pigpigbun's Profile

媽媽👩🏻同朋友仔相約食飯，醒起口袋名單有間以超人🦸‍♀️主題嘅懷舊茶居，岩哂兩個小男孩👦🏻，於是就一齊出發去朝聖啦💨💨💨呢間位於灣仔太原街嘅「 #瀾之茶居☕️」睇落已有好多年歷史，真係估唔到會cross over 初代超人🤭。媽媽👩🏻一早響網上訂定位，訂位時已經可以睇到餐單，我哋去到，當然係選Ultraman餐單啦🤭我哋去到茶居🍵已經比周圍嘅佈置所吸引🤩，兩個小男孩👦🏻👦🏻已經急不及待要同超人🦸&巴魯坦星人合照🤣🤣🤣。打完一輪卡📸，我哋就開始要叫嘢食，用手機📱落單嘅時候，可以睇到食品嘅相片，非常好👍🏻，最後我哋點咗👇🏻👇🏻👇🏻❤️超人香茜牛肉腸🐮🧡超人叉燒餐包🐷💛超人奶皇包🌕💚超人迪加雜菌素餃🍄‍🟫💙超人迪加能量冰沙🫐💜超人雅古雜果冰🍍茶居嘅點心🥟除咗有靚靚嘅超人🦸‍♀️之外，味道都相當唔錯👍🏻，兩個小朋友🧒🏻都食得好開心😋，不過飲品🥤方面，我哋就有啲失望🥺「超人雅古雜果冰🍍」有粒發光✨嘅冰❄️，賣相其實好靚，不過味道就麻麻哋，有類似藥水🧪味道，朋友仔唔太鍾意😅。而阿仔點嘅「超人迪加能量冰沙🫐」，落單見圖片係白色飲品🥤，頂部有啲紅色嘅點綴，但嚟到係藍莓🫐味沙冰🍧，頂部是紅色火龍果，跟店員查詢，話係圖片有色差🙄。至於味道方面，係好濃烈嘅藥水🧪味，連火龍果係同一味道，於是直接放棄🤪除咗食點心🥟同打卡📸之外，現場仲有少量超人精品，亦有一啲同超人🦸‍♀️有關嘅書籍📚免費睇。還有懷舊電視📺、電話☎️同收銀機💰等都係好有歷史，好值得去參觀一下🤩…Read More

我哋好少去食自助餐🍽️皆因食量不大🤭，不過適逢生日🎂慶祝，再加上半價優惠💰，所以就去嘗試一下😊我哋去嘅係香港維港凱悅尚萃酒店The Farmhouse 咖啡廳☕️，6️⃣月同7️⃣月自助餐🍽️係以東南亞風味作主題，岩哂喜歡熱食嘅我☺️我哋係午餐時間⏰去，入到餐廳見到大大嘅落地玻璃，陽光☀️透入室內，環境真係好舒服😌🔥熱盤方面：泰式燒魷魚🦑、泰式船麵🍜、星洲辣椒炒大蝦🦐同星洲滷水鴨🦆等，全部都好惹味😋❄️冷盤方面：有蝦🦐、蜆、螺🐚同青口，仲有印尼加多加多雜菜沙律🥗同刺身🍣🧁甜品方面：有菲律賓甜品🍧halo halo，旁邊就係大大個雪糕櫃🍦，有很多不同口味雪落可以㨂👍🏻由於阿仔冇偏食，所以全部食物🥘佢都想試哂🤣，喜愛嘅水果🍉、雪糕🍦同飲品🥤，全部都可以任飲任食，真係大滿足😌，最重要係，6️⃣歲以下係唔收錢，所以阿仔係免費食😆😆😆除咗食之外，場內仲有個小小嘅「Kids Club Play Area🚂」比4️⃣-🔟歲小朋友👧🏻👦🏻免費🆓玩。阿仔食飽飽可以去玩，媽媽就可以輕輕鬆鬆繼續食，非常正😋，下次再有優惠要再去👍🏻…Read More

適逢假期又出開北角，就帶仔仔去朝聖一吓呢間bookmark咗好耐嘅Cafe🤭呢間Cafe以熊啤啤🧸做主題，店內裝修以粉色系裝潢為主，除咗熊仔🐻造型蛋糕🍰、窩夫🧇、芭菲🍨同刨冰🍧甜品外，仲有牛扒🥩、各式意粉🍝、蒲燒鰻魚飯🍱等菜式，都幾多選擇👍🏻。仔仔雖然係男仔👦🏻，但入到餐廳見到咁多熊仔🐻🐻‍❄️🧸都心心眼😍，係咁同啲公仔🧸互動打卡📸😆由於仔仔話唔太肚餓🤤，所以我哋點咗一個午餐🥣，加錢升級特式飲品，再加一個甜品🍮😊午餐🥣～ 卡邦尼温泉蛋意粉♨️🍝火腿🐽、磨菇🍄同洋蔥🧅份量好足，醬汁非常濃郁，意粉軟硬適中，配埋温泉蛋真係好好味😋特式飲品🍹～ 千語星晨🌟特飲是由蝶豆花、橙汁🍊加菠蘿汁🍍，配搭而成，可以看得到分層，上面仲配埋主題熊仔，賣相一流🤩。味道酸酸甜甜，食完濃味嘅意粉🍝再喝特飲，份外覺得清新順口，岩哂唔鍾意太甜嘅朋友😍主題甜品🍮 ～ 芝士慕絲熊仔蛋糕🧸由於甜品種類非常多，我哋都㨂咗好耐先決定點芝士慕絲熊仔蛋糕🧸。呢個可愛睡眠造型嘅熊仔蛋糕🍰，一上枱已經非常吸睛👀，打卡一流📸。味道方面，慕絲口感軟滑，芝士味非常濃厚，岩哂喜歡芝士🧀仔仔同媽媽🤩餐廳食物食得又睇得，環境仲相當舒服😌，我哋平日去人流不多，真係可以慢慢嘆👍🏻…Read More

知道母親節出咗花形雪糕🍦，專登去試吓😋。呢個花形嘅新地筒係荔枝紅茶味☕️，荔枝同紅茶味☕️都分別食得到，但略嫌有啲淡同甜味唔夠，不過喜歡少甜嘅朋友就真係岩哂😆呢個「 荔枝紅茶花形新地筒🍦」賣相真係好靚，仔仔食咗一啖話見到花花🌸，先知原來由頂望落去係一朵花🌹，真係好靚，可惜係期間限定，希望之後會再有。…Read More

前排響DPark參加完慈善活動之後，同仔仔響商場食晚餐🥣，見到有間餐廳🍴比較多人，於是就去試吓😛晚餐🥣有已經配搭好嘅選擇，亦可以自由配，有主食🥘➕主菜🍗➕冬甩甜品🍩➕餐飲🥤，非常豐富🤩原先係想點上蒸💨下煮🔥嘅二段料理，但仔仔一見到有主菜係配布甸🍮，就話一定要㨂😅，咁唯有順應要求，點了「沖繩海鹽焦糖布甸炸雞🍮🍗」配「櫻花蝦明太子蒸飯🦐🍚」「 #沖繩海鹽焦糖布甸炸雞 🍮🍗」～ 炸雞熱辣辣🔥香脆可口，雞肉軟滑好juicy，配埋凍嘅布甸🍮，一冷❄️一熱🔥，一咸一甜，味道出奇地配，非常特別，不過布甸🍮份量不少，不配炸雞就咁食就有啲膩🤭「 #櫻花蝦明太子蒸飯🦐🍚」～ 一上枱已經香氣撲鼻😌，櫻花蝦🦐份量不少，配埋咸咸哋嘅明太子真係絕配，超級好味😋，唯一係飯太少，想加底😆晚餐甜品🍮係有張單，可以食完主菜先交比服務員製作甜品。我哋選了免費加配的「 #沖繩海鹽焦糖冬甩雪糕🍩🍦」。冬甩🍩新鮮炸熱辣辣🔥，口感煙韌，有少少似麻薯麵包🥯，上面放埋雪糕🍦，睇得又食得，非常推薦👍🏻👍🏻👍🏻…Read More

每次同仔仔去完樂富100FUN playhouse玩，都會去隔離 Fullhouse Kitchen 滿屋廚房 醫肚，夠哂方便之餘，食物又岩小朋友食😊我哋今次去嘅時候係平日嘅下午茶時段，人唔多，我哋可以坐到望風景嘅位置，仔仔好開心😍去滿屋廚房必點嘅一定係雞蛋仔，見到佢哋推出咗個🏮中秋限定「滿FUN鹹蛋黃套餐」梗係要試吓😋呢個「滿FUN鹹蛋黃套餐」包括「 鹹蛋黃奶黃雞蛋仔🥚一份」同「 鹹蛋黃奶昔一杯🥤」。雞蛋仔🥚即叫即做，所以嚟到嘅時候係熱辣辣🔥。打開裡面，真係好足料，食落感覺有啲似月餅🥮，但又冇咁膩，咸甜交集，真係好驚喜😋。仔仔食到唔停口🤣，仲話中秋節🏮一定要再買嚟同朋友仔分享😆。而「鹹蛋黃奶昔🥤」媽媽都係第一次見有咁嘅配搭🤭，先頭媽媽諗住係咸味🧂，但飲落係甜甜哋，奶味唔算太重，飲到有咸蛋粒就有少少咸味，真係好特別又好飲，加上賣相好靚，仔仔又爭住飲🤣除咗鹹蛋黃套餐之外，媽媽仲點咗一份下午茶☕️餐👉🏻香草茄醬肉丸意粉🍝配珍珠奶茶🧋。香草茄醬肉丸意粉🍝賣相好精緻，味道唔會太咸，意粉有咬口🤩。媽媽先頭諗住下午茶份量唔會太多，估唔到食落份量都唔少，再加埋超大杯珍珠奶茶🧋，媽媽最後係飽到食唔哂，要帶走珍珠奶茶🧋番屋企慢慢嘆😆🌟總結：餐廳環境濶落，顏色繽紛岩哂小朋友，食物質素不錯加上價錢親民，下次去開樂富就算唔玩playhouse都會再去幫襯😊…Read More

媽媽知道有間變形金剛🤖做主題嘅餐廳《Transformers: The ARK》4月尾響銅鑼灣羅素街正式開業，當然要帶豬仔包去朝聖一下💨💨💨😆我哋搭港鐵🚇由時代廣場出口行出去，已經遠遠被餐廳外牆吸引🤩，超巨型立體飛船引擎⚙️、全港首個結合實體建築之裸眼3D 螢幕🖥、同埋首次於香港亮相的裸眼3D動畫🎞️，真係未入去已經沉浸響變形金剛嘅世界裡面🤭，不過我哋完全冇停低打卡📸，皆因見到餐廳門外已大排長龍，所以我哋就急急腳衝過去排隊了💨💨💨🤣🤣🤣，等咗大約半小時⏰，我哋終於入到餐廳😅。餐廳共有兩層，整個環境都係仿照 The ARK 方舟🚀嘅內部結構。地面層有點餐區及小量用餐🍽位置，另一邊就有變形金剛商品專賣店🛍️。一樓係The ARK 獨特嘅船艙設計，天花有屏幕，顯示宇宙景像，樓梯旁仲有一個超大型嘅裸眼螢幕播放動畫，内容係大黃蜂🐝同柯柏文等變形金剛人物響「食物研究所」嘅食物輸送帶區，協助製作食物🍔。餐廳係快餐店形式，不過自助點餐機停用，我哋就去櫃枱點餐，分別點咗2️⃣款漢堡包🍔、一個兒童餐👶🏻、一杯特飲🥤同一款甜品🍦。#蟹肉牛油果漢堡 🦀🥑🍔 紅色🔴包面係由紅菜頭汁製成，外型是變形金剛造型，內層係由新鮮蟹肉🦀打造的蟹肉餅，配上厚厚嘅牛油果醬🥑，有機水耕菜🥬、芝士片🧀同蕃茄🍅，多種材料配合起嚟好有層次感，蟹肉🦀味仲非常突出添😋#海苔鱈魚漢堡 🐟🍔黑色⚫️嘅包面同樣地是變形金剛造型，以全麥粉及墨魚黑汁🦑製作，海苔鱈魚🐟餅非常香脆，配上有機水耕菜🥬、芝士片🧀同醬汁，材料簡單，但反而非常有驚喜🤩#探索者一號 （兒童餐）👶🏻🧀🍟🍗🧃呢個係全場唯一一個套餐，包括芝士通心粉🧀、勁脆雞粒🍗、海鹽薯條🍟同蘋果汁🧃。以兒童餐嚟講，份量足夠，但味道沒有太大驚喜😅，只有勁脆雞粒🍗係會爭住食🤣。不過全場人幾乎🔟個有8️⃣個都點呢個餐，皆因佢有個車型又可摺疊變飛船🚀嘅紙盒裝住食物，所以大人小朋友都愛不釋手😆😆😆#藍色星光特飲 🔵🌟🥤特飲係梳打水加入含花青素嘅蝶豆花，利用天然色素製造藍色夢幻色彩，配上青檸🍋、薄荷🌱同蒟蒻果凍🍮，淡淡檸檬味，配上薄荷冰涼🧊口感，非常清新，好岩夏天飲😌#海鹽朱古力扭紋雪糕 🌊🍫🍦朱古力味🍫非常香濃，但海鹽🌊味幾乎察覺不到，完全被朱古力味🍫掩蓋，主力想試海鹽味嘅媽媽非常失望🥺食飽飽，我哋就去回到地面層嘅變形金剛精品專賣店🛍️逛吓，最重要係同亞洲首個近3️⃣米高的「柯柏文」巨型機動式模型打卡合照📸。🌟總結：餐廳嘅飛船船艙🚀設計令整個用餐過程都好有氣氛，食物方面滿意👍🏻，，以主題餐廳嚟講，價錢合理💰，如果能夠推出套餐組合會更吸引，有機會會再次朝聖🤭…Read More

知道角落小夥伴又期間限定主題餐廳出現，媽媽又第一時間帶豬仔包去打卡📸朝聖一下😆今次我哋去嘅係銅鑼灣嘅 #犇之食堂，由於冇得預約只有walk in， 所以媽媽專登揀咗午餐時段過後先去🤭一去到，已經見到門外有立體嘅「企鵝🐧」同「白熊🐻‍❄️」，仲有紙版角落小夥伴佈置，豬仔包非常興奮😆。不過入到去，就有點失望，全場角落小夥伴佈置只係得兩幅畫🤦🏻‍♀️。雖然場内沒有打卡佈置，但有主題食品可以點😊。店舖係用手機落單，我哋可以睇到食物相片，都幾方便😊。媽媽就㨂咗豬仔包最鍾意嘅「蜥蜴🦎」做主題嘅飲品👉🏻「蜥蜴蝶豆花藍莓沙冰🫐🍧」，另外再點咗「角落小夥伴台式拼盤🍱」同「飛塵貢丸湯銀針粉🍲」。「角落小夥伴台式拼盤🍱」～ 拼盤包括鹽酥雞🐥、台式香腸同地瓜條🍠，靚靚嘅角落小夥伴紙盒非常加分👍🏻。鹽酥雞🐥同地瓜條🍠都好香脆，豬仔包仲話地瓜條🍠甜甜哋，好味過食薯條🍟😆，而台式香腸份量少，味道亦普普通通，可以略過😝「飛塵貢丸湯銀針粉🍲」～ 點嘅時候已知道係細份量，但食落覺得銀針粉份量唔算少，湯底唔太濃，不過配埋魯肉一齊食岩岩好，加埋爽口貢丸、紫菜同清甜嘅白蘿白，份量算足，比媽媽想像中有驚喜👍🏻。「蜥蜴蝶豆花藍莓沙冰🫐🍧」～ 首先賣相非常吸引，新鮮藍莓🫐、脆米、cream同糖針，全部都係豬仔包最愛💕，所以一上台已搶住飲🤣，到媽媽試飲嘅時候，先發現底部嘅藍莓🫐汁係非常非常甜🤪，要同沙冰攪勻甜度先岩岩好😅整體食物味道媽媽覺得都唔錯，不過價錢真係偏貴😅。雖然5歲以下不設最低消費，但其實隨便點一兩款食物都已過每人$100這個最低消費限額🤭，如果可以加入多些主題佈置，會更吸引👍🏻…Read More

前排成日都落雨☔️，難得見到有陽光☀️，於是爸爸同媽媽就帶咗豬仔包去科學園踩單車🚴💨💨💨，呼吸吓新鮮空氣😌踩完單車一輪，我哋就揾個地方坐低食嘢補充吓能量🔋😆。由於豬仔包唔想食粉麵飯😅，所以我哋就㨂咗主打炸魚薯條嘅「Chip In Fish & Chips」開餐😊爸爸點咗「正宗英式炸魚薯條餐🐟🍟」，媽媽就㨂咗「魚柳包薯條🍔🍟」，不過見到薯條🍟係可以免費轉做雜菜沙律🥗或者牛油粟米🧈🌽，實在太好啦😍，可以試吓其他食物之餘又食得健康啲👍🏻。而豬仔包就叫咗最愛嘅炸雞翼🐥、再配埋魷魚圈、冰菠蘿🍍同全港首創嘅炸Oreo🤩食物即叫即炸，全部熱辣辣🔥上枱，不過豬仔包第一時間就係食冰菠蘿🍍，其實媽媽細個去踩單車🚴，都有買冰菠蘿🍍嚟食，童年回憶真係番哂嚟🤭「正宗英式炸魚薯條餐🐟🍟」魚🐟係採用MSC認證大西洋鱈魚，魚肉厚實唔鬆散，薄薄外皮包住炸魚，唔會油淋淋，連平時唔太鍾意食魚🐟嘅爸爸都大讚，話唔覺有腥味🤭，非常岩佢，而粗薯條🍟配埋咖喱汁，非常惹味，連豬仔包都爭住點嚟食😋「魚柳包配雜菜沙律🍔🥗」魚柳包嘅魚柳同樣採用MSC認證大西洋鱈魚🐟，但配埋包一齊食，完全係另一個風味，個包原先意為係硬嘅，但食落係軟身仲有少少咸味，配埋炸魚同醬汁一齊食，完全冇哂熱氣感覺，非常驚喜😍，估唔到媽媽個餐變咗健康餐，真係非常推介👍🏻👍🏻👍🏻「炸雞翼🐥配牛油粟米🧈🌽」炸雞翼🐥非常香脆，一咬裡面仲有肉汁流出嚟，熱辣辣好juicy仲非常入味，豬仔包話下次再去必點項目🤣。牛油粟米🧈🌽同樣係豬仔包大愛項目，因為媽媽連相都未影佢已經食晒🤣。另外單點嘅炸魷魚圈反而就比較失色，魷魚🦑比較淡，加上豬仔包咬唔開，唔太適合小朋友😅「炸Oreo🍪」& 「Lemonade🍋」上次太飽冇試，今次終於食到全港首創嘅炸Oreo啦😍。外面咸裡面甜，切開仲有少少流心feel，味道有少少似豆沙餅，相當驚喜，作為甜品非常好👍🏻😋。Lemonade🍋又係豬仔包搶住飲系列，少少酸酸哋，非常解渴，岩哂踩完單車🚴嘅我哋😃，下次去科學園一定要再食過😋…Read More

全日本🇯🇵只有2️⃣間分店嘅人氣一人鍋專門店「 #くまちゃん温泉 」（小熊溫泉火鍋 🐻♨️），由北海道札榥開到東京涉谷👀 非常受歡迎，而海外首間分店開設響香港🤩由於唔駛去日本🇯🇵就有得食，所以媽媽上星期帶埋豬仔包，一行四人早啲去排隊，成功可以一試啦😍🎉🎉🎉餐廳門外有熊仔🧸可以打卡📸️，而餐廳裡面裝潢主要是木🪵系列，全店共有7️⃣款熊仔湯底🍲可選，包括：❤️膠原蛋白濃雞湯🧡擔擔麵湯底💛鰹魚湯底💚壽喜燒湯底💙豆乳湯底💜韓國辣泡菜湯底💖期間限定湯底👉🏻香港限定麻辣湯底套餐除咗自選湯底🍲之外，仲可以選擇主菜🥩、配埋野菜盛合🥬、醬料、烏冬🍜或白飯🍚。熊仔湯底🐻每日只限120份，我哋非常幸運可以點到🥰，原本打算一人一個湯底，但由於怕豬仔包會唔小心會燙傷，再加上豬仔包選嘅「豆乳湯底」已經賣哂🥺，我哋就改為點3️⃣個🍲，包括「膠原蛋白濃雞湯」、「壽喜燒湯底」同「韓國辣泡菜湯底」。而主菜🥩我哋就㨂咗「特選雜錦盛合」、「經典雜錦盛合」同「美國安格斯牛小排」。等咗一段時間，終於見到小熊🐻震住咁過嚟🤣。🐻熊仔有塊薯白響頭度扮濕毛巾，造型真係好似浸緊溫泉♨️🥰，而熊仔湯底感覺充滿彈性，原來係用食物纖維同骨膠原製造，仲有美肌功效添😍。我哋係咁打卡影相📸️都冇跌低🤣，反而一加熱🔥，熊仔🐻就即刻倒地，好彩冇濺哂啲湯出嚟😆，一路望住熊仔慢慢咁融化，感覺很療癒呢😌我哋嘅主菜包括咗3️⃣款不同嘅牛🐮在内，全部都唔錯👍🏻，肉質軟腍又唔肥，牛肉🥩味仲幾濃添😋，不過份量就唔多☺️。而野菜盛合🥬賣相都好靚，材料新鮮，豬仔包最鍾意係蓮藕，爽口又有清甜味😍。至於烏冬🍜、白飯🍚同我哋單點嘅午餐肉同脆皮腸就正常發揮🤣原先諗住點嘅餃子🥟同九州風炸雞翼就售馨，無緣一試🥺，不過我哋就點咗甜品🍮🤭～「 #芒果菠蘿法式吐司 🥭🍍🍞」。甜品繼續有熊仔🧸坐陣，不但賣相吸引，而且水果都非常新鮮，芒果汁🥭香濃，配埋法式吐司同雪糕一齊食，真係非常好味😋，豬仔包一個人就食咗半份😂😂😂我哋用餐期間見到周圍嘅食客點咗芭菲系列甜品，同樣地都有熊仔🧸配襯，賣相全部都好靚，真係打卡📸️打不停😆，下次一定要再去試吓先得😋✨整個用餐過程都非常愉快，店員亦都態度友善，不過店舖比媽媽想像中細，只能容納約40人左右，所以想食真係要早啲去😅。至於份量方面，對女士嚟講是足夠的，但男士就可能要單點多幾款配料先得啦😆😆😆…Read More

自從做咗媽媽，真係少咗好多機會同朋友相聚，難得朋友仔相約，當然要揾間坐得舒服嘅餐廳，好好咁傾吓偈食吓嘢🤭朋友仔帶媽媽去咗旺角一間主打墨西哥🇲🇽Fusion菜嘅樓上Café ～「 Mobin 」。一入到去，大大嘅玻璃窗透入陽光☀️，感覺已經好舒服😌Café 提供嘅食物款式唔算好多，但全部都吸引🤩，媽媽同朋友點了一個Pizza🍕、一份漢堡🍔、一件蛋糕🍰同兩杯飲品🍹墨西哥蕃茄芝士脆批配香腸🇲🇽 🍅🧀🍕～脆批很薄，餡料豐富，配greek yogurt一齊食出奇地夾，熱辣辣非常好味😋芝士牛肉漢堡🧀🥩🍔～牛肉高質Juicy唔鞋口，太陽蛋一切開便有蛋汁流出，配埋秘製醬汁同埋酸甜爽口嘅醃漬紫椰菜，非常有層次，仲有沙律菜同墨西哥脆片伴碟添😍金寶蘋果芝士蛋糕🍎🍰～芝士蛋糕味道香濃，蘋果果肉濕濶，充滿肉桂焦香味，蛋糕面用火輕輕燒過，有少許焦糖感覺，如果鍾意肉桂蘋果嘅朋友，真係必點，非常推介👍🏻👍🏻👍🏻Tepache Soda 🍍🍹～Tepache 係一種流行嘅墨西哥飲料，由發菠蘿皮、糖同肉桂棒發酵製成，是一種清爽嘅氣泡飲料，帶有甜味同蘋果酒般嘅味道。烘烤過嘅菠蘿片好似一朵花，真係好靚😍，飲落有一絲絲菠蘿肉，呢個真係要encore😛咖啡花茶🫘☕️～第一次見Café有咖啡花茶，原意為會有咖啡香味，但其實係淡淡花香味🤣Café 食物特色又好味，地方濶落坐得舒服，下次同朋友再嚟要試埋佢哋嘅餡餅、捲餅同蛋餅先得😄…Read More

港式絲襪奶茶🧋好多香港人都鍾意，而媽媽都係愛好者☺️，知道佐敦有間冰室售賣多款口味奶茶，一於帶埋豬仔包去食個下午茶☕️試吓先🤩冰室以懷舊風主題佈置，有懷舊風扇、收音機📻、冷飲櫃作點綴，而牆上嘅懷舊海報，全部都係餐廳招牌食品嚟🤣媽媽最期待嘅奶茶原來有7️⃣種口味，真係款款都想試🤭，最後豬仔包幫媽媽選了口味比較特別嘅「 #玫瑰奶茶 🌹」😍。由於下午茶餐轉特飲半價，梗係要叫「 #樽裝熊仔奶茶 」，加埋隻熊仔打卡先啦🤩奶茶有淡淡嘅玫瑰🌹味，香得嚟又唔會搶走奶茶味，奶茶亦都好滑又唔太甜，岩哂媽媽口味，非常推介😋。樽仔奶茶配嘅熊仔係用小杯裝著好可愛😍。本來熊仔冰用茶底製造，溶咗都唔怕會整淡個奶茶，但佢又放普通冰塊🧊響底，都係會整淡個奶茶😅由於豬仔包不適宜飲奶茶，但見到熊仔咁可愛一定搶住飲，於是媽媽就預備第二隻熊比佢🤣🤣🤣👉🏻「 #藍柑桔熊仔冰 」。藍色嘅熊仔好特別，飲品同樣地不太甜，有淡淡柑桔🍊味，豬仔包非常滿意🤣食物方面，我哋點了「 #一夜暴富劉華多士🀄️」同「 #冰火菠蘿油 🧊🔥」。「 #一夜暴富劉華多士🀄️」個名好得意，估計係店主睇完劉華嘅嚦咕嚦咕新年財構思出嚟🤣，西多士上面鋪滿朱古力方格脆脆同華田粉，切開仲見到有煉奶流出嚟，配埋一齊食唔覺得特別甜，好好味😋，唯一可惜係隻麻雀🀄️只係裝飾唔食得😆「 #冰火菠蘿油 🧊🔥」豬仔包同媽媽都好鍾意食菠蘿包，真係要爭食🤣。個菠蘿包微暖，皮脆包軟，配埋牛油食好滋味😋，不過媽媽覺得牛油可以厚啲同再凍硬啲，冰火感覺先會突出😆冰室仲有好多特色食品，去一次真係試唔哂，下次要再去試吓埋其他口味嘅奶茶同食品先得😉…Read More

情人節💕當日，難得爸爸放半日假同媽媽去拍拖👫食lunch🍽，媽媽就揾咗間好岩情侶打卡📸嘅Café 浪漫一下🥰一入到餐廳，已經見到有個童話式嘅旋轉木馬🎠打卡位（其實冇馬🐴響度架🤣），整個餐廳都充滿美式馬戲團氣氛🎪。餐廳破格地用「Dirty」做主題，以「暫且放下儀態，盡情享受面前美食」做口號，媽媽覺得相當特別，完全打破餐廳應該要乾淨嘅觀念😆食物方面，餐廳以歐陸Fusion菜色為主，我哋點咗兩份午餐🥣及一份甜品🍨，本來見到餐廳飲品非常精緻同有特色，但因為午餐本身已包飲料，就暫且放棄了🤣餐廳以 #Dirty 做主題，當然要叫個同 #Dirty有關嘅美食👉🏻「Dirty Beef Burger🍔」呢個Signature漢堡🍔材料非常豐富，手打純牛肉🐮、溶岩芝士🧀、太陽蛋🍳，仲有秘製醬汁。上枱嘅時候有把刀🔪插住，非常有氣勢同吸睛👀😆。唔知係咪因為等埋另一份午餐一齊上枱，個芝士已經唔流，冇咗個Dirty嘅感覺，個包又扁扁哋😅，但漢堡包🍔嘅味道真係一流，尤其係個汁甜甜哋，加埋流心蛋，一齊食好夾好好味😋另一份午餐，我叫點咗「炭燒西冷牛扒🥩」。爸爸因為遷就唔太食生嘢嘅媽媽，專登叫咗7️⃣成熟，估唔到牛扒食落唔韌仲好juice，配埋磨菇汁更加出色，非常驚喜🤩。兩份午餐都同樣配有薯條🍟，新鮮熱辣辣，再加埋本身有調味，真係食到停唔到口😋甜品方面，我哋點咗「提拉米蘇雞蛋仔配雲呢拿雪糕🍨」，由於製作需時30分鐘，我哋食完午餐，剛好就到，正🤩首先賣相已經好加分，除咗雞蛋仔同雪糕🍦外，仲有整Tiramisu嘅手指餅、糖針、棉花糖、藍莓🫐、士多啤梨🍓同朱古力醬，如果豬仔包響度一定搶住食🤣我哋奉行餐廳口號，放下儀態，成底雞蛋仔奉住食，真係份外好味😆。雪糕配埋熱辣辣雞蛋仔一齊食，冰🧊火🔥交融，令本來已經有啲飽嘅爸爸媽媽都極速食哂，大滿足😋餐廳仲有送甜品活動，凡二人或以上惠顧任何食品或飲品，到社交平台追蹤餐廳，就可以免費獲贈「榛子焦糖芭菲」甜品，2-4人送一客，5-8人送兩客，如此類推🤩。雖然係送嘅甜品🍮，但賣相都相當精緻，以食用花點綴甜品，比推廣圖片更靚呢😍。媽媽意為甜品會是布甸或慕絲口感，估不到更像雪糕雪芭，岩哂媽媽呢個雪糕控🤣。🌟提提大家，優惠3點後就會暫停啊😅總括而言，餐廳不論裝潢設計和食物質素都非常高，好適合情侶去打卡📸，當日仲見到餐廳預備情人節套餐愛心💗熊仔🧸，媽媽忍唔住走去影張相，發現熊仔有燈圍著，應該可以發光，真係好有心思🥰。爸爸同媽媽打算下次帶埋豬仔包試吓佢哋嘅人氣三層架下午茶，一於嚟個三個人的浪漫💕🤣…Read More

媽媽好鍾意去主題餐廳，因為通常都係期間限定，今次媽媽帶豬仔包去嘅係《LuLu豬🐽期間限定主題餐廳》😊韓國餐廳@Banchan & Cook聯同LuLu豬🐽以「Happy Celebration🎉」為主題，推出Lulu豬🐽主題美食，其中銅鑼灣店更加有限定LuLu豬🐽粉紅慶典房添，不過媽媽同豬仔包去嘅係太古城分店😆我哋一去到餐廳門口，已經見到好多LuLu豬🐽嘅嘅佈置，呢間分店係自助式的，我哋點完嘢食就周圍同LuLu豬🐽打卡先📸我哋點咗「LuLu 豬粉紅慶典蛋包飯🍛」、「BIG LU 漢堡🍔」、「LuLu 棒棒 Croffle🧇」、「卡邦尼意粉🍝」同「LuLu豬歡樂雜莓奶昔🥤」。不過滿心歡喜咁等嘢食打卡，點知食物原來係用即棄餐具裝住，賣相即刻扣分兼唔環保♻️🙅🏻‍♀️講番食物味道先👇🏻👇🏻👇🏻「 #LuLu豬粉紅慶典蛋包飯 🍛」～LuLu豬🐽賣相可愛，鰻魚同蝦都好好味😋，先頭諗住只有LuLu豬🐽係飯，點知蛋入面都包住飯加上飯又唔係好夠味，所以感覺太多飯了🤣「 #BIGLU漢堡 🍔」～ 漢堡🍔攞嘅時候已經塌下，賣相零分⭕️🙅🏻‍♀️，不過漢堡幾juice同份量足，再加埋熱辣辣粗薯條🍟，加埋比佢合格啦🤣🤣🤣「 #LuLu棒棒Croffle 🧇」～ Croffle有層次感，脆脆的好好味😋，配埋朱古力醬同糖針好夾，不過好邪惡🤣，反而個cones🍦真係失望，意為裡面係雪糕，點知係cream嚟，攪到成個甜品變得好膩😅「 #卡邦尼意粉 🍝」～ 原先係因為驚LuLu豬飯唔夠飽而叫，但反而有驚喜，汁夠creamy又夠濃味，配料亦豐富，係全餐最高分嘅食品🤣「 #LuLu豬歡樂雜莓奶昔 🥤」～ 賣相好靚，曲奇都唔錯，幾香牛油味，飲品味道不太甜，都算👌🏻。響餐廳消費滿$200以上，可以用優惠價換購LuLu豬嘅超可愛精品。我哋冇換到精品，反而免費攞咗頂LuLu紙帽，好可愛😍 …Read More

早在7月，日本已於東京以及大阪推出Sumikkogurashi 角落小夥伴10 週年紀念café，今次終於到香港啦🎉🎉🎉今次期間限定café係慶祝角落小夥伴 10 週年而設，所以隆重其事，日本破天荒授權使用一輯香港限定角落小夥伴圖案作為今次café設計元素😍。去到餐廳門口，遠遠已經見到一班 #角落小夥伴 歡迎我哋🤣，入到去已感覺被重重包圍🤭。媽媽預先訂咗位，餐廳安排我哋坐響自成一角嘅卡位，正🤩同以往一樣，點不同嘅餐點會送唔同嘅贈品，包括👇🏻👇🏻👇🏻🍗小食餐送木托盤🍱便當餐送便當盒🍰甜品餐送陶瓷小杯🧋凍飲送掛飾及杯墊☕️熱飲送陶瓷杯及杯墊🍕一人洋食套餐送膠樽🎖消費滿$200有襟章送如果要儲齊全部贈品，真係荷包大解放先得🤣。不過甜品杯、吊飾、陶瓷杯等等全部都係香港限定，咁靚又點忍到手呢😆我哋點餐前，職員預先提醒我哋，木托盤已經送哂🥺，便當盒🍱同陶瓷小杯🍶就要3️⃣月後補取貨。同埋餐廳設最低消費，要響主餐牌點夠最低消費先可以獲得贈品😅。由於冇咗木托盤送，小食餐已不用考慮🤣，我哋最後點咗👇🏻👇🏻👇🏻🐻‍❄️白熊和牛漢堡扒咖喱蛋包飯♨️角落小夥伴温泉蛋雞粒便當🥞蜥蜴士多啤梨梳乎厘配海鹽雪糕🍵熱抺茶拿鐵🧋茉香芒芒芝士奶蓋🐻‍❄️白熊和牛漢堡扒咖喱蛋包飯🍛～漢堡扒非常juice好好味😋，咖喱係唔辣嘅，岩哂豬仔包，唯一係個公仔圖案整得醜咗少少😆♨️角落小夥伴温泉蛋雞粒便當～呢個便當餐好岩小朋友食，粒粒雞唔駛切，又冇煎炸元素，味道亦不太濃😊🥞蜥蜴士多啤梨梳乎厘配海鹽雪糕🍦～呢個甜品係豬仔包同媽媽最愛，梳乎厘用日本蛋🥚製作，好香蛋味，士多啤梨🍓cream好香濃，同梳乎厘好夾。海鹽雪糕🍦只有輕輕嘅鹽味，但因為豬仔包第一次食咸味🧂雪糕，所以都非常有驚喜🤩🍵熱抺茶拿鐵～奶味比較重，正常水準，但配埋隻可愛嘅陶瓷杯同蝸牛🐌圖案，即時加哂分🤭🧋茉香芒芒芝士奶蓋～炸蝦尾🍤圖案豬仔包非常喜歡，唔肯比媽媽攪拌吓先飲，所以媽媽只係飲到其中一部分，個人感覺唔夠甜🤣全部食品賣相都好靚，餐廳裝飾又可愛到暈，食完仲有贈品送，所以豬仔包食得好開心，期待下次再轉主題，再去朝聖吓先得🤣…Read More