vliery的个人专页

由於上網攞飛要等兩個月後先有得食，心血來潮一於嚟排隊。去到店舖reception有部機，如果係用手機預約左就要去登記先。如果好似我咁冇預約，就有個制即場㩒飛。座位嘅分布：全個場得，二人卡位，或者係四人卡位，如果多個四個人，就四人枱再加枱同椅子。所以一位同兩位嘅等候時間，係差唔多，四位都唔會等好耐。不過座位嘅分布好奇怪，當日我一個人，但唔知點解俾咗張四人枱我最後等左75分鐘⋯⋯綠茶係綠茶粉，都幾好味。Wasabi係一粒粒磨出嚟嘅Wasabi，唔錯醬油有分普通醬油同埋甜醬油，仲有一隻係柚子醋，我就鍾意普通醬油都夠甜。壽司方面，最好食係炙燒中吞拿魚壽司，我本身唔特別鍾意食吞拿魚，平是鍾意食三文魚多啲。但呢件吞拿魚壽司，我食咗3/4件，真係好好味，入口即溶，又有油香！唔會燒得全熟，勁好味反而呢間鋪頭嘅三文魚就一般般，呢個蘿蔔蓉炙燒三文魚壽司，奇奇怪怪，個蘿蔔蓉又濕又少少澀，同下面燒過嘅三文魚完全唔夾，本身個三文魚都冇乜味⋯⋯另外都試咗啲軍艦，有個係期間限定，北寄貝沙律軍艦，味道都唔錯，可以試吓。香蔥吞拿魚蓉軍艦，辣拌三文魚軍艦，呢兩個都值得一試炙燒北海道帶子，帶子非常大粒同埋新鮮絕對高質不過一件要$22，唔算平但值反而呢個鰻魚壽司一件要$22，鰻魚肉係多同埋厚身，味道都OK，但覺得$22一件，有啲貴最後埋單，連埋+1服務費，一個人食咗$215。總括來講：食物嘅品質，新鮮度同埋味道絕對好過爭鮮。味道都唔錯，吞拿魚係極力推薦，三文魚就普普通通，其他軍艦嗰啲都唔錯，值得再去返嚟食，不過今次嗌嘅金碟比較多，比想像中貴左少少。另外，員工嘅服務態度都好好。雖然長期好多人等位，但係嗌飛嘅哥哥態度都好nice好有耐性，完全冇燥底。我坐喺迴轉枱入口，聽到入面整壽司嘅師傅，都好有熱情咁同啲同事講嘢…查看更多

從來都冇聽過呢間小店嘅名字，咁岩上網見到話11月結束營業。上網search，發現好多人都話：係全香港最好食嘅沙嗲醬所以一於嚟試吓啦！小店嘅位置喺正九龍城商場對面都容易搵，當日係閒日下午兩點，一去到就見到長長嘅人龍。所有串燒都係老闆同老闆娘兩個人整，即叫即燒嘅關係，所以都要預啲時間等，但係為咗食嘢係唔介意等嘅，最後等左大約90分鐘。前面嘅朋友一個人order左大約$500嘅串燒去到我嘅時候，已經無牛肉同埋豬肉串燒最後嗌左串燒黃飯($40)，個飯本身跟兩串串燒(我揀左雞腎，花枝丸)，再加一包紙品飲品。另外要雞肉($14)，豬頸肉($14)各一串。即叫即燒，全部都熱辣辣一嚟梗係即刻試吓個沙嗲醬，我要左小辣，但其實都係微辣，沙嗲醬好濃，好好味，我本身唔鍾意食花生都覺得個醬好好味。串燒方面：花枝丸就正正常常，雞肉同豬頸肉都好嫩好juicy，雞腎我冇食到所以唔知。薑黃飯：小店係用家用電飯煲煲飯，每次只可以煲好少飯，但係店主一盒飯會比勁多。所以keep住等飯都要等好耐，咁啱去到我係有飯唔使等。好有心思，老闆雖然好忙，但舀完啲飯，會係上面放啲類似炸蒜片嘅toppings。如果返本身係有薑黃嘅香味食落都有少少味絕對高質。而且份量非常多，成個餐我都係同男朋友share，大家都食得飽不過小店做到11月就唔做，大家想食就要快啲啦。同埋最好11:00開舖就嚟，當日我兩點幾，差唔多啲嘢食都賣晒，老闆娘係咁叫後面啲人唔好等…查看更多

一直都有聽過加藤屋嘅大名，知道佢買嘅丼飯好平好大碗。最近上網見到佢長沙灣分店就快結束營業，終於的起心肝嚟試食，閒日嘅中午估唔到都有勁多人排隊買嘢食，個場唔算好多位，所以keep住好full。 加藤屋最癲係下午茶$20嘅飯，但壽喜燒湯好吸引，所以今日叫左牛肉鍋定食，配壽喜燒湯，total:$43成個餐非常豐富，有前菜：麻油味嘅泡菜一碟仔，有一碗飯，有壽喜燒牛肉鍋：鍋入面有椰菜，娃娃菜，豆腐卜，半隻蛋，牛肉，木耳，粟米，蘿蔔。仲有杯可樂價錢都只不過係$43勁抵食！壽喜燒湯底味道唔錯，雖然食食下覺得太甜，另一敗筆就係牛肉份量雖然都有成五六塊，但好鞋有渣，不過絕對對得住個價錢，個飯最後都食唔曬…查看更多

2018美食博覽last day入場，食左好好味，然後係openrice呢度見到原來有門市，就打食評支持下！其實好多檔都有賣蜜糖豬手，但呢間舖係只一吸引我駐足。原因係見到師傅即炒，勁香，而且豬手的皮看似好入味。結果就比左錢買黎食，最後一個鐘特價30蚊一盒，底部有醃過的青瓜，酸酸甜甜，好fresh，同較膩的豬手一齊食好match！跟住就有豬手，好香黑椒味，有細細粒黑椒，識落唔會好韌，肉的部分無腥味，好軟熟，根嘅部分就幾爽，個皮少少彈牙，就好似食緊骨膠原咁，豬手好入味，分量都好多，同友人食唔哂用食物盒帶走。豬手上面有灑左少少紫菜，芝麻，類似日式飯素(????)，幾夾，又唔會好搶味。仲會有少少焗薯仔係度，幾辣下。不過都有少少美中不足，就係蜜糖味唔明顯，只有幾塊係食得出蜜糖味，同埋唔夠熱，因為我地果盒唔係即炒的，但可能門市有保溫的設備會好啲。總括黎講係90分大推大家試下…查看更多

是日於旺角吃過晚飯，友人提議吃甜品為下場。走到黑布街，轉角已有幾家甜品店林立。眼見長長的人龍，大家放棄了原來想吃的那家，決定嚐嚐這家較少人等候的Joyful dessert house。另一選這店的原因是門面貼上了「2016 Michelin guide」海報，頗有期望。等了大概15分鐘便入座，等位期間友人openrice搜索了這店的名物，最終選了「士多啤梨拿破侖」，「抹茶紅豆芭菲」，「士多啤梨三重奏」，「士多啤梨窩夫」。五人點了四份甜品，後來店員提醒店舖設有每人最底消費，故多點了一份「乳酪雪花冰」share。味道方面「士多啤梨拿破侖」友人說拿破侖很硬，只用叉很難切開進食，而且沒有甚麼味道。然而賣相的確討好。 「抹茶紅豆芭菲」店內很多人點芭菲，份量較外面的芭菲大杯。看著店員製作時擠了一層層的奶油，邪惡但十分吸引。材料有條狀的抹茶凍，這個個人認為十分好吃，QQ彈彈的。紅豆和奶油到最後混合了，變得十分甜，故總評是一般，沒甚麼特別。 「士多啤梨三重奏」三重奏其實是草莓乳酪，草莓慕絲，草莓雪糕。乳酪味道跟超市買的沒兩樣，味道正常沒有果粒。慕絲正常沒偏甜，但不算很滑溜，比較像稠版的乳酪。反而草莓雪糕很美味，非雀巢那些，是類似雪葩的口感，奶味偏少。這個很討好。草莓不算大但數量不少，主甜帶微酸，是大家都接受的質素。 「士多啤梨窩夫」這個我沒試但份量不算少。 「乳酪雪花冰」$49元的雪花冰與$20的無分別，份量也不多，只有很少乳酪味。toppings的朱古力碎彷如嚼蠟，難吃；煉奶的味道跟酸酸的乳酪完全不搭，很怪啊。後悔點了這個，浪費金錢。 總結：首先讚賞下甜點是擺得好美，拍照share一流，店內裝潢燈光亦舒適。但食物味道有被騙的感覺，不能跟米芝蓮扯上關係吧。如此的價錢有更多好選擇，不會再光顧。 …查看更多

身為荃灣區居民，一直沒機會嚐嚐頗有人氣的金坊泰國菜館，原因是每次來到都門庭若市。是日下午3時半到達，見沒人排隊，可即時入座，便馬上決定試一試。下午茶餐款式頗多，但友人們常推介金坊的海南雞飯，故也沒多作選擇。直接點了海南雞飯，配熱檸蜜，另送冬陰功湯。好像是第一次吃海南雞飯，飯是油飯(?)，很香味道不錯，雞肉偏瘦，是我喜歡的，而雞肉的份量不算少，整個下午茶非常飽肚。先評海南雞飯，雞雖不肥但肉質很好，不會很難咀嚼。附有一小碟醬汁，酸酸甜甜，十分醒胃易入口，配以香噴噴的油飯，好味道！冬陰功湯還好，雖然無海鮮，也不太有辣味，但酸味和香料也很足，合格。熱檸蜜反而是最失望，不知店家是用甚麼糖漿，味道雖是甜，但有股怪怪的味道。…查看更多

本來對香港的韓式炸雞沒太大好感，並非不喜歡炸雞，只是一般加了韓式二字，都索價幾百大元，而味道又不怎樣。這次會來吃outdark，是因為在facebook看見韓國朋友對outdark的好評，令我也食指大動。是晚一行6人，晚上10點半左右入座，不用等位，非常高興。另發現last order是11時，店舖12時關門，而非openrice的凌晨2時。由於夜深，大伙兒都肚餓了，所以曾經吃過的朋友，馬上點了兩客自己做自己飯團，先挺一下。材料簡單，紫菜，蟹籽，麻油，白飯。店員會每人分發手套，所以搓飯團十分方便快捷。我們6人不消一會就吃光兩客飯團，簡單但美味，蟹籽爽脆，而且40元，性價比正常。接著點了兩客炸雞，一款是蜜糖味，另一款是甜辣。等了一會兒，兩大碟炸雞端上桌，香味撲鼻。份量真是超多，目測一客有十多塊無骨炸雞及薯格，薯角。蜜糖味果真如朋友推介般甜甜的很juicy，而且無骨啖啖肉，令人不禁一塊接一塊地吃。溫馨提示，炸雞上桌時是超級熱的，要小心吃。甜辣味是我選的，辣味適中，但不吃辣的朋友覺得很辣。這口味一開始吃覺得挺新鮮，但再吃幾塊便感到普通了，還是推介蜜糖味。不得不提伴碟的薯格薯角，香脆可口，熱騰騰又不會炸得太硬，表面灑了調味粉，很好吃！炸雞份量實在不少，最後6人也吃飽了，剩下大概5塊雞左右，以英語跟oppa說take away。店員有香港的少女，也有會說英語的oppa，十分nice，笑容態度都令人滿意。店內環境不太光，主要是靠每張桌上的鎢絲燈泡發光。伴隨輕快的韓語歌，而非kpop，一行人也覺得氣氛很好。6人用膳，店員送了兩個鎖匙扣，可寫下特別的字句，扣左門口的鐵柵上。題外話，oppa寫了memo告訴店舖播的音樂是J Rabbit組合的。…查看更多

終於有機會一試fusion菜，還是我蠻喜歡的韓國菜，因此抱著很大期望去試的。由於朋友已吃過一次，所以提醒要早點到達才不用等位，最後我們6時半就到了，一行三人可直接入座。店舖有分露天和室內的，雖然露天也只不過是在商場裡，我還是喜歡坐到室內去。但不知當晚是否有租場的活動，店內無人但侍應直接帶我們到露天位子就坐。雖然是平日晚上，而且也早了到，但我們幾乎是坐最後的空位，我們以後到的食客都要等位，可見此店還是頗有人氣的。朋友極力推薦烏卒卒，其實是墨魚飯卷，紫菜包裹著黑色的墨魚飯及淺啡色的墨魚。淺啡色的墨魚我初看以為是花生.....味道真的很特別，飯其實我吃不出墨魚味，但也出奇好味，墨魚是有咬勁，但不會很韌，正。碟邊有沙律醬，我覺得沾不沾都很滋味！校園花卷，材料由外到內分別是：煎蛋，紫菜，飯，牛肉。碟子上有類似燒肉汁可沾，少量沙律菜及醋。這個菜是兩位朋友先吃，評價皆為"唔知點講"，我吃了一口，果然味道是有點複雜的，外層的蛋煎得很香，牛肉也是有炮製過，再沾上燒醬汁，令整個飯卷味道很濃，頗為重口味。這個可以一試，但太多口味的fusion了，下次應該不會點了。再來是韓式冷麵（類似的名字吧，我忘了），餐牌上有兩顆辣椒的菜式。菜式上桌時，我們看了一分鐘都看不到冷麵在何處，只看見一大堆芽菜和泡菜。以筷子攪拌一下後，發現了底部的冷麵，粗幼及顏色跟芽菜有九成相似。冷麵真的很煙韌，彈牙有口感，與爽口的芽菜及配料一起吃，十分清爽！配料當中有醃過的蘿蔔，酸酸辣辣，爽脆開胃，然而吃了一陣，就感受到兩顆辣椒的威力了，我算頗吃得辣，也有少許嗆到，朋友更是無辦法吃下去，結果冷麵放置到所有冰都溶成水了。再次挑戰，發現冰水中和了辣，更帶出了更酸的味道，味道頓時升了一個層次，友人再吃，大家一致認為味道、配菜及麵是很棒的，但如果將辣度減少一半就好。最後一道菜是廚師卡邦尼年糕，點餐時看到有另一款卡邦尼年糕，問了侍應兩款的分別，但無回答我們。但見兩樣是一樣價錢，所以點了廚師版的。上菜時發現了廚師版的就多了一些韓式粉絲及煙肉，友人上次點普通版說是沒有這些的。醬汁非常多，可以把年糕淹沒，年糕很有咬勁，未有發現中間未軟的問題，每條年糕都沾滿卡邦尼醬，美味縱然是有些膩口，粉絲超軟，失去了彈性，煙肉正常。總括而言是值得去吃的，下次會想吃炒飯，見很多食客都有點。我們三位女生點四個菜是超飽的，價錢很合理，約每人$100。…查看更多

中午12時到本打算避過午飯人潮, 但沒料到店已近坐滿, 幸好我一人前往也找到位置擠身坐下, 甫坐下店外便開始排隊了, 看來我還是有一齊點點點運氣的:)去之前已做出了資料搜集, 點了最多人推介的蕃茄通, 但怕吃不完所以只了蛋沒點其它材料, 同時也點檸蜜脆脆, 見熱門的咸檸七索價$15打算不點, 但想起友曾推介所以最後也點了.飲料最先到, 是預先搗好的咸檸, 七喜是另外上的, 味道是挺特別的, 鹹 / 酸 / 甜三種味道同時刺激著味蕾, 沒試過的朋友可以來試一下, 但價錢有點高我下次應該不會點了很快主角蕃茄通($22)也到了, (是日沒有米粉供應)湯底有煮得很透的蕃茄, 很稠, 味道真的很濃厚, 酸酸地帶一點甜很是開胃通粉是厚身的, 熟透不會硬又保持到彈性不會爛掉, 蛋是煎蛋, 蛋黃是汁液, 不是熟透的,跟湯混在一起很棒!!吃著通粉把整碗湯都喝光了檸蜜脆脆真的很便宜, $12有4小塊, 外脆內軟, 不過裡面再軟些會更好, 味道是不錯但個人喜歡再濃一些p.s. 坐著太多人, 店員姨姨加了一張桌子, 顯得更擠迫, 已經跟其它食客背貼背了 …查看更多

是日晚上8時到達, 在門外等候大約15分鐘, (因為不想一邊走邊吃所以選堂食, 如果是外賣的, 直接進去買不用等)侍應派Menu給在排隊的人,看似很多款, 但其實主要都是由抹茶雪糕 / 牛奶雪糕 / 白玉 等組合而成.個人生怕紅豆會很甜,所以選了牛奶抹茶白玉雪糕($44),坐下大約一分鐘就有雪糕, 當然相機先吃, 但才拍幾張照雪糕已快溶了, 雪糕有附送糖漿, 但想吃雪糕原本的味道, 所以也沒看見食客會下@@先吃了抹茶的部分, 幾濃茶味的吃不到甜味, 店家應該當想保留抹茶原味吧, 再吃一口牛奶味, 挺甜的也很濃, 確實吃得出3.6牛乳的味道, 個人覺得混合兩種口味就適合, 因為抹茶單獨吃有少許茶本來的澀味, 單獨吃牛奶味又會有點甜, 混起來剛好總括而言味道幾好, 但店鋪位置不太方便, 以後想吃抹茶牛奶雪糕我還是會去City's Super Sweets House Cha Cha, 畢竟較近, 又不用排隊, 而且味道價錢也差不多:)…查看更多

食過漁屋後，我諗我短期內都唔會特登出九龍/港島食放題因為漁屋真係「平、靚、正」！淨烏冬味道正常，都幾大碗，可以唔洗試醬汁螺肉、八爪魚、中華沙律我好中意食呢3樣前菜！八爪魚幾抵讚，係原隻，無切到碎哂，好好味火炙三文魚壽司、花之戀、反卷火炙三文魚依然係入口即溶，我依家覺得火炙比普通三文魚壽司好食，我覺得沙律燒同醬油燒都好味，友人中意醬油燒多d :)花之戀都唔錯，上面多蟹籽，好中意佢整到細細件，一口一個，唔會食到散左，又可以試多幾款食物反卷ok，但可以唔試鰻魚壽司、蟹籽、三文魚正常，都係細細件、的的式式，一口一件:)刺身三文魚腩真係極品，睇得樣已經知道好肥美食落又真係比普通三文魚刺身多魚油、魚香味！普通三文魚都好好味玉子面層有焦糖燒過，個人覺得甜左少少北寄貝無黎到，唔知點解……甜蝦、玻璃蝦新鮮！(記得以前係無玻璃蝦)不過我同友人都中意食甜蝦多d，食落鮮甜d金菇肥牛卷以前食過兩次都覺得好正，但今次食覺得個汁無以前咁濃，而且大舊左，食ge時候無咁方便，可以試一件ge燒雞泡魚干呢個一直都有供應，係漁屋ge特色食品！今次終於叫左黎試，友人食過唔係太喜歡，不過我幾中意wor！聞落幾香，睇落好似好硬，但其實食落好軟，味道甜甜地，有魷魚干ge味道同口感，我覺得幾好食炸墨魚餅、炸紫心番薯魚餅我同友人都中意食，一人半個岩岩好，過下食癮番薯天婦羅竟然係紫心，好好味，好甜，好軟今餐飲品可以揀汽水、玄米茶etc.同友人都係飲凍玄米茶，味道幾特別，最重要係唔似汽水咁甜，飲完再食野可以試真d食物ge味道，推介，臨走仲食左雪糕！…查看更多

同喜愛米線的友人係尖沙咀過黎旺角食米線皆因荃灣ge 雲南桂林過橋米線 轉左名連米線的味道也轉了....湯底比以前差友人經常在旺角覓食所以見呢晚有機又經過旺角就毫不猶豫咁揀呢間入到店已經聞到成間鋪充滿小鍋米線果種湯底ge香味呢一刻我已經預計到係呢度會食到以前荃灣店的味道:)由於同友人都係腩肉小鍋米線的擁躉所以都照舊「腩肉小鍋米線小辣」我要多酸多青友人就走青但但價錢同荃灣轉左名的店鋪一樣都係加左幾蚊以前淨小鍋米線$19依家已經去到$22碗米線好快就黎到真係勁香湯底複雜又濃的香氣隨住熱呼呼的蒸氣不斷飄入我個鼻即刻飲啖湯先真係好濃係以前的味道呢刻勁開心真係好耐無飲過呢個咁正的湯i misssssss it 米線都唔會太硬太軟腩肉一入口會食到湯底個味再嚼耐d就會食到個腩肉其實係預先醃過好入味好香而且腩肉的份量都幾多肥瘦適中最緊要好淋唔會un 如果我經常係旺角出沒我應該會經常黎呢度開飯…查看更多

一大班人Gathering，打冷就至夠風味，又可以坐幾耐都得，係露天環境，成班人幾大聲吹水都得，哈哈，我同朋友好中意打冷XDD明記都食過3、4次，感覺佢幾抵，一半男一半女，除返開每人比$45，仲要叫左兩枝啤酒。但味道方似乎比以前差左少少咁多咯。韮菜豬紅，我唔食豬紅的，韮菜食到有渣>_<個汁ok惹味，有少少辣！啫啫雞煲，個醬幾好味，d雞幾嫩，但骨多肉少:(，朋友話個豬潤都幾好味。上果陣仲「吱吱」聲，熱辣辣！朋友心急食，真係辣親個咀，哈哈！腐乳炒通菜，我打冷幾中意叫ge一個小菜，腐乳味其實得好少，無以前咁香，但唔多渣，都ok！:)啤酒，我唔飲，朋友想飲藍妹，但無得揀lol魚香茄子煲，朋友唔食茄子，但為左滿足我ge為食都叫左，幾好味，個汁撈飯幾好食，辣辣地，惹味Good！沙嗲金菇肥牛煲，呢個真係超失望！我唔覺得有一丁點沙嗲味，d粉絲斷哂，味道一般般啦，唔推介呢個。椒鹽鮮魷，次次黎都必叫，但今次一上菜，哇，點解咁細條ge？真係得薯條咁幼，以前係手指咁粗架，唔知點解細條左咁多……但個味道仲係咁好食！點少少魚露食，酸酸地，好好味！…查看更多

前排路德圍兩間雲南米線鋪執左，所以少左好多食米線ge意慾，呢日行過搵地方食lunch，發現由以前ge「雲南桂林過橋米線」改左名做「雲桂香」，鋪頭入面再唔係以前茶餐廳feel，裝潢過比我感覺高級好多，個feel好似隔離間米線鋪lolP.s. 最重要衛生情況真係好左好多入到見到張張table上都有一細碟小食，原來新開張期間送餐前小食一碟，我叫左個涼拌豬耳，第一次食，幾好味，味道酸酸甜甜，食完的確好開胃食食下期間d店員嬸嬸見到我個袋好大，特登拎多張chair比我擺袋，好超人！而且笑容好好，都好有禮貌，唔係好惡果d，Like！:)哇，打開個餐牌叫野食，原來個店面高級左……d食物果然都加左好多價。記得以往食一個小鍋米線係19蚊，依家22蚊。以前加一個腩肉係$5，依家$6，而且比我感覺腩肉係份量少左。講返碗米線，今次叫左腩肉小鍋米線小辣。以前ge配料我好鍾意食，除左有好多米線，仲有好多芽菜、韮菜、炸醬……但依家少左好多芽菜同炸醬，成碗米線即時無咁香:(以往都食小辣都夠辣，但今次無乜辣味，唔知係因為個辣味唔夠定個湯ge問題，我覺得依家無以前咁好食，湯底ge味道淡左，好似無以前咁豐富。依家食米線ge衝動無以前咁大，但下次有機會，我會再試一次個味。食完仲以為自己有影相，但原來只係影左餐牌haha！…查看更多

好耐無打食評啦！今次係松記，其實已經食過好多次，但好欣賞佢做咁耐水準都無下降！數下手指，我諗我一個月都食2-3次，抵食之選。原因在於佢d水果份量多，而且水果都係新鮮，無用糖水浸過，唔係罐頭貨店員會問要唔要芒果汁同椰奶我每次都係「多芒果汁多奶！」結果黎到，碗甜品d汁通常都會滿瀉呢一日係晚上9點到，店入面已經坐滿日，但好彩我同好友們都咁岩有坐唔洗等，但我地9點半食完出黎，門口已經門庭若市，外面超過30人等位。根據我ge經驗，如果10點幾去(6人左右)，通常要等15-20分鐘度，所以大家要去食就唔好太夜 lol店入面都比較擠逼，有時帶個大d ge袋入面只可以抱住咁食甜品。另外有樣特別ge係，松記因為太受歡迎，所以晚上會租埋隔離間茶餐廳ge鋪位架！我每次都係叫呢個「幻彩明珠」但係食唔厭店員會問要唔要芒果汁同椰奶我每次都係「多芒果汁多奶！」結果黎到，碗甜品d汁通常都會滿瀉材料：- 西瓜(次次食都甜同多汁，唔會好dry)- 奇異果(通常比較酸，但個人覺得幾開胃)- 芒果(唔係一粒粒，係一塊塊，有時酸，有時甜)- 黑珍珠(係粒透明ge細珍珠，入面再有糕好係芝麻咁ge野，幾好口感)- 大珍珠(半透明，應該係大粒版西米，食落QQ)- 哈蜜瓜(我食咁多次都係甜！)- 涼粉(正常味道)$19呢個係「Summer」特點係可以自己揀要咩flavour ge雪糕可以叫兩球，味道都有差不多7-8種選擇，好多朋友都中意食呢個$21…查看更多