一年一度公司晚宴，同事話想食海鮮，食得海鮮最唔想遇到嘅事就係俾人鋸到一頸血，最後一行12人去永和食，幾十年西貢老店充滿傳統特色。預先幾日搵店長預留一間房，等大家唔怕嘈到其他人。一直以來都知永和嘅燒鵝同叉燒好食，但由於之後有海鮮做主角，怕食得太飽所以第一道菜揀左脆皮乳鴿食完頭盤就迫不及待叫主角出場【象拔蚌刺身】新鮮象拔蚌刺身相信無人不愛爽口又鮮甜，令人食極都唔夠喉師傅仲好有心機咁砌左朵玫瑰花出嚟依道菜100分象拔蚌個膽由於味道比較濃，所以唔係人人都鍾意生食，拎去椒鹽炸完全解決左依個問題，好似食緊炸蠔咁但又無炸蠔咁膩【椒鹽象拔蚌膽潤】之後就到惹味之王【豉油王大蝦】依個豉油王大蝦好似叫鬼蝦（唔肯定）同一般蝦有d唔一樣，除左個頭扁身d外個殼仲好軟身，食嗰陣可以連殼食所以道菜超惹味，仲唔洗整污糟手講到食海鮮點可以漏左佢【豉椒炒大蟶子皇】一大串肥美嘅蟶子，爽口彈牙又惹味唯一可惜係有少少沙，漏左DD分講左咁耐，終於到Final Boss【巨型椒鹽瀨尿蝦皇】依道菜唔洗介紹，見到樣都知無得頂由於唔知點形容隻蝦嘅大細最後決定用把鉸剪係用嚟做對照（依個size嘅瀨尿蝦喺街市買都差唔多成400-500蚊一斤）食到依道已經有d飽竟然唔聽記得影低條
【清蒸大海東星班】最後仲有個菠蘿咕嚕肉同姜汁糕食完一堆海鮮，食個姜汁糕中和就啱曬同事們都非常滿足+滿意唯一要挑剔嘅就係依度食無海照景睇，但食高質海鮮唔洗比人劏已好難得…Read More
【清蒸大海東星班】最後仲有個菠蘿咕嚕肉同姜汁糕食完一堆海鮮，食個姜汁糕中和就啱曬同事們都非常滿足+滿意唯一要挑剔嘅就係依度食無海照景睇，但食高質海鮮唔洗比人劏已好難得…Read More
