namial.le's Profile

Goobne Chicken的韓式炸雞有唔同味道，今次叫了甜辣炸雞、蜜糖咖喱，每個炸雞set都有半隻雞，可揀有骨或無骨，也有一碗飯、酸蘿蔔、薯條及飲品，二至三個人食都好夠。無骨炸雞啖啖肉，肉上淋有香濃醬料，但又不會令雞皮軟化，仍然香脆可口！甜辣炸雞真的甜甜少少辣，惹味非常！蜜糖咖喱唔太特別，有咖喱味但失了蜜糖味！除了炸雞，也叫了炸醬年糕、海鮮煎餅。炸醬年糕不單有韓式年糕，也有麵，雙重享受，又唔油膩。海鮮煎餅香口，有魚、尤魚、蝦等海鮮，雖然唔脆口，但軟綿綿仲好食！…Read More

山長水遠來到粉嶺，雖然知道聯和墟有好多出名的食店，今次來到爵士拉麵，聽講係日本人打理，而且唔係日日開店，想試佢的拉麵就要碰碰運氣！今天店舖有開店，但不見日本人老闆😌有多款拉麵，我地叫了叉燒拉麵，有細碗同中碗的分別，食量唔大叫細碗已好足夠。我就加了個流心蛋，$12少少貴，但真係好好食，蛋黃流心，勁香濃蛋味！拉麵麵質爽口彈牙，浸在小辛辣的湯底，非常配搭。湯底小辣，無味精味，成碗湯差唔多飲晒！來到粉嶺值得一試！最後要提一提，原來每位要加茶點一蚊。我見有幾個客都唔知，以為收多左錢😓…Read More

下午來到長沙灣的漁樂，叫了個lunch set肉碎煎蛋飯，有兩串雞肉串，及一杯飲品。肉碎煎蛋飯沒有正宗泰式惹味香口，也沒有辣味，平平一碟有肉碎及豆角做餸的飯，雞肉串多醬汁，但沒特別，檸檬茶反而係最好味😓😓用檸檬碎， 而唔係茶底加幾片檸檬，唔使拮，但好夠檸檬味。…Read More

旺角百寶利中心的串串鍋，湯底有麻辣、部隊鍋、胡椒魚肚湯、椰子雞湯，都唔使加錢，但普通的沙嗲湯底竟要加$18😢湯底唔算香濃，不太特別。店舖地方唔大，環境較暗。食物種類唔多，豬肉、牛肉都要寫紙order，連蘿蔔、薯仔片都係寫紙order。其他火鍋食材就要係出面揀，基本山根、丸類都有。飲品就有些失望，竟然最普通的可樂、雪碧係無😭打邊爐無可樂配真係爭啲！唯一可取竟係阿波羅雪糕，有朱古力、雲尼拿、芋頭，仲有其他雪條。價錢方面百多元，就真係幾抵！…Read More

珍煮丹推出的楊枝甘露勁好飲，足料有齊芒果、柚子、西米！飲前搖勻，味道香濃，有濃濃芒果味！唔使去甜品店都食到楊枝甘露👏🏻👏🏻 唯不能揀甜度和少冰，明白甜度改左會影響味道，而杯楊枝甘露本身都已經少冰，已係好貼心👍🏻…Read More

太子新開樂湯雞麵館，午巿套餐好抵食口水雞配白飯及無味精雞湯，但我轉米粉，雖然要加錢，但一絲絲銀白粉，爽口好食，湯底係無味精雞湯，個湯真係精粹，香濃雞湯味，完全無味精，又唔油膩。一啖又一啖飲晒成碗湯，都不用飲水，可見真係無味精。如果配白飯就會另上一碗湯，轉米粉就成為湯底。口水雞唔算辣，但都有少些麻味。雞肉幾嫩滑，份量唔多但足夠！…Read More

係荔枝角出名的勿當奴，最近係太子始創中心開店，急不及待要去一試！店面不算很大，在店出面先order食物及付款，再係收銀處隔離揀飲品，再有店員指示安排座位，就座冇耐就有食物送來。一系列的運作十分暢順。勿當奴不單有快餐漢堡飽、薯條，仲有意粉、炒飯、燒味飯，比較特別有鰻魚蛋包飯，鰻魚濃汁且份量大，蛋在飯面上，有少許蛋汁，十分好食！仲有乳豬意粉，汁比較濃、份量唔大但有些膩。辣雞漢堡真係有些辣，order時店員都問清楚係咪食得辣。塊雞扒有肉汁，唔乾身，配辣醬幾好食！…Read More

葵芳友義氣·酸菜魚CP值高，一大碟標準size $188, 晚巿都無加一。眼見枱枱都叫酸菜魚，人多的話叫多碟炒菜同咕嚕肉。先講咕嚕肉，酸酸甜甜好開胃，一片片菠蘿唔係係肉內，而係放在碟邊，一片片咁食！講返主角，酸菜魚肉質嫩滑，辣味有分唔辣、小辣同大辣。我們叫了小辣，味道十足，魚湯也好好味，酸味唔太出，反而辣味配搭花椒，就十分香和麻，十分好食！不得不提係裡面有蒟蒻，滑捋捋好好食！一碟標準酸菜魚+白飯夠兩個人食，配埋大檸樂，十分飽足！除左食物，要大讚服務態度！店員見到我拎住盒蛋糕，好細心問要唔要放雪櫃。又主動幫我們影相。對顧客的態度十分好，好親切！食得特別開心！…Read More

旺角創興的樂天大喜屋經常都好多人排隊，今次預早訂位，有兩個時段：5:30-7:30或8:30-10:30，又或者自選時間，但要加多$20。就算訂咗位，都要排隊攞飛入座，但都算快！入座後用掃QR Code揀野食，款式唔算太多，魚生有三文魚、希靈魚、象拔蚌、帶子、螺肉，基本的都有，但食落有些腥。比較特別係有泰式生蝦，配搭的醬汁幾美味！雞軟骨串燒唔夠爽，手卷的紫菜係「林」，但好彩係細細件。鰻魚值得試，好食而家唔係間間放題都有。芝士鰻魚壽司芝士味幾出！除左QR code叫的食物，仲有自助小食同飲品，有港式咖喱魚旦、面根、豆腐花、泡菜、蝦、蛤。飲品除了汽水，仲有熱茶！😂…Read More

疫情下已有兩年無得去旅行，特別掛住泰國的街頭小食。泰式香蕉煎餅係去泰國時不得不食的小吃之一。近期係網上都有報道旺角開了泰式香蕉煎餅，味道近乎泰式。我當然黎到試一試，有唔同的醬料供選擇，有原味、Nutella榛子醬同花生醬。店內還有其他煎餅，有芝士咸牛肉煎餅、芫茜火腿芝士煎餅、芝士麻薯煎餅，甚至有麻辣雞絲、D24榴槤。我目標好清晰，一定要食泰式香焦煎餅。仲要原味，睇下係咪真係坊間所講咁原宗泰式味道。店面細細、冇座位，一定要外賣拎走，又或者企係門口趁熱食。需時15分鐘等，但要等好野食，花些時間都要。店員俾左熱辣辣的原味香蕉煎餅，透過紙盒都感受到新鮮出爐的熱騰騰，店員有提醒趁熱食！終於開盒享用，薄餅香脆軟熟，加上煉奶朱古力醬，好香口好香甜，但缺少了蛋香味。內餡香焦的味道都幾出，整體配搭不錯。但拎到返屋企時已涼了不少，如果趁熱食應該更好味！…Read More

Joyful Dessert House店面細細，但坐得舒服。呢間甜品店出名牛窩夫及千層酥。今次我哋嚟到，試試雜果牛窩夫及焦糖燉蛋。雜果牛窩夫窩夫鬆脆可口，香香牛油味，但不肥膩。而且焗得外脆內軟，加上楓糖漿，也不會令窩夫軟化，仍然脆口。香香甜甜、而且熱辣辣，值得一試。碟邊有好多雜果，香焦、士多啤利、芒果、藍莓，都好新鮮。雪糕則揀了曲奇味，幾好但不特別。焦糖燉蛋焦糖燉蛋香滑，鍾意焦糖燉蛋一定會鍾意，唔算太甜。而雪糕就揀了少有的開心果味，雖然有開中果粒，但略為甜，開心果味唔出。值得一提係下午茶時間，可以揀$38的飲品。…Read More

網上話嘉多利的布甸法包值得試，又話排隊先買到，甚至撞唔啱時間買唔到。有幸我5點幾來到佐敦嘉多利餅店，眼見無人排隊，門面有酥皮和曲奇餅蛋撻，唔見有網上盛傳的布甸法包，原來在店內，而且數量好多，應讓剛剛出爐。二話不說就買了兩個試一試。法包鬆軟，唔似其他法包難咬。而布甸真係值得一讚，香甜蛋味，唔算太甜，但有濃郁蛋味，而且質感超彈。至於價錢，真係平民價，15元一個。眼見其他的麵包、蛋糕都唔貴，而且多款，值得再試！…Read More

太子地鐵站附近的川之味，平時中午來到都好多人等位，今次來到要排長龍。應該係因為B類餐飯，得20個位。等左半小時，終於有位，來到川之味，一定要試佢的豬軟骨。豬軟骨腍身，又滷水入味，加上麻辣湯底，真係非常好食。另一個不得不試係麻辣雞翼，外皮鬆脆、麻辣入味，肉質也好爽口。…Read More

太子西洋菜南街成條街都係食店，不同類型都有。我們一行四人來到101臺灣品味館，一嘗台灣風味。牛肉麵牛肉大件且軟，好香滷水味，牛肉湯好入味。蕃茄湯豬軟骨麵豬軟骨爽口，蕃茄湯香濃，也配有蕃茄肉，酸酸幾開胃。手工餃子麵豬肉菜餃，有三粒大大粒，餡料好足。粗麵爽口，湯底幾清。豆腐乾拌麵豆腐乾外乾內軟，非常好食。拌麵配有酸菜、青瓜絲，毫不油膩。我們還叫了芋泥蛋餅，這個不得不讚，芋泥香甜，配在蛋餅內，真係好食，一定要試。…Read More

葵廣新開鯛魚燒，上電梯就望到，位置非常易搵。鯛魚燒有不同口味，奶黃、芝士、榛果朱古力、藍莓、tiramisu、宇治金時（即紅豆和綠豆），不單止係鯛魚燒裡面有餡，在外層塗上厚厚的醬。我揀了榛果朱古力，香甜朱古力，加上熱辣辣鯛魚燒，外層酥皮鬆脆，配搭非常好👍🏻 酥皮鯛魚燒細細件，但一盒有兩件。鯛魚燒外型有趣，但塗上榛果朱古力醬後，就睇唔到鯛魚的得意外型，反而覺得有可惜，要打咭拍照難度上升。但鯛魚燒值得一試！…Read More