chhichi的個人專頁

叫了很多次這間點心外賣，每次都覺得質素平均，好味，樣貌精緻，未試過漏單同包裝得幾妥當，未試過散晒，來到都夠熱同新鮮，每個點心都配備需要既醬汁，好企理，食物應該淋既野都夠軟熟，家中老人家最愛的一間點心店，推介👍🏻👍🏻叫了10款點心加一個飯，個飯每次都好大碟足料，今次叫了豉椒排骨鳳爪飯，味道不錯。另外每次必吃黑金流沙包，好味，唔會流到好似水咁，做到起沙效果。野菌餃幾夠味又健康。春風得意腸幾特色，不同外面一般炸兩腸，佢有d蟹籽及粟米粒在上面，增加層次。其他點心表現不俗…查看更多

間唔中都想食下啲新加坡菜，而且自己係肉骨茶控，無論係馬來西亞藥材味嘅肉骨茶，還是新加坡白胡椒肉骨茶都好喜歡，所以見呢間有肉骨茶食，就忍唔住想試一試。一共叫了2個主食及1個小食，原本想試埋個貓山王蛋糕，但食完3樣食物就打消了念頭。朋友叫了蝦湯喇沙摻摻，賣相正常，但朋友覺得味道一般，有點漏。我叫了肉骨茶，這裏的肉骨茶只有一款，沒有分不同部位的肉排，走的是新加坡風味，湯底主要是白胡椒及蒜蓉味，湯底正常，但肉排有些老及碎，不像出面是大大條，感覺不太正宗，但豬手算幾淋，但沒有提供辣椒豉油，只有普通豉油及辣椒醬，但辣椒醬幾香。最後叫了青檸雞鎚，一來到已經覺得好炸，好熱氣，完全沒有青檸味，只有少少一片青檸，帶唔到青檸味俾隻雞鎚😆，炸到有些硬同乾，麻麻地。…查看更多

很久沒來8咪半呢邊，見呢間餐廳價錢合理，又想食台灣菜，就試一試。環境乾淨企理，但座位之間有少少迫有啲扣分，員工態度ok。最後2個人叫了1 個主菜，一個大大的鹵水併盤，一個菜及一個蔥油餅，食物質素平均, 全部夠熱，大件夾抵食，雖然未至於很驚艷，但2個人埋單$270，都算平，食得都好飽，怪不得係呢個商場入面呢間算多人。另外見佢有好多特色台式飲品、甜品及糖水，而且賣相幾靚亦多人叫，望落都幾美味，但太飽無叫，下次再試。…查看更多

今日心血來潮想去小白鷺食午餐，上次來過食西餐，今次想試一試佢嘅中菜，好好彩冇book枱都食到，環境清雅，唔算嘈，傾偈不錯。員工基本上都殷勤有禮。食物質素方面，叫完都好快來，賣相精緻，都算熱，味道大部份都可以，係啲茶以$22茶錢來講真係需要改進下，一d味都無，同唔太熱。希望下次來會有所改善。如果要坐窗邊位，記住要book枱，希望下次來可以坐到，相信感覺更寫意😆P.S.: 沒揸車的朋友，可以搭shuttle來回大埔墟火車站…查看更多

一行10多人去燒嘢食，俾咗三個盤嘅食物，味道OK唔會鹹，但選擇種類少，主要特扒、腸仔、雞翼及丸，粟米都話冇晒，食完去Refill, 總唔會拎晒三個盤去，咪拎一個盤去refill，點知拎腸仔俾得三、四條，叫佢俾多少少，就叫我哋食晒先再去拎啦，咁再問佢攞啲扒，就黑晒面，將啲扒掉落個盤度，啲汁彈到我， sorry都冇句，啲食物點好都唔會再返轉頭，未試過去BBQ啲態度咁差👎🏻…查看更多

好耐無打邊爐，所以突然想食火鍋，喺APM睇過得呢間有位，又見有個一人美人套餐幾抵食諗住試吓。最後一個叫咗骨膠原湯底，正常發揮。另一個就要檸檬芫荽湯底，好伏，好鹹、酸同苦，係食過最難食嘅火鍋湯底😣肉方面一個加錢叫咗日本豚肩肉，另一個叫薩摩雞肉，豚肩肉ok但得4片，雞偏硬唔滑，都係得4-5舊，可以慳返唔upgrade 呢款雞。免治雞最正常，籃菜幾大盤，可以由頭食到尾。飲品bar 好多自制飲品，但味道一般。最後結論，太健康嘅打邊爐，成餐好似淨係食菜咁，埋單2人4百幾，打邊爐算平但食物種類少又唔算高質，所以都無意慾追加其他野，性格比偏低，亦完全解唔到火鍋癮，有d失望，要搵日搵間高質火鍋再打過😆😆…查看更多