dingd312's Profile

呢一間係我讀POLYU咁耐，經常幫襯既食肆! 呢間車仔麵非常多料同湯底選擇,而且味道都相當唔錯! 呢間店真係好有heart 我同男朋友大約5點鐘黎到 果日落好大雨 所以都唔多人 唔洗等位!一黎到我男朋友就幫我叫左我最中意既串燒豬頸肉 (Ard$10)豬頸肉燒到外面脆脆地, 肉質juicy, 而且味道好好我男朋友就叫左串叉燒串黎食 (好似都係$10)  個蜜汁真係好好味, 雖然個叉燒比較瘦, 但一D都唔"鞋"口,而且頗Juicy之後我同我男友就Share左個下午茶餐 揀2款餸及一款雞翼,再包一杯飲品都係$30 (不過由於我轉左蕃茄湯底所以就加左好似$6)由於太心急食, 食唔切未食之前既相! 但我主要係想介紹個蕃茄薯仔湯底! 個湯底好足料,而且味道好好, 我次次都會飲埋個湯底! 食車仔麵食到飲埋個湯底,,你話誇張唔誇張? xD我地又另外加$5叫左個炸魚皮,, 都幾多下,,而且味道好, 又勁脆口! 雞翼方面我揀左芝士雞翼後黎因為唔夠喉既關係,所以我地再叫左份明太子蜜汁雞翼 ($35 for 3)。我個人覺得咸左d。…Read More

行街行到攰攰, 大約下午04:30去試下呢間生煎包 (因為聽人講幾好味下)一入到去搵位坐低, 舉左下手叫唔該, 個女店員就立即以勁無禮貌嘅態度話''落單行過黎落'' 大佬! 就算我真係誤會左可以喺位落單都唔洗咁無禮貌呀? 個女店員仲要做做下嘢企埋一邊傾電話。 上碟又粗暴, 一嘢掟落黎咁！好! 講服務講到一肚氣。 講番啲相對開心嘅嘢---食物我叫左一個下午茶餐$32 有4個生煎包以及一杯飲品由於所有都係預先整好 所以好快上枱生煎包個底 煎到金黃而且脆口, 第一啖咬落去真係會噴汁,唔係講笑! 所以之後3個我都小心啲咬 但都係漏左唔少湯汁出黎 …Read More

之前上過去幾次都去唔成, 因為都FULL晒. 今次早兩日Book,終於有得試下啦 :) 期待已久我地book左0630.,但個朋友仔遲d先到,所以我就一個人望下d野食同個環境先..雖然地方比較細, 但龍華軒d佈置好有feel,又有一d vintage既感覺! 我臨走同朋友都忍唔住影番幾張相先走 服務好好,又會安排chair俾我地放袋~ 係細心ge..食物方面,我地order左,但好可惜我掛住傾計 最後只係記得影波菜汁煙肉意粉同杯飲品既相...1.芝士西蘭花 $35 - 40: 夠芝士味,將D西蘭花吸D白汁先食 更加好味 2.蜜糖雞翼 $40: 味道唔錯, 但無咩特別 3.波菜汁煙肉意粉 $98(餐) : 個意粉真心好味道, 下次黎應該會再點呢個! 個汁味道好又夠多, 而且煙肉都幾多下!一上檯果陣香噴噴, 貌相亦都相當唔錯! 我係推薦呢一個意粉ge 臨走果陣同朋友影相,店員定唔知店主,好識做咁主動幫我地影! 非常好人 …Read More

今日晏晝專登去朋友食過話好食既餐廳食漢堡包，事前都做下功課，發現原來呢間係一間社企，咁就更加值得支持!由於我唔係好餓，於是淨係order左個芝士煙肉Burger食! 點知原來都幾大個下Burger 個包無咩特別, 但塊手打牛肉真係好驚喜, 首先真係好足料, 牛肉係夠厚, 牛肉既味道好好, 而且口感鬆軟, 手打真係唔同D! 同埋個burger既用料(例如蕃茄同菜)都好新鮮, 個burger係有heart之作 但個人覺得如果塊芝士係溶溶地會更加吸引。Burger 連埋一杯凍飲 $39…Read More