HCLF's Profile

Klook網令我很氣憤及不愉快的體驗！皆因Klook標題為Snoopy 宅渡假而吸引了我購買！但到酒店check-in時，酒店告知Snoopy 主題只做到12月31日，1月後便沒有了！我購買的是1月，所以根本是停止了Snoopy 主題！所以Klook 明顯是以標題誤導及欺騙，氣憤是當有問題時，亦只得線上服務且竟會以斷缐為由不予解決亦不與聯絡！！！擺明與商品不符，欺騙顧客！晚上都帶著未平復的心情晚餐！幸好這酒店自助餐食物是出名新鮮豐富，罐裝汽水，新鮮檸檬茶任飲。酒店餐廳分開人流聚集，所以也分開兩邊熱食區和冷凍區。食物種類繁多，甜品燒烤己很吸引，尤其是海鮮龍蝦，麵包蟹，大蝦，青口也新鮮甜美，蟹腳則一般，熱盆選擇也可以。但進餐限制只得兩小時，很多食物也只能看而沒時間品嘗！我拆完麵包蟹，海鮮已食了一個鐘！其他食物根本是倒入胃中沒有享受！特別要讚賞多謝酒店，估唔到Staycation 酒店除了送我一袋生日禮物，晚餐時更送上一支紅酒及一件漂亮的聖誕生日蛋糕，食完還更提供代票🎫換硬幣挾禮物🎁，有得食有得玩，很是驚喜！雖然家人食得慢及不多，幸好有長者半價，所以很多謝酒店的貼心服務😋😍…Read More

在Kloox網見到有Staycation 優惠,不愧是Conrad Hotel為5星級酒店，無論是客務部，大堂，住宿自助餐廳，全部服務都很貼心！食物方面質素不錯，但若正價價錢比較，相同價錢，款式及甜品則不及其它酒店！自助晚餐方面，海鮮也供應充足和新鮮，龍蝦，青口，蜆，翡翠螺和很入味的辣酒煮花螺是我的至愛，若愛吃生蠔則欠奉了！其中甜品🍮焦糖燉蛋太好味了，忍唔住吃了二份！因是被安排戶外燒烤區，雖然有足夠風扇不覺熱，但掃興的是被蚊子咬了三啖，雖然有蚊怕水供應，但進食時要抓痕真是不好受😭自助早餐則中式西式都有，雖然點心種類款式不多，但都是正常早餐選擇，所以一個鐘早餐時間剛好！若以正價購買自助餐，便稍為昂貴了！…Read More

幸好我們提早一天打電話book枱，這裏提供了一個很舒適，安靜的環境給我們相聚！一坐低就讓我們自己選擇茶葉包，它們好精緻特別，每人選取自己喜歡的獨立茶包，茶壺，享受其特別味道，這茶包品牌特別清香！因為茶壺好細，記得先只放1/3包茶葉，寧願待茶味淡了，才再加水加茶葉，才可品嚐它獨有的清香味道！唯一不滿是茶壺全都黐立立，其中一個裏面竟還有茶葉渣！幸好職員也即時幫我們更換！食物質素很好，上海湯麵食得多，但這裏的很有質感很彈性；彩椒雞米配义子，包包外皮很香脆，把雞絲肉碎炒香作內涵，很吸睛很好味！小籠包很juicy 和味美，甜品首選高力豆沙配雪糕fusion ，好特別嘅不是朱古力味，而是高力豆沙配雪糕🍦…Read More

今早特別想食一個給讚的地方食早餐，故意搭車往尖沙咀海防道臨時街市熟食檔！早已聽聞這裏的熟食檔聞名，揭開OpenRice食評，跟着指示，可從北京道入口；我們則從海防道入口，要行到尾較難找，一入去裏面已有幾檔老闆招呼了，每張枱也有標示其餐廳名字。我從OpenRice揀了評語不錯的佳記，往佳記的細圓枱子坐下，這裏沒有冷氣，只是舊式風扇吹吹吹，坐張膠櫈仔， 70年代的感覺！點了其聞名的熱奶茶🧋和沙嗲牛肉脆脆公仔麵。一食第一啖，係弊家伙！中伏！不得不即刻寫返評語，原來OpenRice的食評不可盡信！先說熱奶茶，有茶香但苦澀味濃d，不知是否不夠奶！最差係溫度不夠熱度，不熱又不凍！而沙嗲牛肉脆脆公仔麵則是一個未煮透嘅公仔麵，即是煎生公仔麵，不熟但卻不脆！牛肉片都算多，但沙嗲味唔夠，只是得個鹹味，鹹到根本食唔到，想搵啲滾水沖淡，但沒有！所以成碟食咗3啖！一太清早可想而知那份被破壞了的極失落失望的感覺⋯⋯😂😭老公就食咗個沙嗲米粉三文治，冇乜特別！所以環境一般，沒有冷氣，食物質素一般，價錢又不便宜，這裏就不值得推介了！一句講晒，總之OpenRice食評只可作參考😂…Read More

在日本食一碗好食拉麵要排隊，香港要搵好食拉麵也是要靠宣傳和口碑！雖然疫情冇得去日本旅行，但可以食一碗日本拉麵，回味幸福。佐敦這間日本拉麵，湯底一入口便嚐到濃郁的雞湯，豬骨味😋！拉麵爽滑彈牙，唔食肉的我，但咬一口叉燒，感覺薄滑有肉味，配合配菜筍片及湯底更覺香濃好味道！雖然鋪子細細，沒有華麗的裝飾裝修，但所有精華…都落到這碗有質素的拉麵內!尤其欣賞佢有沙冰水供應😀應該多謝網友啲評語，令到佢哋大有進步，好有質素！好彩我未睇評語去食咗，而家睇到要幫佢平反✌️店主很窩心，由於當時冷氣不足，他替我們加風扇，服務值得讚賞🙏…Read More

這酒店平時下午茶自助餐質素很好，趁疫情稍鬆綁，即出來搵食兼救救經濟😏午餐自助餐是送餐服務的，員工不多，但食客幾乎坐滿，食物是即叫即煮熱騰騰的，天婦羅則新鮮鬆脆，即叫即炸！時間需要稍等但可接受； 刺身和長腳蟹海鮮併盤等都很新鮮，海鮮併盤和中西菜可任叫任點，所以廚師們都很辛苦忙碌，最後我被漏了單，算吧，我只管吃冷盤也飽了八成，食埋甜品就收工了！雖然刺身和壽司每人每欵一件，但午餐差唔多了，甜品有創新，我只選了其中兩款已經很滿足，那是很淸香的奶茶蛋糕和豐富芒果糯米飯蛋糕!這環境，服務和質素也算唔錯了！最後要多謝各位廚師，甜品部和員工們的優質服務，雖然上班員工不多，但各位服務則殷勤友善，辛苦晒啦！…Read More

每次進這小店內進食後，都猶疑了很多次是否為他寫食评，因為此店一貫始終，做街坊生意，點心既有特式，食物新鲜又有誠意，全部點心都是即叫即蒸！店內沒特別多請員工，所以多年來都很有街坊的味道，沒有特別加價，味道卻如舊保留著，比一般乜乜蓮的評分的店子質素還要好！既沒有加一，又沒加昂貴的茶💰！最害怕是驚動了街坊以外的人幫襯，害它被加租變成增成本而加價！但見到在外一般般的點心店卻客似雲來，而這小店卻默默耕耘沒人知曉，柯士甸西九龍站人流一直增多，多想大家都能品嘗到這𥚃的點心才是真正的點心！…Read More

歷史悠久的茶餐廳，主要係街坊生意。生意唔錯㗎，但出奇無人寫食評！十幾年幫襯都抵食夾大碟，雖然唔貴，但係食物質數好OK 㗎！平時D晚市碟頭套餐每次都大大碟，大廚好有心機煮㗎，鑊氣十足又好味，食完唔會口渴，都係$5x-$6x，包埋湯，飯及飲品，而且次次都食唔晒要打包走！今晚母親節，沒有在外訂位晚餐，見老闆做咗個母親節套餐，就試一試，果然沒有失望！又係好食抵食及大碟！大廚梗係落足心機去煮，茶餐廳竟做到酒樓嘅質素，鮑魚和班球都新鲜爽滑，火喉啱啱好，焦鹽蝦每次都做得好香脆，隻雞唔肥而且好入味，其他幾味水準都食得出係用個心去煮！走時都唔記得多謝大廚，最後攬住個肚，又係食唔晒拎著兩大袋外賣離開！…Read More

星期日晚市，入內前㨂咗$188 任飲任食，揀咗火窩，加$60 海鮮拼盆，並加一。裏面似足大牌檔，原始的gas 爐作烤肉火鍋。本來冇乜期望$60 的海鮮拼盆，點知一坐低，就有一碟有齊半只龍蝦，大大只的老虎蝦，大蜆，班塊，帶子等各一件！QR code點湯底和海鮮，唔駛5分鐘，就送到！嗰盆$60的海鮮簡直喜出望外，勁扺食，鮮甜好味！但竟然連餐點內免費任食的海鮮也很新鮮好味!我剩食海鮮已飽！食肉獸的老公就話豬牛羊也好味，我就鐘意脆肉鯇魚和用酒醃的田雞！我己沒有食小食，炸魚片，炸雞等！阿仔除左飲韓國飲品外，還飲咗幾樽紅棗雪耳燕糖水！總之，還有很多也沒有點，下次要再來！回到家，還帶著一身店內的燒烤味！…Read More

冇乜要求的我與朋友午餐，原讓大家懷舊一下，邊食邊懷舊。點餐後，大家分別期待著美食。侍應不満我們要碗仔分享食物，態度不耐煩；有內地顧客唔明白餐牌，問多兩句，他就大聲無禮兼冇耐性的回答！食物只可形容貴夾唔飽兼唔好食！所謂出名的焗豬扒飯，又咸又難食，普遍食物都是得個咸字和雪味！奶茶就冇茶味！環境就是得個舊字，可能侍應態度就是要配合懷舊，趕客的態度！見到食客食評都是差，那個可一不可再，計我話一次都嫌多！既然唔好食，唔飽都無所謂！很難得有一間名不虛傳出名『差』的餐廳!…Read More