Ninja D's Profile

紅荳冰室無論咩時段，個menu都有好多選擇，而且食物質素都幾好。今日食咗碗🐔玫瑰豉油雞米粉，嘩，個賣相幾好喎，豉油雞食落幾滑，拼埋個🧋椰汁紅荳冰，紅荳淋淋的起到沙，幾好飲！如果椰汁更濃味更好飲。本來好想飲蛋白杏仁茶（之前飲過真係好好飲的😋），但最近在午餐/晚餐時段都無得叫了，係咪廚房唔再做呢？可惜！🥲再坐多陣，朋友到，叫咗個餐，有例湯、飯（無影相），原本叫咗個中湯，但最後廚房話無哂湯，個女侍應主動話補番杯飲品俾佢，咁佢就叫熱奶茶，轉個頭有位男侍應（應該高級d) 就話無得咁樣補嘢飲，但朋友話叫餐時職員無話賣哂湯喎，個男士就話無哂湯都無得補嘢飲，我補充話係呢位女侍應主動話補番嘢飲俾佢才叫奶茶，最後男職員有點無奈，然後算了，再話下次唔可以補飲品（朋友有點唔開心，其實唔係女侍應主動話補俾佢，佢都無諗住叫飲品啦😥，何況1杯奶茶唔係俾唔起錢，而家講到好似呃/投訴番嚟咁），希望職員服務態度可以好少少，職員的做法可以一致d免引起誤會，跟餐的例湯無哂可以先同客人講聲，讓人可以另有選擇或加叫飲品。…Read More

下午茶時段攰攰地，街到灣仔呢個街口有間銀杏館，播住日本音樂，好奇睇睇個menu，有位婆婆出來打招呼熱情招待，咁就試下啦。一坐低，婆婆即刻斟左2杯自家沖製的蜂蜜綠茶🍵，清甜好滑好好飲喎！婆婆話係自己沖的，感覺自豪🤗打開menu，叫2個餐：🐔唐揚炸雞拼沙律：炸雞好味好juicy🐷美國豬扒鐵板餐拼薯菜（牛肝菌汁）：豬扒好大塊，薯角好味，牛肝菌汁好香！👍🏻本來tea time係無鐵板餐呀，係婆婆俾錯左menu我睇，不過佢好好，特別問廚房可唔可以做到俾我，廚師又話可以喎，所以我就可以食啦！我仲講咗聲：「多謝廚師」添！🤗🧑‍🍳香港餐廳好味又好有人情味，希望多d人支持社企餐廳。💪🏻🥰…Read More

晚飯後搵甜品食才是滿足的一晚🤭上網搵比較多人like的甜品舖，於是專登來甜悅。食咗2個甜品：🍨芒果綠茶芭菲：唔算大杯，比較其他店舖的芭菲，無乜特別（我係芭菲迷，所以有點失望）🥥合桃露伴湯圓椰青燉蛋白：帶點椰青清香，味道較淡，可以甜多少少。 合桃糊香濃可口，不過跟椰青蛋白唔係好似夾，所以分開食覺得比較好（可以跟其他糖水，例如芝麻糊，湯圓可選芝麻/花生）甜品舖愈夜愈多人，不過都無趕人走，但店舖不大又多枱，所以坐得比較逼，坐唔耐都走了。見到隔離枱的cheesecake都好似幾靚，不過味道就唔知啦。總括來說，味道尚可，價錢還可以。…Read More

下午茶時段，來到灣仔區，想飲杯咖啡，經過Latter Cafe，稍作休息的店務員邀請就入去試試。入去見到cafe裝修幾靚，坐底叫左2個tea set：🥗煙三文魚牛油果溏心蛋沙律（有3款醬汁可選）～蔬菜新鮮🍝壽喜燒牛肉扁意粉 ～牛肉多，燒汁好味☕☕Cappuccino ＆ Flat White ～有2種豆可選， 花香+櫻桃+波特酒/ 樽果+朱古力+紅酒+威士忌（這款豆要加少少錢）（個人覺得後者香d好飲d）👫👭這間cafe由幾位後生仔女一齊經營，見佢地在bar枱後面整沙律、咖啡都好有心機。食物質素好好，環境又優美，而家喺香港經營食肆比較難了，希望佢地加油💪🏻…Read More

自太古城舊food court裝修之後，今天才有機會來試試。今天來到Mango Tree，一間泰式食店。環境裝修不錯，食物賣相也吸引，所以進來試試。蟹餅Crab cake: 個蟹餅夠juicy，點埋個汁仲好味!咖哩蝦蟹 Curry prawn crab bread: 分量好夠大，足夠兩個人食。蝦蟹鮮，蟹有膏。咖哩汁用蛋和椰漿煮，味道濃郁好rich，不過唔夠辣。配蒜蓉包好好味 (蒜蓉包係送嘅，可選擇手抓餅) 。餐廳好夠貼心，附上手套和濕紙巾， 又將蟹殼敲碎，方便客人進食，讚!柚子沙律 Pomelo salad: 見到menu有食店推介logo就試下，不過就...比較乾身，如果配以泰式魚露的汁會比較好。 柚子亦不夠甜。有幾款飲品做promotion，第二杯半價，試了這兩款: Tropical sangria & Mango chacha。 俾Sangria 個名欺騙咗，以為係西班牙水果紅酒，原來只係fruit punch ，不過都好飲。Mango那杯有些水果在裏面，都好清新。店員服務好殷勤有禮。六點前去到唔需要等位，不過到七點左右開始多人。要在店外排隊，唔可以攞籌/留名?! (好似可以電話訂位)menu內還有幾款食物都想試，例如豬手、芒果蝦沙律、芒果糯米飯等，不過今次食物的份量好夠兩個人了，所以下次先再試其他吧！…Read More

見到銅鑼灣小甜谷有咸食和甜食，加上Openrice有優惠，就和朋友一試。7時到，有很多座位，不用等枱。點了一碟意粉，蕃茄汁太太太多，水汪汪的。半份豬骨伴薯條，汁味道不錯，不過無咩肉，menu裡係粗薯條，但碟上的不是。order兩個dessert sets，包括兩杯飲品和合共有6款甜品可以選。叫了3份waffle (每份只是1/4塊)，綠茶,紫薯,蜜糖各款味都幾好，紫薯waffle中間有紫薯餡，較飽肚。如果再烘脆多一點就更好!另外3款甜品係mousse，荔枝味幾清，有粒荔枝肉在底。不過吃兩啖就有點"漏"。楊枝金露mousse就食唔出咩味。綠茶芝士餅就係咸的，帶點苦，吃了一口就不想吃下去了。總括而言，甜品就不過不失，咸點就有待改善。…Read More

放工經過希慎想找一間好味食店慰勞自己一天的辛勞，見Lemongrass人多，就去試試，點知...從餐牌中點了幾個菜:海南雞飯>>> 雞尚算滑，但雞飯就很糊口(即是"爛") 瑪沙曼咖哩配雞肉>>> 只可以講係白烚雞肉配咖哩汁水油酥餅>>> 比其他泰國食店煮的較少油，這個ok金柚蝦沙律>>>  燒蝦有3隻，沙律汁調味不錯，但因為用碗上，汁沉在底，上面的沙律菜未能沾上汁。如果女士們食那些金柚就不能夠斯文吧！太大舊了！為何不撕開粒粒呢！飲品: 椰林飄香>>> 餐牌上寫coconut, pineapple juice, mango juice，以為好香啦，但只飲到雪味，椰子和果汁味都極淡甜品: 香芒糯米飯>>> 紫糯米較硬，白糯米較糊口，而個芒果就...一入口酸喼到"me埋眼"! 泰國芒唔係應該好香甜既咩？!** 餐牌上咖哩選擇不多，只有兩款，每款只有配牛腩、雞肉或雜菜** 飲品有很多選擇，但我點的那款就很失望。看見隔離枱點了杯芒果乳酸也只喝了沒到一半。整體而言，食品一般，有待改善! 泰國餐廳出名的咖哩、芒果糯米飯都未能合符水準，令人失望!值得一讚是服務員態度很好，招待如老街坊朋友。…Read More

一向都喜歡品嚐上海菜曾經，翡翠拉麵也是我喜愛的食肆之一。可惜。。。晚市時間，清清靜靜的，不用等位就可入座。一入座，老遠處有位亞太大大聲談電話，全館的人都震耳，但職員並沒有勸阻/理會，實在太擾民了！  本想離坐，但實在有點累及餓，加上亞太終於安靜了，於是繼續晚膳。Menu依舊不變，而多了個每日例湯餐牌。是次order了: 雞火五穀炒飯、黃金蝦、牛(月展)夾餅、生煎飽、赤小豆粉葛鯪魚湯雞火五穀炒飯：要佩服廚房師傅刀法利落，將雞肉和火腿粒切到細如芝麻！要用放大鏡才可在飯粒堆中才找到幾顆火腿粒仔呢! 連粟米粒都大粒過和多過那些雞肉粒呢陰公! (細粒到其實都食唔出係雞肉還是豬肉! 跟menu中的相片實在差好遠!!):(黃金蝦(連殼)：收百多元但數隻手指般幼小的蝦毛而已，由於蝦經油炸過，蝦頭也可吃，但不能連殼吃，殼粘肉，咬口差，肉不鮮不爽...:(牛(月展)夾餅：牛(月展)腍，但只得4小件，麻醬不鹹不辣無味，一般...:(生煎飽：飽底煎得脆脆的，不錯! 不過，如果肉汁再多一點會好些! 赤小豆粉葛鯪魚湯：碗不大，但粉葛多、豬肉粒大，湯只得兩小碗份量而已。湯應該沒有加"師傅"的，因為有點淡...!:(總括來說，失望! 已在我的開飯list中DEL了!:(…Read More