foodjar.hk's Profile

素食都可以吃得好潮。book 左晚飯時段黎到唔洗等位。餐廳細細坐位不算多。2個人黎食就唔錯喇～Order 左呢度好受歡迎嘅咖喱吉列豬扒意大利飯同埋朋友好想試嘅香蒜芫荽意大利粉。呢度d portion 真係好大份，餐牌上邊有個貼心提示，如果係小鳥胃嘅客人可以主動要求減份量，避免浪費食物☺️個意大利飯好吃而且不會太膩，吉列豬扒嘅份量都唔少仲大大塊。佢炸得岩岩好啊～唔特別講嘅話都唔覺得佢係素食。口感同味道都不會比真肉遜色。而且係有追食性，即係你會想一啖一啖咁放入口啊～因為我揀飲擇食嘅關係，就評價唔到芫荽意粉。🤣另外點左件豆腐芝士蛋糕做結尾，呢個蛋糕唔似一般芝士蛋糕嘅細滑，反而帶一點粗糙嘅口感。食落去唔太甜、芝士味都唔太濃，反而豆腐味好突出。呢個係食完都唔會有罪惡咁嘅芝士蛋糕。食物質素整體唔錯，我覺得可以encore😉…Read More

想黎呢間好耐啦～ 呢度有好多唔同配搭嘅churros～ 有原味的再沾醬吃，有配雪糕一齊吃，有的仲有topping 係上面。 一場黎到吃個原味有啲唔甘心🤣 就叫左個 夏曰之選嘅movie night~ 佢配有原味Churro 同雲呢拿雪糕外，仲有聰明豆&爆谷做topping!! 你會見到有店員負責炸油條，另外有店員負責上topping 同裝飾。佢哋一啲都唔馬虎，塗醬同上topping 都好細心咁整靚佢。所以個成品係符合expectation 之內。 油條熱辣辣，面頭個沾滿左肉桂糖，真係好好味丫～😋杯雪糕仲好鬼大杯，$48呢個價錢完全合理，去主題公園吃一條都要$70🤣🤣 呢個真係好讚啊～…Read More

今日去咗一間我好鐘意嘅拉麵舖頭，假日lunch 黎都要排隊啊，座位不算多，所以等候時間都會耐少少。呢度嘅menu (poster)好細心，會註明拉麵入面有咩食材，個人黎講幾欣賞😝吧枱位置有4個插頭嘅差電線比你用，等你食飯期間都可以差住電丫。點餐方面自己畫紙，麵的軟硬度，蔥量，辣醬都有得揀。我哋叫左期間限定的海潮牡蠣拉麵🦪同埋日本芥末拉麵，再追加男爵牛肉薯餅同喵喵波子汽水☺️ 首先，碗拉麵係同menu 圖片係一樣嘅!!! 絕對冇”圖片只供參考”嘅情況，食材都鋪到滿滿der～海潮牡蠣拉麵入面有2隻蠔，size唔細仲脹卜卜，睇到表面仲有燒過添。另外仲有豬肩肉同豬腩肉各一片，點少溏心蛋😌好夠餸丫。湯底比較清，吃落不油膩，而個蠔真係好好吃，味濃而唔腥。日本芥末拉麵就是wasabi湯底啊，湯底帶微微的淺綠色，湯質帶點杰身有少許掛湯。仲可以加配芝士粉一起吃。呢個食落好過癮，如果係鐘意wasabi 嘅就絕對要試下，每啖都會帶比你刺激感丫～…Read More

個次行街眼尾放到開左間食肆，行過去先知道開左春水堂🤣單是野飲就已經好吸引啦，咁就排隊黎個堂食啦~實在有太多野好想試，一於兩個人撐大個肚皮😛點餐叫咗兩款唔同嘅牛肉麵。禦品三寶牛肉麵，一邊有牛肚、牛筋同牛𦟌再配上濃湯同幼麵。湯頭好夠味麵質好滑，牛品都唔錯，牛筋夠哂林重膠質感，牛𦟌同牛肚有𡁻口～至於半斤半肉番茄牛肉麵，湯頭比較油但入口都有濃濃的蕃茄味，配上闊麵(有d似刀削麵)，口感較煙韌，牛品就炆牛肉同牛筋，份量都唔算少啊～小食就點左滷香豬腸同黃金香酥雞，豬腸唔會太咸or 太肥，豬腸底仲有一堆芽菜墊底，沾埋辣油一起食幾唔錯丫。而香酥雞熱辣辣仲好脆口，唔會話炸得好乾～是好吃der~~ 我真係幾鐘意呢杯烏金狀元奶茶，入口除咗鐵觀音奶茶底嘅和之外仲有仙草嘅味道，唔係平時啜到仙草的味道，而係呢個仙草味已經同茶底混合左，再嗓啜埋細粒珍珠，個口感真係好正啊～推介der～而香蕉脆脆朱古力奶茶，朱古力味好濃但不會甜到只淨下糖水的感覺。入口係飲到香蕉碎塊嘅口感，加埋面頭嘅cream攪勻會更細滑啊。實在太掛住台灣的味道啦～雖然價錢冇係台灣消費嘅便宜，但整體係好吃同好飲嘅😝…Read More

Lunch time 去左觀塘搵食，聽説駱駝漆有好多黃色店，就揀左呢間主打牛丼的小店。午飯時段都坐爆哂，小店的裝修簡潔平庸，menu 亦都冇太多選擇。呢度係先完成點餐和結帳就可以等食啦。點左個慢煮火炙牛腹扒丼，每個丼都會跟碗麵豉湯的。賣相同圖片都有9成相似，望落去好唔錯。溫泉蛋好吸引，牛扒面上仲灑左脆脆的蒜粒。牛扒味道不算太濃而且略嫌牛扒有點過熟，飯底就夠哂分量，唔洗驚唔夠飽。呢個價錢來說，整體不過不失。…Read More

入面嚟愉景灣staycation, 晚上就walk in 左呢個餐廳食飯。店內環境帶點vintage,牆上裝飾仲放左好多獎杯。個晚仲有live 嘅欖球比賽，所以氣氛好好。先點一個plain naan做小吃，我真係好鐘意食嗰個綠色嘅醬丫🤣我哋叫左客呢度既signature chicken tikka masala(招牌咖哩雞),再另點一個Keema naan(羊肉烤餅)沾咖哩一齊吃。個咖哩好香夠哂濃味，雞柳分量好多而肉質都好滑，羊肉薄餅內有碎碎的羊肉，就咁吃都吃到羊的味道，再沾埋咖哩夾住雞柳又係另一種吃法。呢度嘅Fish and chips 有2大塊魚柳同一大籃粗薯條，魚柳炸漿唔厚個炸到好野柳脆口，魚柳質地偏有𡁻口而不是好林身好滑個種，但整體係好吃的，粗薯條亦不失禮夠哂脆der~ 係menu 上見到個 Beef & Guinness pie(健力士牛肉批)，就係比個名吸引左就叫黎試試佢。佢係一個碗裝住好多燉牛肉而面頭係有層脆脆的酥皮烤焗而成。牛肉好林好重牛味，碗入面仲有好多牛肉汁比你沾酥皮一齊吃😋😋薯蓉都夠好吃，牛油味冇搶過薯仔的味道，最後係食哂。另外叫左杯「友」嘅香港手工啤，仲要係生啤黎架!!!! 如果鍾意手工啤暨係生啤嘅朋友真係要試試啊。…Read More

收工想吃個台一邊爐，但肚皮不爭吃唔得任吃火鐹，咁台屋呢個一人邊爈係一個奶選擇丫。舖頭細細座位唔算多，小貓幾隻黎食就岩哂。坐低就叫左個”等一個人火鍋”🤣 鍋料有部分食材已經固定左，而肉類可選牛，豬，雞。湯底就有蕃茄，藥膳同麻辣，另外你仲可以揀個4款食材添丫！鍋入面已經有粉絲墊底，正常係夠吃的，或者你可以追加個白飯做湯飯🤣 另外就叫左個 石燒西冷牛扒 200g 配薯條，200克嘅牛扒就真係薄左d嘅，自己煎嘅時候就要好好控制時間啦🤣 薯條反而好好吃，夠熱之餘仲係外脆內軟der~ …Read More

心血來潮想去吃碗拉麵，之前係銅記次次都見到排晒長龍，今次貼冇乜人就去試下，點餐叫左一個”豚王”拉麵同期間限定嘅”黑松露王” 再追加一客”餃子王”。 “餃子王”煎得唔錯，外皮脆餡都有肉汁，做前菜或者送拉麵吃都幾好~ 至於拉麵個湯好緊要，而”豚王”拉麵個湯頭有膠質感但豬骨味不算濃。麵質尚算ok，叉燒肉質肥瘦平均入口都有油香。整體普通，冇話特別出色。呢個”黑松露”王高真係好麻麻丫，本身以前會好夾或者好新奇，期待黑松露同拉麵會產生一個好嘅花火，點知係唔會架。個黑松露加入湯頭真係好奇怪嘅味道，再吃埋d麵我食到一半就停了。🤣有勇氣可以一試~ …Read More

話咁快又到糧尾😂又想吃西餐的話，euro go go 真係一個唔錯嘅選擇仲要唔收加一🥰餐廳環境不過不失都算坐得舒服，先黎個頭盤法式薯蓉焗田螺，薯蓉唔係開粉呢，因為一路吃都吃到有薯仔碎件，個田螺唔好要求過下口癮都幾ok架🤣🤣 好耐以前我已經好鐘情個焗芝士吞拿魚意粉，嗱~ 賣相真係否太討好嘅，但勝在個味道又幾好吃喎，攪勻之後入口又會想一啖一啖咁吃下去。但另外個菠菜龍利柳闊條麵就麻麻地，個魚柳好un。不過zoom out返，呢個價格吃到3樣嘢算係咁啦~ …Read More

入開黎東涌冇嘢吃？ 淨係得東薈城食肆冇其他選擇？如果你唔介意行遠少少，或者搭一程5分鐘嘅短途巴士，我係勁推介呢一間好有泰feel嘅泰國嘢。除此之外，仲好受行山同玩爬山單車嘅朋友歡迎，因為近山腳之餘仲有大把位比你安置好架單車。🚴🏻‍♀️🚴🏻🚴🏻‍♂️佢多數座位都係露天，但係有簷蓬遮頭頂，仲有強勁嘅大風扇，熱就唔算好熱嘅。平時都有幫襯開，今次先就同大家分享午餐。點餐叫咗泰式茄子肉碎飯同埋泰式咖喱軟殻蟹飯(必食)，分量係超大碟，茄子夠有味，唔知點解仲帶點魚香味。🤣講到咖喱軟殼蟹飯，三大舊軟殻蟹走唔甩，咖哩係微辣帶甜送飯真係一流丫，入面仲有好多彩椒做配菜，而個蟹外脆內軟真係好正der~ 嘢飲一樣出色，我至愛嘅龍眼冰，清爽不太甜仲有好多龍眼肉添，每次黎我都會飲架~ 另一杯係椰汁冰，椰香超濃絕冇hea底，絕對唔會有飲奶水嘅感覺!!! …Read More

黎呢間餐飯吃晚餐係一定要早d訂位架!! 地方細細，一眼就見哂成間舖的佈局。但勝在裝飾真係好靚，一抬頭就見到無數既乾花束懸掛係天花，好似置身於花花世界，最岩打卡架啦。亦由於地方細，經常比𨋢門的燈光、走入嚟嘅客人而打擾。至於食物方面，點了2人套餐，内容包括湯，自選前菜和主菜，甜品和飲品。忌廉蘑菇湯不過不失，味道不算出眾。前菜點左煎鵝肝配自製草莓醬。鵝肝有厚度，溫度非常夠熱，外層入口帶脆，油香非常滿足。讚!!主菜就揀左蜜糖芥末香草醬帶子意大利飯和慢煮57度草飼和牛。意大利飯質感好creamy，飯的硬度適中有𡁻口，整體唔錯。最最最有驚喜嘅係呢個慢煮和牛!!! 個presentation 附有飯素的珍珠米白飯，蟹柳同車厘茄。個牛扒係有2層架!!! 係2層!!! 個分量係非常之足夠架!!! 和牛肉質好淋，好香牛肉味，肉質帶紅絕對唔會過熟，再配埋醬汁又係另一個味道。你會想一啖牛一啖飯咁吃!!! 呢個真係好正!! 而野飲就揀左白桃梳打同green tea latte, 個賣相都夠哂心機丫~生日慶祝可以預先致電要求在甜品上寫名，我哋點了玉桂蘋果窩夫配雪糕。個玉桂蘋果整得唔錯，一d酸味都冇，配上焙茶雪糕真係好Match 💓…Read More

平日下午不用等位可以上黎chill 下~ roof 全層都餐廳，分別有indoor 同outdoor 比你揀，晚上時段穩陣起見當然係book 左位先，因為好full啊。店內歡迎客人打卡影相，呢度每幅牆都有唔同嘅畫作，再留意下其實每張枱嘅櫈都係不同款的，露天更有搖籃櫈添，不過我個日落雨就坐indoor啦。點左2杯野飲坐吹下水，店員會提供一個口罩紙袋比你收好口罩，細心位加分der~ 點了桂花蜜梳打同百里香檸檬梳打，賣相分別都好靚。桂花蜜梳打顧名思義味道帶甜甜的，桂花味好突出。而百里香檸檬梳打就比較清新，睇下你個人口味鐘意邊款啦☺️…Read More

第一次吃蘇媽，幸運地lunch time唔洗排隊就可以入座。餐廳裝潢好靚丫環境好有茶記復古feel～連上菜器皿都有match 過。一黎就上左2碗熱辣辣嘅肉骨茶（淨湯），味道好重藥材味而且帶點甘甘的。如果就咁飲的話，可以有唔鐘意甘口嘅朋友就不太接受到。點餐就叫左肉骨茶棒棒骨，仁噹牛肉撈麵仲貪心地叫多左個咖央多士加杯美綠恐龍。棒棒骨有3大枝再配上金菇同埋勁吸湯嘅豆卜。豬肉嘅味不算濃，可能已經比個湯底搶左個味但肉質不硬都好吃好。牛肉撈麵相對地出色，麵底係油麵，個碗好似好細但份量一啲都唔少。入面除咗有牛腩外仲有幾塊牛筋。醬汁好足夠加埋燜到好林嘅薯仔一齊吃，口感超豐富。講到個咖央多士，烘到好脆，内層塗左牛油再加上滿到爆醬嘅咖央真係好好味，記得要襯熱吃，個人應為作為甜品好不錯🤣…Read More

這個巴斯克芝士蛋糕外表不太討好，感覺好似失敗嘅作品，絕對唔可以用靚去形容佢。但偏偏最近就好受歡迎。但我打開個盒之後發現有驚喜，因為生日蛋糕款係可以揀mixed berries on top 做裝飾。即刻成個蛋糕可以見得人🤣 蛋糕由雪櫃拎出嚟之後，放喺室溫大概半個鐘至1小時解凍，咁食嘅時候就有少少流心嘅效果。芝士嘅味道非常香濃，有啲似傳統嘅紐約芝士蛋糕，唯一嘅係口感起比紐約芝士蛋糕更creamy。另外，仲有一套5份嘅膠餐具俾你。設計都好有型格。如果淨係用一次就有啲浪費，我建議大家可以洗返乾淨循環再用。 總括嚟講價錢唔算貴，味道好食。 值得一試呢個冇外表但有內涵嘅芝士蛋糕。❤️…Read More

間唔時都有幫襯下紅茶嘅，因為佢普遍嘅分店都keep到水準係好食嘅。今晚就2個人去左油麻地嘅分店用餐。叫左一個常餐同焗咖喱牛脷飯。常餐就一如以往正正常常，食物熱度非常夠。仲有個塊好受歡迎嘅丹麥多士，沙嗲牛味道濃麵嘅軟硬度都適中。 另一個就令我失望啦。而家已經少咗好多茶記有得食牛脷，我之前喺紅茶食過嘅咖喱牛脷真係返尋味！因為佢嘅牛脷係煎過先再拎去焗，口感夠牛味夠林同多哂厚。但!!!!!! 今次真係好失望丫!!! 咖哩汁係冇變嘅，都係焗炒飯底，但個牛脷真係薄到好可憐，係之前嘅1/2厚度。真係冇哂癮!!! 對於一個牛脷嘅fans來講真係感到失望。 希望餐廳會有所改善。 …Read More