lamkayan1314's Profile

今晚同屋企人7個人一齊食semi-buffet dinner, 星期五有7折，主菜都幾多款可以揀入座後，服務員就問要咩主菜，如果要西班牙乳豬（4人份）就要早啲落，好快會無哂，佢咁講我哋就即刻叫咗先，期望十分高，仲有紅酒燉牛尾、烤南瓜紫薯意大利燴飯同法式原條龍脷魚自助有刺身、沙律、海鮮（蟹、蝦、青口、長腳蟹)、湯（霸王花雪耳蘋果、法式海鮮湯）、芝士、火腿etc飲品有咖啡奶茶，想飲檸檬茶就要自己紅茶溝檸檬汁😅食咗幾輪自助嘢，主菜上得勁慢，每份主菜都要隔一排先上而乳豬就等咗個半鐘先到，嚟到時睇樣就已經知唔慌好味，個皮完全未燒脆切開食，肥膏厚一厚，肉好似白烚，有啲洋蔥味，因為乳豬下面鋪左層洋蔥、甘筍加少少香草，根本無味食唔落，有啲燒汁俾我哋淋，但一啲都唔夾，最後大半隻淨哂响枱，我見其他枱嗌咗乳豬嘅都食淨半隻因為乳豬最遲上枱，為我哋嘅呢一餐畫上失敗的句號…Read More

平日下午茶時段，唔洗等位直入餐牌內容同其他茶餐廳大同小異嗌咗個茶餐迷你蕃茄湯餐肉通心粉+炸雞髀+凍咖啡落完單2分鐘，雞髀先到然後咖啡同通心粉都到齊如圖所見，通心粉份量細就不在話下蕃茄湯底甜到痴線，完全要隔咗啲湯先食得落啲通心粉啲通心粉應該就係即食通心粉，口感一般餐肉有5-6粒骰仔size大，無煎過，唔夠香雞髀size正常但無咩味，同埋好多肥膏咖啡又係超甜，可能嗌少甜先會係正常甜度鍾意食甜野嘅你或者會岩食…Read More

第一次寫食評，對呢間餐廳失望至極！今晚同屋企人食生日飯兼做節，6點9去到，7個人叫左$1888 8人套餐再另叫燒鵝。7:30先上乳豬拼盤同燒鵝，拼盤細到喊，每樣得幾件，乳豬乾爭爭。燒鵝半隻都係得層皮。之後再等半個鐘，一樣餸都無黎上，三催四請都未有，想cut單走人又唔理我地！到8:30先上到翅，等都等到飽左，食兩啖之後都食唔落，陸續上魚呀菜呀，最後上左一碟蝦球先最激氣，咁大個集團居然會炒出一碟好似倒瀉左求其擺埋一碟既餸，隔離枱一模一樣既餸，但擺盤靚過我地呢枱。激鬼氣一肚火，唔食埋單！埋單個收銀仲發我地脾氣，叫佢比張單我地對，佢居然話咁佢都要張單對數架，真係唔洗旨意我地再幫襯！…Read More