v110617's Profile

每逢星期五六日到食得豐富，為了balance一下diet，平日五餐會吃得清淡點，營養點，我通常選擇素食。在中環區較相宜的素食有兩間，以福祿壽較多選擇。每天有十多款，有幾款是鐵腳。今天選了羅漢齋，椒絲腐乳炒通菜，時菜紅燒豆腐，跟紅飯和例湯。 一個三餸午餐飯盒加湯賣$24，所以逢中午都堆滿人群。不論福祿壽是否自己舖，我會繼續支持這類的小店。…Read More

在中環工作多年，目睹不同食肆店舖變遷。小店的生存空間漸少，價格高的沒有人幫襯，賣得平的僅夠交租，生存一年半載變要告別。今天跑到威靈頓街較遠的位置買午餐。這間小店特設外買餐牌，一律$30包飲品。我選了粟米鷄絲飯配是日中湯 - 霸王花鷄腳湯。粟米鷄絲就是有粟米味的白汁，有些蛋白，有些青豆和蘿蔔粒，鷄絲是鷄件，而且很多飯 (忘了叫少飯)。湯卻有點意外，很濃味，一碗頗認真的例湯。味道就是任何一間快餐廳都能做到的水準，夠飽有突。支持小店，就是希望他們能繼續經營下去。…Read More

與友人瑜伽後，友人有點餓，想吃點東西，podium的不是太大路便是吃過了。登上長電梯到8樓，再轉笠到11樓，Baby Cafe。所謂的主題餐廳是放了多張Baby大相，紙巾及餐牌上的set meal都是gimmick，幸好沒有把菜式夾硬跟Baby扯上關係。價錢不算貴，並且大多劃一收費，這是頗意外的。當然以這價錢，我們都沒有抱太大期望，只望不難吃便算了。結果令我們喜出望外。朋友選了Angela+Baby set meal，份量絕不欺場，而燒春雞也是熱滕滕的，還奉送荔枝茶一杯。我選了奇異果提子特飲及薯茸。餐牌說薯茸加了北海渡3.6牛乳，沒有考究有沒有此成份，但薯茸是甜甜的，加上炸煙肉頗可口。店內裝修簡潔，用料看得出不是上等貨，故昏暗燈光有效地遮蓋這瑕疵。突然，朋友哼起Justin Bieber的Baby~Baby~Baby~Oh~ 不錯!…Read More

經過幾次，唔係排長龍就賣晒。今次終於排除以上兩個問題，買到喇。買左３款蛋糕，中庸o既hazelnut朱古力想像同味道一樣好味，頂頭朱古力薄片，中間o既moouse，底部o既脆底，三種口感穩和倍滋味，好味o既野永遠嫌太少.......啤梨蛋糕有驚喜，即使先吃濃味Do既朱古力餅亦唔覺得呢個遜色，用啤梨做感覺好清新。士多啤梨蛋糕則反而得個樣。靚就好靚，但味道普通如美心西餅。整體蛋糕好優雅，員工衣著打扮亦好統一（即使短頭髮都要戴公司規定o既白色頭箍）。如果蛋糕上果個"A"字招牌係朱古力，總之食得落肚就好。同埋，如果選址唔係IFC，可能D餅唔洗賣成$40一件囉。…Read More

有日睇到雜誌介紹Greyhound嚮IFC開o左，我同老公諗住去朝o下聖啦。是關幾乎每本雜誌都有介紹，如果walk in，分分鐘要等45分鐘先有得入。好明顯我地係白行一趟。一個禮拜後，預先book位，有得食喇! 招牌單骨雞翼，無影相，同其他食家post o既一樣，而o既comment亦一樣：鹹，少，貴。$68有大慨10隻單骨雞翼，唯一可取係夠熱，食物夠熱係挽回唔少分數。冬蔭功河粉，無影相。個湯好濃，頗辣，連我唔係好冬蔭功o既人都食左D，最鐘意泰式河粉。凍檸茶，無影相。同泰國最大o既分別係size。Pad Thai，味道唔錯，不過分量少得交關。炸粟米蟹肉餅，全餐我認為最抵食o既一味。呢度好多食家都認為一般，可能個甜酸汁夠醒胃，同埋D蟹肉並唔係打成膠再撈入粟米去炸，而係蟹肉絲加粟米炸的，我頗喜歡。最後我想講o既係老公叫果杯橙汁，大家見上圖左上角果隻杯就係裝橙汁用o既杯，雖然只飲剩一啖，但原本分量都係斟到隻杯一半多DD，各位觀眾，呢杯橙汁盛惠$42。平心而論食物係幾好味。Greyhound Cafe係一間C-A-F-E，價錢係咪定得太高呢？若價錢要咁高，可唔可以分量大D呀？朝完聖，唔會再o黎喇。…Read More

五位女士想約食飯，有女食神指點，實無失手，今餐盡慶又好味。以為女食神咁西利係童軍中心會員，原來任何人都入得。叫o左是日例湯：粉葛鯪魚赤小豆，蒜子上湯浸菠菜，蜜汁鱔球，脆咋牛坑腩，素鵝，三碗白飯，奉送紅豆沙。五位女士十分好胃口，除左湯渣之外全清!!! 絕對唔算細碟，但每樣都好味到清晒。埋單$536，每人百鬆D蚊，又有一個完美既晚上，真係大食夾抵件!!!…Read More

一個懶洋洋的中午，打算食個late lunch再週圍行吓。响IFC間間都full，醒起未試過炸豬扒，又唔點洗等位，就試吓佢。攞飛後等咗3分鐘左右就有個類似經理般嘅西裝友叫入座，被安排坐bar檯，好衰唔衰喺上菜位旁邊，見到有張四人卡位，咁老公問坐果度得唔得，個西裝友一句唔可以，老公同西裝友講"你唔好俾我見到你俾兩位坐果張檯"，然後就被推埋D張櫈(當時老公個企响櫈與檯之間)局佢坐低。然後有張二人吉檯，西裝友同我打眼色叫我哋過去，我同老公坐起身，但唔係行過去，係離開。呢位類似經理嘅西裝友真係趕客，以後都唔會再嚟。…Read More

我同焚粉都係壽司fans, 去日本旅行, 十餐有八餐都係壽司, 食到我投降, 焚粉都仍然可以繼續.香港有一間我哋食過算最有風味, 水準平均, 不過要過海. 今日假期想留番響港島區, 朋友介紹過壽司廣好正, 就睇吓有幾正.Book咗12:30, 12:20就到咗, 全場差唔多full晒, 被安排坐壽司bar檯. 我哋最鍾意坐bar檯, 望住師傅造壽司都係一種享受.焚粉叫咗16件壽司餐, 而我本來想叫蔥吞拿魚腩茸飯, 但暫停就改叫北海當餐.先講下我嘅北海當餐, 價值$170, 有前菜, 熱烏冬, 魚生飯, 甜品同咖啡或茶. 魚生飯內容有三文魚, 魷魚, 帆立貝, 魚子同海膽. 呢個價錢有咁多嘢食算幾抵食, 但唔等於好食. 我最愛嘅帆立貝唔夠甜, 三文魚唔差得去邊, 魷魚有D韌. 基本上我用少於$100都可以嚮sogo執到個, 仲要保證築地貨.至於焚粉就慘喇, 等咗40分鐘先到. 佢呢個掩尖怪對面前果16件( $320)相當不滿, 飯唔夠好, 料唔夠新鮮, 重要等成40分鐘. 忍唔住對住呀師傅講 "我終於有得食嗱!!?" 我哋望住師傅造壽司嘅過程, 心裡面有一股不安. 原因係佢哋採用流水式作業, 師傅A攤開一疊單, 一次過造晒單內所有落單壽司, 然後成盤壽司連D單交俾師傅B, 跟單分好一份份壽司, 即係一件壽司會俾最少兩對手掂過先放入口. 有時D卷物軍艦甚至由師傅C傳俾師傅A再傳俾師傅B. 流水式壽司真係第一次見, 回轉果D都唔會啦....可能銅鑼灣區/港島區較缺少呢類級數嘅壽司店, 所以見它客人源源不絕. 我哋就唔會再去lu....…Read More

我哋成九點先食晚飯，人哋九點就飲緊嘢。餓到暈低咁滯仲要等15分鐘先有位，呢短短15分鐘就好似2個鐘咁耐。餐牌上食物只有3類：前，主，甜，只有一頁紙餐牌種類算少而且頗貴。"前"和"甜 方面，實在不吸引，自己向"主"進發，而老公就揀咗一"前"一"主"。呢個包硬如石頭，又凍。我哋叫部長整返熱，其實都只係暖，好彩不置於咬崩牙。有姿勢無實際蕃茄湯，上臺時係好靚presentation，有cream有麵包糠，圖中嘅湯係攪勻咗，一飲.... 味道直頭係果D即沖湯粉加滾水湯嘅味，價值$68。我嘅fish & chips，味道就無乜特別，不過舊魚炸得幾好，好夠脆同唔易林，就如其名啤酒槳炸魚！圖中已經食咗D。其實我好怕將橙同西柚撈落沙律，好似一朕垃圾味...... 呢個菜絲沙律，就係mix埋橙同西柚。well，橙同西柚食晒，但菜就留咗果朕味..... 價值$184。老公嘅黑鱈魚，亦喺食咗D。舊魚係煎得幾好，塊皮又噥噥哋，但我哋真係唔識欣嘗個黑橄欖加西班牙鹹魚汁，最後要撥開晒個汁，凈係食魚。薯茸壓得幾綿，唔知係咪加咗D乜，凝住有朕膠味....... 價值$2xx。平時老公放lunch都有去Simplylife買沙律，而且有D朋友話佢嘅叉燒飯$8x係真係好食果Canteen同美心好多。但今次dinner的確令我失望，定係我食唔慣呢？…Read More

母親節食飯, 想食得豪少少, 本來打算去W新開嘅中菜或者Ritz Carlton度食, 但媽咪睇完東張西望介紹, 媽咪又較喜歡日本嘢食, 於是就去咗雪舟.一行四人, 準時到達, 地方唔大, 有一台差唔多食完, 其他都係無人坐嘅, 我諗日災影響真係幾大. 相信雪舟主要食牛, 所以有隻牛擺設來附助介紹食牛嘅部位.母親節梗係食母親節限定set啦. 有前菜, 沙律, 岩鹽焗碟魚, 鵝肝, 牛腹膜, 炒菜, 炒飯, 湯, 茶, 雪糕, 每位$580+20+10% -- 慢慢解釋.賣相精美嘅前菜, 用料, 味道皆.......一般到暈! 波波壽司約五毫子直陘, 分別為三文魚同木魚, 另一件係鴨胸. 圓形果碗係酢菜, 只可以用得意嚟形容, 菜粒有D啫喱包住. 方形果碗係腐皮, 味道係正常.蟹子沙律係勁普通, 所以無影相. 同一般和民呀, 元綠呀果D差唔多.鐵板燒項目開始. 先用塊蕉葉鋪响鐵板, 放舊魚上去, 再用塊昆布蓋住, 之後灑大量鹽上面, 加水, 最後用蓋蓋住焗十零分鐘. 焗起嘅魚淋少少鮑魚汁先上比我哋. 雖然味道清香, 碟魚本身有少少牛油味, 但搞一場大龍鳳去整舊魚, 有D多餘.好味, 但size很細.然後就係牛腹膜, 同埋我地有兩份加錢轉澳洲和牛西冷 ($400) 同牛柳 ($400). 有食開日本和牛就完全感覺到差別, 牛味重D, 但肉質就無日本咁鬆喇. 由於太普通嘅關係, 所以無影相.平時食開嘅鐵板燒剩係得芽菜同蘿蔔絲, 呢度加咗西洋菜.原本餐跟白飯, 轉蒜茸炒飯要加$20. 好奇如果要白飯的話係咪等我食晒餸先嚟碗白飯同埋靠果幾塊醃蘿蔔嚟送飯? 其實個餐成五百幾蚊, 改炒飯加廿蚊個感覺好小家囉, 同埋碗飯份量好寒酸囉......食完飯, 服務員派我哋一人一碗東西, 我以為係茶碗蒸燉蛋, 錯!係熱茶一碗. 話說雪舟係一間懷石鐵板燒食店, 响我唯一一次於京都食懷石料理嘅經驗裡面, 飯後果碗茶係茶道枺茶. 而呢碗用精美container盛載熱茶(唔知係黑豆茶定乜鬼), 成件事downgrade哂. 洗乜搵隻碗連蓋啫, 求其一隻杯得啦, 碗茶要燉咩?雪糕, 不提也罷.呢餐飯唔係唔好食, $280-300能接受. 總括呢次經驗, 有姿勢無實際, 價錢收到貴一貴. 以後食鐵板燒都係食番老牌子啦. PS. 返到屋企肚餓......…Read More

四個女仔, 襯仲係新年出嚟聚聚, 食下嘢, 傾下計. 見川燒好似幾hit, 所以早D book定位.燒牛舌: 最正係呢味, 4果人叫咗5串燒鵪鶉蛋: 唔夠熱燒羊扒: 唔夠熱燒菜芯: 幾特別, ok好食燒蕃薯: 貴!燒玉子: 貴!燒蠔: 蒜蓉燒, 唔好食都難燒雞軟骨: 一般燒白鱔: 好多骨燒雞翼: 好普通燒荔枝豬肉券: friends話好食燒三文魚飯團: 又細又乾, 好孤寒燒茲飯: 好食燒魷魚: 好食唔係我地大食, 但食完真係唔飽, 每人$173. 總括嚟講, size細, portion少, 價錢貴, 唔夠熱, 好一般..............唔再嚟…Read More

因為有coupon嘅津貼, 最近多咗去原味家作買湯水飲. 雖然屋企都有住家湯飲, 但硬係覺得出面D例湯好飲D.最近試咗2款: 薏米青紅蘿蔔煲西施骨 -- 唔知點解屋企硬係煲唔到呢D味. 另一款就係杏汁豬肺, 好好味同好貴, 比利苑嘅杏汁白肺濃D但杏汁味淡D.OK, 入正題. 其實一碗湯賣$28真係幾貴, 唔係有coupon我都未必幫襯. 新一年發現所有item劃一加價$2, 一碗杏汁豬肺要$50...... 咁計落大家樂加果一蚊五毫都唔係好過份啫......從此, 我會飲多D住家湯.…Read More

多數高級西餐廳係無茶/水供應，禮鮨係唯一一間我暫時為止無茶水供應嘅日本餐廳。一杯綠茶盛惠$20。餐牌set lunch尚算多選擇，壽司刺身類全部過二百，唯一碎荵吞拿魚腩蓉飯係$195，爹哋叫咗呢個，我同媽咪叫咗照燒銀雪魚定食。所有定食都有雜生菜沙律，一小碗黃豆，黃蘿白2片同面豉湯。碎荵吞拿魚腩蓉飯賣相幾好，仲有碗烏冬，但爹哋無講好唔好食。照燒銀雪魚定食係失望的，原因銀雪魚唔滑，只係靠D汁，但又唔入味。如此定食索價$175，我覺得當中$87.5係幫手交租。雖然未見人龍，但食到2點仍然有客入，可能我哋揀食照燒銀雪魚並非正確。…Read More

應該年幾之前食過. 呢間0野好多人等位, 舖面亦裝修得很光鮮, 段估應該唔差.每位RMB168 自助餐, 都好多0野食. 每位送鮮海膽一客, 其實係一隻好細既碗仔, 有D蘿蔔絲同一塊葉墊住5小片海膽. 無癮 - 味道過得去 - 仲係全晚最正常0既一味.點0左0既菜, 等一世紀先出現, 仲要漏單. 即使裝潢同食物Presentation幾靚都好, 味道先最重要. 一食就知唔對路: 原來中國人眼中0既牛肉Shabu Shabu係有炸菜!!!!! 即使炸菜並唔係一樣難食0既0野, 但就令到呢煲Shabu Shabu變得不倫不類, 巧唔夾!多人等未必一定好, 相信捧場客都係本地人, 因為完全設合佢地口味. 在下實在不敢恭維....…Read More

先講環境, 搞到好次Starbucks o甘, 好多人叫杯可樂就坐成粒鐘, 皆因放o左幾套梳化, 搞到我地好難搵/等位....最後要搭檯.o野食, 男友幫我買o左beef terriyaki burger, 裡面有d生菜同埋塊肉. 個包好似好厚, 但一禁就扁哂一D都唔好食. 食完, 坐梳化o個幾班人仍然hea緊, 乜呢間唔係快餐店咩?…Read More