish Karaage Sando> $150🥪見到每一個人都推介食佢哋嘅炸魚三文治 聽聞係附近海鮮檔新鮮買嚟整～ 嗌呢個三文治就好似開埋盒咁 嚟到先知道係鰻魚/白鱔/龍躉🐟今次呢個係白鱔！ 本身唔太鍾意食魚嘅我都覺得好食 白鱔外皮炸得好薄好脆 魚肉嫩滑 食落去一啲腥嘅感覺都冇！炸白鱔配埋清新嘅沙律醬同青瓜 超級Fresh 😋食食下有種似曾相識嘅感覺 原來係似高級版嘅魚柳包🤣 不過食嘅時候要小心 要拎住個碟 啲材料好容易跌落嚟😭個人比較推薦外賣買佢哋嘅Sourdough Baguette🥖 外皮煙韌內裏鬆軟 有淡淡的酸種味返屋企焗熱佢再加Ricotta Cheese/🫐/蜜糖 🍯 超級好食！😆…Read More

經過舖頭門口已經聞到好香牛油味 一望到玻璃櫃上面嘅鮮果撻 即刻想買嚟食😳<法國佬鮮果撻>🍓🍈🫐🍍🥭🍇🥧一入口好Fresh 😍夏天食就最啱 餅底係厚身唔油膩個種 連埋Custard 同水果食好夾 Custard唔會過甜 下次入西貢一定會再食😋<法包🥖> 原條 $25法包用焗爐焗5分鐘左右再食 好脆口 不過就冇乜特別 下次去一定會試其他嘢🤣…Read More

朋友推薦呢間食日式嘅Pancake 雖然份量唔大 不過Pancake又真係唔錯😳〈抹茶牛奶咖啡〉雖然拉花效果唔太美觀 不過幾好飲 係奶香味重過抹茶味 係偏甜嘅味道 個人比較鍾意甜嘅抹茶 😳〈黑松露芝士奶蓋無花果梳乎厘班戟〉Pancake有淡淡蛋香味 好鬆軟 配埋鹹香嘅黑松露Cream Cheese Sauce 好夾啊～💕不過Pancake太薄 一個人食一份先夠 兩個人Share真係太細份🙈🤣…Read More

假期同朋友嚟呢度Cafe Chill下 一點到 都等咗半個鐘先入到～ 下層坐得好迫 唔算坐得好舒服嘅Cafe🙈 食物質素還可以 勝在價錢唔貴 同埋嘢食好大份😆〈自家製焦糖奶奶〉☕️🍯 鍾意食焦糖脆脆嘅一定鍾意飲呢個焦糖脆脆會溶得好快 加埋牛奶飲就好香甜！〈桂花拿鐵〉有淡淡嘅桂花香味 不過咖啡唔係特別好飲🙈〈蟹籽蟹肉明太子忌廉意粉〉🍝意粉煮得啱啱好 好有咬口 有勁多蟹籽 蟹肉就唔算太多 佢係屬於比較甜嘅意粉 不過食食吓已經覺得好膩 醬汁調得太濃🙈〈A Big Breakfast 〉🧇 份量十足嘅All Day Breakfast 個人最鍾意係佢哋嘅窩夫 入口唔係好脆 但勝在好香甜 香腸同煙肉都煎得好香口 黑松露炒蛋都幾滑 食完咁多肉仲有好多菜可以食 推介食呢個多過意粉(⁎⁍̴̛ᴗ⁍̴̛⁎)…Read More

假日試咗位於太子嘅 人氣拉麵店 主打雞白湯拉麵～ 大約夜晚6點左右嚟 都已經係second round排緊隊 不過呢啲鐘數食 只係等咗15分鐘就可以入座！雞白湯拉麵（$98） 追加雞胸肉 （+28）碗麵一嚟到 成個感覺好似返咗去日本食雞白湯拉麵！賣相好似 日本拉麵名店 「篝」～湯底一飲 係好濃郁 飲落去好舒服 但冇日本食到雞白湯嗰種加咗忌廉嘅雞湯味 個人比較鍾意加咗忌廉嘅版本🙈 呢個湯底雞味唔濃 係飲完湯個後勁有浸雞油味～所以食完拉麵都唔覺得好油膩！如果鍾意清淡版本嘅雞白湯呢個一定啱你 但如果鍾意日本加咗忌廉嘅雞白湯 呢個就唔啱你啦😳拉麵係用咗來貨嘅乾拉麵去煮 所以口感同手打拉麵係差好遠 不過拉麵煮得啱啱好 唔會好腍！拉麵會有兩三嚿雞胸肉、一大塊叉燒肉、糖心蛋 個人比較喜歡雞胸肉 唔會有雪藏雞味 煮得好腍 我諗只係用左鹽簡單調味 都有呢個效果都好厲害😆相反叉燒好普通 建議鍾意食雞胸肉可以追加！香港食到呢個質素雞白湯拉麵 係好推介😋 不過要避開排隊排好耐嘅時間 建議喺開店（12pm-4pm/6pm-1030pm）之前早少少過嚟排隊就可以快啲食到😌 要留意中間有兩個鐘嘅落場break 唔好摸門釘呀😆…Read More

原價千幾蚊嘅套餐 而家人均700左右就食到飽到捧住個肚走🤰鍾意食海鮮嘅朋友一定要試吓呢間鐵板燒🙂‍↔️呢度嘅海鮮全部都好新鮮😳見到店內有水箱存放海鮮 🦞🦪🐟龍蝦/鮑魚/魚/鵝肝都好好味 龍蝦爽口彈牙 鮑魚完全唔會韌 魚好香口 鵝肝唔會好油膩 所有食物調味都啱啱好 我係重口味人士都唔覺得淡 屋企人食開淡味 都覺得唔咸 老少皆宜🤣牛肉/炒飯/疏乎厘就一般 牛肉唔重牛味 冇入即溶嘅感覺 炒飯冇乜鑊氣 疏乎厘冇蛋香味 又唔夠鬆軟 甜品碟嘅設計要改善下🙈不過廚師同Staff都好好服務 🥰屋企有人唔鍾意食蔥同蒜頭 會記得走蔥同轉櫻花蝦🙈…Read More

何車成為咗我心目中Top3好味嘅車仔麵🌟🍜湯底好 啲餸又好食 仲要好大份 真係好飽肚🙈〈三餸車仔麵 〉~$60 一飲湯底 係清甜嘅味道 飲落去好舒服～佢哋咖喱&麻辣（微辣）都唔會太辣 相比起係麵尊叫少辣 已經辣到濁親🤣 食唔到太辣嘅朋友可以安心叫微辣🌶️〈油麵〉 $11比一般嘅油麵粗身 鹼水味唔太重 麵質唔太掛湯 〈糖心蘿蔔〉 $12 🍢平時食車仔麵冇特別鍾意叫蘿蔔 但朋友極力推薦呢度嘅蘿蔔係好食好多 蘿蔔一入口係軟綿綿 超級甜 調味應該用咗日式調味料 食落去好似濃郁版關東煮入邊嘅蘿蔔😆〈燒牛舌芯〉🐮👅 $18以為牛舌會好韌 點知出乎意料 呢度嘅牛舌 切片厚度啱啱好 好有咬口 牛肉味都幾出😳 〈燒豬頸肉〉 🐖$16 係厚身冇肥肉嘅豬頸肉 調味啱啱好 唔會好鹹 食落口啖啖肉😆…Read More

位於太子 以復古裝修＆楓葉為名嘅Cafe🍁 已經係我第三次幫襯😳 環境雖然唔大 但係裝修設計好復古 窗邊位&梳化位&門外嘅木凳都係打卡嘅好地方🥰食物質素都好好 好適合Weekday同朋友嚟呢度影相&傾計 不過要注意餐廳有人均最低$100消費❕<牛油果蟹肉生吐司>🥑🦀🍞 $108Tea Time食呢種小食就最啱 擺盤又靚 但味道方面就冇咩特別 想打卡影相嘅朋友叫呢個就最啱😳但着重味道嘅朋友 我比較推介 烤雞生吐司🙈<煉乳草莓忌廉戚風蛋糕>🍓🥛🍰 $78香甜嘅士多啤梨+煉奶味忌廉+好鬆軟嘅嘅戚風蛋糕=完美🩷Cake Menu唔係每日都一樣 冬天季節嘅時間 要留意吓有冇士多啤梨味 (⁎⁍̴̛ᴗ⁍̴̛⁎)<開心果忌廉戚風蛋糕>💚🍰 $68開心果味都幾出 又唔會好甜 所有戚風蛋糕都好鬆軟 <Hot Rose Latte >🌹 $45平時Cafe都好少有玫瑰味嘅latte 淡淡嘅玫瑰花香味 同牛奶咖啡都好夾🥰…Read More

🇰🇷🍲中環最近開咗間人氣韓食餐廳 主打一人一個石頭鍋嘅湯飯 平日lunch time都大排長龍 價錢唔太貴 都值得一試👍建議平日晏晝2點嚟就冇咁多人😝砂鍋奶油韓式牛肉🫕🥩（必食嘅湯底）好香奶香味嘅奶油湯底 牛肉都好多 粉絲好吸湯 調味啱啱好 唔會咸 白飯質感都唔錯推介比鍾意食重奶香味嘅朋友😋豬頭肉湯飯🐖🍲相對之下 呢個湯底比較遜色 個湯好淡味 就算加咗兩次辣椒粉調味 個味都係好淡 豬頭肉太肥 轉返肥瘦適中嘅瘦肉會好啲 唔太推介食呢個🙈…Read More

見到社交平台Reels推介位於佐敦/柯士甸嘅泰國菜 試完之後真係好有驚喜 雖然地方比較迫 地理位置又唔太方便 但啲嘢食真係好好食 已經準備要encore 下次要試多啲呢度嘅泰國嘢食🇹🇭🤭💕🐖🍜👑呢個黑豚肉船麵係必吃！！呢個麵一到 我就即刻試咗佢嘅湯 湯底超濃郁 飲落口第一啖係甜甜地 之後會少少辣味嘅後勁🌶️ 配料方面都好足料 有豚肉/豬肉丸/炸豬皮🐖 豚肉唔柴 豬肉丸彈牙 炸豬皮配呢個湯底係無敵 咬落去索索聲🤣 我揀左蛋麵底 怕金邊粉會變腍同唔夾濃味嘅湯底 但蛋麵係冇變腍！呢個船麵超越咗我喺泰國食嘅船麵 嗰間餐廳仲要係好出名🤣 以後唔使飛泰國都食到啦 下次再去一定會試埋和牛個款嘅船麵🤭🦀🍳蟹肉奄列就同佢個名一樣係啖啖肉😍一入口係煎得好香嘅蛋香味 之後就食到啖啖肉嘅蟹肉 配埋泰式辣醬 真係好好食 唔好睇價錢 係真係有啲貴 但佢咁多蟹肉係值🤭 嗰時一心諗住未喺泰國試過正宗嘅蟹肉奄列 所以喺香港試吓 點知又唔係好好食😝🫶🏻 未試過蟹肉奄列嘅朋友真係值得一試👍相反比較普通嘅就係生菜包肉碎 本身係諗住叫燒豬頸肉 但係已經一早冇晒 所以先叫呢個🤣肉碎調味係偏鹹同辣 唔算食得太辣嘅我 都要食完飲番水🥹 我自己本身對呢個菜冇乜太大感覺 朋友係呢個菜嘅愛好者 佢表示其他舖頭嘅生菜包肉碎會出色啲🤣 …Read More