cherry03069's Profile

印象中有嚟過一次，係OK的🤔今日經過唔使排隊，所以就直接入咗嚟由於喉嚨有啲乾，所以唔想食炸嘢就嗌咗一個「鐵板豚肉生薑燒」個set上到嚟嗰一下我嚇咗一跳！我印象中呢啲豚肉唔係應該薄切嘅咩？同埋呢度嘅豬肉，完整嗰啲係得五塊，計埋唔完整，即係半塊嗰啲應該八塊😅😅😅重點係啲豬肉好嚡😅 食咗兩啖，個侍應發現漏咗個沙律俾我，然後再拎上嚟$98+ 10%= $108得幾塊豬肉！！！！呢個價錢食啲咁嘅嘢，大家自己諗啦！…Read More

喺尖沙咀堪富利士道做完嘢，咁岩見到有一間餐廳，望一望個餐單就直接入咗去啦見到Menu上入邊所有嘢都好吸引，因為好鍾意食餃子同埋啲湯麵嘅嘢，但係因為晏晝實在太肚餓，所以叫咗個set： 蒲仙漁民紫菜燴飯+ 烏雞湯呢個飯食落去有啲似糯米飯嘅配搭，但係個飯唔夠熱，如果熱啲食嘅話會仲好味😋另外個湯真係好好飲，可能本身都好鍾意飲湯嘅原因，入邊真係有烏雞同埋蟲草下次想過嚟試吓佢嘅餃子🥟見到佢哋就喺舖頭出邊咁樣包餃子🥟覺得好似好新鮮🤤🤤價錢方面，我覺得喺尖沙咀算係合理服務態度都好好👍🏼…Read More

其實之前有食過佢嘅白鱔煲仔飯真係覺得超正！但係今日來主要食點心燒賣夠大粒！啲豬肉好新鮮排骨都係，下面嘅芋頭蒸得好鬆軟，好好味粉果我冇食，但係呢個係我朋友嘅最愛😂 每次嚟都要食蝦餃正正常常冇乜特別個豬肚好入味其實仲有叉燒腸，但係冇影相個叉燒腸真係要讚一讚腸粉嘅皮好煙韌，配搭埋甜豉油真係超級好食😋另外我哋最後仲叫咗個尖椒，少少辣，煎得好香唯一就係等得有啲耐😂 不過應該係即叫即整，所以值得等待⌛️下次都係返嚟食煲仔飯😆…Read More

朋友開車來到元朗食泰國菜，一入黎覺得地方好正，好有渡假feel，有室內和室外，當然是選擇室外，感覺真係好似去左泰國咁，好chill！因為得2個人的關係，所以我地都食唔到太多嘢，建議食泰國菜可以叫多d人，熱鬧d，開心d，又可以食多d嘢開始食嘢前，叫左隻白酒，因為得我一個飲，House wine來的 $168，係Charnoary，正正常常，無咩特別哦！我地叫左4樣嘢：1. 小食拼盤呢個小食拼盤有串燒（有雞肉，牛肉），春卷，蝦餅，同埋最左上角果個唔知係咩😂😂有3個醬，左邊係甜甜地，右上角係沙嗲，右下角係酸辣醬 串燒幾好食，雞肉同牛肉都好嫩口，不過沙爹汁就有d稀，唔夠味；我個frd都話稀左，可能換左廚師。蝦餅好好食，個粉不會好厚，入面的肉好實，點買個甜酸醬就真系岩岩好啦！春卷一般般，我覺得係唔好食😂因為個咸怪怪地，個人黎講唔係好鐘意左上角果個我都唔知係咩，但係個人就唔鐘意😂好似好多粉2.炒雜菜呢碟炒雜菜無咩特別，真系咩菜都有的，有椰菜，西蘭花，芥蘭；味道適中3. 紅咖哩雞🐔呢個紅咖喱好稀，一d都唔「傑」，味道可以再辣d，不過有一樣值得稱讚，平時我地出街食d咖喱雞係雞柳，但係呢個係比真系雞件你，有曬皮，不過未必個個都鍾意，因為有人鍾意食啖啖肉，但係我就鍾意呢個雞😁可惜個咖哩唔夠味，所以d雞都唔夠味😟😟。4.蒜蓉包唔食飯就點左個蒜蓉包，呢個蒜蓉包岩岩新鮮出爐熱辣辣，而且非常脆口，可惜點紅咖哩唔夠味，所以真系爭咁d😕總括而言，環境非常全好，服務態度都好好，食物質素有待提升（可能真系還左個廚呱🤣），最主要原因係泰國菜應該係濃味，重口味，但係呢個味就太淡了⋯⋯…Read More

其實我黎左呢到2次，都係比佢d野食得賣相吸引，呢間餐廳最主要係做fusion菜，中西式都有兩次嚟我都係食lunch今次我嗌左豬軟骨烏冬一嚟到佢會俾你一碗湯，今日呢個應該係粟米湯，味道其實比較淡，應該話好新鮮，而且好濃郁，所以飲完唔會話好濟個豬軟骨烏冬有成四件，豬軟骨好林，而且都幾入味，關於個烏冬係幼身烏冬，食落好似係稻庭烏冬，煮得都啱啱好唔會話太林或者太彈牙，但係個湯就係清湯，比較清淡，不過都好，唔會話太濃味😋朋友都係同我叫同一樣嘢，對呢個豬軟骨烏冬係好評！上一次黎我係食海南雞飯海南雞飯好食呀！啲雞肉好滑，而且全部都冇骨，油飯又啱啱好，唔會太油，有少少味😋 上次飲嘅嗰碗湯唔記得咗係咩，但係印象中口味都比較淡同埋個湯都好濃郁、好「傑」我個朋友就食三文魚生飯，成個款擺設都好靚，佢話味道都好好，三文魚好新鮮總括而言：呢度嘅餐具擺設都好靚，女仔會特別鍾意，而且食物嘅賣相都好好，味道又唔差，因為兩次嚟我都係食lunch，lunch set會有湯同埋有嘢飲，價錢大概係58至到78都有，可接受！推介！！！ 下次可以再嚟…Read More

尖沙咀返工，平時都人來人往，如果去商場嗰啲食肆一定排晒長龍，約咗個朋友喺呢頭食飯睇吓OpenRice呢度有得book枱即刻訂咗先我1:30嘅時間你都發現人數唔多，我諗佢平時呢度都唔係好full，可能係因為遠離左市中心嘅位置吧，天文臺呢度雖然行嘅路有少少遠不過呢間餐廳都幾舒服，雖然仲未知道食啲咩但係睇佢個餐牌$60至到200嘅set lunch都有，平有平食貴有貴食我哋兩個人都嗌左呢個特價嘅牛肉壽喜燒，佢仲有飯配！真心抵！壽喜燒好甜😋好味😋牛肉唔會太熟總括而言：尖沙咀地區中午食飯呢個價錢非常抵！下次可以再嚟！…Read More

限聚令聽日開始六點之後冇得堂食，換言之即係冇得出街食飯啦夜晚，趁着最後一晚食返我最愛嘅日本野先！講開日本嘢，元朗除咗出名多嘢食之餘，都特別多日本餐廳選擇，今次係朋友嘅介紹下就嚟咗呢度！呢間鋪原來有兩層，地下主要係廚房，冇枱，樓上嘅位置夾埋應該得30個左右，容納嘅人數非常少，我哋6:30左右就到啦，樓上幾乎都坐滿晒人，估唔到今早都咁多人嚟食飯，唔怪得啲食評話要等成個鐘啦！呢度用手機QR code落單，非常方便，節省人手我哋叫咗生蠔🦪$48.1隻 都幾貴😂😂但係好食！啲蠔🦪好滑好creamy好新鮮呀！海膽壽司就正常不過了，好少鋪頭海膽係好食嘅，呢間算可以，有兩片青瓜喺上面成個口感好Fresh叫咗兩個手卷，分別係海膽手卷同埋香蔥吞拿魚，呢兩個手卷嘅紫菜都好脆，海膽手卷好足料，食到落個底都仲有，加埋啲Wasabi豉油真係一流朋友話香蔥吞拿魚都好食😋呢盆壽司最愛係呢個鵝肝！真係好好味呀！上面有浸糖，而且燒過，入口即溶，超級滿足！另外炙燒三文魚腩同埋左口魚裙邊都好食，如果唔鍾意太油嘅朋友可能未必鍾意😂 鍾意瘦啲嘅可以揀炙燒三文魚後面嗰三隻係赤海蝦🦞，新鮮好食😋夠凍，因為我本身都好鍾意食大蝦🍤所以無挑剔嘅地方呢個芒果海鮮卷上面啲芒果唔會話好酸配埋沙律醬同蟹子層次口感豐富，贊贊贊另外嗰個香蔥吞拿魚卷其實係點多咗😂 本身諗住點手卷就唔要呢個點知唔記得tick走😂😂其實仲有嗌多咗一串牛舌嘅 不過唔記得影相佢嘅牛舌係厚身嗰隻，所以咬落好有口感因為本人唔鍾意太薄嘅牛舌總括而言：下次可以再嚟，不過如果想坐得舒服嘅話呢度就一般般啦，因為佢個樓頂都好矮，坐得有少少壓迫咁，同埋如果太多人排隊嘅我都唔想等一個鐘兩個人買埋單479，對得住食物質素…Read More

星期六約左朋友黎呢到hi tea雖然係疫情期間，但係荃灣如心廣場呢邊唔嬲都人來人往，好多餐廳都要排隊等位，呢間餐廳門口都要等五六張枱，發現入邊嘅檯雖然唔多，但係坐得都算闊落 舒服其實等得都算快，大概兩至三個字左右，入座計75分鐘，食個tea其實差唔多時間，我哋最入邊嗰個窗邊位，因為太陽好晒所以職員幫我哋落咗窗簾，非常細心呢度係手機自助落單，夠曬方便！Set lunch $78 1個set，選擇都算多，有意粉 有沙律 有漢堡包🍔，再加一杯嘢飲我哋分別叫咗一個煙三文魚凱撒沙律同埋一個牛肉漢堡包🍔賣相好靚同埋味道都好出色！漢堡包上面有個醬，入面係番石榴，番茄同埋一啲洋蔥，個味道好fresh!!!因為個牛肉再加啲芝士其實有啲「漏」，夾埋呢個就啱啱好我哋坐到70分鐘嘅時候職員要我哋埋單，但係出邊已經冇人排隊，所以佢都俾我哋坐多陣整體而言：服務態度非常之好，嘢食都唔錯，餐廳環境唔係話好嘈，想同朋友過嚟食吓嘢傾吓計，呢度係好舒服，推介！…Read More

我地叫個楊枝甘露芋圓，價值4x，點知黎到得個汁，柚子都無！問個員工，佢話呢個係楊枝甘露汁！！！！！！40幾蚊食個汁！？你無野啊？仲要俾個餐牌我哋睇話就係楊枝甘露汁！之後嗰店長行過黎話「補番啲柚子俾我哋」，點知隔咗2分鐘再翻黎就話「柚子冇晒，話下次補返俾我地」what..... 下次？然後個西瓜沙冰，一粒西瓜都冇，收我哋$44！明明張圖係有嘅！間唔中入嚟西貢玩 唔熟路，相信以後都唔會有有下次！！！…Read More

11點幾去到蘭桂坊，呢一刻真係好肚餓，附近嘅舖頭都冇開，加上翠華又執咗，突然見到一間拉麵店，正正係喺翠華嘅對面，忍耐唔着內心嘅飢餓，「立」眼價錢覺得都合理，就走咗入去啦，因為朋友話要遲少少到，所以我一嚟到就立刻去個廁所先，廁所入邊有漱口水有面油紙，睇得出佢呢間鋪嘅安排都非常之細心（雖然我冇用到）出到嚟發現已經11:17pm，店員同我講11:15係lastorder叫我快啲點嘢食，咁我即刻問吓個朋友食啲咩，好在3分鐘後即刻落單佢都煮俾我哋食，服務態度真係非常之唔話得！其實覺得有少少唔好意思因為阻住咗佢哋收工有吧枱，同埋裝修比較簡單都非常舒服每一個面都有叉燒同埋溏心蛋半隻，所以唔使另外再叫蛋㗎啦，除非你好鍾意食啦呢碗拉麵真係好好食，個湯底好濃郁，而且d面好彈牙，糖心蛋又整得啱啱好，其實我平時食拉麵唔係話好鍾意飲個湯底，但係呢碗我都飲咗一大半真係好好好好味😋！埋單194，兩個人，係一個合理價錢，原來食夠$150會送你$50coupon，早知嗌多個小食拎多張coupon啦 哈哈走嘅時候已經冇晒人啦，店員同我哋講佢哋個冷麵係招牌，好多人鍾意食，叫我地下次嚟試吓🤪🤪總結係一間唔錯嘅舖頭可以下次再嚟食…Read More

本人非常喜歡食餃子，最鍾意食白菜餃，係對韭菜餃就一般般，今日過黎深水埗見到呢間餃子店，好似好出名咁，而且西洋菜餃子好特別，所以決心入去試一試入面有4個姐姐係到包餃子，而且佢哋有做外賣，生意真係好好！餃子好新鮮，而且皮包薄魚湯好鮮甜值得一試！…Read More

見到呢間鋪頭嘅評價都唔錯所以就黎試下，呢度係企喺度食，冇得坐咖，而且間鋪好細，一眼可以望曬我地叫左一d壽司🍣 直接將張單交比師傅就可以啦野食都黎得好快賣相好精緻呢到d壽司個飯係啡啡地色 唔係白色 問左師傅，佢話係加左黑醋係入面好新鮮呀d壽司🍣，但係飯量就唔多，都係細細件咁我地叫左個海膽手卷，好細條，好似係餅乾咁一條個人認為火炙左口魚群邊壽司一般，其他都美味但係個鰻魚壽司就大大件我地2個人平均食左200蚊都算咁上下啦，企係到食係有一翻特別的味道…Read More

喺中港城嘅天台平台都有幾間食肆，平時呢幾間食肆都唔算特別旺，黎親都有位，但係今日嚟得特別早，所以好多位但係呢度嘅位比較逼夾，如果拎多個袋都唔係好方便好鍾意食酒樓嘅蒸排骨，唔知點解特別好味，入味，個排骨d肉好嫩滑，啲飯粒粒均勻冇話太熟啱啱好，撈埋啲豉油就正！小籠包冇咩特別，因為我一夾器唔小心就穿左個窿，所以唔係好知道佢嘅鮮味蝦餃好出色好大粒啊，啲皮好「煙un」，符合晒蝦餃皮嘅要求，入邊嘅蝦餃都好大粒，真係啖啖肉！呢個流沙包真係好大件，而且入邊嘅流沙黃，好好味呀，唔會話好甜，但係好香其實仲有個燒賣但係唔記得咗影相兩個人一共食咗$158lunch，唔算話特別抵食啦，不過味道可以…Read More

以前試過北京老家之後，就成日都掛著，今日想去食的時候發現，原來搬左位了，不過數數手指都真係好耐無食過黎到呢到，不得不講的係裝修好有中國特色，有部分枱係有魚睇的，裝修都別具一格，係呢到食飯有另一翻風味呀唔記得影餐牌😞😞 呢到lunch分小菜同麵食我地一坐低已經有茶飲、點完野食就即刻有湯飲小菜每個$58，包一碗飯，都係飯前有湯送，食完飯仲有糖水送不過我地今次叫麵食麵就$52，無糖水 但有餃子🥟我地2個都係叫左白菜🥬餃餃子就普普通通，無咩特別 同埋唔夠熱過左一陣我地d主食都黎啦我食擔擔麵，先講個湯：好濃味，肉碎都算多，成個湯辣辣地，不算好辣，岩香港人口味，不但係花生味就唔多呢個面係拉麵🍜，好鬼正啊！彈牙，而且煮得岩岩好，好有嚼勁加埋d湯同埋肉碎真的好好味朋友果個係酸辣湯麵🍜麵我就無食，不過試左下個湯，第一淡系好重酸味，之后就慢慢出d辣味，好過癮呢個lunch hour唔加一，所以真係抵啦，52蚊有茶、湯 飲，又送餃子🥟如果多人可以叫小菜，多d款式嘛…Read More

嚟咗幾次呢間食早餐，覺得佢好抵食味道唔錯我哋約咗9點零鐘，呢個時間人唔係好多隨便坐，而且啲位置都好闊落唔會話好迫，咁我哋兩個人就坐係卡位啦早餐嘅款式都算唔錯㗎啦，有三文治、扒、粥麵同埋米粉呢啲都照顧到我個friend食沙嗲牛肉米再加腸仔煎蛋牛油餐包，我上次都係食佢個沙嗲牛肉麵，但係今次就食雞扒米沙嗲牛肉個friend話啲沙嗲味好濃郁米粉亦都煲得啱啱好唔會話好硬，因為個friend佢病咗所以要求整咗隻熟蛋，不過條腸仔有啲硬我食嗰個雞扒雖然啲雞扒唔係話好多同埋好大件不過早餐來講份量係可以的，太多就濟了，仲有一條菜添餐牌上係寫煎蛋不過可以轉炒蛋唔使另外加錢埋單平均每人$33蚊，呢個環境呢個份量嘅食物算係唔錯㗎啦，住黃大仙嘅朋友得閒可以落嚟食早餐🥣…Read More