hk_food's Profile

🇭🇰Lab Zero - 排隊刨冰尖沙咀Cafe口味：4/5服務：4/5環境：4/5性價比：4/5推薦？：😋裝修不錯 - 工業風裝修以灰色為主調，天花板掛有一朵朵會自動升降既雲朵燈，加上特登畫左位出黎有個影相位比人打卡，感覺都幾Chill。位置尖東近紅磡 - 新開張，門口都幾多人排隊。位置黎講係韓國街果邊，唔近地鐵站都要行一段路。星期日下晏呢啲放假時間都排左半個鐘左右。口味清新 - 甜品overall質素都好好，唔港排隊既應該會再黎😋1. 芋泥芋圓牛乳刨冰🍧 - 日式刨冰食落既口感細膩綿密！平時成日都好驚食刨冰會又凍又介口，但呢度既刨冰就冇呢個問題！加上芋泥佢地都整得幾滑好Smooth，一食落掘開刨冰入邊好多芋泥芋圓，好足料好飽肚。2. 蜂蜜焦糖脆脆北海道雪糕杯🍦 - 雪糕本身其實都幾香幾重牛奶味🥛但係焦糖脆脆食落雖然好食但真係比較甜。同雪糕分開食口感會好好多！3. 咖啡 - 老實講就真係飲唔出佢杯Americano用左啲咩靚豆，不過合格唔難飲既！價錢 - ～HKD270地址：尖沙咀金巴利道 68 號地下 B 舖…Read More

🇭🇰 TWIST & BUCKLE, Churros Specialists - 又甜又香脆炸Churro口味：4/5服務：3/5環境：4/5性價比：3/5推薦？：🤨服務ok - 我地去到店舖果陣時，距離收舖既時間大約仲有半個鐘頭。我地想買完野食之後坐入去舖頭入面快快手把握時間，坐低食埋佢。但係店員就話已經拖完地唔方便我地dine-in，叫我地企係門口位置食😅😅😅雖然店員同我地講既時候既態度好好，我地亦都諒解，但係無疑的確有啲影響我地既觀感。位置方便就腳 - 近尖東站/尖東酒吧區，舖頭亦對住出面巴士站。如果買takeaway企係門口食其實夜晚人流都多。口味唔錯🤭 - cookie and cream churro with icecream Churro 香脆又有小小朱古力oreo味，仲熱熱地咁食落好好好味! 但係雪糕黎講其實口味偏太甜，老實講有啲唔太夾。但整體因為churro好高質，即使雪糕麻麻地都瑕不掩瑜!價錢 - ～hkd 68一份佢地係openrice app有優惠，可以睇下岩唔岩洗! https://s.openrice.com/Qrbx0Dty1W0地址：TWIST & BUCKLE, Churros Specialists (尖沙咀)尖沙咀漆咸道南29-31號溫莎大廈地舖…Read More

🇭🇰清潭韓國餐廳  - 中港城附近正宗韓菜口味：4/5服務：4/5環境：4/5性價比：4/5推薦？：😋服務殷勤 - 舖入面留意到唔小Staff都係韓國人，而且好好人好誠懇咁介紹左有咩推介野食。另外佢重點推介左餐廳既露台仔，係咁話好特別可以出去Chill下(點知一望，竟然係對住海港城啲名店😳) hahahhaha位置近尖沙咀碼頭 - 可能新開張，星期五晚人流都唔算多。而且佢位置唔近地鐵站都要行一段路，又係樓上舖。大廈大堂同Lift 位其實都有點普通。口味幾好 - 食物黎講都叫幾正宗，餐前比既前菜都幾多😳😳😳😳 而且仲有gimbap 飯卷試下。我地兩個女仔叫唔到太多野食，不過都覺得Overall味道唔錯，可以再黎。1. 醬油蟹 - 好好好多膏，而且醬油味好濃，用黎拌飯好好食😋2. 薯仔排骨鍋 - 其實每次食韓式鍋，感覺食落去味道都係差唔多 hahaha 夠濃味而且薯仔好淋3. Makgeolli - 舖頭都係有得比食客叫平時係韓式超市買到既樽裝甜酒價錢 - ～HKD7002個人尖沙咀食晚餐黎講算幾抵，而且依家新張期間仲有discount。地址：尖沙咀廣東道116-120號海威商業中心4樓…Read More

口味：4/5服務：2/5環境：3/5性價比：3/5推薦？：😕因為睇到有Youtuber介紹性價比高，所以一直想試呢度既晚餐。總括黎講食物口味都Ok既，但係預約既Workflow可能就要改善下。服務麻麻 - 餐廳Book枱流程有好大改善空間，都幾影響食客感受。本身係想Book 6月2號(星期五)夜晚7點半，正常做法我早幾日就打去Book。//5月30號(星期二): 打去餐廳話7點半冇位，第一次叫我食6點。我直接話咁Book定6月9號(下星期五)7點半。餐廳竟然答唔知得唔得，但會晏少少覆我。(奇怪 - 點會唔知😳)6月１號(星期四)：兩日都冇人覆，我再打去問。餐廳第二次叫我食6月2號星期五6點😳。我再重申唔得，先成功Book 到6月9號(星期五)夜晚7點半3位。6月8號(星期四)：餐廳夜晚Whatsapp 確認Booking後，又再打埋電話黎確認多次，再第三次問我可唔可以食星期五6點😳。做生意想做多場晚市(6-7:30pm, 7:30-9pm)好正常，雖然餐廳做法麻麻地，但還可接受。但係以下呢個我就真係有啲不解😳。6月9號(星期五)：本身Book左3人，但有多1個人Join。咁我就WhatsApp問餐廳可唔可以加多1位，餐廳拒絕。怕餐廳誤會，所以重申即係將Booking由3位變4位，但依然話唔得。唔我地就算喇直接3人食。點知到餐廳佢係比左4人枱我地坐。。。。//食物正常 - 1. 潮式火鍋 - 湯底偏重味較鹹，用黎淥牛肉，牛丸，墨魚等等其實係夾既。2. 潮式拼盤3拼 - 鵝片，墨魚，鵝腸配以豆腐。墨魚，鵝腸爽口好食，鵝片就正常打冷發揮。豆腐可能因為係墊底就偏鹹。3. 韮菜鴨血 - 食落其實有啲似台灣食既果種，本身我Ok呢種做法所以幾中意。4. 蠔仔粥 - 就咁食口味偏淡唔算太新鮮，但連同一齊上等你自己落既菜圃同蔥花，就提左鮮好食好多。5. 3杯野飲 - 都係街度買到既，唔係舖頭自製，所以唔Comment了價錢 - ～HKD1,000銅鑼灣黎講，算係唔太貴。地址：銅鑼灣駱克道 459-461號 The L.Square 21樓(銅鑼灣廣場二期旁邊)…Read More

星期日呢一間cafe 唔洗排隊就有位🤞🏽不過認真 食物質素真好普通🫥🫥🫥兩個人叫左all day breakfast - 入面就有炒蛋 德國腸 炒磨菇 煙三文魚 沙律菜 牛油果薯仔沙律 同多士 老實講呢啲野出錯機會本身就好低😕 但係竟然個沙律有少少怪味 個多士又超冧 本身以為佢係脆😜😜😜😜蟹棒蟹肉帶子藍芝士手卷份 - 好重芝士味 其實食落好濟 😜😜 不過海鮮都算多 每樣都有兩粒 可能真係預咗兩個人分黎食😂😂😂另外叫咗兩杯咖啡質素都算正常 不過不失對得住個價錢既😜兩個人食左300 人均150…Read More

平日放假專登入去大圍朝聖 諗住試下呢一間好多人都打過卡既盒子吐司😝😝😝估唔到平日都要等15-20分鐘先有位 果然真係好受歡迎👏🏻今次兩個人就叫左 (1) 軟殼蟹炒蛋吐司🍞 - 一上枱個包裝真係好靚 隻蟹好大隻咁放咗喺麵包上邊 而且啲蛋仲要滿瀉出黎咁滯 見到真係好有食慾大開😇😇😇(2) 布甸多士 - 呢一個甜品 🍮 果日差唔多每一台都有叫🥸🥸🥸真係好甜好有香味 如果我再嚟幫襯都一定會再食呢個😃😃😃😃另外就叫咗兩杯嘢飲 都係latte 冇乜特別就唔講啦 總括嚟講呢一間嘢食真係幾好味 真係值得排下隊等食嗰個甜品 可以再試🤓🤓🤓🤓…Read More

呢一間係上環開嘅咖啡店 夜晚會做埋shisha 一開張冇耐就喺好多social Media 見到佢既蹤影😂😂😂星期六黎到試一試 不過同一般有得打卡嘅Cafe一樣 等位呢啲都走唔甩😅😅今次就叫左以下既野食1. All day breakfast - 一份既定價以all day breakfast 黎講算中上(?) 見台台都有叫 所以我哋都跟住叫 老實講食材都係啲大路嘢 出錯率都比較低 朋友就好鍾意佢嘅黑松露炒蛋 雖則我覺得普通😅😅😅😅2. Smoke salmon toast - 呢一樣嘢配上牛油果既combo 基本上都冇乜得輸😂 但係佢塊麵包有啲燶😅😅3. Flat white and dirty- 不嬲加咗奶嘅咖啡 都唔會好飲得出咖啡嘅質素 不過打卡來講算係幾靚😂😂…Read More

自從疫情之後 海港城不斷出優惠券吸引人去嗰度行街 而呢一間咖啡店都可以用優惠券😚😚😚即係滿$100就減$50果張行到攰左 就去咖啡店坐下抖下😝😝兩個人都要等一陣先有位 可能全部人都係行街行得太攰😂😂😂兩個人又唔係好肚餓所以就叫剩係叫咗呢啲嘢1. Dirty original - 正常發揮 不嬲加咗奶之後杯咖啡 我都唔會分辨得到明顯嘅咖啡質素係點 😂😂😂☕️☕️☕️2. Cocktail - 唔記得咗杯Cocktail叫乜 但係佢係有vodka 再加好甜嘅椰子味 因為我唔鍾意食甜野 所以有啲覺得太甜😂😂3. 雞翼 - 五隻雞翼有啲香辣味 不錯總結黎講 有卷當然可以嚟Hea 話晒行到攰都要地方坐下😂😂😂😂…Read More

呢間咖啡店評價一直唔錯 因為佢有別於一般咖啡店 裝修同環境唔係小清新路線 而係用黑色為主調 再加上餐具碟嗰啲都係用黑色 有一種型格同摩登感覺⚫️⚫️⚫️星期日 係旺角而又有唔錯評價既咖啡店 排隊一定走唔甩 不過因為佢有限時淨係可以食90分鐘 所以turnover都算快第一次黎食 就叫左：1. 雞扒貓耳朵意粉 🐣-雞扒有用香料醃過再煎 係有心思但係好似同用蘑菇汁煮既貓耳朵意粉有啲唔係好夾😅😅😅 而且個意粉都比較厚身2. 炸芝士 🧀- 香口炸野基本上都唔會太難食 純粹搭配嘅沙律醬有啲同炸芝士唔係好夾 就咁食唔點野會好味啲3. Dirty tiramisu - 幾乎每枱都有叫嘅一樣甜品😂😂 Cream嘅比例比較多 咖啡蛋糕就唔係好食得到😂😂不過佢又加威化餅去增加口感 而且賣相唔錯👌4. Dirty - 都係一樣賣相唔錯但味道正常😝😝兩人食左三百幾蚊 性價比亦都普通 如果純為咗打卡開一試…Read More

Lunch time食飯時間 都唔難等位🥰🥰🥰裝修黎講 真係好靚睇出好有心機 係土瓜灣咁多間新開既咖啡店之中 設計上真係一啲都唔輸蝕😇😇野食我地就叫左lunch set 各自包一個main同一碗味增湯一杯Americano 1. 海膽醬豚肉飯🍚🍱- 個set用左一個tray 上 連一杯味增湯同涼拌毛豆做前菜 如果返其實海膽味就唔係太濃 反而沙律醬個味仲出😂😂😂2. 咖喱雞扒滑蛋飯🥘🍛- 呢一個就冇乜特別 係日式既甜咖喱 蛋就都算順滑😇3. 咖啡 Americano 就好大路 算易入口😇😇人均消費每人大約130蚊左右😇😇😇…Read More

限聚令之後 假期冇乜特別野可以做 所以每個禮拜六日都會四出唔同地區搵食呢一個星期就去咗長沙灣試呢一間新開左應該唔係好耐嘅咖啡店 佢嘅裝修係偏簡約用灰色為主調 再喺中庭放咗一個大嘅木製嘅裝飾 Echo 返幾個木做吊飾嘢食方面就試左佢嘅兩款漢堡set 老實講味道就正常啦 我食嘅嗰一個牛肉漢堡啲肉嘅醃料好似未撈勻😂😂😂所以食落一啖鹹一啖唔夠味 不過調味如果勻巡返其實就OK😂😂😂另外再叫咗兩杯咖啡 都算係正常質素😂😂人均消費150內搞掂…Read More

禁晚市堂食之後 唯有晏晝去食呢一間bookmark左好耐想食既壽喜燒🤤🤤叫左兩個壽喜燒set 每個set包括左:1. 4款前菜 (刺身配三文魚子；生牛肉他他；梅酒小蕃茄；酸蘿蔔）每次上菜 店員都會介紹返唔同嘅菜餸菜 同埋最好既進食次序 配醬 令到食客嘅感受非常之好 個人覺得前菜都幾特別 好開胃2. 3片和牛 (可以揀standard/A3/A4/A5)我哋叫左A3/A4跟餐既 另外再加配一個A5牛另外有跟飯 同無菌生雞蛋店員好細心幫手逐塊燒 而且每一次都會生熟嘅程度 配咩醬料會比較好味等等😙😙😙只能夠話A5真係好好食 完全對得起佢定價比其他款牛貴😆😆😆3. 時令蔬菜 可以揀用堅魚湯或者壽喜燒汁 店員幫你煮埋🤤🤤🤤食完咁肥美嘅牛肉食返啲菜真係幾清新4. 烏冬烏冬係好彈牙有口感 正另外送嘅甜品係芝麻雪糕 整體來講服務質素唔錯 但價錢的確唔平 如果間唔中想食餐好嘅都可以去試下😜😜😜…Read More

星期六下午一點嚟咗呢一間page common試吓佢出名嘅Tiramisu 順便飲下佢杯咖啡同埋食下佢嘅brunch😙😙😙😙呢一間Cafe係喺酒店大堂畫咗一個區域出嚟 做Cafe或者等候區咁嘅樣 因為一點就去到所以都唔使排隊就入到去自己搵咗位之後就出去吧枱到order 而我哋今日叫左1. 無花果toast 🍞- 係一個好健康嘅toast 做法係多士上邊加上yogurt 上邊配無花果2. 煙肉炒蛋Bagel 🥯 - 個bagel本身都有蒜蓉同埋腸嘅味 再加上煙肉炒蛋3. Tiramisu - 好味!!有啲似Pici 嗰個不過賣相更加好睇 係我哋咁多樣嘢食為一清碟嘅嘢😂😂😂用晒成餐calorie 嘅quota係度4. Americano - 正常發揮整體黎講兩個人食咗$274 人均消費唔使150 可以再食😙😙😙…Read More

呢一間咖啡店位於美麗華地庫B1 扶手電梯樓下😂😂位置算幾隱蔽 所以星期六日人唔係話好多👍🏻👍🏻👍🏻呢度係喺門口排隊等店員安排入座 然後再自己出去俾錢叫嘢食 等店員送上食物今次黎到 叫左兩個主食 兩杯咖啡 整體來講咖啡質素好過食物好多🙃🙃🙃1. 火雞番茄希臘乳酪三文治 - 🥪 識落真係同喺連鎖店買嘅雪櫃三文治冇乜分別 連伴碟都冇2. 卡邦尼 - 🍝 味道真係非常普通 同喺屋企自己整嘅冇乜大分別😅😅😅3. Americano/ Oat Latte - 一直都知道呢度嘅咖啡係好飲 而每一次嚟都係維持到水準 咖啡味好香而且唔澀☕️☕️☕️☕️人均消費130左右 用餐時間限時90分鐘 食物就真係普通 不過咖啡都值得再飲…Read More

新年假期冇乜特別節目就專登入咗大圍搵嘢食 其實本身係想食大圍站附近嘅一間出名Cafe😂😂不過可惜人龍太長 於是我哋就行左十幾分鐘到呢一邊食呢一間小店😂😂呢度係採用自助形式 即係自己搵位自己出去櫃檯落單俾錢 然後店員就會將食物送去你張枱😂😂座位來講都叫闊落雖則係Bagel店 但係佢嘅brunch set (即係有熟食既) 居然係全部都冇bagel😂😂🥯 我地叫左:1. 黑松露大啡菇多士 - 🍄好Juicy 而且個多士上邊查咗蘑菇醬 令到成件事好菇味十足2. 醋漬洋蔥三文魚多士 - 相對之下呢個三文魚就有啲普通 但佢個多士亦都有用蒜蓉醬去焗香👍🏻3. Americano - 普通😂😂唔算話特別香嘅豆4. Hojicha Latte - 茶味的確好濃甚至有啲澀😂…Read More