tlovecc's Profile

因為老婆大人想要嘗嘗這間出晒名的牛肉餅很久了, 所以這日中午我們就去了這裡食。一來到.....好小的店, 很多的人.......so 應該真是有點料子才咁多人。等了不久..之後坐下, 一張大圓枱坐5 group 人........很迫......我們點了2個牛肉餅、咖喱牛腩和蔥油餅。牛肉餅, 沒想像中咁多油, 沒有油到出汁, 反而有乾乾表面, 一口咬下去, d 肉汁立即湧出來,正! 好像飲湯食包呢! 老婆就覺得內裏豐富的肉汁沒有弄濕乾脆的表面, 是很神的廚師呢!咖喱牛腩, 好! 牛腩夠"林"(老婆的婆仔牙都咬得到可想而知), 咖喱沒有臭臭的椰子味及老婆最憎的芫茜, 而且辣得來正常人都入到口, 亦不算油, 老婆說這才是她的咖喱呢!蔥油餅, 不太多油, good, 淨食都 ok, 加上咖喱當然更好啦! so全碟咖喱牛腩餘下的咖喱汁都給我們ko了.老婆說下次試試相距不遠的分店, 因為行過發現這間不用排隊, 而且坐得舒舒服服,希望味道保持到總店的水準吧.…Read More

為免常常在家附近食會悶(老公說 : 其實是老婆怕悶), 昨晚放工想試食新嘢. 便提議去灣仔食這間坑紋燒雞總店試試, 就這樣便拎老公仔去了. 揀總店是因為怕分店不好吃, 破壞印象以後不再去. 看了有趣的notice牌仔後 (……好食唔好周圍講, 唔好食就唔准講…..), 我們各要了2個晚餐, 都各有中湯及餐飲:1. 是炸蓮藕餅雞扒飯, 飯像是食燒味飯咁樣, 有甜豉油, 葱油, 多了酸菜. 雞扒有一大塊(手掌長度x1.5), 及2塊手板大的蓮藕餅. 雞扒juicy又滑滑, 就咁食都夠味, 蓮藕餅, 老公說像肉餅, 都幾好食. 哇, 老公讚他不愛食的 ”肉餅” 呀~~~2. 是燒雞扒意粉配咖喱薯仔汁. 有2大塊燒雞扒, 但老公還是愛沒汁的, 因為不會弄到它淋左….(我都知了, 老公愛脆炸嘢嘛). 至於個汁, 可以再咖喱一點, 及再辣一點. 整體2碟都很大碟.中湯是冬瓜咸蛋冬菇紅蘿蔔湯, 很夠味, 很有住家feel, good呢.凍奶茶, 老公說它很有茶味, 就算這杯重了奶味, 仍很好喝.老公曰: 個湯好飲, 雞皮燒得脆, 肉又唔老, 幾ok.咁即係好唔錯喇, 佢好少讚架!老公滿意這一餐, 我都滿足了.…Read More

今次是第 2 次同老婆來食了.......叫了2客午餐餐飽轉菠蘿油, 果然是明智的選擇. 菠蘿油.....勁好食呀!!! 雖然不夠熱, 但皮脆夠厚包又軟, 牛油又夠味(有些牛油大大塊都沒味的)! 我同老婆都覺得正!凍奶茶, 我欣賞他們不用冰, 直接放進雪櫃的做法, 令奶茶不會越飲越沒味, 老婆說奶茶味道跟蘭芳園有得fight.火腿奄列, 中上, 如老婆說沒有出名的 x洲x奶公司 好食, 但也比其他大多數的餐廳好呀!麵...不像普通吃的麵, 老婆幾鍾意, 但我只可說, 不要選餐肉麵, 因為他們的麵湯是沒味的, so 你會發現你個麵都是沒味的!好彩有老婆大人給了我她的沙爹牛肉麵汁, 給我自加的黑楜椒粉, 唔係真是.....唉~~~最後加了雞批...都是這裡的出名名食呀, 我就很喜歡了, 甜甜的, 但老婆說沒什麼雞粒....但比較起來, 比蛋撻好很多, 因為細件, 又冇乜蛋, 而且不是我倆愛的曲奇皮.至於第一次老婆買回家的合桃蛋糕, 她說第二天仍然很好吃, 很重牛油味呢!…Read More

星期 6, 老婆知我鐘意食雞, 鐘意雞炸o野, 所以特登和我去了這裡食這個出名的炸雞排。主角炸雞排, 嗯, 雞排滑滑, 是雞腿呢, 加了脆漿炸, 炸得外皮脆, 雞肉內還有汁, 很好, 但問題是.........她幫我們cut 開了, 不是原塊上......少了台灣的風味, 份量很少, 連台灣的雞排一半也沒有吧.....她們的調味粉很出色, 小小辣的感覺能令炸雞更美味! 但我老婆就覺得有點咸....鹽酥雞, 好乾, 是用了雞胸部份吧. 只是一般, 想食雞的, 還是食雞排好!貢丸, 好好食......但請不要食餐, 散叫吧! 如果叫餐(即貢丸+鹽酥雞+飲品), 一定食唔晒呀,他們會給你一粒.....一口就沒有了, 哇, 咁多呀, 點食呀, 多到嚇死人呀! 飲品, 是大大杯的珍珠奶茶, 大是大杯, 但味道只是一般囉.....而且我老婆那杯珍珠奶茶要少甜的, 他們搞錯了, 把我那杯綠茶變成白開水味....餐廳勁細, 連門口只有 2 張桌, 根本就沒打算給客人坐吧.......果然是出名炸雞排, 而且只是出名炸雞排, 除了炸雞排沒什麼見得人吧........若再去的話, 老婆說想試魯肉飯同蒜香吐司, 到時再下定論吧…Read More

夜晚, 老公帶我去最後一站 – i-café. 我們坐在窗口梳化位(有cusion), 裝俢不錯, 古典feel的黑色鐘、黑色燈(掛著銀色心心) 、白色牆漆上金色水滴(老公很久才發現.......)、打橫貼了很多明星照片及簽名、枱上有彩玻璃杯蠟燭枱, 氣氛很不錯呢!整體都不錯, 只是那個侍應做事有點…….. 找錢只是找錢, 送食物只是送食物, 眼角永遠不會注意到其它食客在舉手, 除非她回到counter站定, or人客叫她. 而且, 我們問她情人節餐有什麼(因沒情人節餐牌), 她一舊咁說完, 我們 2 人都仍然不知道有什麼食"…………….咩有菠菜飯同一杯嘢飲….但餐牌根本沒飯類….嘢飲那究竟只是普通檸茶咖啡定所有特飲都可以叫?? So我們最後放棄, 問番老闆娘.首先上來2杯不斷由底部冒出小氣泡的淡紅色香檳, 我覺太甜及不喝開酒, so只飲了少許.Then, 有南瓜忌廉湯, 味道不錯呀, 不重忌廉味不太杰身便ok了.再來, 老公的意粉 – 香草蒜蓉幼扁意粉, 很香蒜蓉味幾好吃但可以再濃一點；我的是龍脷柳蕃茄幼扁意粉, 龍脷柳有成4舊咁多, 幾juicy喎, 而蕃茄洋葱蔬菜粒的汁酸酸的很開胃, 好吃. 2個意粉都有一小堆炸得香脆的薯皇, 這個very good~全餐最好食就是這個香脆的薯皇.......甜品, 是朱古力心太軟(今日第3個了my god會變肥仔), 拌碟裝飾很漂亮, 蛋糕又是暖暖外層脆脆, 之但係…………………一滴朱古力漿也沒有…….." ………..係咪焗得太過火, 被蛋糕吸哂呢, 因為中間是少少濕濕的. 不過老公嗰個都係得少少朱古力漿流出來......最後是特飲, 朱古力人老公叫了特濃朱古力, 我就要了抹茶紅豆冰. 老公那個很重朱力味, 乙水得老公很歡喜.通常上樓café都是意粉同特色飲品居多. 但這間的食物水準真的不錯, 只是杯香檳裏有蚊滋仔, 要扣分!簡直是死罪呀!…Read More

這天, 老公神神秘秘地帶我去尖東呢間既香格里拉酒店食tea buffet, 時間差不多是1pm, 去到地下的lobby lounge counter, 帶位那個小姐說我們沒book, 叫我們上1樓的buffet查問, 上到去, 又說我們沒book, 詢問下才知我們是tea buffet, 又落番去, 真是激氣, 老公咁有心一早book定位, 到左又說沒有, 浪費哂佢一番心機, 又搞到佢唔開心. 不過, 我們總算能坐到都算靠窗口的位子, 在旁邊, 較靜, 我就很喜歡了. 但就唔知點解咁高級的酒店服務人員的工作能力點解咁差.....始終是tea buffet, 都可以概括一下食了什麼:熱食有: 牛肉tart, 餃子, 雞翼, 蝦蛟, 燒賣, 牛肉球. 味道清清的, 要加辣醬食, 個人較喜歡牛肉tart, 而大仔說雞翼不是炸so佢個口唔痕. (沒吃龍蝦粥, 炒麵, 棷汁西米露, 太飽lu呢d, 因為即將食蛋糕都有夠飽的了, 留胃), 但看樣子應該都不差的!到嘢飲了, 有2個counter:第1個counter是果汁 – 橙、西柚……..等共8款, 我們都要了西瓜汁, 自己再加添西瓜粒, 蜜瓜粒, 荔枝, 蘆薈粒. 之後老公再要了杯蘋果汁, 照加生果, 但味道變得很怪, 像藥水.....中了陷阱........第2個counter是熱飲, 有很多不同款的茶, 如薄荷、茉莉、伯爵茶、同其它花茶10餘款. 我都是照舊熱檸茶同熱奶茶都試, 但不喜歡奶茶的味道. 老公選擇恐懼症下最終我替他選了薄荷茶, 他說: 聞就好香, 飲落又不太濃味.......(咁真是無味呀!!)主打甜品, 第1個counter:我第一個試便是朱古力心太軟了! 實在太太太好吃! 全個暖暖的, 外層脆脆的, 加上糖霜, 內裏有很多朱古力流出來, 一嚐下, 不太甜, 又有濃濃的朱古力味, 我暈了, 超幸福的ko了2個, 老公一樣, 大家吃到手舞足蹈很開心~ 它本身有淡芒果汁、紅莓汁, cream給人客加添, 但我試了, 覺得反而破壞了朱古力的味道, 我要純純的朱古力味, 不要其它味~~~yeah~~~另外有scone餅, 我不嬲都喜歡吃, 但……………我要牛油呀~~~~~~至於朱古力噴泉, 我懷念金沙的冷朱古力噴泉, 會變成朱古力薄脆……….第2個counter: 有少許冷盤、沙律、三文治及生果, 蛋糕10餘款, 我們差不多試哂, 如抹茶mousse、朱古力cream、芒果芝士……….及紅豆桂花糕, 老公幾愛吃這個.吃飽喝足, 閒閒的望著海景坐夠4個鐘, 很寫意, 很閒~~~那天我們 5 時走人, 行海旁散散步~…Read More

這間是新食店吧……我們倆坐在收銀台旁邊的那張枱, 看見是12月頭才開業. 來這間店是因為雜誌有介紹, 而且價錢不算貴, 便拎老公來試試, 現在時間是2pm.我們叫了炒叉燒湯拉麵加$15蚊多了南瓜沙律, 卷物, 熱檸茶, 另叫了豚肉拉麵(因想要的2款冷麵都賣哂), 及一口帶子貝(因嫲嫲餃子賣哂).拉麵湯底ok, 是普通不過不失的水準, 炒叉燒湯拉麵太燙口, 差點燙親舌頭, 而老公不喜歡它帶有燶左的味道, 是因為炒過的原因吧. (老公按 : 炒過都不應該有燶味, 燶只因是廚房的失敗啦!) 一口帶子貝幾好吃, 不會un, 加上不同醬料, 複雜的味道又有夠合拍好好味.不過我們全程只坐了不夠9個字, 便睇到有以下問題, 老公都不停在搖頭嘆息:1. 我們的卷物卻送來了蟹籽沙律. (老公按 : 不只是我們啦, 我的耳中已聽了不少人話送錯食物了)2. 在旁有一對夫婦, 投訴坐了半個鐘冷麵還未到, 職員便說冷麵賣哂! 他們當然很怒了, 賣哂又為何替他們落order, 還坐了半個鐘呀, 職員說馬上拿餐牌給他們看, 會叫廚師立即替他們烹煮, 怎料餐牌又沒到, 2人坐了又一個10分鐘便憤然離去, 職員: “多謝哂!” , 他們: “我地冇幫襯過!!!”3. 跟住這枱坐了2位女士, 其中一位詢問這是什麼冷麵, 職員詳細介紹, 她要一客, 回覆是: 冷麵賣哂了! ………接著, 又問問嫲嫲餃子是什麼, 她又詳細介紹, then, 又說賣哂, 又話另一個大根餃子又賣哂….oh god, 好心啦, 人地問, 都係想食先問, 唔該醒少少, 第一句同人講左d嘢食賣哂先啦.4. 再隔2枱, 食客投訴說送了2次飲品來, 都送錯了他想要的.5. 一間食店, 下午茶時間還未到, 很多想試的食物都說賣哂了, 究竟佢想點呢? 開店等關店? 亦有讚的地方, 老公所說的硬碟(果然是電腦界出身), 即裝修擺設碗碗碟碟有特色, 有心思幾靚, 連牛仔褲也有店的4條黃間logo, 而且我們的食物也很快到, 服務生都算有禮.會再來嗎? 也會的, 因為我們試不到冷麵及嫲嫲餃子死心不息, 不過我們要一開店就要到, 才會吃到準備數量不多的食物嗎?…Read More

這日給鬼馬的老婆仔去帶了我去這裡食 lunch, 遠遠看到有人排長龍, 都預了要等好久的啦,點知, 好快就有位了, 清人的速度勁快!坐下了看有什麼食先......講真選擇唔多.....可以講是少添, 但沒所謂啦, 我們都是食他這裡的招牌食物,我和老婆仔, 叫了個1個茶餐1個快餐.....不用20秒...其中的1個意粉已經到我們的枱上了........好快.......其他的食物也來得很很很快....這就是他們清人的手法之一炒蛋....滑, 真是比一般能食到的炒蛋滑, 但我的老婆仔覺得以前在這裡吃的炒蛋較滑~~厚多士....一般啦意粉....意粉幾滑唂咕唔好飲, 沒朱古力味.....老婆還說沖得好的話是苦朱力的味道奶茶, 還好, 幾滑之後食了個凍的杏汁燉蛋, 唔夠凍呀, 但沒什麼杏汁味, so 好食~~ 因為我怕杏汁呀~~~再之後我們又食多了個牛奶燉蛋白.....今次可以話是暖添, 但都 ok 的, 因為沒什麼奶味, 而我又是怕奶呢!有機會我們會再來食的, 看看到時的炒蛋會否回到不用咬直接滑到入胃的程度呀!…Read More

昨晚和老公去apm睇戲, 得番一個鐘時間食夜晚, 諗住再博吓運氣去呢間, 睇吓多唔多人排隊. 才7pm左右, 剛好有2個位, 我們終於試到了!!! 真是講了好耐要試呢~呵呵~~原來店內分食烏冬同迴轉壽司, 一入去店員便問清楚我們是吃那一種, 因為坐的位置都不同, 我們當然食我老公最愛的有咬口的烏冬了. 不過以我們所見, 整間店都不大, 價錢不貴也沒加一, 也難怪吃飯時間那麼多人排隊.我們坐在類似bar枱的櫈, 立刻便留意到, 調味架擺放了很多款的東東, 有: 綠茶鹽、咖哩鹽(唔到鹽呀, 只要粉....得唔得呀?!)、辣味粉、帶點麻油味的辣油(我很愛, 香香的~~)、吉列汁、鼓油. 另外, 水是要自己斟的, 不過可否換過個膠水樽呢, 太家庭feel了.想多d鐵質關係, 我寫紙剔了辣味牛肉蛋湯烏冬, 老公就點了滑蛋豬扒湯烏冬(這個我在下午時想要這個呢其實~~~), 而小食就叫了很多人叫的炸牛肉薯餅, 另再試咖哩薯餅.食物很快便送上, 我們立即試試喝一口湯, 老公說2個湯的味都不同, 但都好好味, 不會淡, 是吧, 因為我的有點點辣醬, 而他的湯混了蛋絲啊! 起動了, 我們逐點逐點試加不同調味料過一過吓口癮, 牛肉是肥牛肉的那種(所以太肥了....), 蛋是太陽蛋, 烏冬真的很滑, 不錯, 老公的炸豬排我試了一舊, 炸粉厚了點, 並且被湯浸淋了, 下次可否叫豬排另上呢?? 老公愛吃香口脆脆的東東呀! 最尾我加了很多辣粉同辣油完成呢碗好味滑滑的烏冬~~至於薯餅, 老公說牛肉真是好很少, 反而他喜歡較少人叫的咖哩薯餅, me too! 我們點了些吉列汁來吃, 老公很喜歡這種酸味呢, 帶很少少的甜.下次我們一致同意要試左右鄰位都叫的冷烏冬, 聽說比熱的更滑呢!…Read More

被2個朋友猛叫我去試, 話好好食, 好食過勝香園, 我又知老公鍾意食蕃茄湯底, 咪同佢去食夜晚.星座冰室位於殘舊大廈的陰森地庫, 離遠望見間店大家都嚇了一跳, 老公仲問我想唔想走, 不過既然來了, 點都試o下.入到去, 大家已經覺得唔太乾淨(老公按:像是在垃圾堆中食o野......), 話要叫o野食等好耐都冇人理, 話就話一陣來, 來到人都唔見了, 唉算, 最尾來了老伯伯寫單, 老公選了蕃茄咸牛肉炒蛋通粉, 凍西洋菜蜜, 我就選了蕃茄午餐肉咸牛肉蛋一丁麵, 凍檸茶.等的期間, 竟然無啦啦有油漬灰塵從高處墮下, 最後停老公的手背上........枱枱椅椅都黑黑的漬都算啦,現在連什麼都不做也有油漬灰塵自動送上門.................等了好久先來到, 一望到個湯底, 是淡透明白色的湯底而不是蕃茄湯底, 失望, 只是蕃茄撈麵.......係得蕃茄粒多, 但還是怪怪的冇味呢!咸牛肉………好難食真係好難食, 都唔知點整出來的, 怪味,成舊午餐肉咁, 開頭仲以為午餐肉係咪過了期……至於午餐肉, 好薄冇乜特別但都唔係好食的了, 麵是平時的麵餅半個……….食完, 唔知點解我的舌頭好唔舒服, 搞到舌頭好淡好寡, 飲水都冇用.都唔明老公話唔好食點解都可以成碗食哂, 我就真係好耐都未試過食淨大半碗, 蹝o野, 但無計, 真係好唔舒服.杯凍檸茶我已經要左少甜, 但都係好甜囉………都唔有冇聽到隻腳被o野咬, 環境又不乾淨, 我們點都唔會再來.…Read More

見飲食雜誌介紹熱狗店, 這間算是最特色的一間, 便和老公食個lunch. 這間店位於離地鐵不遠的橫街, 很快便到, 不過細細一間不過20左右張枱而已座滿, 還有人在等位.我們心想味道應該不錯吧, 如果不好就不會咁多人食啦!我要了: 辣肉醬熱狗+蒜蓉牛油, 有味薯格, 蜜桃snapple.老公大人要了: 辣肉醬熱狗+溶芝士, 芝士薯條, diet coke(coz 普通coke唔凍) <- 芝士怪我們坐在冷氣壞了的bar位下, 等了都差不多15分鐘終於來了, 很慢呢, 如果是返工 lunch 等到來都唔洗食了. 由於配料可以自己任加, 我便各加了少少, 如生菜絲, 粟米, 磨菇, 蕃茄粒, 煙肉碎, bbq醬, 除了生洋蔥沒加 and 可恨冇哂我最愛的菠蘿. (但老公見到廚房仲有幾箱!)而老公我就見到他加了很多磨菇 (磨菇怪?! 無啦~~~只是好少少.....)同埋d黑椒, 我就"pat" 了一"pat"蒜蓉牛油給他, 熱狗好好食呀, 又大個, 不過食得好困難, 而那裡d人只能夠幫我切開一半……人地想用刀切來食呢(因為唔知點食), 老公就想要手套, 因為大家都食到成手都係哈哈.老公食唔到溶芝士味反而食到好香口的蒜蓉牛油(因為可愛的老婆給了我 1 "pat" 蒜蓉牛油), 溶芝士....無味.....騙人呀~~而芝士薯條d芝士溶左就要用手”滅”開, 也是沒乜味的芝士, 至於有味薯格就唔覺有特別咩味喎, 只是份量好少同埋炸得好脆! 食完極飽!!見到漢堡包d牛肉都幾juicy…..個樣, 下次會再同老婆仔來食!…Read More

中午因為食得很多老公生日蛋糕關係(又蛋糕又雪糕好肥仔), 夜晚仍然唔餓, 但都去了預先要去的café o.外國人掌管呢間店, 所以我們要用英文order, 但menu有中文, so 其實只要識 this one就得了~~~飲品我選了big Chocolicious Smoothies (朱古力+雲呢嗱雪糕+香蕉+鮮薄荷) 俾老公, 及regular 6 Senses Juices (香橙+鮮薄荷+士多啤梨+奇異果).(ps. 咁都記得, 老婆真是 “神”) 食物我只叫了一個square=small的 Eggplant & Rocket Leaves Pizza (鮮芝麻菜葉+薄茄子片+香草蒜蓉醬+蕃茄醬+白芝士), 另外加了煙三文魚, 菠蘿, 同埋鮮磨菇.(“神”呀!!!) 我們坐的上層2樓, 很靜, 有露台, 有網上, 有game玩, 座椅舒適. 食物很快被送上, 老公說這個朱古力smoothies很夠朱古力味, 但有朱古力味時有其他的水果味有點怪, 而且很滯, 可能中午太飽關係(有香蕉嘛baby!), 而我呢個就酸酸甜甜啱我, ok但唔係好好味. 至於個披薩, 餅底又薄又脆但要趁熱食先可以保持呢個水準, 而d料, 三文魚出色, 菠蘿甜甜的, 加上芝麻菜葉, 感覺light點點幾好.感覺很有閒, 做什麼都不用急, 很有坐足全都沒人理的閒 feel, 本身想試埋牛肉意大利千層闊條麵, 下次啦!ps: 原來好多外國店都有carrot cake呢~…Read More

上星期五是老公大人生日, 亦是我第一年為老公搞生日, 我絞盡腦汁想想, 早幾個月前已plan好了一定要拎老公在這間試試, 這次是lunch.12noon開門, 準點才放你入去, 一入門口, 我們立即被那些古董擺設、雕像和真跡名畫加城堡feel的氣氛深深吸引, 由暗暗的環境下, 慢慢行上較光猛的第2層. 滿足了我的request, 我們被安排了坐窗口較靜的位置. 環境很休閒的感覺….正穿著踢死兔的侍應叔叔全部都好有禮, 他放下一本厚重皮製的大menu, 我們各選擇了4-courses, 大家一起分享.頭盤前, 我們各要了點麵包, 有脆脆的百吉包, 和很脆脆脆脆脆的薄多士, 配上不知怎樣整的神級玫瑰型牛油, 有香濃牛油味, 我們通通幹掉它們了. 侍應們亦很精靈, 見枱上有碎屑便會幫你掃走, 在我們吃完一道菜後才會送上第二道菜, 而每道菜放在餐車仔上被推出來.頭盤是: 煙火腿菠蘿沙律, 炸蝦多士.(第1道菜: 深啡色的煙火腿以為會好硬and韌, 點知唔係仲好淋, 配上幸好是甜甜的菠蘿, 老公才愛吃；第2道菜, 蝦多士當然美味, 但值得一提是, 那個配菜紅蘿蔔絲, 問題 : 為何可以刨得長過蘿蔔長度多好多??? 我們要像吃意大利粉那樣用叉捲起吃, 好攪笑!)湯: 牛尾湯, 周打湯(喝牛尾湯前, 侍應哥哥替我加了點白酒, 但只得老公先喝到酒味, 都好啦我廢事醉)呢個湯有香香蕃茄味, 唔蘇呀幾好吖有點似羅宋湯! 另外個周打湯, 老公話呢個好飲d, &不會濃濃的白湯cream大家都開心, 材料很多有蜆, 帶子, 蝦, 麵包等等, 大家最尾都放了黑椒很香口)主菜: 龍蝦汁芝士焗爐魚x2(其它選擇, 是牛脷同羊, 我地both都唔食, 唯有x2, 不過個爐魚好滑好好食, 又多汁, 配上少少薯蓉, very full了) 而冄很夠味道, 不會過淡甜品: 一早request了餐牌上沒有的王牌拿破侖餅, 是一整個圓形約1磅cake, 寫上happy b’day my老公的名字 (cake輕軟層層鬆化, crème香甜美味, 老公很滿意說很好味)飲東東前, 吃了冰凍朱古力脆皮咖啡雪糕波數球, 來清清味蕾~貼心~~~我喝熱檸茶, 老公喝最愛的熱朱古力, 他說是與別不同的美味朱古力味. 很有食貴價朱古力的感覺吃飽喝足, 我們周圍影影酒窖和其它裝飾藝術品, 參觀埋仍在裝修的樓下, 便心滿意足地走了.真是要讚讚這裡的員工都好友善, 而且還不斷叫我們拍多些照片呢!…Read More

今日, 是老婆大人的生日, so 經過無數的腦力...想到想死.....終於選了這間店做我們的晚餐。餐廰的環境很有 60 年代美國餐廳 feel, 而且都 ok 靜, 暗暗的又多畫, 有howarts 的感覺, 幾好在老婆大人沒什麼心水下, 我們請了店中的服務員推介, 他推介了一個排骨, 一個沙拉, 而老婆仔就要了一個雜錦頭盤.....免費的包, 因為是免費 so 不要要求太多了, ok 啦, 有橙皮圓包 及合桃muffin各2個頭盤, 個芝士薯皮, 薯味重好香口, 雞翼味道特別得來也是好好味微酸辣辣的, 炸洋蔥圈不油不淋 so good!沙拉. 紅酒? 你真是加了下去? 食唔到....我就覺 ok 的, 我最 like 是它之中好有味的芝粒, 但老婆大人反而怕了沙拉中的芝士粒....她話太芝士了....排骨ribs, 好正正, d 肉勁鬆化, 而且類似bbq醬燒汁味道好好, 很好食, 而且d隨碟薯條粗粗的很好食, 不油不淋, 耐左仲好脆! 仲有伴碟的椰菜沙律, 是已絕種KFC的味道今日是老婆大人生人, 所以餐廳有蛋糕送給我們, 是傳統的蛋糕carrot cake, 之前我可是沒食過的...幾得意呀肉桂味, 有食cereal的味道, 而且餐廳的員工和我都一起唱生日歌給老婆大人, 但她就話 : 我未被陌生人唱生日歌我聽呢~呵呵!…Read More

今日老公為我生日前夕早早準備左驚喜俾我, 就係親手整蛋糕俾我食喇! 超感動呀~等蛋糕雪硬其間, 我地選了呢間新酒樓試吓, 我地叫左:流沙包(饀料幾濃味, 但老公話唔夠流沙喎), 小籠包(很多很多湯呀未試過), 紅油抄手(汁ok幾夠味), 高力雪糕(炸蛋白, 入面係芋頭雪糕, 已經唔凍&我地唔like芋頭味), 雞扎, 同老公既特殊癖好:排骨(食得我係咪都會好瘦架?!)嗰度有個玻璃窗望到入面d廚房人包餃子小籠包嗰d, 不過冇人睇啦蹝氣…Read More