gigi771115's Profile

生日溜溜要返工，已經覺得灰爆，好彩老公醒目，Lunch去搵定位同我食返餐好，即刻開心返晒，去咗公司附近新開張日本嘢，服務同環境都好舒服，Lunch Set有嘢飲送，雖然老公話任我食，不過我都好識做嘅，叫咗1份set lunch1份散餐，lunch 叫咗個魚生飯，入面有三文魚油甘魚同蟹籽，魚生好新鮮，三文魚切得好厚吓，大大啖好滿足，餐飲叫咗杯蜂蜜檸檬，佢用新鮮檸檬汁整，仲有片薄荷葉好清新，老公叫咗個蒜香牛肉飯，好香味道唔錯，佢仲散咗杯野莓梳打，我試多兩啖成杯幫佢飲晒佢，結果佢得返水飲，呢間新店大致上都唔錯，應該之後放飯都可以再嚟食，係openrice見到佢外賣仲做緊優惠，收工可以去買返屋企俾老公食…Read More

疫情之下😅，已經好耐行過克街附近搵嘢食😉，今日剛好路過睇吓有咩新發現好食，見到有間叫屋台嘅日本嘢小店，舖仔細細又好多嘢食🤤，晚餐都係$72又唔係貴，一於入去試吓啦，舖內唔算多位，可能星期六灣仔無咩人啦，都算坐得舒服，同朋友各叫了個晚餐做當🍱，每個都有小食同兩款餸，跟埋白飯同麵豉湯🍚🍵，本身仲話加5元可以配飲品🥤，不過我哋剛剛飲完珍珠奶茶🧋就飲唔落啦🤣下次先再試啦，個泡菜牛肉炒得好香，我擇咗拼個咩揚物盛，入面有炸雞炸蝦同炸蠔，全部都係即刻炸好香口，小食仲係鴨胸沙律配麻醬，味道唔錯，朋友話個炒豬肉都好香好入味，下次再嚟試多幾樣啦😁…Read More

近日又發現新大陸:)，係灣仔VTC 附近發現新開小店，攞張傳單睇吓，發現有個十二款味道嘅三文魚壽司，一於即刻入去叫過嚟試吓舖仔細細得十個八個位，不過勝下午茶時間無咩人…，我至愛嘅三文魚竟然一次過食十二款口味，都咪話唔期待個Set 一共12件，每件口味都唔同，最推介當然係魚子醬啦…另外有個櫻花蝦味係火炙完再加上櫻花蝦干，燒完三文魚嘅魚油味再加櫻花蝦，仲有件咩青芥辣沙律醬…好有新鮮感，問過店員可否再單件散叫，店員話先點十二款口味後，可自行再追加指定口味，仲話而家到 1 月頭都會跟聖誕推廣有優惠:)，一於聖誕Party 再訂多個食吓…Read More

見網上對Monster Sushi的食評好壞參半，左諗右諗，都係決定自己來試一試。7:30pm左右去到門口好多人等緊，不過星期五晚去邊度食都係要等(無人等都未必去)，咪攞張飛等吓先，比想像中快，只係等咗30分鐘就有位，我哋坐迴轉枱可以睇住師傅整壽司，場內裝飾幾靚不過迴轉帶上嘅壽司唔多，都係落單叫啦，先來了一個呢度主打嘅壽司，叫做Monster壽司，其實係帆立貝加海膽仲有三文魚籽(好豐富)，味道亦相當唔錯，仲有成日有食家推介嘅鰻魚玉子，味道ok，不過鰻魚有少許細骨，呢個辣汁三文魚卷相當好味，啲辣汁個味同燒過嘅三文魚好夾，海膽個樣好飽滿，味道一般，一口豚有啲肥，不過沾咗柚子鹽就中和返，不過唔好食太多有排減肥，總括來講幾好味，而且服務亦好好，都唔洗叫服務員都好主動不停替我加茶，臨走時我漏咗個紙袋，個女子仲追出來俾返我:)，令我感覺好好，我一定會再來食過。…Read More