zozoho's Profile

人生中食過最差餐廳之一！首先食物超咸，明明星期六晚應該無馬跑，唔知點解個廚咁重手，同阿所謂經理反映，佢黑口黑面咁淨係講一句：使唔使換過俾你？唔使！我地唔係想R著數食多碟，只係想之後啲餸手下留情唔想食到腎虧😒但見佢唔好意思都冇講一句 都真係O左咀。個叉燒得個淋字同死甜 完全無肉味避風塘銀鱈魚得個咸字無魚味茅台雞啲肉鞋過我塊面招牌片皮鴨梗加係失望 啲野食唔好食，啲服務態度果然成正比！無諗過咁嘅價錢，啲侍應個個都似炒散咁（黑衫侍應十問九唔知 ，要搵另一種所謂經理先可以落到單，但全晚我眼睇到得兩三位）仲要無一個係有禮貌。其實收咁嘅價錢，食物水準同員工質素係咪應該提升返小小？ 而家仲衰過食富臨好好一餐生日飯被呢個餐廳毁了！🙂🙂🙂真係多謝你！…Read More

呢間野真係不知所謂到一個點幾個朋友一路食一路傾計，個waitress 不停埋黎問食完未想收碟，我忍唔住問佢‘好趕咩？’，佢答係，因為佢收10點要趕住收碟比人洗🙄之後到個疑似老闆娘，又出黎收野，我再忍唔住問佢究竟餐廳收幾點，佢答我offical係收02am, 但如果冇乜客就11:30pm!其實好老實你餐廳明明係寫收兩點，除非你話完全冇客早收，但有乜理由因為得返我哋呢台客而趕我哋走？離譜到11pm左右，佢就擺張單我哋枱面，乜都無講就行開😡11:34直情出黎熄野叫我哋走！咁嘅服務態度，啲野又唔好食，一碟普通意粉都$2xx，點解要黎比錢受氣？…Read More

味道一搬，個蛋無蛋味 口感唔係滑蛋，茄汁豆少得可憐，waffle 食落都脆但凍冰冰，成碟野好油😓最攪笑係野食黎到，問有冇牛油，waiter哥哥話要收$2，我已經😓😓😓（未試有餐廳要收2蚊牛油錢）咁我話是但啦，問係咪就咁比$2佢....佢話要出去排隊比錢🙄🙄🙄總結係 試一次夠😓…Read More