Polok06160816's Profile

將南新開左段純貞，仲要喺Donki樓下，實在太方便啦！嫩五花牛肉面($84）：面底可揀幼面或手工面，手工面其實唔錯，但因為個湯底好正，香濃又甜，下次會揀幼面，應該會索湯啲😋食完一啲都唔口渴❣️蒜香手撕雞乾拌面（$78）： 好岩夏天食嘅item...微辣帶酸好清新鹽酥雞真係強烈推介，外脆肉嫩加上調味粉十分惹味，而且唔貴，只係$48飲品叫左香芋珍珠同杯芽珍奶，同朋友都覺得2者都唔會死甜，珍珠軟硬適中🤩埋單加埋一先$293，地方寬敞舒適，職員服務都唔錯，係友聚好地方！去唔到台灣，黎段純貞食下個牛肉面都可以稍稍填補下對牛肉面嘅思念❤️…Read More

難得收5點，行左陣利東街影燈飾就過左附近嘅老爹食晚餐。喺QRE Plaza 9樓，睇佢雅致嘅裝修，悠靜格調，真係估唔到佢嘅價錢都咁貼地，一啲都唔貴，職員服務仲好好！鮮茄海鮮意大利飯（$148配餐包餐湯餐茶），有大大粒帶子，爽口大蝦同炸魚柳，配上茄汁，醒胃好味👍餐湯無論係紅湯白湯都好足料，餐包係香脆蒜蓉包美國一級牛柳（$138），肉汁豐富，牛味香濃，肉質不un...唔洗點汁都已經係味覺享受😋😋😋香草比目魚刁忌廉汁意粉（$118），比目魚煎得金黃賣相吸油，食落有魚油香，唔錯由於份量都認真唔少，最後叫左蜂蜜綠茶同茉莉綠茶消下濟，滿足😁…Read More

終於食到壽司郎啦！終於食到壽司郎啦！終於食到壽司郎啦！之前一直都想食，但上網訂檯要等2個月！趁年尾清假專登拎假避開繁忙時間2pm黎食。。。點知到左餐廳都係要等一陣，好彩等左15分鐘就入得。落order超方便，用檯上部pad落order,壽司就會好快由運輸帶送到黎！而且啲壽司真係超抵食，大大隻爽甜赤蝦壽司只係$12碟！🤩海膽壽司$27，十分值！份量多而且好新鮮！👍👍👍仲要推介羅勒炙三文魚，都係$12😋白鯛同吞拿魚蓉都係CP值極高🎖反而特大吞拿魚腩有點失望，食完覺得太油🙈…Read More

呢排天氣開始轉涼, 即刻就唸起熱辣辣香噴噴既烤魚, 收工立即彈閘衝去呢間出晒名既烤魚店!🏃🏼‍♀️🏃🏼‍♀️一坐低就即刻叫咗泡椒多寶魚($228), 其餘嘢食之後至慢慢揀, 天氣一開始涼, 個人就特別容易肚餓, 所以就決定叫啲飽肚啲既填飽個肚, 兩個人叫咗一碟四川寬粉($28), 一碟四川土豆粉($28) 同埋一碟自家制韭菜餃($68), 另外叫咗一杯玫瑰蜂蜜($18)同埋一杯檸檬碟豆花($18)落單時店員話烤魚會送埋3款配料, 今日送既係雲耳, 金菇同埋蘿蔔!首先飲品率先登場, 碟豆花又真係幾靚~ 另外玫瑰蜂蜜真係有玫瑰花瓣喺入面架喎, 有啲天然玫瑰花既味道, 唔係藥水味!👍坐咗一陣條烤魚話咁快就送到, 即刻試試佢先! 估唔到條多寶魚都幾厚肉! 肉質結實, 一啲都唔削, 喺咁濃既泡椒湯底浸住依然可以食到好香既魚味! 💯💯💯食到咁上下其他食物開始送到啦, 兩碟粉絕對唔係市面其他店舖嗰種體驗版, 啜兩啖就冇晒嗰隻! 份量十足! 口感好煙韌, 索晒啲湯汁! 韭菜餃烚完啲皮都唔會爛晒, 一啖咬落去成個口都充滿住韭菜香! 🤩值得一提既係, 佢地加湯唔係加水, 亦唔係加上湯, 泡椒湯底就真係加番嗰隻泡椒湯, 所以唔會越加越淡, 由頭到尾都係咁濃味! 🤩到最後食埋啲索晒湯汁既金菇, 雲耳同蘿蔔啦! 😋超正食完飽到行唔郁, 今餐真係大滿足呀🥳…Read More

朋友請食生日飯，好開心呀，過左一排仲有生日飯食❤️帶左我黎佐敦食星馬菜，實在太貼心，收工過黎，食完飯返屋企都好方便🥰青木瓜大蝦米紙卷，米紙卷包住好多青木瓜同酸蘿蔔絲，好開胃，大蝦都好爽口👍海南雞喇沙摻摻，海南雞無骨嫩滑😋喇沙略帶椰香，微辣，好味呀👍蝦頭膏炒飯，飯炒得幾香，配料都有唔少大蝦架，唔錯炒秋葵，尼到嘅秋葵整得幾好，炒得好香，又辣辣地，食落又唔會好潺👍好中意杯滴漏咖啡，真係好香❤️…Read More

Lockeroom 開左新店，而家仲做緊88折，尼排忙到7彩嘅日子真係要食返多啲好野調劑下😫波士頓龍蝦(半隻)配美國creekstone牛西冷($268)....Lockeroom嘅牛不嬲都高性價比，牛味香濃，唔會令人失望。估唔到龍蝦都好唔錯，肉質實正豐滿仲有唔少膏👍法國野菌鮑魚雞肉香草醬意大利燴飯（$168）好驚喜呀，個飯真係好原隻鮑魚，而且好林唔會un,醬汁香濃😋從食物質素味道，餐具同擺盤，職員態度都可以感受到Lockeroom係用心製造嘅小店。最後一定要讚，蒜蓉包真係好好食！…Read More

將軍澳廣場新開左荳子冰室，聽聞早午晚都要排隊先食到，趁住難得悠閑嘅星期日朝聖。7點鬆啲到，已經見到條人龍，但其實都只係等左半個鐘少少就有位入，比想像中快。叫左個鐵板牛仔骨，加$15有酥皮湯，鐵板餐正常質素，對得住個價錢。酥皮湯同個多士就好有驚喜，大大片酥皮，忌廉湯香濃多料，超好飲💯💯💯多士唔係普通方包，而是牛奶味香濃嘅丹麥酥😍😍😍星州炒米，微辣，配料豐富，米粉炒得夠乾爽👍總結荳子：環境乾淨，座位寬敞，職員有善，價錢合理…Read More

新蒲崗小店美食之拔絲咕嚕肉好靚好正食到捧住個肚走拔絲咕嚕肉定食（$92），個咕嚕肉就係個賣相都已經冇得輸，咬落香脆，脆皮鎖住咗啲肉汁，好味指數100！另外仲有兩個前菜，一個係麻辣雲耳，另一個係醃蓮藕，既開胃又消「濟」💯海鮮蕃茄意大利飯（$110），香濃醬汁配上risotto加埋豐富大大隻有質素嘅海鮮，cp值高👍👍👍黃金雞柳（$55），炸得香脆已經不在話下，雞柳一啲都唔鞋十十仲好嫩滑，的確有驚喜😋…Read More

一試愛上，不能自拔砂窩老鼠粉（$84)非常好食呀！砂煲上熱辣辣，上到檯仲係jar jar聲，一打開煲蓋，飄黎陣陣刺激食慾嘅香味，生雞蛋撈埋肉碎魚干豬油渣嘅銀針粉，惹味無比👍👍👍而且份量唔少 ，可以二人開心share檳城白咖哩老鼠粉($55)咖哩帶辣同清香椰奶味，味道香濃而不膩👍👍👍咖央多士（$28）喺香港食過唯一好食嘅咖央多士，多士烘得香脆，配上豐厚嘅咖央醬，係每次黎蘇媽都一定要點嘅小食！配上濃郁香滑嘅美祿恐龍，簡真係一種享受！尼個配撘係無論幾想減肥都唔可以錯過嘅美食呀！🤩🥳😍😋❣️今次黎嘅係銅鑼灣嘅蘇媽蘇媽，開左無幾耐，地方比深水埗總店大，座位亦較寬敞✌🏻…Read More

中意貓嘅朋友生日飯，就梗係帶佢貓cafe食餐好啦。尼到環境乾淨企理空間感充足之餘，野食都唔錯！👍美國安格斯西冷牛扒配黑松露燒汁（$168），牛扒7成熟，唔會un...燒汁味道好香，黑松露味唔係勁濃味果種，同牛扒好夾！👍薯菜好有驚喜，熱辣辣炸出黎嘅厚切薯仔帶小小辣 食到停唔到口😋配菜嘅翠玉瓜都好好味👍金沙雞翼（$58）中意咸蛋黃嘅我地真係好滿意尼個小食👍👍👍脆卜卜除左雞翼本身uam左咸蛋黃炸之外仲審上左啲咸蛋黃粉，好香好惹味😋😋😋😋😋極濃厚原隻蟹蓋蟹肉忌廉意大利飯（$128），忌廉汁加上香菇甜椒同珍珠米,個飯一上枱就已經香氣撲鼻，蟹蓋釀滿左豐富嘅蟹肉餡，而且成個飯份量唔少，食得好滿足呀🥰涷mocha($58)😍啲貓貓真係好乖好乾淨好得意🥰🥰🥰…Read More

去到人生路不熟嘅香港仔做野，圍住五期香港仔中心行左好耐都仲係搞唔清邊期打邊期😂誤打誤撞被入左九井食堂門口個menu吸引到就入左去。牡丹蝦壽司（@$35）左口魚邊壽司（$20）海膽軍艦（$35）十分新鮮甜美。😋同事嗌左天婦羅丼 （$82）份量都好多我就叫左雜錦刺身丼（$88），刺身種類好豐富，有三文魚、甜蝦、北寄貝、蟹籽、吞拿魚，肉厚鮮甜👍👍芝士年糕（$22）好飽滿嘅芝士😍😍岩晒芝士控芝士雞翼餃子（$25）雞翼入面釀左芝士肉碎，肉汁豐富，口感十足每個套餐都包埋去自助吧任添餐湯餐飲同沙律👍加$12仲有movenpick雪糕，但2個人都實在食得太飽所以放棄左🤣餐廳座位闊落乾淨企理。。而且每檯都配備唔少消毒濕紙巾！抵讚呀👍…Read More

自從疫情令到今年嘅韓國之旅被逼取消，對韓國嘅美食更係心心念念住，難得屋企附近開左間韓國餐廳，一定要試下！芝士岩漿炒飯，好豐富嘅芝士呀😍😍😍芝士控必點，熱辣辣鐵板上，仲有五花肉，個飯超香超好味💯豆腐海鮮湯（正常辣；蝦，魷魚，青口，蜆肉，豆腐，雞蛋），中意韓國辣湯唔可以錯過！另外加優惠價12蚊就有小食🤩牛骨湯水餃：餃子皮薄餡正個湯仲好好飲炸帶子❤️環境乾淨，上菜時間快，又可以用GULU app拎定飛，十分方便…Read More

老豆一向只會貪方便去傳統大集團酒樓飲茶，今次決定帶佢試下去啲新潮啲嘅點心專門店試下！蝦餃（$32），印上B duck賣相得意而且皮薄蝦爽👍馬拉糕($28),真係不得不提！因為已經好耐無食過鬆軟嘅馬拉糕啦，終於食得返童年喺舊式酒樓推車仔姐姐喺大蒸籠夾出黎嘅馬拉糕嘅鬆軟馬拉糕！💯💯💯蓮蓉壽包（$28），蓮蓉豐富香滑😋燒賣（$32），好味！牛肉（$28），勁大粒！😱而且絕對唔似普通茶樓果啲溝左大量肥豬肉鮮蝦春卷（$28），熱辣辣脆卜卜🍤鳳爪排骨飯（$42），份量好多，排骨醃得得惹味，配上甜豉油撈飯，十分滿意！🌟…Read More

糧尾嘅友聚，最需要就係抵食好坐嘅餐廳。。。初初聽到朋友話食橋底辣蟹，都以為唔平，點知又出奇地抵食，叫左5個小菜一個粥先$639!!!店員服務態度又好，地方乾淨。魚湯浸蜆，味道唔錯，但略嫌有時會食到沙椒鹽九肚魚，外脆內滑酸菜魚，湯酸辣適中，魚片好滑唔會腥仲有索味薯粉😋金銀蒸蓉蒸勝瓜，海量嘅蒜蓉炸蒜配上清蒸勝瓜，健康清淡得黎又不失惹味田雞粥，粥底軟綿，田雞份量都唔少避風塘BB骨，熱辣辣啖啖肉，搭上蒜頭豆豉辣椒香茅，推介！食到十分滿足，埋單時店員仲主動送紅豆沙俾我地食，碗紅豆沙起晒沙而且又唔會太甜💯…Read More

天氣開始涼，打邊爐鋪癮又黎啦啦啦啦。約埋朋友打餐飽！！！安格斯牛頸脊（大）$298😋抵食嘅享受！油脂均勻香濃牛味軟滑無比！自家製蝦丸$88🤩必點呀！俾佢個自家製吸引左，決定一試。試過番尋味就係尼啲 ，一口咬落去又爽又彈牙，大大粒口感豐富。自家製四拼餃$98👍波菜餃、雲吞、水餃、黑松露雲吞比拼：波菜餃十分出色！皮薄餡靚，包住新鮮韮菜同蝦，勁讚！黑牛栢葉$78🐂打邊爐唔少啲嘅栢葉。黑栢葉無漂過比較健康，而且烚耐左又唔會un💯座位寬敞舒適，服務態度又超好，店員不斷主動幫我地整理收拾檯面，又主動添湯。環境乾淨，醬料會用保鮮紙好好包住架！話說我地湯都添左3次，唔係因為蒸發得多，而係我地飲左好多碗湯！足料嘅粟米紅蘿蔔豬骨湯，配上胡椒粒，香得黎又唔會搶左牛嘅味道！真係值得一試嘅湯底！但最最最驚喜都係坐低後，店員即時同我地講而家期間限定，火鍋送大閘蟹！係大閘蟹！仲要爆晒膏！！💯💯💯好滿意！好滿足！…Read More