Christine Chan Y T的個人專頁

入座時大約下午6：45，想食碗米線，點知落單亞姐話：“麻辣米線全部無（餐牌寫由下午6：00供應），因為水吧唔做；雞煨米線就有，因為係中菜做嘅”！！！另一張餐牌，五香肉丁麵+多士餐，亞姐都係話“因為水吧都唔做，所以都無”！！！大家以後諗住食呢間店之前，真係要睇清楚個日水吧嘅心情先，分分鐘咩都無得食！！！…查看更多

11號成功用openrice預留14號晚7：30去盛記團年，跟住就約好屋企人。點知13號晚突然被酒樓取消booking！我立即打去酒樓詢問，聽電話嘅女職員即刻話：“係呀！係我取消㗎！咁你咪打電話嚟囉！14號唔可以book 7：30喎！一係6：30，一係晏D；另外要預先落訂！”一聽火到嚟我話：“要改時間、要落訂，你可以打電話比我同我講，而唔係咁樣取消booking等我打電話嚟囉（我13號整晚都係太古城中心，電話唔會打唔通）！旺場日子訂枱有限制，你咪唔好比人用openrice 訂枱囉！點可以咁樣取消booking又唔call個客㗎！”呢個女職員竟然話：“無得block openrice訂場㗎！我唔識啦！你嚟教我啦！”本來想去食餐飯啫！點知仲慘過求佢咁，幾好食都唔想受呢D氣…查看更多

12月10日晚，一行6人諗住試吓呢間西餐。7：30去到，立即就座，滿心歡喜叫套餐，點知鱈魚、三文魚、豬鞍都已經售完！迫於無奈我唯有叫醬燒豬肋骨，家人要了3客牛扒、1客燒春雞、1客紅火龍果意粉（這客餐不包沙律和餐湯）。食物質素真係嚇一跳黑松露菌忌廉湯：很淡黑松露味、好稀的湯，其中1碗只得2粒菇牛扒：要了2份7成、1份6成熟。7成熟的2份只是暖暖的，但肉卻是全熟的；6成熟的1份反而比較熱，但碟上伴菜又少了秋葵；（職員將牛扒上枱，見我哋切得好辛苦，先攞牛扒刀义比我哋）豬肋骨：以木板上枱；肋骨的肉是白白的，一D醬燒嘅感覺都無；肉只是暖暖的、乾乾的；薯條是白白軟軟的，都唔知有無炸到半分鐘；全碟最好食竟然係伴碟嘅火龍果燒春雞：一樣以木板上枱；肉又是暖暖的、很乾很乾的；薯條同樣是白白軟軟的；全碟最好食竟然係伴碟嘅燒菠蘿飲品：時間未到晚上9點，仍有新客人進入，店員竟然話因為夜了，熱奶茶會變差了！因為家人不能喝酸或咖啡等飲品，問店員可有其他選擇，店員竟然唔識答！ 依依哦哦一下，話專登整熱奶茶比我哋！又等咗一輪，奶茶卒之出現，但奶茶又澀又有茶渣這個晚餐我哋花咗15分鐘點菜（因為呢樣又無、個樣又無），上了湯和沙律，等咗20分鐘，上了意粉，再等10分鐘，上了3客牛扒，又再等15分鐘，終於上了春雞和豬肋骨；真正食嘢時間用了30分鐘，落單叫飲品，等了15分鐘，送來2杯熱檸水和1杯凍檸茶（但我哋唔問，職員無諗住給砂糖），又等10分鐘，3杯熱奶茶終於上枱這樣的晚餐足足攪咗2個鐘，估吓收幾錢？？？？盛惠$12xx你問我，$600都比多咗…查看更多

晚上試新店，點咗(1)海南雞飯+凍拉茶(2)貢丸肉燕餃河粉+凍檸檬薏米水點知:(1)飯硬、湯暖、醬無味、凍飲無味(2)貢丸心唔熱、凍飲無味當時已食咗一半河粉，食到貢丸至發現丸心唔熱，所以叫職員處理一下:(等咗10分鐘左右，職員攞返我原本個碗份出嚟，河粉、湯、肉燕餃已經凍晒，淨係幾粒貢丸變熱咗我食埋幾粒貢丸，再食唔落去…查看更多

先前係呢間試過中午飲茶，點心唔錯，又有折頭👍今日再試吓晚飯小菜。係Openrice訂位，有8折仲有Asia miles，即刻訂位。一行6人準時到達，叫了乳鴿、湯、蔥雞煲、豆腐和另外兩款菜式。菜式陸續送上，不單馳名乳鴿，樣樣菜式都好好味道，特別是鐵板百花豆腐，熱辣辣，豆腐又滑;蔥雞煲嘅雞雖然少了些，但勝在勁多蔥，夠晒香味🤩食飽飽，仲有糖水送。惟一就係價錢貴咗少少，如果晚飯折扣可以多番少少，就肯定會經常幫襯😁…查看更多

諗住試吓食一蚊雞，好多人，等咗成個鐘，都唔緊要，卒之等到位。一入到座，話比侍應聽要點1隻一蚊雞先(2個人嘛)，不過無咩反應，走開咗，之後我再係食物紙點其他食物，見食物紙又有一蚊雞個item，就劃埋，然後同一個姓"施"嘅侍應亞姐講:"唔之先前有無落到一蚊雞嘅單，你睇睇。"點知比佢噴我:"落咗單你又寫，咪變咗2隻囉!!!😡"我咪話囉，我鬼知你哋先前聽唔聽到，有無落到單呀！!!態度衰到咁，幾平都趕客啦！😡😡😡…查看更多

17/8中午一行3人去食lunch，叫了7樣食物。食物陸續上枱，食食吓，發現碟雪菜肉絲粉皮有曱甴，話比侍應知，侍應淨係識攞住碟嘢呆下呆下，經理梗係叫佢立即拎入廚房啦！再繼續食，拿來三鮮湯年糕，見到都淋pat pat，食落口真係無牙都食到!又繼續食，小籠包上枱，我個friend一食入口，吐都吐唔切，話嚿小籠包有"叔"味!經理又過嚟收走!後來返轉頭解釋，話豬肉短缺，轉咗supplier😵喎!咁都得!呢間小館，其實都幫襯咗好多次，一向都唔錯嘅!真係估唔到變差得咁緊要!可以打入冷宮啦！…查看更多

見呢間酒樓新開，之前未幫襯過，星期六午市又有折，就早一日訂定位同屋企人嚟飲茶。訂了1:30，去到接待處攞位，等了不夠10分鐘就已經可以入座:)食物質素唔錯，我亞媽都話幾好食上菜都算快，雖然有1個點心落錯單，但都好快更正了價錢方面，原價係比較貴嘅，但由於依家做午市68折，咁就接近皇室堡其他酒樓嘅價錢啦惟獨因為樓底矮，人又多，所以整間酒樓好嘈嘈到一個二個好似鬥大聲咁，可以細聲D就好啦！仲有1樣，地毯好污糟，睇嚟要清洗一下啦！…查看更多

一行四人，入到店內，見近門口有位，便坐低睇餐牌。點知睇完又睇，等完又等，沒有一個店員亞姐理會。見有其他人食完排隊付款，諗住去排隊落單，點知店員亞姐又叫我坐低，跟住又係等完再等，仍然無人理，於是叫店員亞姐:唔該落單，竟然被亞姐喝番轉頭，話人哋嚟先都未叫啦!!本來心情好好入店食糖水，諗住開心吓，點知被一班"咁嘅服務員"攪到無癮，唔通真係唔食呢間咁嘅黑(面)店唔得!…查看更多

1行3人，一向鍾意食粥，諗住呢間新開，仲要主打粥類，應該無走雞啦！等完一輪終於有位入座，叫咗沙鍋雞粥、肉片粥、肉片炒河、腸粉和海蜇。食物未嚟已經覺得好古怪，由於人頗多要搭枱，點知D服務員不斷係我哋頭頂，遞D食物比坐入面的顧客，嚇到我哋縮都縮唔切，係度閃來閃去點知食物嚟到就更加知唔對路沙鍋粥嘅鍋唔熱嘅（即係唔係原煲啦！），兩款粥都只係暖暖哋；炒河又係暖暖哋，黏埋一舊；腸粉唔滑（又係暖暖哋）；最大鑊係碟海蜇，係又粗又鞋（一食就知係下價嘢），味道怪怪卒之那那聲埋單，去第間再食過。呢間以後唔使諗…查看更多

約了舊同事3月22日中午飲茶，滿心歡喜預早2日用Openrice訂座，覺得很方便。點知中午去到酒樓，接待員竟然話無record好彩個日唔係太多人，即刻有位， 如果唔係都唔知去邊:(…查看更多

諗住食宵夜椰子雞窩，明明都唔使廚房，足足等了20分鐘，都只係嚟咗2罐汽水侍應淨係叫你比D耐性死未，又或者叫極都無反應調味吧連辣椒都無，叫人fill番又燶口燶面，一句講晒，幾好食都唔好幫襯呢間…查看更多