edwardcks's Profile

中秋節假期熱辣辣，行到頂唔順入去坐，叫咗三款蛋糕，期望最低係豆腐味，但竟然最好味係豆腐！唔膩，杏仁豆腐感覺。天氣熱一流。另外叫咗Oreo味，但細路仔兩下食晒，我都唔知咩味道。斑蘭蛋糕，幾特別啦！不過都係豆腐驚喜啲。另外叫咗杯美式，有果酸香，唔係星巴克嗰種死苦。飲完唔夠喉叫第二杯。有心機做的小店格局，好細間，但坐得好舒服，唔會覺得俾人趕，寧靜地享受小島風情。總括嚟講幾滿意，價錢唔算平，但以咁嘅味道，咁嘅環境，我又覺得唔貴。下次都會再幫襯。…Read More

之前食開佳記，呢間新開大概兩個月，之前食過一次之後，不斷幫襯。總結一下，我之前食過幾款甜品：腐竹薏米糖水：腐竹煲到溶晒，唔係一塊塊，非常香滑。但個人口味覺得稍為甜咗少少。腰果露：另一招牌作，好少聽過其他糖水舖有呢款，非常結的糊狀，好香好味。杏仁露：食得出好多磨杏仁口感，非常足料，相對其他糖水，呢隻最少甜，健康人士之選。流心芒果布甸：布甸中間留一層流心芒果汁，幾特別，但坦白講味道分別不大，算係幾好食，不算太驚喜。綠茶奶凍：聲稱係日本綠茶製作，味道偏甘苦，我識得出好濃綠茶味，可能綠茶味太重我覺得麻麻哋。結論：呢間同佳記水準基本相同。糖水我只會幫襯呢兩間。…Read More

呢間野都幾隱蔽，喺山林道一座商業大廈嘅9樓。不過係正嘢！嗰日食午餐，好彩有間房，三個細路喺房入邊唔怕俾人撞親。食咩餸要前一日跟佢講。呢間野無論環境，餐具，傢俬，食物，都非常精緻特別。價錢相對質素來講，我覺得係超值！可能位置癖，租金唔貴。所以令到價錢可以平。推介酸菜魚，顏色好靚，味道亦都好香。又冇骨。個秋葵都好好味，用豆瓣醬做，去咗秋葵嗰種青味。其他菜例如紅燒肉，腐皮面，煎堆仔，都係推介！下次我會再去試其他菜式。希望佢哋越做越好。…Read More

試了黑糖珍珠鮮奶，用了一個什麼啜爆的名字，忘記了。比起其他店，真的太甜了，不能選擇甜度，價錢$36 ，比起其他店我忘了是屬於平或是貴，點都好因為太甜關係所以我下次唔會買。…Read More

位置在中環碼頭的海事博物館樓上，非常不起眼，只留待有心人發掘了。一進入餐廳，裝修非常休閑舒服，以藍白色做主調，海洋為主題。餐廳還有戶外空中平台座位，對住無敵維港海景，不過華人好少會鍾意，我就坐係室內。餐廳雇用特殊人士，他們勤奮工作，不斷執枱招呼客人。我點了chicken avocado wrap,幾好味，個皮夠乾身。最出色係chocolate muffins，好香朱古力味，切入中間有朱古力流心。Flat White 都好味，幾滑!三樣嘢埋單$160 ,咁嘅環境咁嘅食物質素真係抵食，下次都會去！…Read More