Jeffreylawlaw的個人專頁

前幾日喺朋友IG見到佢食依個砂鍋米線，好似好吸引，所以即刻有時間就去試一試，先發現原來曾經喺外賣app試過買佢哋嘅嘢食，不過果次就覺得啲嘢食麻麻哋，當時食嘅米線唔夠淋，戴眼鏡唔夠熟咁，果次朋友多一至差評，但今次見堂食原來係砂鍋上菜，仲話個沙嗲湯好正，所以就俾多次機會佢啦，曾經喺大陸都食過類似嘅砂鍋米線，嗰時係非常好食嘅，但就唔係比較港式嘅湯底，係好香嘅菌類湯底，當然依度冇呢隻湯啦，先朋友介紹所以就試吓個沙嗲湯。佢嘅沙嗲湯底並唔係打邊爐嗰隻味道，而係本人非常喜愛的沙嗲牛肉面嘅沙嗲味，而且非常香濃全個湯底都咁好味，簡直滿足到我重口味嘅人士，鍾意食沙嗲牛肉嘅一定要試！但唯獨是佢反而係冇沙嗲牛肉，但有得叫牛肉，好過冇啦哈哈。真係仲好食過慈雲山嗰間添啊！配菜叫咗螺片，滷腩肉，蘿蔔，墨魚丸，雞肉。螺片非常之好食，腩肉就減肥但味道都唔錯，雞肉都幾滑，整體都真係好好～其次我叫咗海鮮荷葉飯，都算幾足料，攤底都有蝦米瑤柱仔，表面都放滿左海鮮，都可以一吃唔算貴。…查看更多

今日經開港島，同朋友搵地方食lunch，之前喺關注組見過依一間海街，有拖羅食，所以一直好想去試吓，咁岩今次去到北角附近，終於有機會試試依間刺身飯，我同朋友一人叫咗一個，分別係廚師限定同埋雜錦刺身飯，刺身飯的擺盤好靚，絕對吸睛的，而且刺身的量對比起價錢也算合理，刺身也算新鮮，而且有一個好處就是米飯可以免費增量，所以大食的朋友可以繼續追加米飯，值得一讚，不過唯一一個最大嘅缺點就係豉油，此店用的刺身豉油非常鹹，就像一般的生抽這樣，不是那些甜甜的鮮味刺身豉油，豉油就這樣毁壞了刺身的美味，只吃到鹹味，吃不到魚味，如果繼續用這豉油，我想我很難會再回去吃了。…查看更多

夜晚同兩個朋友聚聚，考慮食什麼的問題又考驗到自己了，今次又去開尖沙咀就試一試老是常出現的德美壽司，其實我沒有看到餐牌就選了這間因為常常在朋友story看到這家壽司，本身以為是一家比較花船的日本料理，怎知道是一家價格非比尋常的日本料理，連最基礎的三文魚壽司也要$29兩件，拖羅壽司竟然要$100/1件，可能係新鮮貨掛，但這個價錢在外都食到幾件了，所以最後普普通通叫了魚生飯，及一些鍋物就算，魚生飯170幾蚊，質素沒有特別好，就只是一般的魚生飯。而鍋物料理也是普普通通… 最失望是廣島蠔石鍋飯，就隨便在鍋上放一些急凍蠔而已，味道欠佳， 腥味逼人。最後比較好的竟然會送甜品，服務也算好，如果不介意價格，就當是試一試也無妨。…查看更多

今日去開尖沙咀買嘢游水，一直喺度諗究竟有咩好食，又簡簡單單，經過見到農米莊，上一次食好似都幾年前，不過就喺旺角分店，嗰時第一次食覺得湯底真係幾好飲，咁當然果次叫嘅湯係比較簡單，好似係藥膳雞湯，但今次我叫嘅係想滋潤啲嘅椰子雞湯，一上台的確係有一陣好香嘅椰子味，但係似乎係有點人工味的椰子香，因為你會飲飲下唔想飲，而且今次的米線都煮得非常之爛，米線本身我都鍾意食少少軟，但唔係軟到爛嘅感覺，然後雞肉骨比較多，另外加錢的墨魚餅，第一次食，但勢估唔到竟然會加芫荽喺裏面，唔食芫荽嘅人真係俾佢伏親～ 下一次食可能有係幾年後lu，如果仲喺度嘅話，哈哈…查看更多

一直對中餐無感既我，比朋友帶左去食依餐中秋飯，本身都冇咩期待，亦都符合想像既味道～ 不過都可以一試既，中環依個價格質素差唔多嘅～我地分別叫左幾款點心同主食，仲有主角片皮鴨。-點心叫咗脆蝦腸粉、小籠包、雪山叉燒包脆蝦腸粉、小籠包 依兩樣就正常味，度度都食到，所以唔多講。但雪山叉燒包實係值得一提，本身依樣野都好食，但佢暫時係我食過最好食既，鬆脆既外皮，香軟的麵包，甜蜜的叉燒餡，好似食緊一樣甜品咁，非常之好食，唯一覺得嘅係太細個啦，唔夠喉呀～-至於主菜叫了片皮鴨同埋龍蝦砂鍋飯片皮鴨係朋友上網睇話評價好高，而佢好想食所以特登嚟食呢一間，最後訂咗一隻嚟食四個人分都好足夠，不過至於質素就名過於實，沒有覺得很驚喜，表皮係烤得很鬆脆，有別於一般片皮鴨，但唔係人人都喜歡嘅感覺，就好似其中一個朋友，他喜歡勁實在嘅烤皮，而且雖說使用了42人的鴨，好像很講究，但是基本上沒什麼鴨味，而且整得很花俏的京醬，也沒有很特別，因為食過更好吃的。所以個人認為片皮鴨，並不是很值得吃。至於砂鍋龍蝦飯，反而意外地好吃，龍蝦也像新鮮的非常香甜鮮味，配上甜甜的醬汁與白飯混合，非常開胃與好吃！可以一試！…查看更多

朋友帶路唔洗諗食咩🤣🤣荃灣依條街啲舖一年換幾次，啲野食冇睇頭都幾難做。今次依間新餐廳係主打西班牙料理，Lunch有幾個set可以選，不過客群就應該唔係for 隔離工業打工仔啦～ 價錢都百將蚊起。Lunch 先送上湯，分別選左凍湯同熱湯，凍湯就蕃茄味為主，熱湯就加左紅菜頭，可以飲但相信唔係人人接受到個味～接下來前菜小食有驚喜！分別係香脆的多士上面鋪滿調味既蕃茄碎，同埋西班牙火腿波波，兩個都好香脆好好食。之後仲有西班牙出名嘅蛋餅，覺得香香嘅雞蛋裏面加入了薯仔，非常好食呢，因為兩樣都係我鍾意嘅嘢。主菜方面當然試吓西班牙炒飯啦，咁先睇得出依間西班牙菜政唔正宗㗎嘛，炒飯係用一個小炒兜裝住睇落都好正宗咁，上面有青口魷魚蝦等等，味道不算好重，但相對就有點油，整體都好食嘅。餐廳整體方面份量唔算好多，但整體加埋小食，同湯，都會飽。依間餐廳都算可以一試，不過要喺依條街生存真係要做啲功夫啦。…查看更多

臨時約左朋友出去食飯，冇做功課唔知食咩好，行行下去左TOP商見到有間熟口熟面既餐廳，想食下意粉就諗住試下，不過第一下個感受就差左啲，果時都唔算好晏，想walkin入去食，店員叫我地掃code拎飛，但後尾補左句，如果9點都冇叫你就冇得入，心諗，咁我即係等定唔等，我就唔介意等，但我介意等完冇得食，我想講你一係唔好叫人拎飛，一係叫人地拎飛就確保人地有得入，咁既服務真係麻麻地….講番食物，叫左3個主食，平時一人一個主食都好夠包，今次食完3個主食都仲係餓，味道正常不過不失咁啦。另外既意見係，menu設計係好有新意，不過啲字係咁重重複複咁，真係集中困難既人好難睇… …查看更多

係香港本身要搵到正宗既雲南米線其實都幾難，其實雲南唔係下下都要食到辣一辣，不過來到香港唔知點解變曬唔落辣唔得既米線，因為冇咩邊間肯用心去煲一碗好味既湯底出來。今次食下依間比人大推既米線，叫左一碗豬頭肉，一款腩肉，少辣的，不過相當油，唔係人人食到，豬頭肉即係豬耳，好多人誤以為豬頸肉，較硬，麻麻地，但腩肉唔錯，勁爽，同埋有味道唔係白水煮。整體不過不失，如果冇咁油又整到個風味出來，咁就好啲，都係差個好湯底。不過另一次叫外賣，就差左好多，米線硬的，腩肉好dry…. 同樣係油到爆，應該唔會再食了～…查看更多

真係難得一間抵食又好食既手工pizza!!!!!平時食pizza 閒閒地都百幾蚊一個，仲要細細個咁，今次依間店主打pizza，超抵食19*元就有一個pizza 餐！包頭盤>pizza>甜品，本身以為pizza唔會大個，點知嚟到真係嚇親，一人一個餐基本上都食唔曬，最後帶走左一個！發現個個都係咁🤣！唔講pizza住，頭盤一啲都唔馬虎！分別有牛肉他他同刺身沙津！好好食！量都好多！而pizza 味道都好正宗！至愛既辣肉腸pizza! 濃香既茄味加上辣辣的腸，超好吃！而手工pizza 既包底都做得非常好，唔係出面似普通麵包果啲！另一款卡邦尼pizza 非常邪惡！好食！值得一試！…查看更多

繼續尋找理想的牛肉麵…牛肉湯麵類是我平常最喜愛的一類，但再找到一家好吃的都不太容易，本人是重口味的，湯不夠濃基本上都不合我心意，今次食的同樣是跟市面9成一樣的淡湯，香味牛味層次基本上都沒有，就是一碗很普通的牛肉麵😮‍💨 唯獨是比較大碗，至少吃得飽🙈 沒什麼要求就可以吃～有沒有人能夠推介好吃的牛肉湯麵類呢？ 不論日韓台泰東南亞的都可以，最緊要夠濃！牛味、香料味都可以🤤🤤🤤 希望可以吃到好吃的～～…查看更多

今次去到尖沙咀海港城搵好野食~ 揀左間新開冇耐既日本過江龍餐廳「滿天星」~雖然香港依間新店同日本店裝修唔同，走文青FEEL，但睇得出滿滿既美學設計! 打卡超靚~~今次食左好多野，飽到我晚餐都冇食啊~~ 超滿足!!!!🥰🥰我地叫左兩個主食，兩個小食，兩個甜品同飲品~ 分別係滿天星肉汁漢堡扒蛋包飯、明太子大蝦意粉、吉列廣島蠔、忌廉蟹肉餅、雜莓梳乎厘班戟、藍莓紫薯窩夫、咖啡奶昔同草莓幻昔~~ 係味聽到都留曬口水🤤🤤滿天星肉汁漢堡扒蛋包飯👍🏻👍🏻👍🏻👍🏻依個蛋包飯真係唔好睇少，係用蘭王雞蛋㗎!!!! 蛋香超濃!!! 超級滿足啊~~明太子大蝦意粉👍🏻👍🏻👍🏻👍🏻明太子最愛又點可以唔叫呢~~~吉列廣島蠔👍🏻👍🏻👍🏻👍🏻炸蠔超級大隻, 啖啖都係蠔肉, 有驚喜!!!忌廉蟹肉餅👍🏻👍🏻👍🏻反而個人就唔太鍾意蟹肉餅, 有點漏~雜莓梳乎厘班戟👍🏻👍🏻👍🏻👍🏻👍🏻重頭戲原來係甜品, 唔食主食都要來食甜品, 個梳乎厘班戟係我暫時食過最濃蛋香的!! 必食!!藍莓紫薯窩夫👍🏻👍🏻👍🏻👍🏻👍🏻勁鍾意個雪糕都係紫薯~窩夫亦外脆內軟, 本身驚依個會好漏, 點知唔會, 真係好想再食 !!!總結 野食同甜品都非常高質, 唔係比HEA貨打下卡既質素, 甜品非常之回味~ 一定會再去食!!!…查看更多

今次比朋友帶去食日本野，入到去依間餐廳，第一下真係哇一聲，因為真係好似去左日本咁!! 超級靚啊~~~ 😍😍😍不過今次朋友話帶我食鰻魚飯喎... 心裡有點沉默，因為我係唔食鰻魚飯的 ~ 點解? 因為香港大多數都係大陸鰻，好重泥同血味，聽講放血時處理不好就會這樣，每次食都想嘔㗎!! 不過佢話依度既鰻魚真係日本送過來，仲要係 「活 鰻 現 燒 」! 等我就試下佢有咩分別啦!!!🥴鰻魚燒到表面保持到脆身，肉唔算厚，食落去有點即溶既感覺~ 加上佢地秘製既醬汁，鰻魚的油脂加上醬汁既融合，一口一口既日本飯，不知不覺就食曬啦~~ 之後仲點多左一件手握大拖羅壽司點綴一下，完美既收場~~ 今次真係令我對鰻魚改觀~ 大家要試記得要BOOK 位啦~ 因為好限量㗎，仲有好多個位可以打卡，當去轉日本LU~~~ 開心曬😚😚…查看更多

作為食肉獸既我，緊係成日周圍搵放題食~ 任點任叫先過癮，當然食得曬先好嗌!!!🥰🥰今次去到依間熊本燒肉，專食和牛放題，見到都心心眼!!依間燒肉裝修唔算好有特色，但有種日本市場既感覺，有時簡簡單單都好有FEEL~~~而加冇得堂食，所以佢地中午都做緊優惠，加38蚊就可以升級住食M5和牛啦~~依間燒肉仲包括埋刺身同海鮮或熟食添，大大粒既帶子刺身&清酒煮蜆同虎蝦都係任點，食得多肉都要食下其他中和下~~ 仲有燒棉花糖添啊~~~😍😍…查看更多

今日好難得咁入去大圍車公廟還神，早左過去搵食，以前住過大圍，但好耐冇番去唔知有咩食，睇openrice先知原來有間食西班牙菜！感覺幾有特色，睇裝修應該開左一段時間，不過今次係Lunch去 冇叫到西班牙菜😂😂今次叫左藍芝士流心漢堡同埋龍蝦湯！藍芝士流心漢堡 $7* 漢堡的包是脆的，不錯，但是漢堡肉有點縮水，說是流心，比較像是流汁，唔係果種有一堆芝士流出來果種，但漢堡肉有滿滿的藍芝士味，不過我可以再食重味啲，哈哈，整體既味道幾好，但我就厭份量有啲細～龍蝦湯 +15元龍蝦湯竟然只係加15元！本身以為似M記果啲！但點知超高質！ 指得住酒店既龍蝦湯啊！ 超抵飲🤤🤤🤤🤤🤤下次去試埋晚餐西班牙菜先～ 不過唔知幾時再去🤭…查看更多

食完真係嚇到唔敢去台灣🤢🤢🤢平時係香港好少食台灣野，只會係台灣先會食，因為知道香港既台灣野都好難食，聽講依間係元朗都算企左好耐，亦見好評不斷... 所以一心想試下.... 真係大鑊.... 食唔曬就走左！今次叫左個餐同埋蛋餅....👎🏻👎🏻👎🏻👎🏻👎🏻滷肉飯拼鹽酥雞認真咩... 明明就係港味台式肉燥（碎）飯，賣相好差，仲要味道得個鹹字... 一啲層次都冇.... 另外鹽酥雞，又細粒又鹹又柴，勁多味精，一食就知來貨野...👎🏻👎🏻👎🏻👎🏻👎🏻 粟米芝士蛋餅芝士同我捉迷藏，我搵極都搵唔到... 成塊野勁乾，只有表面少少既鹹醬油膏....... 認真食物真係好難食，而且唔平... 真係影衰台灣🤦🏻‍♂️ 不可一不可再！負十粒星！…查看更多