Candy8787's Profile

外賣自取，其中一碗拎到返屋企發現俾錯，打電話去同佢地講聲整過岩既俾我。聽電話個位A呀姐話當時唔係佢出餐，要問番清楚，結果係點？佢地都唔知有無出錯餐。我話出面落緊大雨，你地整好送過黎啦。A呀姐話舖頭唔夠人，送唔到過嚟，一係你自己落嚟攞返啦，我話我要喺屋企照顧小朋友真係唔方便過嚟。A呀姐就同另一位職員B呀姐講返我既情況。B呀姐諗都唔使諗就話「唔會送架，一係直接退返錢俾你，你第二日得閒過嚟攞返啲錢。一係就等佢哋得閒先整返一碗俾我。」我就指明，而家係你哋出錯餐俾我，我要求俾返一碗啱嘅麵俾我，呢個要求唔過分。仲要話等你哋得閒，幾時先得閒？B呀姐臨收線嗰陣仲要話「要就要唔要就罷就」 然後就cut咗我線呢位B阿姐，相信係尼間舖頭老闆有關係人士「灰白色頭髮，著住紅色員工衫，上左年紀既老女人」 …Read More

茶餐豬扒雞湯通粉-雞湯味淡-豬扒，鞋口，有雪味唔入味-甜餐包，最出色。唔知以為我食緊法包，用力按落去個包都唔扁。重點嚟喇…向職員查詢點解個包咁硬，用叉吉都要好用力先吉得入，職員理直氣壯咁答我，個包係咁㗎啦，臨食之前同你用微波爐熱一熱先會淋，你攤凍咗佢就變返硬，呢個問題我都解決唔到，點解個包會變硬。好野完全將成件事合理化，無諗過要解決問題。食過咁多次茶餐，真係未食過硬到咁既甜餐包。職員態度咁樣之餘，其他食物味道不予致評。大家樂都好食過佢10倍…Read More

搬新舖後食物質素十分差，味道跟舊舖相差好遠，完全用求其黎形容。員工態度簡直惡劣，趕收工不停吹落單俾錢，但落單途中又走開整野，完全無交帶，淨係識得吹吹吹，無片視客人一杯只有半杯份量奶茶，都夠膽死送上枱，問侍應你地杯奶茶係得半杯？侍應叫水吧呀姐加多少少奶茶，一問之下原來唔夠茶膽，我話：你唔夠唔緊要，可以同我講聲，我可以轉其他飲品，而唔係就咁上枱。隔幾分鐘有另一位老呀姐短頭髮著紅色員工衫好大聲咁話：「邊個杯奶茶呀⋯⋯茶係得咁多，唔飲就叫過第二樣野啦⋯⋯」我即刻火都黎埋🔥🔥🔥錢就識收，奶茶就俾半杯我，無野呀麻👊🏻👊🏻👊🏻簡直忽上腦。雙拼小食$80只有2條金沙骨加幾片豬頸肉，睇到我眼都突，食物味道更加唔洗講…求其整體黎講都唔會再嚟由細舖搬大舖連食物質素都差成咁，失望最後收據下面寫「入店是貴賓，出門是朋友」 建議貴店可以刪除，貴店連基本服務都不達標，何來視客人時貴賓說法呢…Read More

我朋友響附近搵野食，路過見到門面裝修綠色，望入去又舒服，其後有店員出嚟介紹佢地係新開咖啡屋，食物味道都係大廚特別調味，聽落都好用心，於是同朋友入去試下。我地叫左2樣款式，西冷牛扒，比目魚。出奇地有驚喜👍🏻👍🏻👍🏻比目魚超滑多汁😋鐘意食魚既朋友一定要試。必食推介⭐️⭐️⭐️⭐️⭐️西冷牛扒煮得出色，肉嫩多汁⭐️⭐️⭐️⭐️⭐️連伴碟既薯菜擺盤賣相亦花心思。薯蓉更係有顆粒感，有咬口👍🏻👍🏻😋😋連小食黑松露薯條，炸雞翼都香脆可口，食得出係即炸新鮮⭐️⭐️⭐️⭐️⭐️開新黎講食物質素有驚喜睇得出廚師係有花思餐牌上仲有幾道餸都十分吸引留待下次過黎再試試…Read More

響附近諗緊食咩好，行過見到新開cafe，就同朋友入去試下新野。環境裝修簡約舒適👍🏻 店員服務都唔錯最重重重要係食物味道質素估唔到真係有驚喜🤩🤩🤩食物真心一流西京燒比目魚，五星推介⭐️⭐️⭐️⭐️⭐️魚肉多汁又滑連我朋友唔鐘意食魚都話好食😋…Read More