myohmyfoooood's Profile

第一次黎呢間餐廳係去鰂魚涌分店。記得當時係點佢招牌嘅炸魚薯條，超大份好好味。成間餐廳裝修好古色古香，用嘅全部都係長木台木凳，感覺好華麗好舒適。跟住見到上環新裝修嘅分店，入面環境好似一間教堂咁，全部都係彩繪仿玻璃窗，坐室內反而更加有風味。今次有機會試到觀塘分店，感覺又係好唔同。餐廳好開揚，坐室內都好光猛，有戶外坐位，有草地有圓枱，感覺真係好似去左外國咁！食物質素唔洗講，樣樣都好好味！最抵食二係佢逢星期一至五唔同款式嘅All you can eat！餐廳亦好貼心，雖然有啲尷尬🤣，但每當有人慶祝生日攞個生日蛋糕出來，都會成班員工出來為唱生日歌🤣！觀塘分店值得一提既係員工嘅服務好好!! 點左一個焗芝士麵包，芝士可能落得太多迷迭香，所以苦得濟，但喺疫情咁嚴重嘅情況之下，員工都親自試下個菜味道有無問題 (雖然極唔鼓勵😱 不過我地都有用公筷!)，再幫我地退左菜，員工咁體貼係值得一讚!!! highly recommend!!!…Read More

花斑茶舍嘅飲品味道正常，茶底香濃，唔會太甜，係份量略為細杯。不過好驚喜嘅係呢間飲品店有提供芋圓糖水，平時嘅芋圓多數用仙草/椰汁/豆漿做糖水底，但花斑茶舍嘅糖水底係用香濃嘅茶沖出來，一路食芋圓一路食到淡淡幽香嘅茶味，感覺好清新。唯一美中不足嘅係上環店嘅芋頭成日好快售罄，幾次去到都係4，5點都未到就已經淨返一兩份。希望日後可以增加番芋圓嘅存貨，同埋飲品嘅份量可以大杯番啲，滿足返茶痴嘅需要就最好🤣🤣…Read More

餐廳環境唔錯，夠大，窗都係用落地玻璃，好光猛開揚。米線嘅配料同套餐選擇都多，試過麻辣同擔擔麵湯底都好好味! 不過麻辣叫到中辣都唔係好夠辣；酸辣就有少少怪，無酸菜但湯底有酸味🤣；配料方面就唔建議叫豬潤，都係口感怪怪，好韌，唔係平時食開粉粉嘅口感。不過其他都做得幾好! 特別係好惹味嘅炸雞翼同埋好清新嘅萵荀絲，仲有超多龍眼肉嘅桂圓烏龍茶(不過記得走甜)!!😋😋 落單都係全自動，scan咗qr code線上自己點餐，上菜速度超快，如果趕時間，一流!!…Read More

最近朋友要齋戒唔食得肉，蛋同五辛，誤打誤撞搵到呢間素食館。坐低打開餐牌，超多選擇，中日意菜式都有，由壽司到薄餅任君選擇。餐廳亦好細心，喺所有有蛋嘅菜式隔離都有清楚標示，啱晒唔同程度嘅食素人士。睇睇下先知朋友連味精都唔食得，問一問樓面，原來餐廳全部菜或都不含五辛同味精!!😲😲我地四個人叫左10個菜，全部都出乎意料地好味!! 特別係佢嘅山竹係列，超級juicy入味又爽口，啲炸野都樣樣都炸得好香口!! 原來唔用味精都可以做到咁入味同埋味道豐富!! 菜嘅做法同味道都好多好唔同，食食下都唔記得自己食緊素🤣 樓面姐姐都好有人情味，不斷搵佢地點菜都好好態度，最尾仲送咗我地糖水!!😋😋😋…Read More

每次嚟旺角金魚街食早餐,一定係老地方哩間紅茶冰室。平時都唔鍾意排隊，但紅茶冰室排隊一定等。雖然門口個姐姐成日都好炆咁，但都明，日日都咁忙邊個唔炆。但流水作業式運作，好快就有位。食早餐一定會叫佢嘅歐陸早餐，因為無論係魚柳定牛扒，都一定係大大件食到飽。而每次最期待嘅係佢嘅Top One丹麥酥!! 平時嘅茶餐廳早餐都係烘邊多士，其實都好味，但呢度嘅Top One丹麥酥係一塊外形好似方包多士嘅丹麥酥多士，勁香牛油味，脆卜卜，好食到不得之了!! 再加上有譚仔姐姐風味嘅紅茶姐姐喺度坐陣，食完個勁量靚早餐再去買魚買水草簡直無得彈! …Read More

餐廳地點唔難搵，上到去好似真係去左歐洲咁，裝修好別緻，搵位帶位嘅都係東歐人。餐牌上嘅食物睇落去好似冇乜特別，叫左炸雞扒，紅菜頭羅宋湯，牛肉湯，酥皮牛脷，牛肉羊肉炒飯，有埋豬肉餃子。上菜好快，樓面都好有禮貌。一開始黎炸雞排已經好驚喜，切開入面係好似面免治雞扒咁，整到一層層中間夾住流心芝士，炸得熱辣辣，食落有好有層次。紅菜頭做嘅羅宋湯都好特別，無傳統羅宋湯咁算酸。而牛肉湯，豬肉餃子，同埋炒飯就一般。最值得推介係酥皮牛脷! 樓面會剪開酥皮到一塊塊嘅麵包底，再加上傳統東歐醬汁搭配牛脷，燉得好林，好味!!😋😋…Read More

試過都唔少火鍋店，但暫時未有一間會好味道想返轉頭食，直到試左湊湊火鍋嘅花膠雞湯底真係一試難忘。同朋友試咗麻辣同埋花膠雞湯底，雖然冇叫咩肉，全部都係蔬菜，以為會好“清”點，但估唔到用花膠雞湯底煮，加咗清湯都非常濃郁，全晚九成時間只係滾蔬菜都好好味道。麻辣湯底亦可以請樓面不斷無限加添，服務態度非常好。有次叫一半花膠雞湯底一半酸菜魚湯底，但樓面哥哥都超好，用完餐後特登俾啲鴨血俾我地試，非常貼心!! 除咗花膠雞湯底係非常推介外，最吸引我嘅係超大杯嘅珍珠奶茶都係20幾蚊!! 同埋最後奉送嘅梅子茶啫喱都係非常之咁好味，酸酸地，再有一絲絲嘅茶味😋😋😋!!! 係價錢比較貴，如果唔係真係會成日食!!🤣🤣…Read More

本身以為係直舊式中式糖水舖，但睇一睇餐牌，發現除左舊式糖水外，還有一啲新式嘅台式糖水。其中試過三元豆花，馬蹄清心爽，紫薯雪糕豆花都好好味!! 糖水夠味又唔會太甜，材料豐富滿足不同口感，另外都可以根據個人喜好加配不同配料。特別係期間限定嘅玄米茶雪糕，茶味香濃，口感濃郁幼滑。而個人特別喜愛嘅係加配嘅清心爽，食每種糖水都一定會加配，口感彈牙又唔會好膩，好好咬!! 但係包涵芋圓就爭啲，如果鐘意粉粉口感嘅人士可能會啱食。糖水份量亦都大碗，價錢非常經濟，介紹每個朋友去都必讚，係可惜地方細啲，但係難得嘅好糖水舖!!…Read More

餐廳環境寬敞，食物上菜速度很快，食物價錢性價比高!! 其中燒鵝肝多士，黑糖菠蘿超級好味!! 荔枝豚肉串，牛油果豚肉串，明太子淮山都好特別，我自己去露營都有試整荔枝同菠蘿豚肉燒(但失敗🤣)🤣 每樣野都真係好味，無一樣要彈。啤酒買一送一很抵飲，梳打梅酒都好好飲!! 另外值得一提，雖然現在夜晚禁堂食，但外賣串燒包裝都很用心。攞到番屋企都係有啲凍咗，不過用焗爐/氣炸鍋焗一焗，同堂食差唔多!! 非常推介!! 值得一試再試!! …Read More

大廈門口上一樓，入到去餐廳，環境好優美好舒服，主要係白色綠色做配襯，仲有戶外座位可以選擇。搵位坐低後，行番去收銀處點餐。我同我屋企人一家五口去食早餐，雖然早餐款式唔多，但份量好足料。我地點左個特色bagel，香蕉磅蛋糕，牛油果孖寶多士，同全日早餐。全部都好靚好用心做，尤其係以為最普通嘅香蕉蛋糕都做得好濃香蕉味，再加啲nuts，口感好豐富又唔會好甜好漏，同埋估唔到幾飽肚。價錢包埋一杯36蚊以下價錢既飲品，所有奶類飲品都係用燕麥奶，而當中非常推介嘅係純素朱古力，濃但唔會好甜，仲絲絲嘅黑朱古力味，淨係飲呢個都有啲濟🤣。而個特色bagel本身以為只係普通一個bagel搽啲醬，但原來中間夾左新豬肉同蛋(素蛋?)，再加沙律菜同車厘茄做配菜，bagel整得熱辣辣，再食啲菜同車厘茄感覺好清新。牛油果孖寶多士同全日早餐都好靚好味。餐廳係全自助形式，落單後自己斟水攞餐收枱，但店長姐姐都好好，好有禮貌好helpful，值得一試！…Read More