dima759的個人專頁

我最近去咗Mano餐廳食嘢，真係好有格調！環境好有意大利情調，暖色燈光，仲有開放式廚房可以睇到廚師整菜！食物方面，呢度食物水準高，地方唔逼夾，坐得舒服，如果黎開觀塘海濱散步，值得再度幫襯。我叫咗夏威夷薄餅，餅底脆口有嚼勁，帶住微微炭火香，火腿份量超足！最讚係新鮮菠蘿，香甜多汁，配埋濃郁蕃茄醬同融化芝士，鹹甜完美平衡，食到停唔到口。另外，我叫咗10安士肉眼扒，肉質鮮嫩多汁，肉味濃郁，完全唔柴，配上綿滑忌廉薯蓉，好味！服務員仲會介紹三款醬俾我哋點牛扒，真係好貼心。總之，Mano餐廳係一個好地方，環境好，食物好，服務好，值得一試！…查看更多

我最近去深水埗淘多多旁的這家地道小食店，試了他們的魚蛋和燒賣。店員問我要邊款魚蛋，原來有得揀喎！有三色魚蛋餐，即係魚蛋王、白魚蛋同陳皮魚蛋可以選擇。獨家醬汁果然不是一般辣油，醬汁辣度適中，不是麻辣那種得個麻痹感，好有口感，攞嚟撈麵應該好正，可惜現場唔見可以單買！我試了魚肉燒賣，夠大粒有魚味唔會成口粉。老闆當日唔喺度但係睇得出員工有培訓，唔會催你嗱嗱聲俾錢就下一位，抵讚！香港地區小店就係需要呢一啲。另外聽到其他食客話碗仔翅都好食，仲有抵食撈麵餐，但係夜晚約咗朋友食飯，所以今日就試住咁多先。總之，這家小食店的食物質素很高，價錢又好鬼合理，值得一試！…查看更多

今日去咗「回味香」醫肚，試咗佢哋嘅招牌酸辣粉同麻辣燙，真係驚喜十足！先講酸辣粉，個湯底真係做得好出色，酸味夠醒神，辣度又夠勁，但唔係死辣嗰種，係好有層次感嘅香辣。啲粉夠晒滑溜彈牙，索晒啲湯汁，一啖落去真係「嘩」一聲！最緊要係，佢啲配料多到好似唔使錢咁，份量真係超足，食到我捧住個肚。跟住到麻辣燙，我揀咗好多唔同嘅餸，牛柏葉、嫩牛肉、蘿蔔、金菇、瀑布土豆片堆到滿瀉。佢哋嘅湯底同樣冇得輸，麻香濃郁，辣得嚟又好順口。啲食材全部都好新鮮，淥得啱啱好，唔會過熟。特別要讚嘅係，佢哋真係好大方，我叫咗少少嘢，但上到嚟成大碗，睇得出老闆係真心做生意。總結嚟講，「回味香」，味道一流，份量又夠晒良心。鍾意食辣嘅朋友，絕對要嚟試吓！下次一定會再嚟幫襯！…查看更多

呢間聚來車仔麵係我最近發現嘅一間好好食嘅車仔麵店，位於深水埗基隆街。餐廳環境乾淨，類似茶餐廳冰室咁既坐位，枱上有佢地自己整既辣菜脯比客人自己落。食物方面，佢地嘅車仔麵配搭好多元化，無論麵底定餸，諗得出既都基本上有，湯底仲有多款醬汁選擇。招牌煎餃係必叫，外皮金黃酥脆，裡面包住豐富嘅韮菜配合鮮肉，餃子內餡多汁，搭配上特製嘅醬汁，味道更加升華。爆漿阿華田西多士係另一道必叫，外皮酥脆，一咬落去，裡面濃郁嘅阿華田巧克力醬即刻爆出，甜而不膩，華田粉絲必叫。總體嚟講，聚來車仔麵係一間好好食嘅車仔麵店，環境乾淨，食物好味，服務態度好，值得一試。…查看更多