puppyyan's Profile

灣仔返工，一街都係茶餐廳，冇乜新意。咁啱經過見到有街裝修好有特色既餐廳，就拉埋同事一齊去探店😋環境：⭐️⭐️⭐️⭐️⭐️入到店內裝修都好新淨，目測有25-30個位，座位都好闊落同寬敞冷氣好夠，唔會有陣火鍋味。服務: ⭐️⭐️⭐️⭐️⭐️主要都係自己手機落餐，手機俾埋錢，好方便。店員年輕服務好，湯底太多又選擇困難症時都可以搵佢哋推薦。食物: ⭐️⭐️⭐️⭐️⭐️🌶️湯底正！今次淨係試咗新出嘅秘製香辣湯底，真係食得返正宗成都火鍋嘅湯底。而怕辣嘅朋友試咗蕃茄湯底都好濃郁！另外幾個湯底都好吸引，下次一定要試埋其他。🌶️涼拌小食！今次淨係試咗香辣魚皮，好爽，會食上癮😋🍹自家製特飲！有兩款支裝特飲，我哋試晒山楂蘋果洛神花同酸梅烏龍茶，好醒胃！掛住食冇乜影相..不過so far試咗咁多樣嘢，無論食物, 飲品, 小食, 環境, 服務, 各方面都好滿意👍🏼👍🏼👍🏼溫馨提示: 返工人士lunch hour就盡量早少少去，因為間餐廳都幾旺，我哋12點左右坐低冇耐都好快爆場。…Read More

呢間西餐算係九龍灣區內比較有質素保證既餐廳, 但千萬千萬唔好LUNCH hour去首先要係門口排好耐隊,  LUNCH係要預左等20-30分鐘, 仲要等齊人先可以入座(一個都不能少)... 然後千祈唔好諗住慢慢食同傾下計, 因為D阿姐係會不停催你落單同埋極速收碟趕你走.set lunch大約都係$80-120左右, 區內黎講價錢黎講唔算平... 但成個過程同體驗都好麻麻... 要有食快餐既心態同埋服務體驗先好黎.. 如果想見客/見朋友想傾多兩句就千祈唔好諗...…Read More

每次經過都想試下既米之連餐廳, 今次終於相約幾個朋友一齊去食個晚飯坐低見到晚餐set dinner價錢都合理就叫左個4人餐, 人均都係$100左右, 好ok- 食物份量: 非常細碟, 4個男士保證食唔飽- 味道: 作為一間潮州打冷, 個老水拼盤真係好一盤.. 唯一好食既係個炒飯幾夠鑊氣- 服務: 呢個超離譜!! 上錯菜式.. 店長突然收起一碟食左一半既小菜, 神不知鬼不覺地交回廚房, 補返滿後再重新上到另一張台.. 都係冇下次…Read More

約左朋友食韓燒傾下計, 見呢間食評幾高又好似幾正宗就book定台試下...結果一坐低, 經理擺低menu就猛咁吹你落單, 又猛咁sell我地食2人餐, 約$1000... fined食物極速就送到, 經理仲好落力咁將d牛肉一次過掉晒落去個鐵板度幫你燒熟晒去, 驚死你會慢慢燒慢慢食咁... 我地根本追唔上佢既速度, d燒肉凍晒之餘又完全傾唔到計食物質素相當普通....而成個用餐過程d店員都好似好忙咁, 叫人fill下水同泡菜都冇人理最慘係食食下無lala拎張單過黎叫你即刻埋單先, 同我地講有用餐時限!!! 但我地訂座同入座時完全冇人同我地講過有時限!!總結就係: 價錢唔平, 但服務同質素都一定冇下次!!…Read More

新蒲崗美食雲集，諗住隨意試一間，見呢間大大間，有點心食又唔使去茶樓同人迫，點知中伏🤢叉燒包係空心既，一舊叉燒都唔見，得d叉燒醬牛肉好唔新鮮，變壞左😵點心專門店d點心蒸到過晒龍...色香味俱差..茶又唔靚...唯一係蒸飯正正常常...........價錢方面都唔平，同酒樓差唔多，但呢個質素...估計點心全部都係叫貨，冇註場點心師傅即日製造唔怪得lunch時間都冇乜人客，真係好難食，冇下次!!!!…Read More

夏日炎炎既週末約左朋友聚舊, 實在係唔想出去同人迫同排隊, 喺另一個App比我搵到呢間新餐廳, 有優惠之餘仲有得book位！正呀！我地book左Sat lunch時段, 樓下條街有咪錶位泊so good!!我地點左4樣野食: 黑毛豬串, 煙三文魚菠菜意粉, 忌廉蟹肉意粉, 黑松露意大利飯最中意個意大利飯, 好香松露味, 不過太肚餓唔記得左影相😅仲見到隔離枱d甜品好靚好精緻, 但食得太飽冇位再食甜品😭總體黎講食物質素👍🏼份量都好夠! 服務都幾細心有禮貌. 最緊要係坐得舒服, 雖然舖面唔係好大但樓底高, d枱又唔會排得好密, 可以靜靜地傾下計. 下次要約閏密上去high tea試返個甜品🤤店內環境幾舒服❤️臨走先見到店內有擺賣d手作飾物, 支持本地創作❤️…Read More