啤梨妹妹的個人專頁

地點有點偏但勝在風景清幽地方夠大，坐位闊落，亦唔需要趕住食趕住走，岩晒weekend慢慢嘆。第一次到就試下招牌野，點左和牛船麵同髒髒奶茶。侍應超好禮貌兼貼心，我叫左走蔥仲提醒我有芫茜需唔需要走埋，簡直係救我一命，真係好怕芫茜既味。見到食評話湯底濃郁，果然真係超級香濃惹味，和牛仲份量十足，唔只個面個層，連個底都仲有牛，好味有足料！ um但至於杯野飲，唔係幾岩我口味，無乜飲過泰式奶茶，覺得味道有點淡太稀。但總括黎講都係會回頭既店…查看更多

K11 musea 本身都裝修得靚，餐廳出面食tea既位置梗加係超適合打卡👍🏻👍🏻👍🏻 食物賣相，質素同味道都有意外驚喜😋 超級推薦開心果拿破崙，忌廉入面仲有開心果碎碎，好香有咬口。價錢方面，因為我係某平台做特價時買既，抵到飛起😂所以覺得更加好食😂😂…查看更多

去到餐廳6點幾已經大排長龍，真係誇張，吹風吹到我頭都甩埋先有位。不過係呢附近，間餐廳裝修係比較靚，價錢又ok, 所以又想試下，唯有睇住餐牌、等下lo.叫左個牛排餐，話咁快就黎。黎到時就明點解咁多人等位，做街坊生意都係要靠真材實料。 賣相唔錯、塊扒煮得靚丶又大塊，真實同上鏡都咁靚，忍受住歧視既目光，都要快快幫佢影張相。個扒都幾好食，叫左杯麥片好立克都好好飮。唯一係個湯有海量既洋䓤，所以我唔太飲。野食唔錯、座位都唔太差，不過絶對唔坐得耐、客人太多貨如輪轉，想同朋友傾計可以去幫襯埋附近既糖水，我去個陣可能時間關係無乜人，可以慢慢傾。…查看更多

懷住食春川雞既心情去食、因為唔係成日可以去到韓國、唯有試下呢間、睇下可唔可以止到渴。去既時候，佢做緊promotion所以尚算抵食。有個前菜區、有個邊爐區、有個飲品區，咁既價錢選擇都算ok多，但食物就比人搞到亂晒........唔係幾開....主食方面、我選左柳氏辣雞（小辣），食物一黎到，絕對吸睛，兩個人但都超大盤、即使少女心出晒黎、影左先准食。雖然影左先、但都係影左幾張啫、野食就唔熱勒、我諗佢拎出黎個刻都已經唔熱、就咁己經扣一半分，而且味道同想像有差距、雞又唔滑、又辣，味道又一般，又唔熱...但就咁咁咁大盤....點算....跟住炸雞又出現、但唔知係咪因為冇左希望、所以冇失望。個雞淋左芥末汁黑椒汁都仲脆、而且幾好食、不過汁太多有d d 咸。加上食到呢度已經飽到上喉嚨、前菜➕盤柳氏➕炸雞真係太多😖…查看更多

好耐無黎觀塘食野、餐廳地點比較偏僻，要入左後巷先見到工廈入口、唔係人地介紹、我都未必識黎。咁舊既工廈、一入餐廳反差好大、全木裝修，位置異常闊落，比人非常舒適既感覺。平時cafe就算唔會貼住旁邊張枱、對方都係觸手可及、無論對方係朋友定陌生人😓 鬼叫租金咁貴咩。但呢度d位置係闊到癲、去到你就明有幾難得。而且店員好有禮貌 、好友善👍🏻。 店員既服務都好重要、通常遇到冇禮貌既店員、餐廳好食到飛起我都唔再去幫襯、免得搵著自己黎搞，搞到食唔落。坐低叫完野食、先發現原來通常係去counter點餐、同埋單 😳 不過店員都好好，冇問題。太多野讚、終於到野食。睇相就知、完全無失望，薯角脆卜卜，個芥末漢堡都好惹味、搞到食左幾啖先記得影相、唯有就角度。加埋杯latte ，完美既一餐。另外餐廳有差不多一半位置、放左d特色野賣，不過價錢相對較貴。總括呢間餐廳真係唔錯、食完逛完心情都好d ✌🏻…查看更多

通常weekend既自助餐都比較貴、但呢間餐廳就出左個下午茶自助餐、星期六都係百幾蚊、一家大細去非常超值。野食款式其實唔算多，幾款主菜，十幾款甜品、但勝在好食、同好坐、講真一百幾十仲要任食、想有幾多款Y😂， 但總括質素係唔錯。超級推介 pizza、炸魚、、白汁意粉、磨菇批、oreo cheese cake。Weekend 同家人坐得舒舒服服、食下野、傾下計，真係幾寫意👍🏻 。所以我已經去左幾次、原來每次既食物都有些許變化、😱 第二次無左蘑菇批、勁想食、希望下次有番勒。…查看更多

最中意周圍試下午茶，今次呢個二人下午菜可謂係大滿足， 一次過試多款小食同甜品👍🏻 當中熱辣辣既芒果糯米飯真係超美味 😋😋😋。 其次居然係杯野飲， 泰式檸茶非常清新， 咖啡又好似有柯華田既味道，特別得黎好好味，炸物都好香脆， 其餘食物中規中矩。埋單時， 靚仔侍應都好有禮貌， 離遠已經微笑示意，服務亦非常爽手，只係食個下午茶，無諗過 服務係咁好咁貼心 。總括黎講呢間餐廳係值得一試。 …查看更多

本身好鐘意 smiley 成日笑口噬噬 😁， 宜家可以一邊食野一邊望坐佢個笑樣，真係心情都靚d. 叫左芝士雞翼薯條， d cream cheese 真係超正超足料， 勁香芝士味 ， 溶晒既芝士配雞翼薯條簡直一流美味😋😋，仲要係單骨雞翼 👍🏻 方便好多。去有主題既餐廳真係食都食得開心d 。😍😍順帶一提， 當時得一個服務生， 但佢真係超勤快，同有禮 👍🏻 👍🏻 好耐冇見過咁勤快既人，值得一讚 …查看更多

諗住睇戲前食過quick lunch, 咁岩super sandwich 有位， 星期日既又一城居然有位，真係奇蹟。坐低就知... 杯奶茶真係難飲到嘔， 好似溝左水咁，而且我朋友杯咖啡，聽聞都唔弱。😖😖 浪費左我既quota, 不過算啦，趕時間又有位算係咁。點知， 唔夠兩分鐘，隻腳痕到癲。居然商場都有蚊滋 😡😡😡😡 崩潰左。 當日試左佢個兩個推介，三文魚碎焗薯， 味道一般， 加上痕到崩潰左，食物相都唔記得影... …查看更多

觀塘真係好多好野食，不過次次都忍唔住黎kc cafe ， 因為呢度實有位 😆。而且$50左右，就有無敵海景，位置又寬敞到不得了，坐得舒舒服服，仲有大大個既line 公仔， 同我愛既紫菜飯卷。$50 有飯卷，有雞翼，有kim chi, 有野飲 ， 真係唔明點解次次上親黎都冇人。臨走仲發現有大量韓文雜誌，正 。（我唔係識韓文，只係睇雜誌唔睇字啫 haha )至於食物方面，今次叫左kimchi 卷， 但原來我都係鐘意原味多d, 因為已經有kimchi 伴碟。炸雞翼望落炸得好靚，不過比較厚粉，同埋味道好淡。下次可試第二樣小食。另外順帶一提呢度仲有d 西式甜品, 之前食過棉花糖多士，真係唔錯。同三五知已吹水， 或者拍拖sweet sweet 真係一流。…查看更多

努力發掘平靚正下午茶、今日就食下台式啦。 😖 一入去： 下午茶都咁多人、要搭枱。😖 點餐時： 得部分餐包野飲、而且連珍珠奶茶都唔包 ， 連埋加一又唔係咁平啫😋 野食黎時： 好啦，我原諒你啦。 因為雞翼好大隻好脆， 多士亦係哄足既厚多士，杯野飲其實都唔錯 。 而且我試過唔小心倒瀉左野飲落地， 佢地都仲保持到好友善既態度 🙏🏻 sorry 麻煩晒…查看更多

好耐冇帶媽咪試新野, 見 alibi 既下式下午茶居然有得配各種咖啡， 咁就帶佢去試下啦。因為佢咖啡癮太深、又鐘意多款、但又唔食得多。實在搵好耐先配合到呢個要求。未到餐廳，職員已經好友善主動咁指導我地點去餐廳。點餐後，好快一杯又香又濃既咖啡就上場，已經大滿足。再黎 一個連蒸氣浴既點心上場 ， wow quite impressive 😍, 最後係傳統high tea 既靚靚木架上場 (心入面大叫 ，好靚呀 😍 ， 真係食d 餐具已經好滿足）。其實d 野食都ok la, 不過甜多過咸。但一切都符合酒店水平，值回門票價 👏🏻👏🏻 係一次開心既親子下午茶 😁 …查看更多

突然好想食炸雞、即管試下呢間芝脆雞啦。$26 既下午茶居然仲有咁多款選擇，同埋有樽裝鴻福堂野飲， 唔錯唔錯 （因為本人比較麻煩，我係絕對討厭汔水機倒出黎既糖水）。 不過買完，又有少少擔心平野冇好 😆😆。不過當亞姐遞盒外賣比我時，已經消除左一半既擔心，因為盒外賣熱辣辣 🔥。而且食完之後，又係時候寫食評。因為個小食拼盤太好食， 雞都好脆不過唔夠滑，成份下午茶都熱辣辣、脆卜卜，又惹味、絕對冇蹝到我食野既 quota。…查看更多

純粹諗住試下新野，見大家話紅繞個湯好淡，所以我試左牛肉拌麵小辣。😋😋😋😋個牛肉真係肥瘦適中，又入味，加埋小辣超惹味。珍珠奶茶就淡左dd, 唔夠稠，不過珍珠真係好彈，好咬口。同埋員工真係超好服務態度，值得一讚 👍🏻👍🏻…查看更多

星期五同朋友聚會，我負責揀左呢間古蹟餐廳。👍🏻 好彩冇揀錯。一入到去已經覺得格調唔錯，環境好舒適，但最緊要都係食物好味 😋。當中最好味既和牛，入口即溶，又香，結果我地叫埋另外個款西冷和牛黎試，個人認為西冷和牛仲香，仲好食 😋😋😋。另外，我地見有食家推介platter ，我地都叫左黎試，可以一次過試四款小食👍🏻，岩晒第一次去既餐廳。我最鐘意個肝醬，朋友最like panna cotta。結果我地又encore 呢個拼盤，搞到同單點差不多，希望冇嚇親個侍應 😂。 另外，我地仲叫左幾款意粉同意大利飯，個賣相真係靚到唔捨得食 ，唯有都係比相機食先。最後，侍應仲好好人咁主動走埋黎幫我地影相 👍🏻 ，所以我近排懶左都決定一定要上黎寫個食評。👍🏻👍🏻👍🏻…查看更多