foodball_852's Profile

日日35度，熱到個人都無咩心機，唯有食完夜晚食下甜品，慰籍下心靈啦🥳🐷芒果芝士奶蓋富士雪山第一次食依度既刨冰，啲碎冰比較大粒同埋硬身，要用力掘先有少少冰入到口。芒果份量唔算多，有啲失望🥲（分數：3/10）🐷伯爵茶珍珠疏乎厘班戟疏乎厘對比上一次食嘅時候有啲硬身，似係鬆軟嘅蛋糕，冇乜空氣感。呢度標榜用日本蛋，但係蛋味唔算濃，不過d cream夠晒伯爵茶味。朱古力雪糕正正常常，反而旁邊既芋圓就幾好食🤣。整體黎講，以前好食啲🙊（分數：5/10）環境方面大部分都要坐高椅，枱同枱既距離亦都唔大。每人最少消費一樣野食/飲品，限時個半鐘。依度亦都有提供小食可以選擇⋯👣地址：有料案內所 (井財街) (屯門)屯門井財街15號金銘大廈地下3號舖…Read More

一直都想試下飯丸屋，今日晏晝就試試佢😉🐷麻薯波波入面有紫薯同埋蕃薯兩種唔同既口味，視覺上幾靚🤭食落都幾重紫薯同蕃薯味，食落煙煙韌韌，都唔錯🤭同埋夠晒熱🤩細細粒，啱晒一啖一粒，唔經唔覺就會清晒成杯😌😌（分數：7/10）🐷炸蝦天婦羅沖繩飯丸個包裝上面嘅一對獅子好得意，所以上網search下，發現喺沖繩獅子😊希望遲啲有得去旅行，可以親眼睇下😉炸蝦天婦羅熱㷫㷫，仲有厚身既蛋同埋午餐肉，食落唔油膩，無咩負擔🤭（分數：7/10）🐷日式炸雞配蜂蜜芥末醬本身睇相以為係大件炸雞，拎到手既時候先發現原來係炸雞粒😛炸雞粒無咩驚喜，如果胃口唔大，可以試其他😎（分數：5/10）🐷黑糖豆漿跟餐揀埋豆漿黎飲，不過最想試既抹茶味已經賣晒😢黑糖豆漿比較甜，黑糖味已經遮蓋左豆味😟（分數：4/10）環境方面今次都係等左10分鐘左右，即叫即整都算快。如果諗唔到食咩，都可以試下。佢亦都有套餐或者拼盤揀😎👣地址：飯丸屋 (鴻福樓) (元朗)元朗擊壤路7號鴻福樓地下B2號舖…Read More

今次帶大家黎到我哋最喜愛嘅餐廳之一。一講起食牛扒，大家可能都會諗起outback, wooloomooloo呢啲比較大路嘅扒房😋。今次為大家推介呢間非常之有歷史故事嘅扒房。扒房創辦人係一位帶著兩名小孩子嘅單親母親Ruth Fertel。佢1965年喺美國創辦呢間餐廳，當時嘅社會係大多數女性如果要申請一張銀行卡，都需要佢丈夫嘅簽署確認，Ruth Fertel當時將自己住緊嘅樓做按揭用來創立呢間餐廳，終於佢呢份決心令佢可以成功🥹🥹🐷Crab Cake呢個Crab Cake 亦係呢間餐廳嘅其中一個signature 黎🥰🥰。個蟹餅放左係一個高溫嘅碟上配以牛油，一上菜時候已經聽到炸炸聲🥰，記得要襯熱食啊！一啖食落去，好重蟹味，好似同一時間食緊10隻蟹咁。餐廳會跟埋檸檬比啲覺得有需要嘅食客落，十分細心😊。但建議大家第一啖食唔好用檸檬，直接食，試一下啲蟹嘅鮮味先，如果覺得需要先落啦😝。（分數：7/10）🐷Lobster Bisque 依個龍蝦濃湯真係無得頂，都算係我哋飲過咁多間餐廳嘅龍蝦湯入面最濃味嘅，但係又唔會鹹到你眼望我眼。湯入面有新鮮嘅龍蝦肉，一啖湯一啖肉，真係彷彿好似身處喺海龍王嘅龍宮一樣嘅享受，大力推介🤭🤭😆（分數：8/10）🐷Cowboy Ribeye 22oz今次叫左medium rare，牛扒本身好厚肉，呢間餐廳嘅特色係佢會另上一塊500度高溫加左牛油嘅碟，能夠確保每啖牛肉放入口都係足夠熱力，同埋如果唔想食太生，都可以放喺碟上令啖牛肉熟小小🤭。塊牛牛味都ok，非常juicy，配埋紅酒簡直係perfect match😆😋😋（分數：7/10）環境方面呢間餐廳非常之有氣氛，燈光暗得來非常浪漫，枱上嘅燭光同天花板嘅舊式燈映照住打左蠟嘅木地板，未食已經浪漫到死喇🤣🤣。建議大家可以帶另一半來撐枱腳，啲枱櫈雖然有歷史，但坐落好舒服，枱同枱之間都好闊落，唔會有壓迫感😜😜。另外，都適合一大班人來把酒談心，或者傾大生意嘅地方🤭🤣。仲有一個重要嘅點要讚係，呢度啲Staff好Nice，全部都好專業🤭🙈👣地址：Shop 108-110,Level 1, Tsim Sha Tsui Centre, 66 Mody Road, Tsim Sha Tsui…Read More

每次行街經過都好想試下呢間餐廳，但每次都好多人排隊😭今日見到條隊唔係太長就即刻去排下🤓🐷奶蓋芋泥小丸子第一啖飲落係啖啖既芋泥(天然嘅芋頭味道)🥰之後就食到煙韌嘅小丸子，令到口感更加豐富，隨之而來嘅就係濃濃嘅豆香😍！反而個奶蓋就遮蓋左少少既豆香味🥹🥹~所以下次應該唔會叫奶蓋了😅（分數：7/10）🐷多芒楊枝甘露呢個楊枝甘露夠晒足料😋勁多芒果喺入面😍，甜度適中，仲有大大粒西米同埋唔澀嘅西柚😊，非常值得一試！呢碗野個份量都好足料😚，食一碗都飽飽地🤭（分數：8/10）🐷狂人粢飯落單嘅時候店員已經講要等10分鐘左右，不過為左食好嘢，當然冇所謂啦🤣🤣。呢個係即叫即整架👏，夠晒熱辣辣，yeah😚。糯米粒粒分明有口感，每食一啖都可以食到中間嘅餡(油炸鬼卜卜脆，加埋榨菜肉鬆芝麻)😋😋，真係好高質🤣，而家嘅上海舖頭買少見少，好耐未食過咁好食嘅粢飯啦🥹🥹（分數：9/10）環境方面落完單就等叫number，可以搵定位坐底慢慢等☺️。呢度嘅冷氣有啲大，有7成嘅位置都比較當風💨💨，加上我地本身坐緊個風口位，等既時侯覺得愈坐愈凍(肥人都頂唔到5分鐘)🥶，最後我哋搵左個唔係當風嘅位坐，但係都覺得凍🤣🤣。食完野之後，記得自己清潔番啊🤭疫情期間，如果有職員可以抹下枱面就更加好啦😜🤣👣地址：SOYmart by 豆乳狂人 (荃灣)荃灣大河道100號海之戀商場2樓2036號舖…Read More

今次黎到西灣河，不過就唔係去太安樓掃街，而係去海旁嗰邊食吓嘢，chill得黎又舒服🥳🐷Ribeye Steak 12oz今次叫左5成熟，塊牛都重牛味，只要簡簡單單加啲鹽食就ok，如果多啲肉汁會更好🫢side dishes亦都要另外加錢🙂因為我地想試多啲其他野，所以就無叫到啦😛（分數：6/10）🐷Sausage Around The World依個係腸仔既拼盤，有6種唔同既腸仔，飲酒必點🤭其中一款芝士腸好juicy😍有驚喜⋯唔使汁都夠晒味，仲有少少菜係隔離，減低左邪惡感🤭🤭（分數：7/10）🐷Slow-Cooked Crackling Pork Belly依個食落好似食緊燒肉咁，肉同肥一層一層隔開，一上枱個皮真係好脆😍不過我地掛住食其他野，到之後食番既時候就唔脆啦🫠由於攤耐左所以都有啲油膩，如果叫左既話，記得襯熱食。見到menu既相咁吸引，所以都好期待，但係食落就唔算好驚喜，不過同碟既甘筍好甜好好食😋（分數：5/10）環境方面枱同枱之間都好闊落，唔會好迫，無論一大班人或者兩三個人都適合嚟呢度食下飯飲下酒。食完仲可以去海邊行吓消化下添👫👫另外，啲Staff都好Nice🤭依家呢間餐廳主打食豬，但係都有好多唔同嘅選擇，有牛、海鮮、甜品等等，總會揀到自己啱食嘅野🤭👣地址：The Salted Pig (鯉景灣) (西灣河)西灣河鯉景灣蘇豪東B期太康街45號地下GB8-10號舖…Read More

依間舖頭聽就聽得多，但係都係第一次幫襯🤣🐷豆沙燒餅新鮮熱辣辣出爐，個皮夠晒煙韌，厚度又適中，食落去絕對唔會成口粉。中間有層綿綿地既豆沙餡，如果多番少少餡既話，紅豆味會更加特出😍依個燒餅性價比高，絕對會encore😋😋（分數：8/10）依間老字號仲有賣好多舊式既餅，例如雞仔餅、蛋散等等。雖然裝修有啲舊，但係正正就係依份舊式香港既味道先最吸引人😊下次有機會試埋其他野食先🥳👣地址：奇趣餅家 (旺角)旺角花園街135號地下…Read More

係尖沙咀行街，行到累又想食燒肉😛，突然之間諗起呢條韓國街🇰🇷我哋喺韓國街行左個圈發現差唔多每間餐廳都有人係出面等位，但係有韓燒食嘅餐廳真係唔多😣，呢間係其中一間有得食😊。雖然呢間餐廳外觀上好似有啲舊，但見門口出面啲poster 都寫住係由韓國人開，加上咁啱又有2人枱，所以我哋決定一試😙🐷海鮮嫩豆腐辣煲個湯一黎到就滾到blu blu blu🤭，熱力十足。個湯一開頭睇落好紅，感覺上好似好辣咁，但係飲落去又唔係好辣(ps我哋食譚仔最辣都係食十小辣🤣🤣🤭)，睇來呢間餐廳都知道香港人普遍都唔係食到太辣，專登調製合適香港人嘅口味。呢個湯最正一定係個豆腐，超滑！入口即溶🤤，豆腐同海鮮嘅比例大約係7比2，而海鮮就一般啦，正正常常☺️。提提大家，如果叫呢類湯煲，餐廳都會提供埋白飯，所以唔洗再另外叫白飯喔😇（分數：6/10）🐷燒五花肉黎到食韓燒嘅餐廳當然要邪惡嘅五花腩啦🤣呢度嘅五花腩色澤都幾紅潤。當我哋開始燒肉時候，發現呢度嘅爐唔知係咪太舊，燒燒下會自己熄左機。。。。🥲啲火又時大時細，所以燒唔到一塊金黃色嘅五花腩🥹🥹🥹（分數：6/10 ) (肉冇問題，衰在個爐🥲)🐷燒牛肉呢個牛肉雖然睇來樣貌唔太靚，但食起上來又唔錯😍。佢冇好似一般食燒烤醃製肉類問題(就係太咸或者太淡)，佢個味道調教得啱啱好🤤(分數：7/10)🐷韓式冷麵韓燒完食冷麵係必需的🤭冷麵個size都好大，適合3至4人，味道食落比較淡，沒什麼特別😅😅🤣入面有唔少既冰粒，夠晒凍😛（分數：5/10)環境方面呢間餐廳裝修比較舊式，由啲枱枱凳凳都睇得出有一段時間，燒肉嘅時候都比較大油煙，抽風不太好🥹，我哋燒烤嘅時候，店員都要開大門口抽走啲油煙🥲。雖然係咁，有個疑似係老細既人🤣都幾nice，主動教我哋點樣食先會好食🙈👣地址：尖沙咀金巴利街1號G鋪…Read More

見證完朋友既人生大事就去左附近既cafe食下野☺️🐷斑蘭椰啡第一啖好濃咖啡味，但係唔會苦到澀，亦都唔會飲到酸味。當d椰子雪糕慢慢咁融，就會開始甜番同埋愈飲愈creamy😊😊成個感覺都幾清新，不過斑蘭味就唔係好飲到（分數：6.5/10）🐷忌廉腐乳醬北海道帶子闊麵D麵煮得岩岩好，唔會太硬或者太淋，都可以掛到d汁。食落去都有腐乳味但係就唔係咁濃，如果濃味番少少會好啲🤣比較失色既係北海道帶子，輕輕煎過兩面，食落去都無咩味，有啲為加而加既感覺🥹（分數：4/10）🐷法式煎多士多士既表面有一層用好厚火燒過既焦糖，不過真係過左火🥲🥲🥲食落去硬得黎仲要有苦味，食到一半個陣，層焦糖同塊多士開始分離😔重點係愈食愈甜😞就算加埋椰子雪糕同埋d cream食，都幫忙唔到成件事🥺（分數：3/10）環境方面將現代嘅coffee shop融入舊式唐樓建築風格。呢度原本係一座舊式唐樓，地下以前係一間五金舖，係店鋪出面嘅外圍都可以睇到佢當年嘅舊有風貌。坐係呢間coffee shop 入面會感受到一種復古風格。由地下望上天花板會睇到好多修補過嘅地方，雖然係咁，但係環境絕對舒服，冷氣好夠，又安靜，適合情侶拍拖，亦適合同閨蜜一齊講下心事，甚至係自己獨處一下嘅好地方😊😊👣地址：南角 (九龍城)九龍城南角道3號地下3號舖…Read More

依幾日都落住雨，天氣涼涼地，最啱就係打邊爐㗎喇😍入到去先知，原來佢係Mr.Steak旗下既餐廳，有壽喜燒同埋涮涮鍋揀，見身邊既人都係食涮涮鍋，我地當然都唔例外啦🤣菜嘅種類都幾多選擇，包括娃娃菜、生菜、菇類、南瓜等等……仲有唔係度度有嘅皇帝菜添😍丸類既選擇就唔係太多🥹不過黎呢度既目標梗係食牛啦😋麵類方面，有烏冬同拉麵俾客人去揀。見到係普通既烏冬，有少少失望🥲另外，如果食物夾分開放，會更加整齊同衛生😊醬料區方面都有唔少選擇，不過就唔係樣樣都有標示係乜嘢，加返嘅話會比較清晰一啲🙈。醬料既隔離放咗咖喱同埋飯，不過今次就無試到啦🙃由於依度係一人一個小鍋，所以揀咗兩種唔同嘅湯底。今次試嘅係塩麴野菜湯同埋泡菜味噌湯，野菜湯無咩味，泡菜湯就比較酸少少😅。由於個鍋比較淺，所以啲食物放左落去打兩打已經冇乜湯了😅，尤其係今次有煮麵，啲麵好吸湯，我個麵都癡晒底，搞到成個湯有窿味🥲。如果個鍋深啲，會打得開心啲，同埋啲店員加湯都唔洗咁密啦🤭今次我地揀左個澳洲純和牛M9餐，每張枱會放左枝旗仔代表揀左咩餐。而一開始就嚟咗四碟M9同埋埋一碟熊本白豚🐷澳洲純和牛M9食落去好滑好重牛味，岩晒鍾意食牛既我哋😌雪花分布好平均，唔會好油膩😋😋😋Encore左幾轉添🤭🐷霜降美國SRF和牛、牛小排一落單嘅時候職員已經話兩樣會同一碟放，對比之下牛味無咁濃，亦都有少少嚡🫣🐷美國極黑和牛一碟有三塊，比較薄身，無咩牛味🐷澳洲安格斯牛肉一碟有兩塊，好鬼大塊，雖然邊位有d脂肪，但係食落覺感上都比較瘦同埋嚡，可能因為塊M9實在太好食了🤭，冇比較冇傷害🤭🐷熊本白豚呢款豚肉有啲臊同埋較嚡口，如果唔大食嘅話，可以唔使試🥲甜品方面都有唔少牌子嘅選擇，可以揀岩自己嘅口味。如果唔食雪糕，都有三款甜品可以揀，除咗有和菓子，仲有一個芒果布甸俾人任切，賣相就麻麻哋🤣所以都係唔up啦🤭嘢飲方面就比較多有糖嘅飲品選擇，仲有自家製洛神花山楂甘草茶，不過想拎既時候已經無晒🥹所以都唔知好唔好飲lu⋯如果想飲熱飲都有茶包可以揀，但係想飲啤酒就要另外加錢啦環境方面，都坐得舒服，亦都唔係好嘈，如果行完街想坐耐少少，都可以考慮一下 ，有90分鐘可以慢慢食下抖下（分數：6/10）👣地址：鍋處 (東涌)東涌達東路20號東薈城名店倉3樓317號舖…Read More

有時口渴都會去迷客夏買下野飲，行行下街，見到有新野出左，梗係試試佢啦😌🐷草莓麻糬茶凍鮮奶今次試依一款新既飲品，覺得唔係咁岩自己既口味啦🥲，草莓加鮮奶既組合，只係可以話係正正常常既表現。而麻糬食落去，只係覺得似一坺嘢，無煙煙韌韌嘅感覺，亦都食唔到佢哋所講既米味🥺。茶凍同埋麻糬 ，可能二揀一會好啲，因為麻糬集中係底，而茶凍係上面，好難先吸到d茶凍去食，當食左少少麻糬又想去食茶凍既時候，要將條飲管整上整落先食到😣。不過佢地都有做得細心既地方係貼咗張貼紙提醒要小心啲去吸啲麻糬，避免哽噎😉。（分數：4/10）👣地址：迷客夏 (荃灣)荃灣大河道98號如心廣場二期1樓111號舖…Read More

第一個post 就介紹我地Keep住幫襯既舖頭啦😏🐷椒鹽九肚魚呢度啲炸野真係無得輸！！九肚魚外脆內嫩，就算唔中意食魚嘅人都抗拒唔到🫢😍(分數：9/10)🐷蜜椒薯仔牛柳粒食落D薯仔甜甜地，D牛柳粒有少少韌，不過都仲咬得開。如果兩樣材料大粒少少，口感可以會好D。個餸整體份量唔係好大，同埋薯仔多過牛柳粒好多🤣🙃(分數：6/10)🐷鑊氣豉椒炒蜆炒蜆唔夠鑊氣，雖然望落都幾大碟，但係D蜆都比較細隻同埋好多都無開口。附近有好多人見到我哋叫，佢哋都叫埋一份😀(分數：5/10)🐷脆皮燒BB鴿依個就正常發揮，上枱個陣都夠熱，不過唔算多肉汁，用個架裝住隻乳鴿，可以影相打個卡(分數：6/10)🐷飛天通菜煲依個菜夠晒惹味，用個煲仔裝 ，熱㷫㷫，黎到先打開個蓋，聽到D吱吱聲已經流晒口水，入面有D蝦乾同埋辣椒仔，食落少少辣，記得襯熱食，因為凍左會比較油(分數：9/10)🐷楚撚豬油撈飯依個又係必食🫣雖然邪惡，但係D豬油撈埋D飯真係好香 飯粒分明，佢會俾一樽豉油、一樽豬油，可以根據自己想食既份量黎落。唔少得既仲係有蔥粒同芫荽，想落幾多，完全自己話事😉(分數：8/10)叫得大排檔 ，佢哋D餸都符合到大排檔嘅風味。上菜都算快，不過地方比較窄，坐得有啲迫。另外，間餐廳都會播下歌，所以各位傾偈可能都要大聲少少😂我地通常都係係佢個IG個度禁條link去book位，當然打電話都得啦。記得早少少book啊！因為都比較多人食 ！當然都試過walk in成功，不過就要等人地book左位既人入晒，睇下仲有冇位先得🤣👣地址：楚撚記大排檔 (日富里百好大廈) (西環)西環石塘咀皇后大道西554-560號日富里百好大廈地下1號舖…Read More