taisikha's Profile

今早行過尖沙咀寶勒巷 ，見一間茶餐廳咁多人嘅？於是入去看看， 侍應好快叫我坐低坐，我望望餐牌， 全部不是香港茶餐廳嘅傳统早餐喎，雖然有傳統通粉早餐，但亦都有一些不同款式， 於是我叫了一個肉燥米線啦，有份炒蛋加隻牛角包， 好多茶餐廳都是方包(還要不好食)， 吃過後，肉燥不咸， 配合米線，非常恰到好處！ 我相信這一類餐廳早餐沒有其他地方可以食到， 今日能夠食到一份特別嘅早餐簡直可以令人全日心情開心， 如果有得可以再揀我一定會再返嚟時間茶餐廳，再回味再食。…Read More

昨晚與朋友一同吃飯，相约九龍灣工廠区，突然心想工厰區有晚上有飯吃？ 於是就嘗試下啦，去到度後 看似一間沒有起眼嘅地方 ，但一條街上沒有那麼多人，就見得份愛搶眼， 入去後看似一間普通食店， 有茶餐廳感覺，但朋友向我講這間餐廳可以晚上有飯局聚會，在晚上編上房間，與朋友聚會的是一個好好地方， 坐下後朋友已安排好餸菜，立即是試下有乜特別之處， 酒席餸菜先嚟一定係乳豬全體啦， 呢個乳豬全體不是普通平時我們吃飲宴那些 ，有飯底 ，與某一間酒樓相似， 食下去後出奇地意外， 鬆軟皮脆，肥而不膩，竟然在工廠區能找到這樣出色的美食，掂！之後都是類似酒席那些餸菜，但要一提， 這間酒樓的餸菜比起其他地方特別大碟， 另外這間酒樓有一個齋菜攞獎的，叫做更上三層樓，食落去好似豆腐，但其實唔係， 有機會其他人試下就知道咩一回事， 這次晚飯可以有咁出色嘅餸菜， 可以再回來！…Read More

今日同老婆結婚週年紀念， 諗住尖沙咀食下鐵板燒， 行過加拿芬道格蘭中心，見到有間幾特別喺正 商場入面 地庫， 於是入去試下， 落到去之後環境幾特別， 有日本格調， 侍應都好有禮貌， 之後安排咗我哋坐一張鐵板烧位， 服務員叫我哋啲 外套及手袋可以放喺個櫃裏面, 避免可能有煙嘅關係會有陣味， 之後就介紹我哋食， 我睇完個menu之後， 就叫咗個海鮮套餐,見落都幾抵食呀,加多100蚊有任飲清酒或啤酒兩小時， 之後就上前菜刺身，跟住有個師傅就係鐵板燒面前再煮主菜， 全個過程有講有笑與顅都好融合， 不會好似其他鐵板燒餐廳師傅，只係煮，冇同顧客一齊互動。 另外每食完一樣嘢就會換碟， 服務好好。 如果同朋友嚟食一大班亦都係一個好選擇。…Read More

天氣開始凍凍地， 又係時間打下邊爐， 一大班朋友出來聚聚另有一番滋味， 今次選擇了九龍城地區， 有朋友提議想食刺身又想打邊爐， 於是自己去尋找了一下， 搵到一間在福佬村道近九龍城廣場， 門面不算細， 大廳有數十張枱有卡位， 還有閣樓數間房 一大班朋友可以有個私人空間， 就算再嘈都唔會嘈到隔離， 當晚我們六點半鐘到， 同待應溝通後，先來個刺身大拼盤。一出場大家大哇一聲， 好震撼， 之後細細品嚐， 刺身各樣非常新鮮有海膽 有龍蝦仔， 三文魚象拔蚌， 全部都非常新鮮之後再嚟一條大章紅魚吃完呢幾樣嘢 已經半飽了， 之後抖抖再正式邊爐， 全部材料都非常新鮮。這晚個個朋友都讚不絕口， 一大班朋友開心到不得了。 雖然九龍城係一個小小嘅地方，但係食店林立， 各式各樣， 下次值得再去。…Read More

昨晚在佐敦同朋友行街，少不免一定去廟街逛逛，差不多吃飯時間，見天氣涼涼地，諗住吃過火鍋，當想下邊度時，經過一間不起眼嘅店舖，望入去又多人，立即想試下什麼料子，入去後全店只有7張枱，剛剛又人埋單，所以我們4人好快有位，之後看看菜牌，價錢合理，有火鍋，小菜，我們見有一道叫黃酒雞煲，幾新穎，於是嘗試一下，品嘗後黃酒比較特別，店主用杞子配料，而雞亦夠滑，之後點選一些火鍋食材，鵝腸，雞子新鮮，不是雪藏，令人有驚喜，之後再叫了一個辣子雞，不是太辣，令人吃不下嗰種，出色的小吃螄蚶 ，味夠濃，但冇辣，店主稱生醃，所以不辣，不過不是人人吃得到生嘢，是晚亦人多，但出菜比較慢，總括這店值得再去。…Read More

第一次來日式居酒屋吃飯，感覺新鮮，店內環境有一種日本風貌，令顧客舒適，雖然店舖不大，坐满都不會有壓迫感覺，而店內職員亦有禮貌，没有不耐煩感覺。一般居酒屋大部份都以燒物為主，但德美做到香港人口味特色，除一般燒物外，有多種刺身，寿司，丼及一些定食，多原化，這樣可以令客人多些選擇，吃得豐富。而食材方面，刺身新鮮，寿司飯亦沒有硬繃繃的感覺，入口甜美，另天婦羅的炸粉做到好簿身，沒有食出只有粉沒有蝦，刺身丼大大碗，4個人兩碗已足夠，話雖如此，但每間食店都有些少缺點，但不是大問題，當晚叫了一個泡菜粉絲鍋，可能煮得過了火位，粉絲煲濃黐底，仍然上枱給客人，那就有些失準了，希望能夠改善一番啦。…Read More