MickeyBuddy's Profile

今日晚上6:30去康城大家樂，叫咗個龍蝦汁天婦羅軟殼蟹豬扒焗飯，隻軟殼蟹勁細，塊豬扒超細超薄，同茄汁焗豬扒飯嗰塊厚切豬扒簡直差天共地，啲龍蝦汁似係變咗味，軟殼蟹咬落去啲肉好霉感覺好唔新鮮，好似變壞咗咁，塊豬扒一啖就食完仲要有骨，靠一大劈汁同埋飯整飽你，非常失望，食咗一半就放低頂唔順走人，只係連可樂都仲要收人$61，覺得中哂伏！…Read More

尋日同朋友係深水埗經過鋪頭見到餐牌，牛扒套餐價錢好合理吳算貴，同我前兩日係將軍澳中心食果間，價錢有好大分別，平好多，牛柳300G只係$118，同埋個標價已經包埋飯同沙律，唔會好似人哋果d咁要額外加咗$15先至有，加上當時只係5點半吳太多人，所以決定入去試，結果冇失望之餘仲有驚喜！首先佢啲醬料同調味料係放滿枱前自助型式，毫不吝嗇，眼見至少有五，六款，要邊款醬料悉隨尊便，另外佢係自助點餐機，簡單操作，不經人手，簡單又方便，佢亦有藤籃比客人放置隨身物品，又有口水肩俾我哋，防止啲燒汁彈落個身度，非常細心，最正係佢上枱嗰塊真係一塊好大嘅石燒哄住塊扒，仲熱辣辣長時間都keep到溫度。最重要當然係啲食物質素啦，塊牛柳真係非常大塊，重肉汁同埋好淋，好新鮮，亦好足磅，啲醬料又掂，個沙律都唔細，而且提供嘅係正常size嘅罐裝可樂，唔係好似人哋嗰啲咁得200克嘅迷你裝細罐可樂，之後食完，啲職員都幫我哋收返個餐盤，好好服務，唔似得人哋嗰啲要自助形式自己拎返個盤出去，所以成餐都食得非常滿足！試完真係高下立見，冇得輸呀! 要比五個like! 👍🏻👍🏻👍🏻👍🏻👍🏻真心推介大家去試！真係食到舔舔脷😋😋😋P.S. 我哋坐低之後，其他客人都跟住我哋魚灌入場，所以最好唔好太晏去，好快無位，要等就唔好啦😉…Read More

今晚經過呢間嘢見到冇乜人，神推鬼擁入咗去買溫泉蛋牛丼外賣，但冇諗過之後令我非常後悔，我返到屋企打開兜野先發現隻溫泉蛋不翼而飛，望到兜飯完全冇乜汁，乾爭爭，啲牛肉好似白烚咁，佢地執漏嘢已經吳係第一次，一怒之下衝落鋪同廚房職員反映，佢哋話加返隻蛋俾我，我話兜嘢已經凍哂，要佢重新整過碗俾我，同埋加多番啲汁落去，之後返到去打開，食第一啖飯，啲飯硬到好似食緊米咁，啲米完全唔夠水落去煮，好難食，好哽胃！對呢間嘢非常失望！No next time! 👎👎👎…Read More

所謂的厚切餐肉其實係薄切餐肉，好離譜，大家看圖片有目共賭，根本名不符實，好氣憤，完全吳係良心公司，之前KFC都吳係咁，而且我等咗非常耐，至少有五分鐘以上，凍飲仲要加我四蚊，好吳值，欺騙客人，可恥！食到火都黎！冇下次！…Read More

之前一路覺得茶木嘅食物不錯，上次係將軍澳分店吃了紅燒牛肉麵很不錯，今晚再次黎番呢間品嚐，但味道已經同上次有天淵之別，非常失望，個湯底非常咸，我倒了整整一杯水落去希望冲淡d咸味，但仍然好咸，而麵條就好硬，而且厚薄不一，完全未煮淋，好哽胃，食到一半已經冇食，只得牛肉係同上次一樣，整體同上次食果碗係兩回事，加一後仲要成80蚊，又貴又難食，完全退步，太差，食到一肚氣走。（仲有佢啲晚市套餐全部都要迫人食飯，冇湯麵套餐，安排極差👎）…Read More