百合姬's Profile

今日經開附近見佢新開張無人排隊就即刻試下本身係各大群組既評價係讚不絕口所以故此住「應該好好食」既心態入去唔知係咪人手不足關係，即使入面好多空位+我一個人入去都要等一陣先入得坐低就叫我自己掃QR Code落單但土瓜灣+個附近其實好多老人家，QR code落單對佢地黎講就真係唔太friendly我叫既野食就係非常簡單：沙爹牛肉麵+炒蛋再比$3轉蘿蔔糕+熱央1. 沙爹牛肉麵d湯係黎到先倒落去，咁樣做幾好d麵唔會一黎到太淋牛肉我覺得都算多份量ok幾好食2. 炒蛋+比多3蚊既蘿蔔糕一黎到見到塊蘿蔔糕就係咁薄心諗真係慘過隔離唔洗加錢轉蘿蔔糕既大xx如果我知道呢塊蘿蔔糕要加3蚊，我會叫番一個厚佢唔知幾多倍既多士咁傳聞炒蛋係好好食但如圖所見係散灑同埋勁多水...我食到一半都真係食唔到落去其實我有同餐廳職員反映過佢地話係可能因為試業關係先係咁但唔係反而因為試業先要做得更加好咩？要唔要再比多次機會佢地我都真係要諗諗..…Read More

難得去開大埔呢頭見個餐牌有午餐就試下午餐得3個選擇：和風豬手/德國豬手加德國腸 /半隻燒春雞諗住叫個豬手加德國腸配意粉就穩啦點知個餐既份量根本就係少到爆炸（參考下圖）個湯仲要係同個汁一樣同行既叫左燒春雞其實味道可以接受不過份量都真係唔太多48蚊無野飲要加錢唔緊要但你仲要收我加一講真個區呢個價錢仲有好多選擇仲會包埋野飲如果唔係見到佢食評ok我都唔會走入黎食呢間野真心無下次我亦建議大家唔好好似我咁做勇者…Read More

出到深水埗都已經去到食下午茶時間聽聞過呢間車仔麵都好出名特別係個醉酒溏心蛋所以決定一試其實我同朋友都係叫三餸麵然後加6隻雞翼個阿姐入機個陣突然話「無蛋呀」就丟番呢張單比我無蛋其實就唔係大問題最多只係失望者但既然無蛋你仲同我入機比呢張單我咁你即係想我地點？我地捉住佢問先收番張單比番張表我地畫過最後決定都係食兩餸算但竟然發現雞翼漏單😰當時鋪頭人並唔多但明顯個哥哥番左黎鋪頭之後門面就服務變得正常好啦講番食物啦因為我撈左d汁+check有無落錯所以影既時候個樣變成咁上菜既時候個外觀係ok既我呢個係經典車仔麵湯，相對朋友叫既腩汁呢個湯就濃好多份量以呢個價錢黎講算叫不過不失醉雞翼都幾好食值得一試你問我會唔會比多次機會我會既因為我仲未食到隻蛋但希望下次服務有d改善…Read More

有人話試過呢間野好食咪走去試下見到門口又有雜誌報導心諗應該唔會好伏者見到話牛沙瓜限量供應就試下睇下咩黎所以我叫左碗牛沙瓜麵見有得比5蚊加雙拼就加個牛根點知張單一黎就變成「A7 牛根麵+$10蚊牛沙瓜」= 42蚊明明我係叫「A4 牛沙瓜麵+牛根」 = 40蚊 （因為上面話左每款加5蚊）問個職員點解會價錢有變動然後就話：我地係咁入機後黎仲要比個職員燥番轉頭：「得啦我減番5蚊俾你」然後收走左張單（所以我影到張單相）其實個餐牌上面由頭到尾都無講過牛瓜沙要加10蚊，只係講話加5蚊，會唔會太過誤導我明明叫A餐我然後強行改做B餐要我比多d錢？單純我地覺得好奇怪係咪落錯單咪問點解，你估我地好志在個幾蚊？受到一肚氣本身想起身走，見碗麵黎左就算點知d料少之餘又細件呢個價錢係附近食都已經大大碗加埋個底啦睇番其他食評原來我都唔係第一個遇到少料呢個情況係咪好好食就見人見智但係我角度睇佢味道真係非常非常普通我真係食唔到佢有咩特色同過人之處真心傳統既牛腩麵店仲好食過佢…Read More

見到有報導話有新拉麵店今日入開大埔有時間就順便去試下因爲怕新開張人多要等所以就係開門無耐就去食當時唔需要等就可以即刻入得，店内大概坐滿2/3人左右餐紙：但其實眼見無咩人係開始食緊麵 畢竟新開張有咩問題都會盡量包容但去到某個點真係難以忍耐... 1）等待上菜時間接近45-50分鐘我有D唔明白點解一碗拉麵需要客人等咁耐難怪當時入門口發現無咩人開始食緊等左好耐我老公碗麵黎左佢食完我個碗都未到黎到仲要上錯麵比我 2）厨房混亂，各種準備不足比D客聽到因爲我地坐係bar檯所以厨房發生D咩事我地都聼得一清二楚例如包括前晚無準備到糖心蛋（聼到之後我好傷心因爲我個人食拉麵係好中意食糖心蛋）或者佢地太忙無注意到其實客人會聼到 3）衛生問題眼見其中兩位厨師處理食物的時候沒有戴上手套其中一位厨師在處理食材期間更用手抹汗.... 等左咁耐食物到1）鈴川第一次食所以想試下白湯，見到幾豐富就揀左呢個看似很豐富...事實上：其實我覺得可能有部分配料都無落....圖片話有3塊最後比2塊我問店員店員話因爲Size問題所以有D 會有3塊有D大既會有2塊但D肉少肉多肥膏，你叫我情何難坎剛才提及過既糖心蛋結局變成咁變成普通鷄蛋呀.......既然講過話用醬油點解最後變成普通雞蛋呀.............湯唔夠濃厚相對地比較淡麵條比較幼小，就呢點有點失望個人感覺呢碗麵根本唔值呢個價 2）越谷海老麵就只有點餐紙上面先會見到既一個麵其實乜野湯底我地都唔知不過見係蝦我老公就點黎試下我自己試過湯底其實都係偏淡感覺應該係某個湯底+櫻花蝦就完左叉燒比我個碗好D，無咁多肥膏但我覺得都係味道一般…Read More

本來打算食漢堡包但最後臨時決定改去食湘菜店鋪並不大，可能因爲平日關係比較少人同朋友點左個2人餐~COMBINATION：2碗老火湯，一個主菜，一個炒菜，一個小吃，2碗飯，2碗甜品最後我地點左口水雞，豬耳同炒竹筍絲1. 老火湯我唔記得個名，不過入面有豬骨，紅蘿蔔同節瓜，仲有D豆個湯好甜，D肉煲到好淋好好飲！2.口水雞本來擔心份量不足唔夠食但半隻雞其實都幾多配料充足，辣度為中，不過雞可以醃耐D3. 麻辣招風耳其實就係麻辣豬耳服務員有問辣度最後決定加Ｄ要小辣再加Ｄ麻辣落去ＸＤ配有青瓜絲，份量多做小食一流4. 炒荀絲是晚最中意食就係呢道菜荀絲爽口食緊辣野再配番Ｄ清淡少少既菜就ＰＥＲＦＥＣＴ　ＭＡＴＣＨ！5. 海帶綠豆沙我同友人都唔食綠豆沙最後服務員就比多碗湯我XD （太好飲所以想飲多碗）若說特別的菜式其實都有好多不過2個人食就試唔到太多野喇建議同一班朋友過黎食就最好~…Read More

以前係渡船街既時候已經有幫襯開當時間鋪頭超級細，容納不足20人上星期突然好想食番呢到就捉埋男友一齊去，始知鋪頭搬左去對面既文苑街煥然一新既鋪面同之前狹小的店鋪相比之下差別很多菜式亦都比以前多好多，不再只有biangbiang麵當然咁耐無黎食，梗係要叫番招牌菜biangbiang麵依家仲有我最中意既涼粉五香驢肉biangbiang麵一樣咁好食~今次中辣辣度還好仲有麻辣豬耳羊肉biangbiang麵都唔錯架！價錢同之前一樣差不多~老闆好好人~下次可以同班FD一齊黎試小菜…Read More

店鋪開張無耐黎食過一次突然想食番就約班FD出黎食啦預約左8點半但其實都要等一陣先入到我地提早左去等都見到有大約30人左右排隊點知D野食差過以前好多，點解？ 請往尋找原因餐牌同其他韓國餐廳大同小異，當然招牌係奶奶雞1- 燒肉生菜包少少辣，連埋D汁食好香口覺得係前菜既幾好選擇2 - 韓風卷 + 3 - 芝士辛辣年糕韓風卷味道一般，同平日食開個D韓式手卷無異 芝士辛辣年糕我就好失望我好中意食Tteokbokki所以去親邊間韓國菜都會試食辣年糕唔辣都算，汁既味道比芝士蓋過灑，咁我不如食芝士年糕？4 - 辛安東元祖奶奶雞（中辛半隻）中辛黎講對於食開辣野既人只係接近小辣左右呢個價錢只係食得半隻細雞 倒不如去隔離食雞煲，仲要大大隻 唯一覺得好食就真係得個粉5 - 炮兵鍋同部隊鍋差不多既野料都算多既，菜都唔少6 - 釜山鮮蠔奶奶雞（無辛全隻）呢個真係唔閙唔得等呢個黎等得最耐都唔緊要滿心諗住同之前食既一樣大大份，大大隻蠔哇，黎到之後D蠔細到喊雞既分量同我叫半隻中辛奶奶雞差不多唔好比餐牌張相呃到呀…Read More

朋友得悉旺角最近有間抹茶店試業即時搵個時間去試食先近期因爲試業所以每個星期既餐牌都不一今次就食到好特別既湯麵同芭菲名字唔太記得，不過呢個湯粉既味道係辣既另有一個白湯係豬骨湯味個人認爲辣味OK，不過朋友認爲稍微辣了一點價錢貴點點但分量多一點就能吃得飽雙色抹茶芭菲 - 煎茶x抹茶雪糕好軟滑！超喜歡煎茶對部分人黎講可能會有D苦但其實愛茶之人就會覺得係上品XD下面有麥糖粒，抹茶啫哩等等做配搭食完店員詢問我地食後感，亦都用心聆聽期待正式開業既GUM JENG!…Read More

同班FD食完野轉場食糖水打算吹下水見呢間專食抹茶同無乜人排隊就入去試但無諗過食到一肚氣某身形略胖既女店員要求我地出去CASHIER比錢買野食間鋪頭根本可以用極度細黎形容，連走動都有困難我同朋友座到最入好難出去，咪好聲問可唔可以過黎收錢點知個女店員話：唔得喎，我地呢到係咁樣認真我地唔介意預先比錢，但係咪走1-2步既距離過黎收錢都懶?你問我最後點解繼續食？因爲我有一位坐出面既朋友已經比左錢見佢咁既服務態度已經唔想食，點知呢間野仲要求每一個客人要最低消費星期五六日紅日假期你有呢條規矩我覺得還可以接受平日都要咁我相信好多客人會不服一事還一事雖然服務態度差，但係食物方面我覺得還可以接受我叫左個抹茶雪糕窩夫賣相不錯，窩夫味道一般但有抹茶雪糕搭救雪糕口感軟，唔太甜，上面有我中意既麻糬粒再配合D糖漿GOOD MATCH無論點好食都好，我都唔會再返黎呢到食…Read More

早前友人提及過係油麻地MTR出口附近開左間新米線決定抽時間去試下新野店鋪裝潢比較像蛋糕店外面望入去唔覺得係食米線1個麵另外可以配一種配料湯分爲麻辣/酸辣/豬骨/蕃茄今次當然揀我最中意既麻辣啦！首次挑戰所以只係試小辣~再加魚皮餃子同腐皮以呢個價錢黎講份量尚算多湯方面唔似外面D米線鋪既超濃味精湯辣度OK尾帶少少麻另外再追加一堆小食份量好多~首推黑醋豬軟骨同蒜泥白肉最後食左咁多野每人埋單都唔過60，抵食！…Read More

今日經開佐敦..記得一年前黎呢到食過, 仲寫埋食評於是就再黎呢到食多次不過今次就唔係叫燉蛋而係我最鐘意既芝麻糊! (凍既)一黎到..成碗芝麻糊係灰黑色...雖然食落去仲係糊狀. 仲有芝麻味..但我可以同時食到d"水"既味..唔知係咪我叫錯..記得呢到d芝麻糊好黑好滑其他糖水幾靚, 或者今次我唔好彩啦:( 我諗下次..我都係叫番熱好d...:(:(:(…Read More

經開旺角, 見人之前講呢間d酸辣粉幾好食就走左去試下~本身鐘意食辣野, 都係aim係辣粉上面見個口水雞幾好食..就叫左個餐試下口水雞同埋涼粉都可以揀bb辣/小辣/中辣/大辣/特辣第一次食..唔敢叫大辣..都係叫小辣好啦!野食黎到其實有少少失望細碟左d...同價錢唔成正比...但味道唔錯!假如份量多番少少就好啦…Read More

同完男朋友行街知道佢鐘意食拉麵就帶左佢黎食:):):)不過地方細, 所以要等差唔多半個鐘先有位:(:(:(鋪頭好有特色, 好有日本拉麵店風格waiter waitress有d係日本人===是日晚餐===長崎拉麵男朋友既拉麵:)我第一個感覺就係: 好多菜味道我覺得清淡d, 麵質同札幌拉麵好唔同前身比較淋, 後者比較彈牙!札幌拉麵我既札幌拉麵呀~~~食過咁多間既札幌拉麵, 呢間拉麵水準一流麵質彈牙, 豬骨湯香味濃郁, 叉燒同埋豬軟骨好好食仲有我最愛既味蛋呀!!!! 味蛋與餃子味蛋(我叫佢糖心蛋)煮得岩岩好蛋汁流出黎, 同埋麵一齊食簡直一流!餃子皮比較薄身, 容易入口嘴嚼! GOOD! :)日式燒餅有別其他地方既燒餅係我食咁多燒餅以黎認為最正宗既一個食落去既感覺就好似食燒墨魚丸既表皮咁(個人整日式燒餅經驗: 其實墨魚丸都係用呢D燒餅粉整)總結我一定會再黎呢間食野實在太好食, 下次一定要試燒物(一次最少要叫3件, 無得單叫)…Read More

原先諗住同男朋友去食大排檔但因為要行好大段路, 所以搵D野頂下肚我地叫左個招牌麵線D麵線好滑, 而且D豬大腸洗得好乾淨! :):):)再加埋佢地D辣蘿蔔, 一流!食灑成碗都唔覺得飽!下次去食會再試下佢地D小食…Read More