Aresfoodie's Profile

🥣泰式滷水豬脾飯🥣：豬脾真係滷到超級「念」！用筷子輕輕一夾就散開，超級入味，滷汁香濃得嚟唔會死鹹。肉質肥瘦適中，入口滑溜，撈埋啲汁真係可以瞬間清碟！😋🥣泰式蝦餅🥣：即叫即炸，上枱仲係熱辣辣，咬落外皮「咔嚓」一聲超酥脆！入面蝦肉飽滿，口感彈牙，點埋個酸甜醬更加開胃～🍰 泰國綠奶茶千層蛋糕🍰：層次做得超薄超分明，每一層都充滿住泰式綠奶茶嘅獨特香氣，茶味甘香得嚟又唔會太甜，口感綿密，蛋糕控必試！🥞泰茶梳乎厘班戟🥞：空氣感十足，搖吓個碟真係會duang duang震㗎！入口好似食緊泰式奶茶味嘅雲朵，輕盈鬆軟，蛋香同泰茶味平衡得啱啱好～🌹玫瑰花奶茶斑斕珍珠🌹：斑斕珍珠煮得啱啱好，口感軟糯煙韌，帶住淡淡斑斕葉清香，奶茶底嘅玫瑰花香好突出。🧋泰式奶茶斑斕珍珠🧋：經典嘅泰奶風味，茶味濃醇帶微微澀香，少甜較好，配上斑斕珍珠，煙煙韌韌。…Read More

落地玻璃對住大海景，夜晚餐廳招牌會倒影係橋上，係個重點打卡位🙊仲有套餐選擇，平時可以約朋友chill下😍.🥣鷹嘴豆粟米湯🥣：口感綿滑得嚟帶住粟米粒粒嘅口感，鷹嘴豆香氣突出，味道自然清甜。🥣沙律🥣蔬菜新鮮爽脆，醬汁調得啱啱好，輕盈開胃。🥣黑松露雜菌意大利燴飯🥣：松露香氣超濃郁，一上枱就聞到！燴飯煮到creamy得嚟飯粒保持咬口，芝士同雜菌份量十足，每啖都充滿菌香同松露香！🥣香烤美國穀飼牛側腹配時令蔬菜🥣：牛側腹烤到外層微焦香，內裡肉質粉嫩，牛味香濃，旁邊嘅西蘭花、番茄、茄子同粟米仔清甜解膩。🍎Apple sorbet🍎：口感超級細滑，蘋果嘅酸甜味好清新自然，食完成個口都係果香。🥥Coconut sorbet🥥：椰香味好天然，口感輕盈甜度適中，食落似飲緊冰涼嘅椰奶，好適合夏天。🍹AMG🍹：蘋果汁酸甜、薄荷葉清涼同薑啤嘅微辣，層次豐富又清爽，酸酸地好開胃！🍸Lychee Paradise 🍸：荔枝味好出，加上檸檬汁同tonic嘅氣泡感，飲落好清爽解渴。…Read More

🥣慢煮12小時脆皮乳豬配夏日菠蘿莎莎🥣：乳豬經過12個鐘慢煮，肉質真係超軟嫩，個皮燒得香脆，入口即化。配埋自家製嘅菠蘿莎莎，用咗新鮮菠蘿，酸甜多汁，中和乳豬嘅油膩感，味道層次即刻提升！🥣手撕油封鴨肶肉配手工薯餅🥣：鴨肶肉經過油封處理，非常入味，手撕之後肉質一絲絲，軟腍香濃。手工薯餅係亮點，外層炸到金黃香脆，內裡薯蓉軟滑綿密。將鴨肉夾住薯餅一齊食，鹹香同薯仔嘅甘香融合，口感同味道都係絕配！🍎Boholic 精選水果茶🍎：茶底好清雅，完全唔會甜到漏，飲落好舒服解渴。可以食到新鮮嘅蘋果粒同火龍果粒，真材實料，成杯充滿生果嘅天然香。🍵 靜岡焙茶鮮奶🍵：焙茶嘅烘焙香氣極之濃郁，一上枱已經聞到香濃茶味。入口順滑綿密，茶味突出得嚟又唔會苦澀，飲完成個口都仲留住陣陣回甘。…Read More

🥣蜜汁紫菜排骨飯🥣：炸排骨夠大塊，外酥內嫩，加左蜜汁味道更突出，仲有秘制魯肉，大量紫菜同配料，一定要撈埋一齊食呀！🥣素 -薑蔥素鰻魚飯 (茄子)🥣：係茄子扮鰻魚，樣都真係幾似，仲可轉粉絲，茄子用鰻魚汁燒，有大量薑蔥，粉絲入晒味。🥣超松露! 芝士火腿蛋餅🥣：松露醬超濃郁，餡又多芝士，入口即溶，塊火腿幾香，增添左份咸香，食兩三件已好滿足。🥣超松露! 我不是章魚燒🥣：有3粒丸，配上超濃松露醬，炸丸子入面有八瓜魚粒，啖啖肉呀！🥜花生冰淇淋卷🍦：去過台灣夜市都應該知，芫茜係精粹！餡夾住大量花生糖，個皮煙韌，有香芋香草味雪糕，芫茜清清草香突出，減少左甜膩感。🍉鮮果斑蘭河粉 🍉：河粉口感Q彈斑斕味出，有少少咸味，配時令西瓜同芒果肉，夠晒消暑。🧋黑糖珍珠鮮奶🧋：黑糖味好濃郁，mix埋牛奶，有陣陣黑糖焦香，珍珠煙韌唔念。🥤古早綠茶🥤：叫左微糖接近無糖，正！茶味好濃，唔會沖到淡晒。…Read More

🥣自選沙律🥣：有多款新鮮配料選擇！最中意煙三文魚🤤配埋蜜柑、吞拿魚、黃桃、雜菜都好新鮮爽口，日本柚子油醋醬酸酸地好開胃，呢個吞拿魚係啖啖肉，蜜柑又多又甜，黃桃大塊夠甜，煙三文魚肥美，一碟份量多細胃既可能都食唔晒🤫🥣日本白桃戚風蛋糕🥣：有半個桃係中間，忌廉淡淡奶香，口感順滑，白桃好香甜，中間都有忌廉，整體感覺清新輕盈唔漏。🥣藍莓丹麥酥🥣：丹麥酥外酥內軟，有飽肚感唔係得空氣，藍莓酸甜同丹麥酥奶香完美融合，甜度適中，最岩下午茶嘆呀😋…Read More

今個夏天一出街就出晒汗…呢個時候緊係要食返啲消暑健康甜品喇😆中環呢間乳酪雪糕有多款配料選擇，滿足杯可以選三種料一個醬！🌹玫瑰荔枝醬清香又fresh，仲有荔枝肉，乳酪雪糕整體甜度岩岩好，酸酸甜甜好解渴！新鮮藍莓夠大粒，原味麻薯好煙韌，抹茶奶凍濃茶味苦苦地，可以中和一下甜度👍🍭海鹽焦糖醬，甜中帶有微微咸味，咖啡蛋白餅脆味咖啡濃，增添左一份苦香，布朗尼濃郁口感濕潤仲有朱古力粒，配埋香蕉超match呀！🥭香芒乳酪窩夫🥭：係即叫即整，外層酥脆內部柔軟，配上乳酪雪糕同大量芒果肉，咸甜相融都幾特別！…Read More

發掘到一間好食而經濟又實惠既午餐🤫係旺角都易錯過既位置樓上店，有放題火鍋之外，午市套餐都好抵食！.🥣魚生海膽飯🥣：大大碗飯，仲包湯前菜生果，有希靈魚、三文魚等多款魚生切粒，口感同味道新鮮爽口，海膽又夠鮮甜，配埋紫菜，非常match🤩🥣滑蛋粟米脆魚柳飯🥣：套餐包湯蔬菜白飯，炸魚柳份量多，滑蛋粟米汁多拌飯食一流，炸魚外脆內軟，炸粉夠薄仲要啖啖魚肉。🥣陳醋小籠包🥣：有心心醋，可以唧入每粒小籠包入面，皮有咬口，肉汁多。🥣𠮩𠹌糖心皮蛋🥣：每粒配好晒薑蓉，每件都係流心，半隻皮蛋加一片酸甜薑，唔會辣口，易入口。🥣涼拌爽脆魚皮🥣：秘製調味，少少酸辣，青瓜爽口，有埋花生，魚皮都算爽口，夠入味。🥣紅糖糍粑🥣：即叫即炸熱辣辣先好食！外脆軟糯，入面係紅糖，最岩做飯後甜品！🥤鴨屎香單縱檸檬茶🥤：有成6粒青檸，勁足料！茶底幾濃郁帶有少少苦澀，夏天飲好解渴。🥤蘋果雪梨茶🥤有鮮蘋果同雪梨片，用原個茶包沖，味道香甜清新，健康之選。…Read More

放工約左朋友去尖沙咀居酒屋，環境雖然唔大，但燒物好多種類🍢仲有暢飲飲品酒類放題2小時優惠$168/人🤩真係抵好多呀！🥣鵝肝多士🥣：大大塊鵝肝，燒到好香口又juicy ，多士吸晒所有精華！🥣燒雪魚乾🥣：烤至薯片咁脆，又有香濃魚味，有啲地方保留少少咬口。🥣香蔥牛舌🥣：5塊厚度剛好既牛舌，有口感，夠晒入味。
🥣燒日本生蠔🥣：燒完出黎仲係咁大隻，冇縮過水咁🫣超肥美蠔味鮮甜，真啖啖肉！🥣宮崎A5和牛粒🥣：三塊厚切和牛，外觀似普通牛肉塊，但入口好彈牙好juicy！🥣唐揚池魚仔🥣：份量幾多，咸香味出，餸酒必叫！🥣肉類🥣：雞軟骨🐔烤至香脆，整體夠爽口。
雞心🐔6粒雞心，配上七味粉微微辣味，增添味道。
明太子雞翼🐔雞皮燒至香脆，雞翼啖啖肉，明太子餡辣辣地幾過癮。
明太子雞腿肉🐔配上大量明太子醬，微咸微辣味襯托出雞腿肉鮮雞味。
豚牛油果卷🐷口感幾特別，豚肉燒至外脆牛油果內軟，中間夾左件雞髀菇，減低油膩感。
蒲燒鰻魚🐟厚肉且外皮微焦，鰻魚肥美濃郁。🥣蔬菜串燒🥣：冬菇🍄菇味濃郁，保留到一定既水份。
翠玉瓜🥒厚切多汁，多左陣木魚絲咸味。秋葵🥒一串三條，燒完大大減少入面滑溜溜口感，更易入口。山藥🍢燒到外香，入面爽口，減少左份黏口感。🍍蕉糖菠蘿🍍：少少焦糖係面燒至外脆，整體菠蘿清甜，忍唔住食左三份🤣🥤熱情果 莎瓦🥤：味道好清爽，酸酸甜甜，酒味幾突出，配串燒一流呀🤩…Read More

🥣烤扇貝🥣：必點廚師精選🧑🏻‍🍳有四隻已去除內臟既扇貝，每隻都厚肉鮮甜，煎得好香，肉質鮮嫩，沾埋醬汁更加惹味，配炸蒜片提升泰式風味。🥣越式金不換沙白蜆炒椰子肉🥣：沙白蜆每粒都好大隻又肥美鮮甜，金不換香味撲鼻，帶有椰子香氣，椰子肉口感滑嫩，仲有大量既小蜆肉，保留左食材原汁原味。🥣菠蘿海鮮炒飯🥣：整體色彩豐富，金黃色炒飯炒至粒粒分明，有多種配料，蝦肉大隻有六大隻、魷魚圈厚身、腰果、肉鬆、菠蘿肉清甜、提子乾、蟹柳、粟米甘甜，口感十分豐富。🍰芒果糯米飯🍰：芒果肉有手掌咁大個，配三色波波糯米飯，白糯米同紫糯米同蝶豆花藍飯，口感軟糯，椰子汁香甜，芒果肉好清甜，份量岩岩好，唔會太膩。🥤Thai Rose tea latte🥤：奶同茶比例剛好，奶茶口感順滑，玫瑰味香濃，甜度岩岩好，玫瑰奶茶仲可以幫助排便添！…Read More

🥣泰式生蝦🥣：一碟8隻生蝦，肉厚鮮甜又唔腥，沾埋秘制青檸汁，酸酸辣辣好惹味，越食越上癮！🥣傳統咖喱羊肉🥣：雖然細碗裝，但羊肉份量唔少！慢燉羊肉好念又夠入味，只有少少臊味，加上傳統fennel Kashmiri 醬，茴香味濃而不太辣，一定要配埋印度烤餅一齊食呀。🥣烤餅（蒜蓉）🥣：烤餅要額外叫，有三大塊，外香脆內煙韌，有蒜味仲有少少甜甜地，沾埋咖喱食一流。🥣香脆薯仔煎餅🥣：一份煎餅有手臂咁長！配兩個醬，青醬有椰絲碎少似青咖喱味，橙醬都有椰絲酸酸地偏辣，內餡好濃咖喱味mix薯仔洋蔥扁豆餡，試下咩醬都加，好有印度風味，仲有一碗滿滿香料既汁。🍰椰絲斑斕丸子布丁🍰：上面橙色應該係椰絲，底部係一堆斑斕味西米，斑斕味清香濃郁，係個熱甜品，中間有粒綠豆蓉甜品，整體偏甜，但就好有地道風味。🥤Indian masala chai🥤：散發出好香濃香料香氣，有肉桂、丁香、豆蔻等香氣，完全同粉沖既冇得比呀，仲有種辛辣口感，每一啖都充滿了印度特有既香料風味，味道層次豐富，口感順滑，奶香濃郁，係值得品嚐既飲品。…Read More

🥣蟹黃生煎包🥣：叫兩個平啲！蟹黃生煎包底部金黃酥脆，內餡有蟹黃同肉餡，小心入面有大量湯汁鮮甜，整體鮮甜濃味且不油膩。🥣招牌生煎包🥣：半邊金黃焦脆，咬一口肉湯汁爆棚，大舊豬肉餡，鮮嫩多汁，搭配著香葱及調味料，十分juicy！🥣上海小籠包🥣：每粒都多湯汁，皮有咬口，肉味鮮甜，啖啖肉，沾埋醋一齊食味道更突出，每一啖都有濃郁嘅肉汁香。🥣麻醬青瓜雞絲粉皮🥣：麻醬滿滿花生香，配有大量青瓜絲，粉皮好清爽又脆又滑，雞絲好嫩滑，口感層次豐富。🥣小雲吞湯麵🥣：6粒小雲吞，雲吞皮薄好滑，係迷你肉餡，肉味香濃，湯底有香蒜味，麵條軟滑有咬口。🥤豆漿🥤：豆味濃郁，口感豐厚，甜度適中，係鮮磨豆漿既味道呀。…Read More

🥣蟲草花魚翅灌湯餃🥣：湯底有蟲草花同魚翅，餃子皮薄透，包住鮮美湯餡，肉鮮蝦肉彈牙，咬落去湯汁瞬間爆發，鮮甜味十足。🥣花生瘦肉燉雞腳湯🥣：充滿住家湯味道，有兩隻雞腳，膠質滿滿，湯底濃肉味，口感滑潤，有大舊瘦肉，豐富營養價值，好滋補呀！🥣懷舊糯米雞🥣：好大舊呀！好多飯，又多肉，有粒蛋黃，蟹柳，仲有雞肉件有骨架，勁足料，一打開塊葉香氣撲鼻，真係童年既味道🥹🥣家鄉蒸蘿蔔糕🥣：好少茶樓有蒸糕版，整體蘿蔔好鮮甜，蘿蔔絲粗條有咬口，有陣陣臘腸香，蒸版都好大舊，啖啖肉！🥣椰香黃金糕🥣：一籠有三片，好煙煙韌韌，椰香味偏重，甜甜地，新年都成日食既甜點。🥣紫薯流沙煎堆仔🥣：外皮沾滿脆粒粒，內餡係流沙奶黃好香濃，外皮有淡淡紫薯味，口感層次豐富，幾特別。…Read More

🥣牛油香煎蟹餅伴魚子醬🥣沙律菜配檸檬汁，酸甜開胃，兩粒煎蟹餅，加左少少魚子醬，全粒都係蟹肉，啖啖蟹肉鮮味，煎得黃金酥脆，外脆內軟，散發出陣陣牛油香氣。🥣煙三文魚龍蝦忌廉汁意粉🥣有煙三文魚塊同埋配菜番茄、菠菜、菇，意粉有咬口，龍蝦忌廉汁幾濃郁，好creamy，有豐富海鮮風味，加$38有蘑菇湯同飲品，餐湯菇味香濃，飲完仲有陣陣餘香。🍰芝士奶蓋疏乎厘🍰兩層厚身疏乎厘，倒左好多奶蓋係面，奶蓋芝士味濃，咸咸地較輕身且唔會漏，疏乎厘蛋香濃味，輕盈口感，配埋雜莓更加清新。🥤朱古力🥤：個頂有勁多忌廉同朱古力醬，整體朱古力好濃味，甜度適中，口感順滑。🥤白桃果園🥤：陣陣白桃清香，可以焗一陣更加濃味，果香一流。…Read More

🥣招牌金不換香芒蟹肉炒飯🥣：💰$108配菜有大量蔬菜，生菜蘿蔔絲等，金不換香味突出，有蟹籽、蟹肉鮮嫩，炒飯炒至粒粒分明，偏乾身，加入香芒切丁，增添左陣清甜果香，帶出蟹肉鮮味。🥣泰之味小食拼盤🥣：💰$138拼盤包括炸魚餅、炸春卷、炸蝦餅、雞卷和豬頸肉，每一樣都獨具特色，魚餅外脆內嫩魚肉鮮香微辣、炸春卷薄脆內餡有大量蔬菜、炸蝦餅鮮甜搭配酥脆外皮，十分可口。雞卷外層金黃酥脆，內部保持肉質多汁。豬頸肉肉質鮮嫩，保留豬肉原汁原味，更附上三種醬汁配搭不同小食。🥤港式奶茶🥤：💰$23竟然有港式奶茶，茶底幾香濃苦澀配絲滑奶香。🥤芒果沙冰🥤：💰$32一大杯超清新，口感好smooth，唔會太甜，芒果味清甜香濃，係真芒果味道！…Read More

🥣焗叉燒包🥣：💰$38係即焗墨西哥包，外皮超酥脆，包質好軟熟，叉燒餡甜蜜，熱辣辣食最正！🥣懷舊灌湯餃🥣：💰$68未見過咁大粒餃😂兩粒都大隻又多湯汁，蝦肉大粒夠爽口，肉汁爆棚！🥣蘿蔔絲酥餅🥣：💰$42係我既至愛點心🥰入面真係刨到千絲咁既蘿蔔絲，外層好酥香，食一隻都好滿足呀！🥣蟹肉大良炒鮮奶🥣：💰$148有好多蟹肉，夠足料，蟹肉鮮甜同鮮奶香濃，口感滑嫩，沾埋陳醋一齊食👍開胃又減膩。🥣窩貼蝦多士🥣：💰$88配一小碗雜果沙律，蝦肉彈牙，每塊包都勁香脆，加啲沙律食又幾夾喎。🥣韮菜金錢蟹盒🥣：💰$55有三大舊炸至金黃色蟹盒，韮菜味香濃，外皮夠脆，餡料蝦肉鮮甜大粒。…Read More