napoxoliver的個人專頁

今日嚟到銅鑼灣搵嘢食，見完個客，就食一個light lunch sin 😁網上面見到呢間西餐廳做緊折頭，梗係唔可以錯過啦😁 我就揀咗呢個香蒜欖油大蝦意粉，再配一個櫻花蝦溫泉蛋襯胡麻沙律醋汁。 以前食過一啲欖油意粉會好油膩，但係呢度呢個意粉一啲都唔油膩，充滿着意粉香，面頭仲鋪滿大蝦，個沙律都係好好味，溫泉蛋好流心，再配埋我最愛嘅櫻花蝦，開胃一流😁👍👍👍雖然係第一次幫襯，但係佢哋啲服務態度同埋食物嘅性價比都幾高，我見到佢哋仲有一啲龍蝦餐，感覺都唔錯，下次一於帶埋屋企人過嚟試❤️…查看更多

附近唔算選擇多，呢間餐廳地點好就腳方便，內部環境清潔企理，空間不算小，坐位亦坐得舒服。中午時間都幾旺場，幾乎坐滿人。自己食過咁多次，最鍾意就係呢個 ： 肥牛芝士撈公仔麵 這道超級邪惡芝士撈公仔麵搭配了嫩滑的肥牛，口感豐富而且相當足料，麵底亦煮得剛剛好，不會過生或者煮過頭，卷動餐具一口把公仔麵芝士和肥牛塞入口中，足夠為下午注入滿滿的動力，可以再食多幾次。瑞士汁雞翼：一份有三隻。瑞士汁是甜甜地的，雞翼亦煮得恰到好處，好滑內外都非常美味。…查看更多

雖然我住新界東，但甚少黎火炭，不過早排幫個fd上佢屋企睇一睇啲裝修野，所以就順便攪完一齊黎食個tea先閃人。食完比我感覺啲野食係平靚正👍我地一人一份tea set::::魚柳包跟凍檸水，西多士跟可樂。魚柳炸得勁脆，個炸粉唔會太厚，用嘅果款魚係好滑嫩，亦都自帶脂香。長形芝麻潛艇包帶鹹香味，暖暖地又帶少少脆面。西多士痴線地好食👍👍😍超級之香，同埋都係脆口。中間花生餡份量恰好。真心無得彈呀！！下午茶餐有包野飲，所以勁抵食。我諗我之後都會選擇過黎呢邊食tea~~見到仲有個王牌焗飯，睇個樣都覺得真心正，下次就揀呢個😆…查看更多

食過一次，感覺好抵食，今次再來二訪 😆😆😆乾炒豬扒公仔麵 $54：豬扒都比得幾多下，肉既份量差點吃不完。醬汁多和麵條很夠彈性，炒得恰到好處。經典的港式麵食，很有風味。窩蛋免治牛肉飯 $51：這道免治牛肉飯搭配窩蛋仲要係流心個隻，一個字「正」可以混合埋飯同肉醬一起吃，味道好夾，飯餐有豐富的蛋白質食完好有滿足感。免治牛肉的口感嫩滑，配上飯食非常美味。呢個餐廳食物的選擇豐富，價格也相對合理。無論是喜愛肉類還是喜愛麵食的人，都能在這裡找到合適的選擇。…查看更多

唔知係香港人已經食慣咗唔同地方嘅菜式定係台灣菜式嘅口味都係符合香港人口味。經過台灣餐廳都忍唔住望多兩眼，本身已好喜歡台灣菜，呢間真係食過返尋味，試完又試。圖片中的炸雞又脆又飽滿，睇嚟呢個都係台灣小食吸引人嘅地方。呢間台灣餐廳很有格調，地方清潔乾淨，唔知道仲以為係咖啡廳。新竹炒米粉$46新竹米粉，原來係台灣嘅特產。口感相當唔錯，炒落去乾身有彈，配料俾得足夠。百香果綠茶$48欣賞佢唔係怪味糖水，有粒粒百香果，維他命C滿滿。綠茶味剛好平衡一下，滿咀淡淡茶香。椒鹽雞滷肉飯$18不可不叫的地道美食，鹽酥雞炸得脆身，雞肉都幾滑，整齊地擺放在滷肉飯上，份量都不少，完美地遮蓋白飯，好夠食。…查看更多

行咗成日街，個人先意識到好餓，對腳都好攰了，係時候要坐低食啲嘢差差電。經過呢間餐廳，入面都幾多客人，係出面睇下個餐牌先。無論價錢、環境、食物賣相睇落都唔錯，所以我哋兩個二話不說就入咗去。1.番茄牛肉麵2. 櫻花蝦蛋炒飯3. 甜不辣點咗個小食，同朋友分享，炸嘅甜不辣幾特別喎，平時魚肉質地係煙煙韌韌嘅口感，而家變咗有多一層薄脆包住。佢可以點酸甜醬食，無咁乾。平時成日都食牛肉麵，不過好少會配番茄湯底，今次一於試試佢。番茄湯唔算特別濃郁，但係係天然嘅番茄味道。仲有白菜、紅蘿蔔、番茄做配料，豐富又飽肚。蛋炒飯炒得幾有鑊氣香口，飯好乾爽，粒粒分明。櫻花蝦仔都幾出味，成個炒飯即刻提升咗個鮮味。…查看更多

住喺荃灣嘅我近排先發掘到龍鳳食堂，覺得自己好outdated呀😂原來openrice勁多人讚佢款式多又抵食又好味，所以我都係唔執輸過黎食埋一份啦!!!好在喺non-peak hour成功過到黎，如果唔係就要等位喇。staff落單同上菜速度好高，覺得好強🤩💁🏼‍♀️肉醬意粉($48) - 肉醬好好好多，上碟果時直頭蓋過個意粉！捲起一柱幫佢影下相m可見份量有幾大份！蕃茄味調得剛好，唔過酸唔過甜，同埋唔只得醬，我食到有真蕃茄碎同頗多碎肉粒，呢碟意粉令我頓時胃口大增🥹😋💁🏼‍♀️乾炒豬扒公仔麵($54) - 數塊豬扒都煎至金黃，外表鬆化，內裏保持juicy!同樣地，公仔麵連埋乾蔥一齊炒至金黃，味道濃而不油膩。…查看更多

前排跟住婆婆搵好野食，原來佢平時都好鐘意去屋企附近呢間食潮州菜既餐廳，價錢唔貴又有好多選擇，CP值高，佢地開既時間都好長，由朝到晚又冇收加一，幾時都可以黎食秘製豬扒麵$37 豬扒大大塊口感軟諗，秘製過果然好味好多，麵質爽口彈牙，好好味潮州咸菜炒大腸 $45 炒大腸好有大排檔既風味，大腸有咬口，炒至香口，配上帶鹹香既咸菜一齊食幾特別值得一試椒鹽雞中翼半份 $28 雞中翼外脆內juicy，好鐘意個椒鹽調味，鹹鹹香香…查看更多

今次為大家介紹一間好味既越南菜，位於旺角、Menu選擇都好多，店員都係越南人，好有heart，環境唔算好大，不過都坐得好舒服，今次叫嘅嘢食都係店員推介我哋試既Sen 招牌手打生牛肉湯河生牛肉大大塊入口嫩滑，湯底清而香，河粉吸湯後好惹味，大滿足香茅雞翼香茅味好香，雞翼大大隻外皮香脆，內裏好juicy酸辣海鮮湯檬 湯濛有幾款選擇，今次揀左款海鮮果款，酸辣湯底好清爽，入面內有鮮蝦、瀨尿蝦、扎肉，海鮮好鮮甜，扎肉有咬口，正！…查看更多

好耐冇打邊爐🍲由朋友帶路去左呢間位於旺角既雞煲火鍋專門店食火鍋，Menu係單點，選擇好豐富，款款份量都好多好高質❤️蕃茄沙嗲湯底鴛鴦鍋呢個湯幾鐘意佢個沙嗲味，香濃不膩，蕃茄酸酸甜甜有助解膩騸牯牛平時火鍋店好少見，脂肪分布較平均，口感軟滑帶甘香，牛味濃郁海中蝦必點！好新鮮，大大隻食既時候好爽又彈牙，有啲仲有膏架十全大寶丸好多枱都有叫，有5款手工丸子🍡特別推介芝心牛丸，咬落好juicy，隨後又有好多芝士流出黎，好惹味，其他口味都好好食…查看更多

前排約左朋友gathering食烤魚，見呢間好似幾抵食，除左烤魚任食火鍋配料都係任食🤓一坐底會上左個海鮮拼盤先🫶🏻上枱嘩一聲，因為真係好巨型同好多海鮮，基本蝦同蜆之外，仲有鮑魚、扇貝、生蠔🦪大大隻又夠新鮮，鐘意食海鮮應該會好開心之後就食烤魚，湯底有多款口味選擇，有辣有不辣！啖啖魚肉好滿足，仲要冇咩骨好滑，值得一試跟住我地加湯打邊爐，除左自助區配菜仲有肉類食，今次叫左好多份牛肉，薄身入口軟諗好好食，下次會再來…查看更多

平時都會有去啲西日既fusion餐廳🍴不過今次呢個泰西就真係第一次去，因為我完全無諗過冬陰功味既意粉會係點😝所以都有啲覺得好新奇，而當然除左有fusion菜式之外，最主打都緊係一啲燒物啦🔥見到都好懷念去泰國成日幫襯既串燒檔🇹🇭泰式燒鱔$58*1泰式燒牛肉$98鹽燒烏頭 $158燒物方面我都幾appreciate個燒牛肉，因為佢真係可以控制到個火喉做到外面唔會overcook🥩食得出無落鬆肉粉，係好真實既肉類，牛味都好重🍖冬陰功鮮蝦忌廉意粉$118Fusion菜色就揀左呢個冬陰功鮮蝦忌廉意粉🦐真材實料既意粉配上冬陰功原來都幾特別，食落好balance，唔會話搶左cream sauce風頭馬拉盞炒椰菜苗 $78 最後都嗌左個馬拉盞炒椰菜苗去補返啲纖維量，而我好怕啲菜會炒得好油，好彩呢到無呢個問題🥬炒得香口又唔會太油膩椰青 $39 清甜解渴一流 👍…查看更多

首先今日係同屋企人黎食，結果我地幾兄弟姊妹好似失控咁👯‍♀️乜都話想試🤣結果就搞到我地成枱都係野食，特別係甜品方面我地真係好誇張😝🍴青椒皮蛋呢碟作為前菜都幾好，唔知係因為我地餓定點，佢impress左我地之後就令我地瘋狂嗌左三款燒物😂不過都因為佢晚市某啲小菜有做半價優惠既🤩令我地更放心咁嗌🍴蒜蓉燒生蠔，蒜蓉燒扇貝，蒜蓉燒鮑魚三款我地都揀左蒜蓉爆，因為我地都好中意重蒜味🧄而且海鮮同蒜蓉相信都係天作之合🍴酸菜魚酸菜魚入面唔單止係個container大，入面份量都好足嫁，調味都唔錯🍴黑糖糍粑，炸小饅頭，黑糖冰粉最後真係試哂佢地啲甜品咁濟😮‍💨食左咁多野，我覺得以冰粉作結尾幾好👍🏼一解食物既油膩感…查看更多

去揾食最怕麻煩，所以我個人就唔太中意周圍頻頻撲撲去唔同地方揾野食，所以我去開一間就一間，呢間幫襯咗咁耐，終於扚起心肝寫食評支持吓🤣鴛鴦湯底$118👉🏻芫茜皮蛋鍋($90)👉🏻招牌鮮魚湯鍋($108）西班牙頂級黑豚豬梅肉$148十全大寶丸$168呢到既野食其實都真係唔錯，無論食過幾多次都覺得可以再返轉頭🥳因為佢哋好多配料選擇，就算係我已經嚟過咁多次都仲未試晒全部嘢食今日特別少少試咗佢哋嘅十全大寶丸🤩一上枱見到有咁多味道，total 5款一共10粒，就二話不說全部隊晒落去👅我個人最鍾意鵝肝蝦丸🪿因為好香鵝油味道-大檸樂(杯)$36另外又點少得佢哋嘅大杯飲品🍸打邊爐當然就係要有番咁大杯先夠啦…查看更多

三個人叫咗條麻辣烤魚,烤魚係江團魚,仲可以揀兩款配料。湯底超正!魚肉好嫩滑多肉!寬苕粉索唒湯底嘅精華好好食!另外叫多個花椒雞,辣椒好多之外雞肉都好多,超級惹味鑊氣好夠👍🏻超推介…查看更多