chillyhk's Profile

最近在觀塘發現了一家專賣窯雞的外賣店，體驗非常驚喜。我點了半隻窯雞和一客蔥油雞配飯，帶回家後打開包裝，雞肉依然保持著剛出爐的溫度，香氣撲鼻。先講窯雞，味道十分正宗，雞皮烤得恰到好處，肉質非常嫩滑，每一口都能感受到雞肉的鮮美與多汁，調味恰到好處，不會過鹹或過膩。搭配的蔥油雞配飯更是亮點，蔥油香氣濃郁，米飯粒粒分明，吃起來非常可口。整體來說，這家店的窯雞品質出色，外帶半小時後仍能保持熱度與風味，絕對是值得回訪的外賣選擇！…Read More

荃灣燒烤堂喺荃灣川龍街 百悅坊12樓嘅燒烤堂 就喺街市嘅旁邊 上到去環境優美 店員好有禮貌介紹咗一下 就帶我哋去到座位 並提供咗一張紙畀我哋點食 我見紙上有好多種唔同嘅食物 有優質嘅食材 亦有普通嘅燒烤 而我覺得比較特別嘅 有和牛牛小排 A4宮崎和牛 泡菜五花腩 七味汁燒燒豬大腸 每款都好香 好好味另外比較特別鍾意嘅 鰻魚芝士玉子燒 喺玉子燒嘅外面有一陣焦糖 咬落有點脆再包住鰻魚 口感非常之好 好有層次 另外最難忘嘅 一定係佢嘅焦糖青蘋果鵝肝多士 估唔到個鵝肝可以咁大塊 配上咗青蘋果嘅清新味 一啲都唔油膩 鵝肝入口即溶 實在一試難忘 我認為係必點菜另外值得一提嘅 係佢做緊生啤買一送一 真係好抵飲呀 食燒烤又點可以冇啤酒呢 …Read More

出糧日子, 同同事去慶祝一下, 雖然明知呢間有少少貴, 但都抱住試一試既心態入去. 午飯時間, 唔洗等位, 見仲有位剩添. 餐牌上無 lunch set, 我地 3 個人, 散叫了 apple crumble, 海鮮意大利飯, 蝦 pizza (忘記全名), 仲有個意粉. 但實在令人好失望, 沒有一樣是滿意的.d 菜上得好快, 代表不是即做的了. 海鮮意大利飯, 太濕太"林". 個意粉好多油, 雖然味道還可以, 但食完碟底剩了好多油, 想起都怕怕. 蝦 pizza 最令人失望, 凍的, 個皮有點硬, 無芝士味, 亦無蝦味, 最後無食完就放棄了. apple crumble, d 蘋果甚甜, 應該係放了過多糖水. 最後埋單 $372 (每位 $124). lunch 呢個價錢已叫有點貴了, 但食物質素令人失望, 係補償唔到的.只此一次, 以後唔會再幫襯了.…Read More

試過食任食未夠一個鐘就走未? 我就岩岩試完. :(買了團購 $118 一位, 前日假期就去試下. 我地早到了 10 mins, 想早少少入去坐 (街好熱), 但店員一口拒絕, 話費事整親我地喎. 算啦, 唯有遊街多 10 mins.入到去, 佢有 d 紙比我地點野食. 但我想寫時, 同一店員又話 "唔洗寫呢 d 住, 入面d 人未得閒攪, 你食住刺身先". (又要人 2 個鐘內食完, 又唔比人點野食..)算啦, 食刺身先, 嘩.. 個刺身完全唔掂, 唔新鮮, 無味. 瘀色.唔理佢, 照入紙點野食, 送來既食物, 一樣超唔掂, 好似打邊爐既食物. 我知 $118 唔可以要求高食物質素, 但都唔洗難食成咁掛...空氣調節完全唔掂, 全程焗到暈, 其實攪唔掂空調, 又何必做燒烤店 ?結果佢原本比我地 2 個鐘食, 但我地未夠一個鐘就走了. 從來未試過全食會食咁少野. $118 都蝕比佢呀. 真係以後唔會幫襯. 咁既食物 & 服務.. 呢間野都可能好快玩完了. …Read More

上次見到團購賣 $188 享用牛魔王拼盤 (原價 $438) 或以$268享用至尊海鮮船，送$100現金劵+ 鮮果盤+ 自選湯底或飲品. 今日開團購睇又見到有, 覺得有需要上黎同大家分享下. 以免再有人中招.首先係食物, 我覺得 ok 既. 新鮮美味.環境, 尚可啦. 唔洗等位. 亦唔算坐得太迫.服務, 正如下面位小姐所言, 係幾煩既. 我地 4 個人食左大約一個鐘, 有位類似侍應, 但又唔多做野既人兄, 不斷o係度 "hard sell". 話佢 d 野點抵食, 點新鮮. 幾乎講足一個鐘. 攪到原本想坐下傾下計, 都比佢煩到想走.最最最令我不滿既, 係佢話個餐係 4 人食, 但其實一d 都唔飽 (除非你食完飯先去). 一定要加野. 結果我地 4 個人 (3 大人 1 細路), 要成 600 幾蚊賣單, 仲要係唔係好飽.我奉勸大家買之前考慮清楚. 團購有時都未必係著數. :(…Read More

朋友o係尖沙咀番工, 於是搵個地方食飯, 上 openrice 見到呢間, 氣氛似乎唔錯. 原本以為係食中菜, 但原來都有串燒 or 其他食物.我地叫左個冬蔭公飯, 大約 10 串串燒, 3 杯冬瓜茶.個冬蔭公飯 ok, 但串燒只係麻麻, 冬孤茶反而比較特別, 香港好似未飲過.比較不滿既係價錢, 其實唔係太飽, 亦唔係叫左好多野, 但賣單每位 $163. 本人覺得唔太值囉. :(…Read More

由於係平日既日子, 我地 7 點去到, 未見有客, 好似包左場咁. 環境算幾靚, 舒服, 清幽, 分室外及室內, 凡地選擇了室內.打開菜牌, 見佢都有幾多推介, 但我地只有 2 人, 為左試多d菜色, 結果都揀了四樣比較喜歡的.佢有幾道菜都幾特別, 尤其係鵝肝豬扒飯, 我之前未食過, 佢有好香鵝肝味, 豬扒亦好鮮嫩, 果然係招牌菜.服務態度都相當唔錯. 可能因為當晚客少啦. *我地走時, 就多了 7-8 枱客賣單 $500 有找, 我覺得 ok, 因為環境, 食物質素, 算係十分合理. …Read More

尋晚同家人去左廣東道既煌府食飯, 慶祝父親節. 一入到去, 覺得好靚, 佢門口寫住 "婚宴專門店". 我相信o係果度結婚既人, 應該都幾開心. 我家姐仲好興奮咁影左幾張相.家人點了個六人餐, 睇完菜單, $1088 , 唔洗加一, 有乳豬, 翅, 鮑片, 雞, 魚, 等, 都唔錯, 算好抵食. 同之前既金龍船有得 fight. 但 d 食物黎到, 都幾失望. 乳豬, 太厚, 菜都好淡品, 基本上連菜味都無.. 翅一般, 但最後的平燒伊麵, 好似有點苦苦地, 壽包既皮有點厚. 不過咁既價錢, 咁靚既環境, 係唔可以要求太高既. 所以.. 我比 60 分. 食物唔得, 氣氛價錢補數啦.…Read More