foodiejanice's Profile

放工約咗舊同事一齊食飯，舊同事想食日式放題，於是就揀咗呢間餐廳食。因為係平日既關係，所以餐廳都唔算太逼太多人。我地揀野食既時候發現好多刺身都冇貨，而貴價少少既龍蝦同池魚亦暫停供應……難得有貨既都唔太新鮮，所以舊同事好失望我自己本身鍾意食肉，不過d牛肉同期望都有落差，咬落口比較韌，而且冇咩味，豬肉類既都冇咩令人驚豔既地方，整體嚟講性價比唔高。本身餐廳都多唔同種類既食物，所以都叫食得飽，不過食物質素好麻麻，如無意外都唔會再去喇。…Read More

去了番茄師兄食麪，點咗滑一滑，即係有牛肉同埋炒蛋。炒蛋幾滑味道幾好，個湯底都非常濃郁好滿意。不過牛肉太un，而且個麪一開始食有少少硬。下次食應該會試下其他款式。…Read More

平時間中會去黃埔，時新係其中一個選擇。今晚同朋友一齊去，點咗個二人餐，有餐湯、飲品、漢堡包、小食同埋甜品，好抵食！2人套餐（＄148加3）餐湯可以揀羅宋湯或者忌廉湯，羅宋湯有少少辣咁朋友飲，忌廉湯就甜甜地，粟米粒都唔少~漢堡一個揀咗豬肉芝士包，另一個係牛肉蛋包，兩個都配時新醬。塊漢堡依然係新鮮又多汁，配埋時新醬好味道！雞全翼一隻炸一隻滷水，滿足我同朋友唔同既要求。炸薯條拼脆雞粒兩樣都熱辣辣香噴噴，好味！飲品就點咗熱好立克同凍檸茶少甜。甜筒係朱古力味既，簡簡單單，為今晚既晚餐作結。…Read More

放咗工約好友去日本餐廳食飯，冇諗過隔離枱既食客係日本人呢。餐廳有好多選擇，我地揀咗牛肉壽喜燒、燒日本芝士年糕、雜錦天婦羅同埋鰻魚飯。鰻魚飯好吸引，鰻魚份量十足，外面燒到微焦， 食落好肥厚，油脂豐富，配合醬汁香甜微焦，味道好有層次。下層珍珠米飯粒粒分明，混合鰻魚醬汁真係好好味！一向鍾意食壽喜燒，呢個牛肉壽喜燒用料足，牛肉又嫩滑，yummy😋至於芝士年糕就煙煙韌韌，入面仲有好多芝士，正呀！雜錦天婦羅有蝦、日本南瓜、甘薯、冬菇、矮瓜。炸粉好薄，唔算油膩，因為即炸所以外脆內熱，蝦大隻又好彈牙，其他蔬菜都好甜，食得出係新鮮品質，點埋天婦羅汁提升味道！…Read More

夜晚同朋友一齊去咗K11 MUSEA食飯兼睇戲，我地揀咗去食喺日本攞咗唔少獎既拉麵。入到間店舖之後覺得最有趣既係d四人枱中間加咗個類似趟門既野，唔會見到對面食客，同人搭枱都唔尷尬。我地點咗粟國塩味沾麵（＄148）同埋豚鴨沾麵（＄168）2個沾麵。豚鴨沾麵既沾汁用豚、鴨、雞、海鮮等食材熬製，鹹度適中，食完都唔怕口渴。至於粟國塩味沾麵（＄148）既沾汁則清新鮮甜。拉麵則散發小麥清香，而溏心蛋醃得好入味，正！…Read More

夜晚同閨蜜去咗間靚靚餐廳食野，雖然位處繁華既尖沙咀，而且入口唔算明顯，但一入到餐廳就好靚，裏面有好多花做佈置，加埋d燈光，好似去咗花花世界咁。當我地仲苦惱緊點咩既時候，侍應已經首先送蒜蓉包過嚟~我地最後點咗Deep Fried Crab Cake （＄138）做前菜，仲有Linguine Arrabiata（$168）同Carbonara Spaghetti($228)，一人一碟粉。蟹餅入面充滿蟹肉，真材實料，而且外衣炸得啱啱好，一上碟趁熱食好好味~Linguine Arrabiata係辣既，我試咗少少，佢入面有蘑菇、蒜、番茄醬、香料等，食落酸酸辣辣好開胃。至於我既carbonara，塊parmesan cheese最正，脆得嚟又唔會太鹹，撈落意粉到食又係另一種味道。加上隻半生熟既蛋令成碟粉更creamy，正！埋單每人差唔多300，以呢度既環境同食物質素嚟講係物有所值~…Read More

自從幸福堂風波後一直冇去飲，今日同朋友行開見到又想飲，就點咗杯珍奶。本身想少冰，但原來佢既冰set定哂冇得少，不過飲到最尾都唔怕好淡所以覺得ok佢既珍珠都幾有咬口，黑糖味亦濃，味道唔錯！…Read More

喺香港好多人都鍾意食雞翼，我同朋友亦唔例外，所以特登去雞翼山食雞翼。Menu有成9款咁多，但我地得2個人，加上啱啱食完野，所以只係試咗文青玫瑰同埋鹹檸七。我地都覺得文青玫瑰好味，因為加咗蜜糖，中間仲滲咗玫瑰味。仲有7款未試，下次同多d朋友嚟食。…Read More

近排鍾意食蒸氣海鮮，上網搵咗呢間，但地點唔多就腳，不過既然有人陪就去下，一試就不得了！！！！老細做開海鮮批發，所以因利成便開埋餐廳。海鮮攞上嚟嗰下仲係好生猛，然後員工幫我地跟次序落，我地乖乖等食就可以。最欣賞佢既龍蝦，肉質厚實又爽口，連條腸都乾乾淨淨。食完至發現佢有其他分店，下次都試下…Read More

尋日去深水埗，食完麵之後想食甜品，於是去咗好出名既公和食豆腐花。上次嚟既時候仲係得一間鋪，而家用埋隔離鋪，闊落好多。點咗碗凍豆腐花，豆香濃郁得嚟又好滑，係水準之作。…Read More

一直都知道深水埗多平價又好味既野食，但平時好少去。尋日去開嗰邊，就食咗維記。好耐之前食過一次，最深印象係佢既湯底，今次叫豬潤牛肉麵，個湯底依然又清又甜，抵食呀！…Read More