千惠公主's Profile

知道黃埔開左間新Burger餐廳…一直想試今日終於都有機會了。店舖面積不大，座位大約只能容納15人左右…我大約1點半左右去到舖入面差不多座無虛席, 好彩一個人的關係要找個位置也不難。餐牌上有5款漢堡餐, 第一次食就當然選擇招牌漢堡啦! (+$12可以有埋汽水同薯條)Order完之後師傅就即叫即做…漢堡一上枱就忍唔住要影張相…但一邊影相D肉汁係一邊流出黎…好吸引啊!食落口, 塊漢堡真係好OK, 厚身足料又多肉汁…可以食得出真係手打牛肉…好juicy...連埋D配料(有酸青瓜/蕃茄/洋蔥/生菜/芝士等等), 味道好夾!! 酸青瓜有D甜甜地~同平時食個D會有少少分別, 亦因為咁~我非常欣賞! (大家食個陣千奇唔好夾走塊酸青瓜啊!)薯條係粗身既, 食落口唔油膩~結果成碟食晒!! 哈哈!順便一提，在等餐期間對面坐左一對夫婦, 見佢地應該係食照燒雞漢堡, 因為塊包同招牌漢堡個隻麵包係唔同既!對夫婦一邊食一邊讚好味…搞到我好有衝動再試下! 所以如果下次黎食應該會試下照燒雞漢堡 ^^…Read More

因為有Coupon, 所以今日就同幾個朋友去食Dinner Buffet…出發之前上黎睇下d食評, 心諗:「哇, 講到咁差既? 唔係化。」但so far我食完之後, 我覺得可以接受喎!首先講食物種類:冷盤方面:長腳蟹: 唔錯! 雖然唔算好鮮味~但起碼唔會咸到放唔到入口。(之前食過其他幾間自助餐D長腳蟹咸到喊…><)帶子: 好似雪得太耐…麻麻地瀨尿蝦/凍蝦/青口: 一般, 不過不失。螺: 食落真係有少少沙…不過有D甜味~OK喎。刺身壽司/ 沙律/ 前菜:沙律幾多選擇~最意想不到係有火箭菜~同埋大大片蕃茄都好好味~配煙三文魚一流。另外前菜有6-8款選擇…都係煙燻肉個D, 無咩特別。刺身就有三文魚, 吞拿魚同埋針魚…(仲有一款我唔知係咩)熱食:見到都有十幾盤, 有咖哩, 炒蜆, 炒時蔬, 羊架等等…無咩特別, 但都唔差。另外仲有燒牛扒, 燻豬肉, 羊扒, 燒大蝦同埋印度薄餅~ 我鍾意食燒牛扒~好juicy…仲好肥添! >u<諗住有燉湯, 不過今日變左燉翅~甜品/ 飲品甜品款式都係普通款…芒果蛋糕, 朱古力噴泉等等…但我一樣都無食。 因為被雪糕櫃的Dreyers所吸引~哈哈! 任食Dreyers真係好開心!飲品方面就無凍飲送, 但咖啡檸茶就任用 (汽水,橙汁個d好似係$10/杯)講價錢: HK$308+10% (大部份信用咭有85折)，尚可接受啦! 而家係香港地食BUFFET其實最平都要三百幾~依度如果折埋都係二百八十幾~仲想點?環境: 每張枱與枱之間其實有足夠既空間, 另外我見餐廳入面有個迷你既兒童遊樂場, 如果有小朋友就啱晒! (不過對我地黎講就麻麻…因為小朋友玩得太癲好躁)講真，如果自問你對食物「好有要求」就唔好去囉! …Read More

係紅磡返工咁耐都唔知有依間舖, 同事介紹下今日lunch就去食下。午餐$30/客~Order左一客酥炸雞球飯。黎到個樣好似幾吸引咁! 數一數，一碟飯有成7-8件雞球~好抵食!個雞球炸得好好，食入口d肉仲係鮮嫩有肉味既~唔錯唔錯! 再配埋咖哩汁真係好好味!不過如果d咖哩汁可以多d就好啦~食到一半已經唔夠汁撈飯啦~!總結~下次lunch諗唔到食咩就一定會再食依間!!!>v</…Read More

2011年最後一日，要食盡佢!!!一起身就走去中環IFC...見到門口已經好多人啦! 成日聽人講添好運好好味~所以一直好多去試~我地今次兩個人帶左4個胃...食左...鳳爪排骨飯: d飯好軟身, 而且好大兜~抵食!蝦餃: d蝦肉都幾爽~燒賣: 一般~無咩特別鮑汁蒸鳳爪: 依個係我覺得最好食~因為鳳爪超大隻, 啖啖肉, 有別於酒樓個d~我覺得黎到一定要食!馬拉糕: 好香~好鬆軟~~好好味!酥皮焗叉燒包: 熱辣辣~焗得好好~個酥皮同平時食個d叉燒餐包又係唔同既~我鍾意依一種。牛肉餃: 炸物，我就比較鍾意食平時個d蒸牛肉多d啦~ 叉燒腸: 腸粉都幾滑~~食完之後發現添好運真係勁有水準!!而且開放式廚房令人有一種放心的感覺。(因為覺得廚房入面好乾淨)餐廳環境: 以為係酒樓形式, 點知原來好似D茶餐廳咁~不過雖然環境迫左少少...但食物質素OK我都還可以接受!如果有機會一定再食過~…Read More

今次係我第一次寫食評。我地一行5人七點三左右到達...已經好多人啊!! 即時拎飛 -「飛仔14」...但當時只係嗌到「飛仔3」...心諗:「咪有排等?」但友人話舖頭對面有個樓上單位都係依間舖既~所以應該好快有位...咁我地就繼續等...結果...樓上單位沒有了!!!! 只靠舖入面的5張枱........(仲要有3張係卡位...兩張係大圓枱...=_____=)最後, 九點三終於入座。其實晚上去食都一定係醉雞煲, 分大同細~我地叫左大既...好香既藥材同酒味啊!!!而且D雞好嫩好滑!!!不得講一句「等兩個鐘係值得咖!!!」D野好抵食，我地5個人叫左一個大雞煲+一份大雞(後加)+生菜+響鈴卷+雜丸+豆卜+蟹柳+鮮牛肉+十幾罐汽水都只不過係五百幾蚊!!!不過要等兩個鐘真係耐左d...一邊食既期間見到好多人買外賣, 細心留意下才發覺原來打邊爐都可以外賣。下次我諗我會試下買包湯底材料返屋企自己打邊爐會好d。…Read More