JuliaQQ's Profile

星期六的下午去到人畜繁忙的西九搵嘢食，由於帶住隻狗，所以一定要選擇有戶外餐枱的，見到呢度有位，所以就試吓。餐廳係日式居酒屋裝修，環境都乾淨，室內有20個座位左右，室外有吧枱位置，可以望住維港，環境OK嘅。嘢食：等咗接近20分鐘 換來嘅就係完全唔熱嘅飯而米又好硬好乾 至於個麵就OK嘅。飲品清甜。服務：相當友善 唔錯門口貼住嗰張餐牌寫咗個定食Menu，但完全冇講淨係午市可以嗌，落單嘅時候先知原來not available, 主食唔包嘢飲…Read More

天陰陰帶住隻狗上咗山頂廣場搵食，星期六夜晚七點左右山頂廣場好多人，由於帶住隻狗，所以選擇唔係太多，見到呢間有室外座位嘅餐廳，所以就入咗去試。餐牌幾有特色，坐低侍應就推薦食佢個特色香料雪條，話每日限定製作得返兩支，我哋就留咗一支試吓。感覺上有啲薑味同埋香料比較重，鍾意特別味道嘅朋友可以試吓。三個人叫咗三道菜，炸魚薯條用嘅炸漿唔係普通英式fish and chips 嘅炸漿，反而係似吉列豬扒嘅炸漿， Club sandwich 反而幾得意，有少少辣。最後反而Butter Chicken有啲意外，因為Portion比較細。（收費$308反而係三個main course中最貴嘅）亦都冇跟其他飯或者麵包，所以我哋叫咗個garlic naan bread ，naan 🫓 烤得好脆，份量亦都夠足夠，幾好味。三個人食咗$1200 ，喺山頂嚟講算係OK。…Read More

同朋友兩位女士冇book位12:00入去餐廳好彩仲有一張枱，期間不斷有人入嚟午餐，所以午膳時間強烈建議book枱穩陣啲。set lunch有兩種， two courses $388 ， three courses $438，好多西餐廳如果主菜選擇牛扒都要加錢，呢度嘅牛扒唔使，所以就試咗牛扒。牛扒當然唔會expect 好大件，但係勝在厚身，同埋真係做到medium Rare，肉質都好好味。頭盤嘅smoked Salmon好新鮮， beetroot Sauce好特別，甜甜地，值得試。餐前麵包係Soudough，枱面有Olive oil提供，但就冇 balsamic vinegar a，想食嘅可以要求。聽講呢度嘅甜品唔錯，不過我同朋友都想飲咖啡，所以選擇加錢要咖啡。雖然中環食嘢普遍都預咗係貴，不過如果set lunch包埋咖啡就更好。餐廳服務員工都友善嘅，不過就唔係好細心，唔會主動問你有咩需要，例如兩次都要自己再問攞黑胡椒，如果可以上餐嘅時候提供埋就最好。同埋通常食牛扒都會問你要唔要芥辣？雖然我自己唔食，不過覺得都係應該要Offer俾客人。所以服務可以再好啲。…Read More

Weekday喺尖沙咀想搵間特色餐廳食個晏飲杯靚咖啡，見到呢間K11 Art Mall過江龍餐廳，入去試吓。星期四午餐唔算多人，一入去就有位，餐牌一邊係食物（All day Breakfast有好多選擇）另一邊就係咖啡。我同老公每人叫咗一份主菜，一杯咖啡，試咗佢嘅特色 nitro honey oat latte 唔係好大杯就預咗嘅，不過實在太多冰，完全飲唔到咖啡嘅味道。主菜味道同份量以$150嚟講，算係可以的。不過午餐並冇set lunch，所以食物同飲嘢全部都要分開叫。水係放枱面自己斟嘅，可能因為咁，叫咗服務員落單、食物嚟咗之後就唔會有人理你，佢哋就圍埋一齊傾偈。叫咗埋單至離開餐廳，都唔會講句多謝。由於食物同咖啡都唔係太有驚喜，所以應該唔會再去啦。…Read More

每年結婚周年都會去呢度慶祝，鍾意呢度的牛扒煮得剛剛好，牛扒質素唔錯，熱碟送上，所以可以保持溫度。以前冇set dinner，而家有套餐，有前菜，主菜，配菜、甜品，咖啡或茶，仲可以加錢配紅白酒或者汽酒，比起散叫更加化算，但係質素一樣咁好，侍應service都好好呢！ 結婚周年慶祝餐廳送上小蛋糕。環境方面都坐得舒適，今晚有唔少外國客人，身形大啲嘅就會覺得有啲迫😅 值得一提佢哋而家OpenRice訂座散叫嘅可以有九折，但套餐不包括在內，客人要留意。…Read More

好朋友生日，諗起之前去過Camellia食晏，環境唔錯，即管睇吓訂唔訂到位，竟然發現而家仲有買一送一午市套餐優惠，即刻book枱。去到被安排坐卡位，雖然唔係坐喺花花牆那邊，不過侍應好好，趁未有其他客人入座，幫我哋影咗好多張靚相🥰 食物質素貫徹一貫水準。我點的牛臉頰肉好軟，份量亦都好足夠。頭盤凱撒沙律都好大碟。仲有好味麵包附送。甜品亦都好靚，咖啡拉花賞心悅目。值得一提：佢哋啱啱今日開始新嘅會員計劃，有興趣可以了解下。…Read More

之前經過呢條街，發覺好多唔同嘅食肆，今次特登再去試吓呢間Cafe。過咗兩點到達，好彩唔使等位，午餐嘅顧客開始埋單離開。舖頭唔算大，枱有啲細，不過冇辦法，如果再大張啲枱，相對可以容納嘅顧客又會少咗。侍應非常有禮，亦都細心講解每人都需要order飲品，由於我哋叫午餐，已經包埋飲品。試咗佢哋嘅招牌 avobagel 黑芝麻包，朋友叫咗花雕蟹肉意粉。初初以為Bagle冇肉，驚唔飽，後來食落bagel非常有質感，麵包夠熱同埋外脆內軟，所以食晒都好飽！朋友嘅蟹肉意粉雖然唔係好大碟，不過佢話都夠飽！咖啡相對細杯咗啲，不過味道唔錯。最後試咗佢哋嘅柚子麻薯撻，價錢我覺得貴咗啲，不過味道唔錯，酸酸地，好開胃。下次可以再試吓其他食品。…Read More

落雨濕濕，揸車經過山林道，發現成條街都好多唔同嘅餐廳，咁啱有位泊，又見到呢間窗明几淨嘅餐廳仔，所以就走入去食個午餐。餐廳裝修簡潔，座位坐得舒服，點了兩個午餐，份量都幾大，見到飲品同埋甜品賣相都好靚，食物水準以呢個價錢來講，真係超值！今次太飽啦，下次一定會再去試吓佢嘅甜品。午餐選擇頗多， $80左右嘅價錢包括餐湯、主菜和一杯飲品，另外又可以加錢再選吃蛋糕。 侍應全部都係後生仔女，服務亦有禮貌。值得一提佢哋嘅飲品同埋食品都夠熱，值得一讚。…Read More

無聊睇吓食評，見到呢間餐廳唔錯，即使疫情嚴重，不過都想外出唞一唞氣，就即管試試訂位。網上正日情人節滿座，於是選了中國情人節，餐廳很窩心，之前幾日會有WhatsApp介紹餐牌，怎樣前往，有什麼特別要求等等。今天入座，見到餐廳雖然不大，但環境全部落地玻璃，枱雖然唔大，但係座椅坐得舒服。我們點了set lunch，分別有頭盤，主菜及甜品和咖啡或茶，每位$350。定價不太貴，而且消費滿$300有1小時免費泊車，喺人不多嘅環境下用餐，食物水準也頗高，侍應們體貼得來又唔會太過騷擾，一定會再去呀！…Read More

星期五晚想去海港城用coupon食晚飯，要book枱真係唔容易。好多間都已經 full Booking，網上訂到呢間餐廳。之前去過食午餐，印象唔錯，今次試吓食晚餐。訂位6:00 pm 入到去露台同埋室內用餐區都已經有幾張枱。侍應溫馨提示：如果用coupon，一定要 a-la-carte 如果叫tasting Menu，就唔可以用coupon。都係嘅，Tasting Menu可以試幾款，而且價錢係$788/位（+$288 wine pairing) 已經係平咗。我同先生兩個人選擇散叫，食物質素好好，侍應又招呼周到，所以推薦大家一試啊! 兩個人每人叫咗頭盤同主菜，我飲咗一杯紅酒，原價1450 ，減咗500 ，最後940 埋單…Read More

之前經過已經好想入去試，今日趁假期終於有機會去試吓佢哋嘅麵包同咖啡，地方係細啲，不過好開陽，都尚算坐得舒服，又有玻璃窗口位可以望下街街，假日去嘅話我諗要早啲先唔使等位啦！ 我試咗佢哋嘅招牌牛角包，叫咗吞拿魚沙律醬牛角包，同埋佢哋嘅焦糖岩鹽咖啡， $45大杯，尖沙咀價錢算係咁。不過我見到有人食 all day breakfast, 但係餐牌上面我又搵唔到 …. 食完之後仲買咗好多新鮮麵包，試吓佢嘅其他出品，要試多幾款口味先得! …Read More

聽朋友介紹試吓呢間唔使揀嘅餐廳食牛扒。疫情期間，午餐都算多人，坐低就送上麵包，麵包細咗啲，不過我諗應該可以 refill? 合桃沙律用上 balsamic dressing ，酸酸地好開胃。牛扒係 ribeye steak 好腍同埋好夠味。薯條又真係好好味又脆，仲可以免費無限添加👍🏻👍🏻👍🏻 喺OpenRice訂位仲可以有免費甜品，份量相當大嘅藍莓蛋糕🍰。$318 /set唔可以話平，不過水準係OK嘅。仲有儲印仔，四個午餐可以送一個，都算係叫做平咗啦！…Read More

朋友送來dining gift certificate 一張，所以特登去試吓。金鐘有很多酒店餐廳，這一間似乎從來未幫襯過。餐廳環境唔錯，但枱與枱空間好像有啲窄，尤其是我被安排坐在中間，與毗鄰的二人枱只用一塊玻璃相格，空間感似乎不足。食物方面，送的麵包有驚喜，外脆內軟，一定要試。食物只有四道菜晚餐，食物水準不俗，招呼亦都唔錯，但仍然有改善的地方：例如要等好耐先至得到侍應生的注意，上甜品的時候把我和先生的食物掉轉，但都是小問題... 總括來說，可以一試呀！…Read More

本來想去譽小館食燒腩仔，發覺原來已經轉咗呢一間新嘅西式餐廳，一行四人入去試吓。見到樓面只有一位服務員，心諗可能需要等好耐先有得食。我們點了四個午餐，價錢$88至$108不等，包餐湯或沙律和一個主菜，餐飲要另外加錢。不過出餐出奇地快，食物水準都唔差，可以一試👍🏻👍🏻 不過有一點要注意，餐椅同餐枱高度唔係好合襯，餐椅過高，變咗成日要烏低身食嘢，有啲唔舒服⋯⋯ 希望餐廳注意。食完之後發覺漏咗支酒精在餐廳，轉頭打返去，餐廳話搵唔到，可能已經係堆填區了⋯⋯ …Read More

今日終於走去試吓大角咀呢間越南包， 12:15去到堂食，老闆已經好忙咁整緊外賣，跟住就越來越多人入嚟買包，好彩比佢哋早一步。由於所有食物和飲品都係老闆一腳踢，大家最好預早WhatsApp落單先，如果唔係都需要等。本來想試佢哋嘅椰子咖啡，但由於實在太多人呀，老闆都唔得閒冲⋯⋯ 所以下次先有機會試。不過店舖很貼心，堂食可以飲自家製的菊花茶，清熱解毒，讚👍🏻。越南包預先韓國，所以愛皮好趣，用了亦都非常充足。扎肉好好味。可以揀辣或者唔辣。蘑菇湯好Queenie，蔬菜份量亦都夠。半個包加湯或兩款蔬菜賣$38。一個包加湯或蔬菜兩款$58，價錢okay 👍🏻👍🏻 會再試😋…Read More