cardy_dy's Profile

雖然唔係哈韓族，但依然間唔時會想去韓燒一下。第一次食校長燒肉，加$6係爐上加牛油紙，第一次見，都幾特別韓燒肉類都好多，連台式香腸都有，個人最推介就係豬扒，夠哂腍加左牛油紙肉類係無咁易燶，不過熟嘅速度就慢左(但唔痴底又受熱平均，堅推介呀！),所以不妨食住啲熟食先仲有魚生供應仲可以燒帶子加$58/位仲有得食啖啖肉嘅松葉蟹最後梗係要食埋雪糕先走啦…Read More

同男朋友慶祝生日+預祝聖誕..我一早booking左大坑嘅The Pudding Nouveau係銅鑼灣睇完戲就行過黎食飯,時間剛剛好~法式油浸鴨腿配窩夫當然要點佢地這個招牌菜啦!油浸鴨腿比想像中無咁油,鴨腿外皮酥脆,肉質嫩滑,每一啖都點少少蛋汁,味道真係好夾!珍寶龍蝦仔牛角酥配薯條龍蝦仔塞滿整隻牛角酥視覺效果已經十分刺激食慾龍蝦仔夠彈牙,配上爽口嘅沙律菜同牛角酥口感層次分明,整體感覺又唔會太heavy食薯條時記得要點下這黑松露醬,真係好味到會令人食唔停口的!!!男友點左佢最愛的earl grey~我點了綠茶奶昔..這杯綠茶奶昔真係"落足料"!每一啖都飲到濃濃嘅綠茶味~上面嘅雪糕都係綠茶雪糕,所以唔會溶左之後搞到綠茶味變淡!話明係慶祝生日+預祝聖誕,點少得蛋糕呢?heehee..lee個蛋糕超有聖誕氣氛的~~~唔好以後佢係只係個好多色素嘅朱古力蛋糕其實佢係外層係日本直送的綠茶忌廉!綠茶味超濃!入面係比利時朱古力慕絲蛋糕,加入了海綿蛋糕增加口感,朱古力味控制得剛剛好,朱古力同綠茶原來可以咁夾![聖誕樹蛋糕需要早兩天預訂啊!]…Read More

放假訓到自然醒之後,最好就梗係嘆返個all day breakfast啦!超喜歡Zenon Café的環境,唔會太局促,裝修都好有特色!原來Zenon Café剛剛轉了新的meunall day breakfast set包括:草莓waffle,煙肉,芝士雞肉腸,沙律,omelet每一款都超好味的!!cheese omelet真的是必試的!!!!蛋汁同芝士嘅組合真係超搭的!芝士雞肉腸每一啖都食到芝士,係只有中間有芝士.最最最令我意外嘅係個waffle!waffle外面鬆脆又唔會太硬,超想order多一份waffle的!!另外仲點左一份corned beef三文治..同平時罐頭裝的咸牛肉完全係兩回事,這corned beef都是大大塊好足料,配上swiss cheese再加上他們的secret sauce,味道調配得剛剛好.整個set有齊澱粉質,蛋白質又有蔬菜纖維,其實男士都夠飽的!大家仲可以試試這裡的special drink放假嘛..當然好好享受一杯精品咖啡吧!我同男友都點了岩鹽焦糖Latte一入口焦糖較濃,慢慢會有咸咸的味道出來,好好味好特別,絕對係我同男友喜愛的!!這裡仲有ALL DAY DESSERTS!!下次一定要同女仔朋友黎試呀!!!!…Read More

男朋友突然想食個燭光晚餐..UM..係屋企辛苦煮完又要洗,梗係出街食最方便啦!又去返係砵蘭街嘅Amour Corner,因為男友仲想食生蠔所以點左個Set Dinner for two 同海鮮拼盤!<青蘋果鵝肝多士>青蘋果剛好中和左鵝肝嘅油膩感覺,但鵝肝濃郁嘅味道依然齒頰留香,令人回味~<巴馬火腿蜜瓜>蜜瓜嘅香甜配巴馬火腿嘅咸味,又係一道好好打開大家個胃嘅前菜<凱撒沙律><蘑菇忌廉湯>濃郁又有口感<海鮮拼盤>鮑魚夠彈牙生蠔亦都鮮味十足翡翠螺啖啖肉!但青口就瘦削左少少了><<烤澳洲牛柳扒>五成熟夠哂juicy,肉質夠腍唔會韌真係好好味<菠菜汁煙三文魚意粉>我覺得煙三文魚略為咸左少少…Read More

原來登龍街開左LAB MADE,我都係經過鵝頸橋見到有人拎住食先上網CHECK下新推出有伯爵茶焦糖脆入口之後earl grey嘅香味停留係口腔嘅感覺真係好幸福啊上面嘅caramel crunch我食到好似有d香橙味咁?!不過都ok嘅但係個cream就好似有點同個伯爵茶雪糕唔係好夾咁~唔知係咪位置有點隱閉,人流不多,店員好似欠缺點笑容喇…Read More

同朋友12點前黎到,第一次唔使等位..諗食咩諗左好耐..最後又係例牌點左<玉米里肌起士可頌>..哈哈原本大家想點雪糕鬆餅的..但真係未食早餐..第一餐就食雪糕好似有d over..haha~今次我就第一次試佢地個<玫瑰歐蕾>上面有d細玫瑰花瓣聞落真係好香嘅新鮮玫瑰花香味!其實好奇左幾次歐蕾夠竟係咩....我見佢英文寫係Lait..咁我估係Latte啦..而飲落,果然係奶茶!不過玫瑰花香揮發哂之後,就只係杯好普通嘅奶茶..但鍾情玫瑰花香味嘅,都值得一試嘅~…Read More

有時夜媽媽返到元朗,未食野但又唔想食得咁heavy,我都會選擇去發記食粥!用個鍋仔上,熱辣辣,份量又多~抵食!$18一鍋仔,又超多料!!!真係男士都夠飽囉,唔夠可以點多碟腸粉都好好味!間唔中男友都會點腸粉,腸粉皮幾滑!我個人推介雞雜粥!有雞心,雞腎,雞潤..唔會有唔新鮮內臟嘅血腥味雞雜粥好似唔係度度有得食,大家下次可以試下最好堂食,試過外賣,始終不及堂食咁好味!…Read More

元朗可以食All Day Breakfast的地方好似唔多,有次見朋友打卡,所以就黎試試..不過有D失望等位好耐,記得個日都有三組客人等緊,而佢角落有張枱,但竟然用黎係度計數都唔招呼多枱客(個時仲係中午,應該唔使咁快埋數掛?)之後可能係佢地店面設計有D問題,坐得唔係咁舒服..我地坐貼住個水吧個枱,個水吧有個燈槽位,然後同隔離個枱好貼近,坐得都有壓迫感 不過相比起最外圍個張好似坐係馬路口的枱,好似已經係最好的了這All Day Breakfast不至於難食,但可以更用心的話,會更好個餐上得已經唔係快,但食物溫度係好似攤凍左少少咁..味道普遍,只係加左D蜜糖,令佢地有甜甜地嘅味咁,而且太油了,其實可以煎耐D,會更香口這杯虛有其表...又係無味…Read More

有次同男朋友拍拖唔想又係去銅鑼灣行街shopping,就同佢行下摩羅街..扮下遊客再去PMQ行下,又舒服D舖頭又有個人風格!文青嘅氣質馬上出哂黎!之後出返黎行下行下..見到"公利"!!!以前係中環返工,周不時都有同事買返黎一齊開心"些牙"的!<竹蔗汁>好簡單的味道,就係清甜但這簡單嘅味道,而家真係好少飲得到完完全全係食蔗時個種味道!真材實料<蔗汁糕>口感好得意,第一次食個時以為佢係大菜糕咁,點知佢原來係煙韌得黎又有D彈牙相比下較竹蔗汁淡味一D..大家可以食完蔗汁糕先飲竹蔗汁啊…Read More

好朋友結婚前一日已經累到一個點!陪佢周圍拎好哂d晚裝時,都已經晚餐時間..我地其實食左早餐咋拿拿聲同埋佢老公仔去食野,唔係真係會暈低(不要問我為何結婚前一日仲見面喇,haha..其實我覺得無所謂喇)近近地去Times Square最方便個日星期六,拎飛個時見號碼好後,不過等左10分鐘都無,超快!<棉花糖士多啤梨艾菲>這個是必點的吧~<花海鰻卷>三個人點這個,份量剛剛好<韓式炸雞拼椰菜花>上次同男友試過..好似食極都命中"椰菜花"今次就好似命中的都係炸雞..hahaha<凡>這個我第一次試,卡邦尼同年糕好夾,感覺仲夾過意粉呢!!…Read More

如果出開銅鑼灣,夜晚個餐比佢話事的話,佢十次有九次都一定會話食"WIRED CAFE"可能佢鍾意行誠品,行完上去又夠方便不過當然味道唔錯佢先會成日去嘅!<呑拿魚蓉溫泉蛋牛油果沙律> 男友係個蛋怪,特別係溫泉蛋!lee個完全滿足到佢喇,絕對係佢"飛佛"我就好鍾意呑拿魚蓉做沙律lee個配搭,真係好夾<咖喱炸雞配蛋包飯>ok,又係蛋個蛋整得夠嫩滑,整體都唔錯不過呑拿魚蓉沙律更出色呢!!男友嘅咖啡正正常常~但我忘記佢幫我點左d咩喇..這杯不是難飲,但感覺怪怪的..hahaha大家還是點返cocktail吧!!…Read More

如果個日做野忙到晏要無食,但又心情好有胃口的話..我同男朋友都鍾意黎New York Cafe & Bar食晚餐,佢雖然有兩間,都係正隔離,但佢地個mean有d唔同..我同男朋友鍾意食果個Mixed Grill Set係望到電梯個間,(唔係角落個間)*Mixed Grill Set*四選二:牛柳,吞拿魚柳,青口,豬頸肉次次都係點牛柳+青口 & 牛柳+吞拿魚柳雖然加左幾次價,都都仲係好鍾意食!牛柳五成熟外面夠香口,裡面又夠juicy!吞拿魚柳配上wasabi醬,落單前侍應會問你落wasabi醬o唔ok嘅.青口好大隻,唔會用D BB青口咁求奇~餐飲必點凍朱古力!!!!見好多人都投訴服務差,好好彩次次去都無乜遇到唔開心事..係有次我咁啱做完野,拖住隻細喼仔去攞位個時個女仔態度差D姐~可能佢以為我係水貨客???(但水貨客用超大喼的!)勁啤我隻喼仔,問我有冇BOOK位,我話無啦..(其實預左等,而且我係OK的!)佢就好串,咁話要幾點先有位(佢講果個時間係大概45分鐘-1個鐘後)但佢嘅態度語氣係好似想講"你仔無book位,要等好耐ga wo!"咁我見無人係我前面等,都費事走黎走去,最後15-20分鐘已經有位(好彩無行開)其實唔係第一次拖隻細喼仔去,但大家都好nice,之前仲試過去完Super market買左好大袋野,侍應仲主動話幫我地放埋一邊.…Read More

之前有朋友帶過我黎Awakening,我記得當時撞倒附近中學lunch,餐9成都係學生但食物水準唔錯,一直都想帶男朋友再黎試試當然避開中學lunch time之後黎,仲有lunch set!um..唔知點解飲完杯凍朱古力即刻再無咩期待ge心情 <忌廉汁蜆肉扁意粉>男友點了這個忌廉汁蜆肉扁意粉,不過不失,都算幾多蜆肉..但個汁如果再creamy D,多返D會仲好!<燒汁牛扒伴薯蓉>記得上次又係食佢嘅扒,覺得好味先再黎,但佢今次塊扒真係好多筋同埋有d韌..有d失望 希望下次去食可以回復水準啦~…Read More

halloween係新世紀睇完戲,咁啱醒起男朋友成日話想食school food,等左5分鐘都冇就有位,可能個日大家都去哂扮鬼扮馬啦~<棉花糖士多啤梨艾菲>次次都必點這個!真係好好飲!!!!咁會太甜太假,仲會食到士多啤梨肉!<花海鰻卷>男朋友問我有咩係一定要試,我馬上話佢地d卷卷係必點的!剛好韓暑限定有lee個花海鰻卷,就點lee個啦!餐牌食佢有一隻辣椒,但我好似食唔到咩辣味,不過幾好食!<韓式炸雞拼椰菜花>e?唔見椰菜花嘅?原來唔係件件都係炸雞,有d係椰菜花黎ga!哈哈..同炸雞太似樣了!!不過好似椰菜花多過炸雞咁...但整體都ok好食嘅!…Read More

<玉米里肌起士可頌>同男友次次黎都係點一個咸點一個甜點,lee個Croissant夠鬆夠,饀料份量又剛剛好!<水果茶>其實夠兩個人飲,不過咖啡弄又規定一人要叫一杯飲品<鹽味焦糖冰淇淋鬆餅>鹽味焦糖lee個配真係好好味!如果食哂雪糕,有cream 搽上鬆餅度都一樣好好味!!<OREO沙冰>第一次試,出呼意料又幾好飲wo!佢仲有d朱古力碎咁,最good就係佢唔會飲到尾時變左冰水無哂味!…Read More