terryyip1031's Profile

屋企人生日，嚟咗呢度慶祝，叫咗set A，兩個人好夠食，味道好，可以望到海景。先送上六款前菜，最鐘意泡菜、蝦米翠玉瓜、蝦米蒜苗，好味美國特級霜降牛肉睇落好靚，入口好軟嫩，好香牛味，配少少wasabi或海鹽，最好味精選美國牛肋肉醃完之後，好入味，而且好大份，肉質好軟嫩大蝦及帶子大蝦超大隻，好彈牙。帶子鮮甜，好好食香煎豚肉雜菜餃子煎到好脆，點埋個汁，幾好食滑豆腐海鮮辣湯好足料，熱辣辣，好好飲，天氣凍飲呢個湯真係一流韓牛賣相好靚，入口即溶，真係超正，必食呀！鵝肝用個鐵兜裝住，燒到表面金黃，內裏粉嫩，配搭魚子醬一齊食，勁邪惡。星空清河粉紅氣泡清酒飲落好清爽，有少少氣，配埋韓式燒肉一齊食，唔錯…Read More

臨近聖誕節，尖沙咀周圍都係人，係square見到新開咗呢間潮州菜，環境唔錯，同朋友一齊試下先星期六夜晚，都幾full，個場唔算大，有一般座位及吧枱整體嚟講，燈光暗暗地，幾有氣氛，食物比普通潮州菜精緻好多，味道都唔錯，基本上叫咗幾款菜式都ok鹹酸菜，凡係食潮州菜，應該都會有嘅，好開胃潮州菜經典菜式之一獅頭鵝件，肉質扎實嫩滑，滷水汁香濃蘿蔔廣章，第一次食，點少少辣椒醬好好味沙茶玉蘭牛肉炒河，好大碟，濕炒幾特別，牛肉好好食，唔粉…Read More

樓上新開日式居酒屋，環境唔錯，即使多人都唔會好嘈吵，幾舒服~餐牌選擇好多，亦有是日精選菜式推薦～日出（蕃茄）好大個蕃茄，入面有啫喱，咬落去口感幾得意，酸甜，作為前菜好適合～松葉蟹肉拌拖羅蓉 ，將所有食材拌勻，按自己口味加入芥末及醬油拌勻，再用紫菜包住一齊食，味道香濃又鮮甜👍🏻特上刺身四點盛，有油甘魚、甜蝦、中拖羅及帶子，油甘魚口感清爽！甜蝦肉質細綿、味道甜美😋帶子，肉質柔軟、鮮味濃郁！中拖羅，油分適中、魚味香濃汁燒太刀魚，魚皮燒到香脆，同個醬汁好夾豚腩肉，半肥瘦豚腩肉，用咗椒鹽去燒，口感爽彈，香味突出手羽先，開邊燒，食起嚟更方便，皮脆肉嫩白燒鰻魚，皮脆肉爽，好肥美嘅白燒鰻魚…Read More

之前食過一次，印象好唔錯今日又同朋友過嚟食，星期五晚市18:30開始好多人，繁忙時間建議book定位，咁就唔會失望而回～每張枱都會有一個熱爐用嚟放串燒，可以額外提供辣粉及孜然粉大漠羊肉，$48有5串，燒得好香，有羊味，肉質軟嫩大漠牛肉，都係$48有5串，有牛味，幾抵食Q彈小豬頸肉，一份有6串，肉質好Q彈，甜甜地辣辣地，好惹味燒雞翼一串有2隻，辣辣地好入味，而且肉質都幾滑燒饅頭，表面少少脆，配上煉奶及芝麻，更香口…Read More

呢度最出名，相信一定係乳豬全體！想食？可能要等下次啦😂因為要提前預訂～兩個人想試多啲菜式，相信Tasting menu就最啱啦，散叫一定食唔到好多款，Tasting menu一共有兩款，我就揀咗$1000/pp皮蛋醬蘿蔔，香濃美味流心皮蛋，配甜脆醬蘿蔔，惹味開胃🤤雞子戈渣，用金華火腿及老雞熬成上湯，加入粟粉凝固炸至外酥內滑，好好食😋蜜汁燒脆鱔，皮脆肉質超爽彈，甜甜地，好好食，兩件剛剛好～雞茸燴官燕雞茸提鮮，每一啖都食到燕窩，十分慷慨、足料釀焗鮮蟹蓋鮮甜蟹肉配上洋蔥釀入蟹蓋，炸至金黃，每一啖都好滿足，可以加少少香醋燒雲腿大地田雞片田雞片十分嫩滑香口，燒雲腿外層酥脆，內裏肉質鹹香細緻，都幾惹味水煮手切牛肉食得辣先好叫😂十分惹味，啱曬我，手切牛肉味道好香濃，肉質嫩滑，配料都唔少油雞樅菌炒四季豆嫩綠清甜四季豆配搭惹味鹹鮮雞樅菌，夾！瑤柱荷葉飯好足料！每一啖都食到蟹肉、瑤柱，粒粒分明的米飯充滿荷葉的香味生磨合桃露香濃幼滑，好想嚟多碗😋最後送上鴛鴦棗茸糕及懷舊芝麻卷，結束完美的一餐…Read More

每次嚟ᴍᴇɢᴀʙᴏx，呢間餐廳都係我嘅首選😍貪佢環境闊落，抽風系統ok, 除咗燒肉定食仲有好好食嘅串燒，燒肉定食最平$68起就有交易，算係幾抵～⍢ 極上之選V1套餐 190g $228好豐富呀😍A4和牛壼漬，油脂超豐富，味道香濃，口感一流！A4和牛肩肉，油脂均勻，有入口即溶的感覺！牛舌芯，燒到表面金黃，配上塩蔥，口感爽彈，又惹味～甲羅燒，燒完好香，一啲都唔腥，就咁食或者撈少少飯都好好食！最後仲有兩種口味嘅厥餅，唔會太甜，幾好食！套餐均會配上白飯、湯及漬物，食完真係大滿足呀⍢ 封門柳、牛板翼套餐 200g $148兩款肉睇落都唔錯，封門柳肉味較為香濃，而牛板翼油脂較為豐富，肉質更軟嫩，燒肉配飯真係最好味，仲加錢升級咗紫菜溫泉玉子飯，好好味呀🤤⍢ 澳洲M5和牛內裙邊 $108份量十足的和牛內裙邊！內裙邊即係牛腹近横隔膜嘅位置，肉味較為香濃，肉質軟嫩juicy, 值得一試⍢ 錦爽雞丸肉 $22即叫即燒，焦香又爽口嘅雞丸肉，沾上蛋液，口感更滑溜⍢ 甜品除咗有厥餅，仲有多款口味嘅Haagen Dazs雪糕，食咗紅桑子芒果味，芒果味好突出，又唔會太甜，好食⍢ 飲品罐裝汽水、茶類飲品及罐裝啤酒都有齊～…Read More

平時最鐘意就係食燒肉放題，朋友最近推介我嚟呢間食下餐廳門口有一隻大牛牛好搶眼，環境闊落舒適，有4種套餐，我就揀咗B餐…入座後，店員先開爐，再送上舟盛盒+桶盛合，好有氣勢，打卡一流呀！分別有猪肉、牛肉、雞肉、元貝、蝦同埋一啲蔬菜，牛肉肉味幾香濃，猪肉燒到金黃色都好好味，海蝦鮮甜～Qr code落單其他食物，自助區有齊沙律、甜品、雪條、果茶、果汁及罐裝飲品沙律好新鮮，好啱食燒肉之前食少少！另外仲食咗特選牛里脊肉、大判壽喜燒牛里脊肉、極上厚切牛舌、特選牛肋肉、粟米、冷麵、野菜湯，整體質素都幾好最後，當然要食甜品啦，牛奶布甸同Meiji雪條都好好食…Read More

將軍澳串燒店真係唔算多，高質嘅更加係少之又少！上網見到呢間評價好似幾好，環境又唔錯，所以過嚟食下先～烤雞翼 $28雞翼好入味，外皮少少脆，啲肉依然好嫩滑，好惹味烤花枝丸 $26口感好Q彈，辣辣地，好好味蒜蓉金針菇 $38蒜蓉同金菇真係絕配，份量都唔少，加埋辣粉，十分好食烤小牛肉 $48/5串好抵食！火候掌握得幾好，調味適中，辣辣地，咬落肉汁都好豐富，唔會韌Q彈小猪頸肉 $42/6串每枱必叫！猪頸肉真係幾Q彈，甜甜地，唔辣嘅～…Read More

印象中呢間都開咗年幾有多，好多時想食都冇位，今日平日特登book早啲過嚟食下🔸大判燒！黑毛和牛西冷 店員幫手燒，燒完放入流心蛋撈埋一齊食，肉質好軟淋，有少少焦香，真係幾正😋怪唔之得每枱必叫🔸黑毛和牛腹柳小排 紋理好靚，輕輕燒一燒，真係有入口即溶嘅感覺，推薦！🔸黑毛和牛上肋骨中肉 超大條，燒到有少少焦香，食落好juicy，同埋啲肉好入味，配埋洋蔥🧅口感一流🔸若鷄雞腿 最鐘意燒到金黃色，食落皮脆肉嫩，美味🔸海鮮泡菜湯 材料分別有魷魚、金菇、泡菜及兩隻大蝦，個湯望落清清，原來飲落好鮮甜，又夠辣，暖身又好飲🔸麒麟一番搾啤酒燒肉就係要配啤酒嘅🔸甜品食飽，每位仲有一份甜品送，係杏仁豆腐同埋雪米糍，幾好食…Read More

觀塘返工，見到有新餐廳梗係要嚟食下，之前都有食過Lunch set, 覺得幾好味😋今日就過嚟食下dinner 環境舒服又乾淨，食物種類選擇都幾多，辣同唔辣都有。🌶️麻辣土豆絲每次食川菜，都好鐘意叫呢樣，食落爽脆有口感，好惹味🐠招牌水煮魚 有例牌或者一條，叫咗例牌，魚片喺生魚片嚟嘅，份量都幾多，配料都好豐富，有豆卜、萵筍片、芽菜、蓮藕片及寛粉，好足料！表面灑上大量芝麻，就咁聞已經好香，魚片好滑食得出幾新鮮，辣得嚟好有味道，配料都好正，寛粉煙煙韌韌，好味又抵食，食水煮魚一定要叫個白飯😋🍻青島食辣嘢一定要配啤酒先爽整體嚟講味道幾好，坐得舒服。…Read More

Lunch冇乜胃口，係food court 見到呢間壽司店有D丼飯細細碗咁，啱數啦。叫左個香蔥蜆肉丼，59蚊，的確夠細碗，上面鋪面醬汁蜆肉（D蜆肉有D似日本罐頭蜆肉），仲有啲蔥花同一舊靚嘅wasabi，加所D壽司豉油上去，味道係幾好，不過如果肚餓就肯定唔夠😂…Read More

舊嗰個位變咗九頭鳥之後，藍田就好似冇咗譚仔得返三哥。對於我嚟講好唔方便，因為我都係鍾意食譚仔多啲，覺佢冇咁鹹，份量多D，啲小食又好食啲，等咗成幾個月，佢終於開返，之後可以方便啲。今日地鐵站出嚟，見到佢仲派傳單，三餸有得減$5。咁梗係去試吓啦，味道份量冇變，呢位感覺上好好坐左。…Read More

天氣涼左，lunch 想食返D熱野。Openrice 外賣見到大盛啲鍋物有折，咁就叫黎暖下。本來叫左個泡菜牛肉鍋，但返到去見到變咗豚肉，可以太多外賣，忙中有錯，我都啱食，咁就費事去換，照食。50幾蚊一大鍋，又有金菇，芋絲，泡菜，同埋都幾多肉，算好抵食，味道都唔錯。…Read More

之前係呢度買外賣，lunch時間俾完錢通常都要等好耐，因為實在太多人了。今日發現原來可以上佢官網叫定，價錢又一樣，咁就試下啦。網上叫完，二十分鐘後落去已經有得拎了，幾方便。今日試左佢個艇仔粉套餐，大地魚湯底係唔錯，仲有個魚皮同特飲，算對得住個價。…Read More

早左收工，係平田想食茶餐廳，得2個選擇，今日就揀左佢。唔知幾時開始藍田好似比呢個集團承包左一大部份嘅茶餐廳🙈🙈。其實又唔係話唔好食，但係幾間唔同名啲嘢都差唔多，變相選擇少咗，所以我都係隔好耐先識佢一次。今日就叫咗個下午茶餐，可能始終係下午茶餐嘅關係，嗰個黑椒牛肉炒意粉個份量真係比較少，仲有杯凍檸茶，佢哋唔會放檸檬嘅，話就話用先檸檬汁，不過我都係鍾意有檸檬可以自己篤開心D。…Read More