Tori911's Profile

想買外賣，行咗入駱駝漆嘅後巷，見到三間餐廳。揀咗兩間，各自買咗一個飯盒。行到喜囍豬扒店，個店員即刻行出嚟Sell佢地豬扒飯。店員推薦洋蔥鼓油汁，鍾意食辣，就香辣咖喱汁。咁我就即刻叫咗個A1香煎豬扒太陽蛋飯加洋蔥豉油汁試試😆再加$3 轉IF100%椰青水。塊豬扒好大份，份面仲有椰菜同茄子即配菜。中規中矩，但勝在價錢抵夠大份。…Read More

早起飲個早茶先。去了觀塘Eastcore間龍點心。星期日既10 點都唔使排隊，直接拎飛入座。叫左4 款點心，上菜速度都算快。1. 拉絲菠蘿包 $38 一碟有三個。 一啖咬落去真係拉到絲。外脆內軟，都唔錯，但食落沒有特別。2. 脆脆富貴紅米腸 $46 這碟真心正，大大份。外皮煙靭，包住脆脆嘅內層，超級有口感。 絕對會encore。3. 一龍大滿足 $62 一籠有六粒唔同嘅點心，全部都係有特色嘅蝦餃，燒賣同餃子。全部都唔錯，除咗酸菜魚鳳眼餃， 對我嚟講超辣😵😵😵4. 一口鹹水角$32 外皮夠脆夠煙靭，但個餡就少咗啲啲。味道同平時嘅鹹水角有啲唔同，但唔係好食得出是什麼🤭兩個人不足$250落樓，絕對會返嚟，再試吓其他點心👍🏻👍🏻👍🏻…Read More

生日飯同男朋友去食Tommy Yummy, 收藏喺OpenRice List好耐㗎喇。一上到去就見到有條小小嘅長龍要排隊，都唔係排咗好耐，大概20分鐘左右啦。每人叫咗一杯嘢飲，我就泰式奶茶，男朋友就叫咗斑斕梳打。 兩杯嘢飲都唔錯，但係杯斑斕梳打真係好有驚喜呀，個味超夾。真頭想同男朋友交換🤣叫咗串燒拼盤六串，不過不失，冇咩特別。打拋豬肉碎煎蛋飯雖然好似好普通咁樣，但撈埋啲飯有少少辣都唔係幾開胃㗎。黃咖喱牛腩配薄餅薄餅酥脆，味道好香牛油味，但係份量就比較少，食曬薄餅重有半碗咖喱。牛腩都夠冧唔錯，有碗飯送吓就好啦🫣🫣芒果乳酪疊疊冰當然唔少得，最後叫咗呢個甜品！打卡一流。好大份，所有野個味都好夾，正🥰🥰…Read More

星期六同閨蜜去海港城食午餐，去左間係連卡佛入邊嘅Cafe。真心有點難搵，我哋從2樓嘅化妝部行到最入，再經過電梯落到去地下個層，再問連卡佛嘅職員，被佢地指了出商場，行咗入酒店。要再問酒店嘅職員先發覺Cafe呢就喺門口嘅位置😆🤣🤣😆Cafe座位不多,一大張長枱設計，大家兩個兩個隔住膠板坐。要用電話落單，同閨蜜一同都睇中咗個澳洲M5 和牛溫泉蛋飯，咁就叫咗一人一個飯。和牛非常嫩口，好有牛味, 日本飯啊撈埋隻蛋啦同埋啲紫菜，成碗飯食晒呀！絕對推介！另外加錢每人叫了兩隻日式芝手羽先，即是炸雞翼🤣🤣🤣 外皮炸到脆卜卜，不太油，唔錯唔錯。不過最精彩莫過於兩杯嘢飲，分別叫了黐_線朱古力同黐_線朱古力咖啡。一嚟到就俾佢個外表嚇親，打卡一流。因為我怕朱古力太甜，所以叫咗朱古力咖啡，飲落去甜味啱啱好嘅。我哋各自食咗一個飯同埋飲咗一杯朱古力成為$529，雖然真係好好味，又好飽，但lunch價錢有點高😆…Read More

今日出太子食嘢，朋友就推薦名寶石餐廳話個煎牛柳粒好正，咁就要試試佢啦。這是一間舊式西餐廳，平日下午茶時間居然都好多人。下午茶叫了煎牛柳粒沙律 $93好驚喜個牛柳粒超遠淋，有厚度，肉味都唔錯。另外叫左鹹牛脷飯套餐，有湯有甜品。牛脷淋身唔太鹹，味道適中。白湯都正常，甜品是芒果布甸加花奶，不太甜。另附上兩杯飲品，奶茶既茶同奶分上，可以調製。價錢不平，但有水準。有好多客人，但是服務生不多，埋單過程都要等一等。…Read More

見到咁靚既餐廳，立即約閨蜜去試一試。去到個粉紅色門口都幾特別，完全唔似一間餐廳。首先會入到一間黑房，之後自己推開個布幕，全場七彩繽紛，閃令令，好有驚喜入到去超興奮，周圍走來走去影相。頭盤:自家製酥皮黑魚子牛油果煙三文魚水牛芝士波波他他個擺盤好靚,酥皮都脆口，牛油果同三文魚都幾夾，推薦Main :慢煮180 日安格斯牛肩脊半蜜糖紅菜頭牛肩胛慢煮好淋，有牛味，但個汁有點似平時茶餐廳嘅洋蔥汁🙈個配菜都出色😋Risotto: 黑魚子麵包蟹意大利飯外貌好靚，蟹殼乘着飯再放上石春上面。個飯有點咬口，蟹味非常出👍🏻Pasta: 三文魚籽鮮魷魚海膽汁墨魚意大利粉意大利粉普普通通，但個海膽汁讚。飲品全部都好靚，但味道就冇咩特別🙈OMG 5C (果汁，但飲完估唔到係用咩水果，可能係我問題😆）紙醉金迷 （提子啫喱）荔枝上的彩虹 （荔枝味波子汽水）宇治抹茶珍寶牛油果奶昔 （我比較喜歡這杯）甜品：潘朵拉盒子-延續好靚，但味道就冇特別4個人食左$1550。食環境食擺盤，影相一流。食物味道不錯，但價錢有點進取，同不飽肚。另外飲品就普通。…Read More

今日同生酮嘅朋友出去食飯，所以就揀咗呢一間餐廳。餐廳係滿座，二人座位就比較迫。一坐低就送咗一份炸蝦餅做小食。叫咗老闆娘鵝肝煎蛋撈飯加咗$20轉咗個椰菜花飯。個賣相唔錯，入邊有三舊鵝肝，我地將所有配料撈晒再兩個人分黎食。鵝肝唔錯，但係啲配料呢令到個飯過喊😖另外再叫咗一個十三飛轉左翠玉瓜麵。我同朋友比較喜歡過個麵，翠玉瓜麵爽口，有驚喜，牛肉都幾淋叫左兩杯飲品岩鹽咖啡，會俾樽岩鹽你，叫你自己落㗎😆味道都唔錯，加$18都值。另外我叫咗杯鴛鴦，但係就沒有特別。雖然可以食到生酮餐單，但價錢比較偏貴🫣…Read More

今日紅日但係打8號風球，諗住打定輸數留喺屋企食，結果打去呢一間餐廳度碰碰運氣，點知真係有位啊，所以就即刻同屋企人訂六位試一試。環境坐得幾舒服，而且呢個店舖都大間。我哋一行六人呢就叫8款食物加5杯嘢飲。小食拼盤，串燒同蝦餅幾香口，春卷鬆脆，有泰國嘅風味薯條配黑松露蛋黃醬：薯條香脆，正常發揮青咖喱青口特別推介，青咖喱呢嘅椰汁味香濃，不食得辣嘅人都可以一試北京填鴨嘅Pizza幾特別，用上北京填鴨嘅醬汁，用新穎嘅方法食北京田鴨值得一讚。松露焗豬飯相比起其他菜式就比較普通。BBQ Rib 好入味，肉質好淋😍😍燒春雞超級滑，全家人都大讚另外因為屋企人生日，就加咗$20係甜品上寫生日字句。甜品有好多選擇。最後呢就選擇左以下兩個甜品，絕無失望。佢嘅甜品不太甜，老人家都啱食。另外去飲品都好多選擇，我哋選擇左啤酒同埋以下四款嘅飲品，外貌都幾靚，飲落去唔太甜😍😍食完今餐之後，家人都好滿意，值得再來一次!!!…Read More

上網見到雪糕拉麵，一直都好想試，今日終於搵到機會收工去試一試😋😋男朋友去拎位，要人齊先可以入位。驚要排隊，跑住去😆叫左個雪糕拉麵同魚介豚骨沾麵，等緊拉麵期間，後面已經排滿曬客人。雪糕拉麵個雪糕雪到冰一冰，要浸一浸先可以溶得曬個雪糕。個拉麵都幾辣，雪糕溶左有陣花生奶味，都幾夾，但唔太特別喇。另外叫沾麵，個湯好濃，麵條叫左硬嘅口感，咬落彈牙，唔錯👍🏻👍🏻個人比較鐘意沾麵，個雪糕拉麵就好適合打卡🥰…Read More

今日去食拉麵，揀咗間喺觀塘宜安街。地點不太方便，牛頭角地鐵站落都要行一段路。店舖坐於唐樓樓下，日式裝修同附近店舖格格不入。店舖並不大，坐位都不是太多。當日都差不多滿座。我地兩個人各自叫左個丸京拉麵。一個清湯 （右）個擺盤超型，有驚喜一個赤玉櫻花蝦 （左）櫻花蝦係濃湯嚟嘅，個蝦味真係好出，但係對我嚟講就鹹咗少少啦。我就比較喜歡清湯。拉麵有兩款叉燒，我比較喜歡真叉燒，店員話真叉燒係慢煮，食得出比肉質呢係比較嫩。拉麵不過不失，但坐位比較逼，另外店舖只收現金。…Read More

男朋友突然話想食雞煲，馬上係open rice book 位💪🏻間餐廳場地幾大兩個人叫左個芝士雞煲，超級多芝士，超級邪惡，d 雞好嫩，份量都多隔籬枱其中一個麻辣雞煲，超級好香，下次一定要試一試😋😋😋食完雞加芝士湯，打邊爐叫左三個餸，加公仔麵同竹蔗茅根個牛肉嫩口有牛味，兩個人叫細份就夠個蝦滑好彈牙，大大舊👍🏻👍🏻男朋友都讚另外叫左個我最鍾意既響鈴，不是平時食既size,超級大舊，浸左芝士湯超級好食😋食飽飽，兩人700落樓😏芝士雞煲完全唔洗點醬油，不過未叫食物已收了醬油費😈…Read More

趁着入西貢玩，就搵左這間附海邊既餐廳食個午餐。由西貢碼頭行入去都要小小時間，但沿途風景優美，散散步都開心。餐廳都滿座，好在一早book 定枱。我地坐左係室外，個日既天氣天陰陰，不太熱。我叫左杯泰式奶茶，男朋友叫左杯紅豆椰汁冰，兩杯都正常發揮。小食拼盆值得一讚，個蝦餅最好味金邊粉普普通通，蝦都彈牙咖喱牛坑腩超濃，個薄餅點咖喱汁好好味，牛都好淋，但薄餅數量比較少，成碗汁浪費曬🙈總括來說環境一流，食物唔錯，但美中不足是價錢有點貴😝…Read More

收藏左這間小店係open rice 既想去list， 今日經過記試下佢。小店座位不多，慶幸當時沒有其他客人。全部都係高枱櫈，唔係咁好坐。叫左個經典牛肉漢堡加餐，有番薯薯條同飲品。飲品都多選擇。店員比左手套我地用。店員即叫即整，個漢堡嚟到真係超驚喜，超級大份，好驚人，完全不知如何落口🫣漢堡十份足料，牛肉非常juicy ，係有質素嘅漢堡。番薯條食到停唔到口。太大份要人幫手先食得曬，不過真係食得有點狼狽，跌到周圍都係🙈…Read More

之前食過外賣，但就麻麻地，老闆都提醒話要堂食先好味。所以今次就嚟堂食試吓佢。叫咗個秘製沙嗲牛肉雙燶邊蘭王蛋飯 $78隻蛋撈埋啲飯正，$78 茶餐廳黎講係偏貴， 但係大大份令個價錢都合理返，滿足曬食沙嗲牛肉嘅慾望😋😋😋😋推介👍🏻👍🏻另外再叫左即叫即炸椒鹽豬扒飯個，都係$78，有鍋氣，好野味兩個飯都附送左一碟小小嘅菜脯，食到停唔到口😋食得超級飽，如果胃口比較細，一碟夠兩個人食。不過對平時食得淡味既我黎講，今餐係重口味🙈…Read More