人偶攝影師小曲奇's Profile

成日見到好多人去啲可以畫碟嘅餐廳，喺甜品上面畫自己鍾意嘅公仔。表妹快生日，生日梗係要去打卡餐廳啦！我早早就book 位，同時諗定畫咩公仔。結果我一時衝動，揀咗自己最鍾意嗰個——渣古！ 🤣🤣🤣明明係表妹生日，但我都忍唔住畫咗自己鐘意嘅圖，因為我知佢一定唔介意ga～表妹，生日快樂啊！ 🤣😂🎂我哋呢個Set 叫「Birthday Set for two 」二人晚餐 $788 前菜❤️⭐️餐湯-是日餐湯今日係蘭度豆湯，濃濃異國風味，扁豆熬煮入味又有少少咬口，熱辣辣超暖胃，唔係度度有得飲，夠晒有誠意！表妹都話超正！⭐️吞拿魚他他用迷你雪糕筒上枱，好精緻，吞拿魚他他質感超滑，鹹鹹甜甜，好過癮~⭐️蟹肉紫菜塔可餅 炸紫菜超脆口，有滑溜溜既蟹肉溶，面層有大大粒魚子 ，口感層次好特別！⭐️煙熏法國鵪鶉髀／蒜片大蝦（二選一）我哋選咗蒜片大蝦蒜片大蝦面頭鋪滿金黃香脆嘅炸蒜片，淡淡蒜香。大蝦本身夠大隻又爽彈，入味帶少少辣，配上醬汁越食越野味。配埋麵包撈醬都一流。加購:⭐️日式慢煮鮑魚 +$98⭐️我哋加購咗日式慢煮鮑魚，好大個鮑啊！好滿足！😂主菜：❤️海鮮意大利麵／⭐️帶子墨汁意大利飯（二選一）❤️炭燒安格斯肉眼 +$128⭐️我哋超級想叫帶子墨汁意大利飯，但係因為諗住之後要影相，驚個嘴同啲牙黑晒，經過幾番掙扎，就叫咗海鮮意大利飯🤣😂其實我哋超級 超級 超級 想食…帶子墨汁意大利飯ga ！不過個海鮮意大利麵都好正👍冇叫錯！⭐️炭燒安格斯肉眼 -上枱已經好炭香，牛扒面頭放咗Rose Mary同炸蒜片點綴。我哋唔鍾意食生所以叫咗Well Done。出奇地火候掌握得幾好，外面有焦香，口感啱啱好唔韌。配上燒汁，鹹香提升多一級。最驚喜係配菜，薯仔烤到外脆內粉，車厘茄甜甜蜜蜜，成個蒜頭焗到好軟糯,一粒一粒🤣食晒，仲有我最愛既大髀菇Tim！🤣甜品：- 每日精選甜品／每日精選甜品拼盤 +$88（二選一）我哋冇加$，精選甜品已經超級打卡，之前預訂咗渣古畫碟，畫工一流👍我最期待嘅畫面出現喇😍！之後侍應哥哥喺我哋面前再打開個黑色盒,有煙霧飄出嚟，再加埋噴火嘅蠟燭，成件事好夢幻~入面有雪葩，同埋朱古力忌廉蛋糕 ！我哋其實就係衝住呢個甜品嚟食晚餐ga ! 重要事項：❤️雖然畫碟甜品（套餐已包）（畫碟服務最好預定左，問左先！但亦會有打卡裝飾）…Read More

一間收藏好多香港警察物品的茶餐廳，茶餐廳在三家村區內比較有歷史和有名氣的一間小店！茶餐廳內部牆身貼滿店主同名人照片，看得出她很熱愛祖國！點餐時會比一張紙，內容大致上話本店人手不足，所以要耐心等候奉上食物！有國旗在廚房旁邊！我哋埋單走人時，仲送咗兩個鎖匙扣！雖然飲品偏貴，如飲品＄37，但食物都算正常價錢，爆場！記得名物有好似係腐乳西多士，幾特別！之前嚟食過佢哋嗰個芒果布丁，同埋通常都係食公仔麵，今次食咗沙嗲牛，朋友話啲沙嗲幾好味幾濃！區內唯1茶餐廳，如果唔係嚟食海鮮，就只可以來呢度醫肚！附近都有好多手信店，海鮮舖同埋出邊有個小球場！記得好多年前已經唔能夠借佢哋嘅廁所，因為佢哋好似個地基有問題，唔知問題解決未，又聽過話要俾成個百萬維修才能整返好個地基！但我見佢而家都好多人去！理論上應該整返好！呢個消息就要再確認！…Read More

很少寫這樣的食評！但我覺得必須寫！因為呢度嘅員工服務態度不錯，係食飯正值繁忙時間，見到員工已經好忙，其實我都唔忍心叫佢哋俾杯水我，但係我竟然分開叫佢比，但係佢哋冇黑我面好有禮貌，香港而家呢啲服務態度已經很少有！值得一讚！👍👍👍食物：叫咗個漢堡芝士包，包身軟熟得嚟有彈性，一入口係輕盈鬆軟，但又唔會腍到一撳就扁晒，兩塊牛肉好大塊五似麥當勞嗰啲，帶少少牛油香，餡料足！蝦堡，鮮味好突出，真係食到蝦肉嘅質感，唔似得假假地嘅碎漿，整體不錯！仲有大條薯條….. 正！Ps:沒有影食物！因為差唔多食晒！都忍不住寫d 野！ …Read More

特登去太安樓掃街，見到呢間$75蚊有和牛，即刻買來試吓！俾完錢先知道原來要等成30分鐘先有得食，因為有其他人order，要等吓先有得食，不過…「等」係值得嘅，真係唔錯！啲牛真係好味！質地軟硬適中！佢門面有個版寫住有上門服務，同埋係一間酒店之前嘅大廚-萬麗海景酒店，大廚個名叫阿Ken！佢一路炒牛，放晒火禁！好似好勁，超級多人圍觀！真係唔食都埋嚟睇下！我細佬話佢嚟五次淨係見到兩次佢喺度！成日無開門，好似唔優做咁！所以見到佢即刻二話不說要買嚟食！另外附近都有好多正嘢食，我都好鍾意佢喺佢旁邊嗰間買嘢飲同埋有一間賣牛丸好嘢出名嘅舖頭，不過要排隊！…Read More

太古城地庫的food Court，入面有一間平價鐵板餐，有好多性價比高的午餐set ,我之前試過食燒雞定食，啲雞幾大塊，我又食過三文魚及牛肉定食，仲有鰻魚定食幾香脆都唔錯！今次食柚子醬油牛肉定食，牛肉薄片都算多，柚子醬油味有少少酸酸地，鹹鹹地，夏天食幾開胃！配菜有西蘭花、芽菜、粟米和薯條，另外有一杯熱茶同埋啫喱仔，有一小碗白飯，啱晒女仔食！用鐵板上熱辣辣唔驚慢慢食會凍晒！呢度喺太古城二期地庫入邊比較隱蔽的位置！…Read More

自己落單、店舖小貓三隻！講真，呢到d 野真心一般！ 個魚肉都幾好味！ 但係30幾蚊囉！如果同花園街嗰邊嗰啲菜魚肉比咁人哋又大兜！啲魚肉又多好多！雖然呢一個好似係唔知啲咩勁啲嘅魚嚟嘅！ anyway 30幾蚊好似$37 都幾貴！不過魚肉味道吾係太差就算啦！ 但係同妹妹分，我都吾敢食多條！因為少得可憐！招牌狗仔粉就下次唔好再叫啦！細兜到！味道又難食到爆！ 好油，又有啲雞皮喺上面唔知想點！可能係鴨皮啩！總之啲粉又斷開！又軟！又一pat pat ！個大雜燴真係唔係好得！差唔多$50得嗰幾舊！蘿蔔又硬！但係個醬都幾好味嘅！就係坐得幾好嘅，因為幾闊落！冇乜人！賣相咁核突！相都唔記得影！根本就唔係佢影相出嚟嗰個碗嗰啲咁樣囉，係俾個紙兜你咁樣㗎！真心！呢間舖頭冇乜誠意！就算佢門口貼晒所有明星相！都係呃到我今次入去！我以後都唔會去，雖然佢唔係話服務好差！因為冇乜交流！完！…Read More

每次都自己一個人唔知想食乜嘢嘢嘅時候，如果在太古城和康怡附近，我都會去這店，因為他們的茶碗蒸和味噌魚湯！有很多料，雖然價錢只是分別$24和＄30但價性比高！另外三蝦手握壽司 都是$40，真的價錢實惠！雖然每次都自己一個去食，但這店氣氛熱鬧，員工熱情且有禮！這店還有一個好處，就是不會限時，雖然價錢不貴，但可以坐得很舒適，又有小杯燒酒、梅花氣泡酒和小食類供應，綠茶任飲，所以如果想和朋友傾計，shopping 完找個地方休息下！是個不錯的選擇！…Read More

每次去花園街必定要買懷舊食品的名店！今次早上十時左右到訪，終於影到一張門外沒有人的相片！因為平時所有日子，店舖都擠滿人群，個個都搶購他們的食品！店舖食品種類繁多！就是我們兒時婆婆常常買回家的的光酥餅，香蕉糕、馬仔、等等！ 非常有童年回憶！而我每次必定會買燒餅，燒餅分原味和紅豆味道。新鮮出爐，熱辣辣即刻食！口感煙煙韌韌非常好味！仲有其他老一輩喜歡吃的唐餅，如棋子餅、牛耳仔、咸蛋散、皮蛋酥、鹹切酥、合桃餅、老婆餅、雞仔餅等等……我樣樣都想試...！🤣👍…Read More

香港懷舊餐廳，有濃厚懷舊味道，分上下兩層，樓下雅座，上層有大的玻璃窗，日光充足，光猛整潔，座位之間很寬敞！雖然食物大大份，但味道很一般，食物質素有待改善，牛扒比較硬又煎得太熟，配菜沒有味道，真係烚出嚟！午餐有餐包和包一杯野飲，還有布丁和啫喱甜品任選，三個人三個餐共$460 平均百多元一個餐，在旺角區花園街附近的餐廳，價錢算中上，不是平民價。相信在旺角區有更好的選擇！不過如果想懷緬一下舊式西餐廳文化可以一試！始終這些店如果不是自置物業，很容易關門大吉！…Read More

識我嘅朋友都知道我最鍾意懷舊嘢，今次又俾我搵到一間喺銅鑼灣嘅懷舊日本食店 ，店內彷佛穿越到昭和時代，最重要有好多我最鍾意嘅懷舊玩具重點推介：昭和海鮮卷-材料相當豐富，勁多海膽，非常鮮甜！入面有拖羅蓉，口感細膩綿密。驚喜係有海螺同帶子喺入邊，外邊仲有好多三文魚籽魷魚明太子卷-造型精緻，生魷魚外層𠝹花包住明太子同青瓜絲。魷魚肉質鮮嫩彈牙，口感順滑，明太子鹹鮮，有少少辛辣，不需要配任何醬汁已經很惹味南蠻醬炸雞-金黃酥脆，雞肉多汁嫩滑，啖啖肉，南蠻醬惹味。串燒稀有串燒-雞內臟 每日全部日本空運到港同限量供應三角胸骨-軟嫩，鹹香雞頸肉-啖啖肉, 燒汁惹味雞橫膈膜-煙靭爽口雞軟骨-口感爽脆酒盜炒山藥-魚腸鹹香惹味，生藥爽口嫩滑炸海鰻魚骨-超幼鰻魚骨，非常香口另外凡惠顧指定清酒一支，仲可以free其中一款指定料理…Read More

銅鑼灣少有加勒比海風情的餐廳，可俯瞰維港美景，食物造型精緻，有下午茶，星期六還有live Band。One Thousand & one night 打咭吸晴特飲，侍應會用火槍點燃神燈旁邊的位置，營造迷幻火光，超夢幻😍有淡淡接骨木花和熱情果香、基底是伯爵茶甜酒，易入口！Beauty & the Beast 侍應用火槍點燃酒杯上的火紙，如魔法般火花四射。清新草莓與荔枝調和的甜酒，讓人陶醉！香煎日本刺身級帶子伴三文魚籽有金箔三文魚籽點綴的帶子刺身肥美肉厚，輕煎後外脆內嫩。香煎歐洲鱸魚配白松露焗薯帶有白松露香氣的焗薯口感軟綿，鮮嫩鱸魚搭配脆蓮藕片！🥹炸軟殼蟹冬陰功海鮮意大利飯冬陰功混入意大利飯，味道香濃，海鮮配料非常豐富，有青口、蜆肉、和超多軟殼蟹仔…. 有食用花裝飾，賣相誘人！…Read More

The beat 一間好多年輕人去既馬塲西餐廳，新開兩個星期！有live Band ，沒有會員制，平時最底消費$400，國際賽事$500 一位人頭 ，輕食為主，有pizza、叉燒飯、生蠔等等…仲有酒飲，有超大螢幕可以睇賽馬，睇沙圈，不過講英文評述嘅，又有AI機教你睇馬，氣氛真的一流！同成班friend嚟玩好嘈都唔怕，又可以走出露台睇跑馬，用AI睇完再用Apps買馬，贏咗仲送隻賽馬公仔添！當日有國際賽事，夜晚仲有After party ,見到好多熟悉嘅騎師同埋名人！…Read More

大家都知道我對玩具情有獨鍾，最近又比我發現了天后有一間日式居酒屋，以玩具為主題。門面有好多黃金戰士、機械人，令到我心心眼。當我一推開門時，就見到好多懷舊玩具海報，走下樓梯後，整個空間都是滿滿日式裝修，真的以為自己去了日本啊這裡設有VIP房，非常適合一大班朋友來慶祝，VIP房配有榻榻米和巨型卡通毛公仔，還有Cosplay服，不僅私隱度高，食物質素也極佳。我下次一定要再來過啊！澳洲龍蝦尾天婦羅配檸檬鹽-選用澳洲龍蝦尾部，擺盤精美，份量又多，大大粒龍蝦肉，結實彈牙，有檸檬鹽提鮮月見蟹味噌甲羅燒-（配三塊多士）非常濃郁鮮味的蟹膏拌上生雞蛋、蟹肉，再放上惹味烘香的多士一齊食，超正熊本A4和牛薄燒 -店員會在你面前用火槍輕灸A4和牛薄片，令豐盈的和牛雪花油脂味道更香濃，灑上檸檬汁和炸蒜、香蔥，作為調味北九洲蠔-新鮮大隻燒蠔，鮮甜多汁飽滿，外殼微焦，有水準鹽燒鰻魚串-厚厚的鰻魚肉質鮮嫩，烤過的白鰻，外脆內軟茶漬飯（鰻魚）-我最喜歡茶泡飯，每次去居酒屋必選，用昆布清湯做茶底，鮮香溫暖的飯湯非常飽肚，配上鰻魚共食，一流🦊清酒煮蜆-份量多，大隻鮮甜的蜆與清酒的香氣相互交融，大愛🦊豬頸肉串-燒得外脆內軟的豬頸肉串，惹味又啖啖厚肉，必食🦊小食前菜-螢光魷魚、山葵八爪魚作為前菜，鹹香、咬口、惹味🦊富士山柚子梳打-包裝有富士山圖案，懷舊、清爽、解膩！還可拿住以打卡！🤣🦊蜜桃雪葩-清新的原個桃子，外貌可愛，裏面有透心涼的雪葩，不會過甜，口感細膩，作為最後一道甜品，完滿幸福🦊…Read More

最近係太古城發現了一間CP值高的法國餐廳，半開放式，藍白間主調，裝潢簡約高雅，散發著濃濃的法式風情。除咗食物質素高之外，價錢亦一流，店員殷勤有禮，我又有多一個同朋友Chill嘅地方！⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️午市套餐 $148 有前菜，主菜和餐飲（部份菜式要加錢)前菜🩷🦊例湯-南瓜湯/🦊沙律-菠菜葉沙律主菜🩷🦊蟹肉沙律-多得滿瀉的蟹肉，沙律有新鮮番茄、菠菜葉，蕃茄，青瓜，配上秘製酸奶油醬汁👍超大碟，份量多，十分推薦🤩🦊香烤西冷牛扒-牛扒烤香味濃，香氣四溢，雖然叫左well done，但依然保持肉質鮮嫩，味道不錯，係面層有一大片蒜香牛油，配上份量超多又熱辣辣的薯條。是日甜品 🩷🦊朱古力撻-朱古力撻厚滑香濃，甜度適中，灑上糖霜、朱古力醬拉花和草莓醬，賣相精美！大愛❤️飲品🩷 （另叫特飲）~吃完飯再Chill🤣Cocktail🦊ELDERFLOWER SPRITZ接骨木花水 ，清新淡雅，順候清涼🦊HOUSE ORANGINA橙汁和sparkling water混合，清新香甜…Read More

傳統中式食的！價錢大眾化，又齊全，百多元足以買了一袋二袋！大滿足！糖蔥餅，新鮮好脆！即叫即包來食！傳統麥芽糖餅白糖糕、鬆餅 大塊又超抵！客家茶果等等傳統食物，一應俱全！…Read More