kingson1112's Profile

星期日冇野做同朋友係青衣城搵野食。呢一間係青衣城都開左一段時間，但係一直都冇乜機會試。今日朋友話想食，咁就坐左入去。呢間野嘅食物都係日、韓為主。我見佢午市都好似有得打邊爐，但係我連早餐都冇食，唔想食得太重口味。咁我叫左個魚生飯。整得好靚仔，咁三文魚腩有八塊。我自己本身中意食三文魚腩，因為佢食落去香過普通三文魚好多😋😋飯嘅酸我覺得啱啱好，食得幾開胃。好快就食哂😣😣其實份量都唔細。沙律醋就反而落得太多，味道太重。🤢🤢另外佢嘅嘢飲係自己任沖，見到水面浮左一層野，可能個杯唔多乾淨定本身柚子蜜真係會沖到咁。自己飲得唔太安落。飲左半杯就冇飲🤦🏻‍♂️🤦🏻‍♂️…Read More

最近有啲忙，一直未有時間寫下野。其實已經係兩星期前食呢餐飯。我地叫左煙三文魚黑松露燴飯。自己本身中意食三文魚同茹類，所以對呢個飯會比較有好感。三文魚砌得好靚，但係砌得好實。唔知佢係點整，感覺係因為雪住左所以整唔散。食個陣幻想啲雪融返入去，有啲水係到就好唔安心。但係so far都冇見過真係有水，可能係自已嚇自己第一次食鵝肝，都唔知係咩味，咁就叫左個鵝肝麵包黎試下。冇野比我比較下，又好難評價好唔好。我個人係幾中意食。雪糕嘅口感，燒鵝嘅香味。…Read More

之前見到呢間米線排好多隊，今日星期一就約朋友去食。好彩都唔洗點等🤓咁我唔太食得辣就叫左個腩肉、貢丸，麻辣三小。一開頭已經心諗，呢個辣度嘅分類做乜咁似譚仔😂😂之後食左第一啖，我真係覺得自己食緊譚仔😨😨對我黎講香港嘅米線就分兩類，一個係譚仔，個湯清清地，唔算太有味。一個係好似雲貴香咁，本身個湯都好咸好有味。咁呢個係個湯清清地個款。個人唔太中意。咁係幾抵食。大大碗另外又叫左個雞翼，有辣有唔辣土匪雞翼嘅味，即整。本身我都覺得土匪雞翼好食，所以呢個我都俾好評😂😂…Read More

放假晏左起身，但係又想食早餐😂😂就去食all day breakfast就最啱！同女朋友叫左個all day breakfast full 開心share。呢個係加左啲錢轉窩夫，個窩夫入面有料架！好好食，入面啲料好似奶黃包咁。外脆內軟，食落去有好幸福嘅感覺。詞窮，唔識講😂😂不過因爲係甜，我會留到比較後先食。另外漢堡扒都好有誠意。唔係快餐店食落去好似泥咁嘅口感，係真係有肉感係到，咬落去有汁出黎😭😭好感動可惜炒菌已經凍左，始終都係差咁啲。🙁其他野都冇乜特別🤔🤔整體好評…Read More

琴日小弟生日，就同女朋友去左呢一間科學園海邊嘅餐廳食飯。見到佢嘅dinner set唔算貴，個人覺得幾抵食。咁就入去食。佢有兩個set，一個係肉眼扒，另外一個係燒雞。冇乜人，可以靜靜地傾下計🤫🤫餐包冇影到，細細個。烘到外脆內軟，加埋蒜香牛肉真係世界級。🤤🤤餐湯唔記得影，一個係龍蝦湯，一個係菠菜海鮮湯。菠菜湯偏淡，龍蝦湯又太咸。不過只係個人口味。都幾足料，好多海鮮同蝦，抵讚。♥️牛扒嘅餐仲有個芝士薯蓉焗蝦，幾好食。薯蓉落左好多牛油，好香，好好食。不過好快食濟😂😂😂牛扒，我就唔太識食。幾有咬口，夠味，都唔洗點落汁。外面有啲炭燒味，好香。😂😂幾好食。不過外面燒得好勁，入口有種好鞋好粗嘅感覺。燒雞就好嫩，皮又好脆。雞冇乜好講，食雞有雞味，我中意雞多過牛。心太軟入面爆哂啲朱古力出黎，好正。雪糕就一般，入口又係好粗，冇個種幼滑感覺，手作level都及唔上。…Read More

早幾日約去沙田睇戲，買完飛就去附近睇下有冇野食，見到呢一間仲有位，就入左呢一間。叫左一個pizza 一個長通粉。名係咩就唔記得太清楚。Pizza好似叫綠醬雞肉，咁見到綠醬就估佢係咪牛油果🥑，本來幾中意牛油果。咁叫到返黎，當然發覺自己太天真。竟然以為綠醬係牛油果，更天真嘅係見唔到係綠色。雖然咁講，味道都係唔錯嘅。咸左啲，不過pizza好似食過嘅都覺得偏咸。所以應該係單純我嘅問題。另外，個長通粉就食到好大嘅蕃茄味。味道偏重偏咸，食落有芝士味。係幾好食嘅。不過食半份都okay，成份食哂就不了。…Read More

今日朋友們都唔得閒，咁啱身上有張羅麥記嘅coupon，就就一個人黎食下。佢嘅主題同裝修，老實講唔算太吸引我。所以如果唔係身上有coupon的話，我真係未必會考慮呢一間餐廳咁我叫左個避風塘軟殼蟹炒麵同一杯熱奶茶。奶茶先上，奶茶唔夠香，有少少澀，不過真係少少。已經好過好多餐廳。可接受啦。不過最後都係落糖飲😂😂軟殻蟹竟然有兩件，真係大驚喜。我以為只會得一件。其實都算抵食。食落偏咸，有鑊氣，夠香，只係味太重，不過我唔討厭。本身病緊都食得出佢咸，咁應該真係幾咸。不過都幾好食。整體好評。…Read More

今日同同事出去食飯，咁都唔會我呢啲小薯仔揀餐廳。我都係跟住入黎，見同事全部都叫豬扒飯，咁我都跟住叫，一定冇死。先俾左一盅芝麻你咁就磨爛佢，等一陣倒啲豬扒汁入去一陣可以點黎食😜😜豬扒啱啱炸起，好脆。點埋豬扒汁就酸酸地咁相當開胃。又夠厚，啖啖肉。🤤🤤🤤好正。好多餐廳賣吉豬都冇俾豬扒汁，咁食落去嘅時候就會好濟😛我個人口味就頂唔順咁油嘅感覺。最後仲有西瓜食🍉，都甜嘅，不過食落去唔太凍，有種已經放左一陣嘅感覺。🙁🙁…Read More

峰味係呢一年已經變成左飲食笑話嘅代名詞。咁佢同老麥出左新包，作為連鎖快餐店嘅忠誠支持者，就一定要去G持下。咁係網上面一早已經見到唔少負評，我都已經有哂心理準備。咁就叫左個包，一打開，見到張紙濕濕地，有啲醬係上邊。好影響觀感，不過作為一個麥當勞，我原諒佢。咁食包啦，四個字總結就係肉醬意包。有啲人就會即刻好不滿咁得佢好古靈精怪。不過有個日本漢堡連鎖店都係用肉醬做膽。我地都要對停瘋公道啲。最多都只係冇新意。漢堡扒就明顯厚過普通漢堡包。不過整得太乾，牛肉乾都冇咁乾，好似食緊柴咁。不過因為上面係醬，唔會話太乾就食得好辛苦。另外鋒味shake shake薯條，我都幾驚喜。一開始陣味好奇怪，不過食落口就係BBQ醬個隻味。有驚喜。不過shake shake口味就好多人都唔同，唔建議作參考。…Read More

今日有朋友生日，咁大家都中意越南野食就士旦揀左間越南野。出面廣告就賣緊呢個炙燒扎肉同埋手撕雞米湯檬。咁入到去就當然叫一碗黎試下，又唔係話唔好食，不過真係有啲失望。湯好似喇沙湯，因為用椰汁，但係冇喇沙湯咁惹味，但係又失去左越式湯底嘅香料味道，最後邯鄲學步，兩頭唔到岸。☹️☹️非常可惜。另外我地又叫左個窩蛋牛肉生菜包撈檬，呢個終於食得返平時食開越南野嘅味道😂😂本身入黎就係想食越南野，所以對呢個撈檬嘅評價都會高啲。其中窩蛋牛肉生菜包幾特別。咸辣嘅牛肉用菜包住，即刻覺得好fresh，食落冇乜罪惡感🙊🙊最後咸檸七，好淡。似溝左水。而且面到有層油，好影響觀感。總結，不過不失。…Read More