kwansl's Profile

本人太太於2025年9月12日於KKday購買了兩張1折點心任食套票，預備於9月14日享用。KKday的商品說明裡面說明了客人可以"選擇"加購商品頁內其他方案拼單，並沒有標明"必須"兩個字。偏偏後來海雲天員工Whatsapp本人，要求"必須"購買$198方案作為拼單(i.e. 1張1折+1張$198)。本人跟太太兩個人就需要購買兩張$198，可以講幾乎抵消了餐廳提供的所謂1折優惠。本人認為海雲天此舉已經違反商品說明條例，此等巧立名目的生意手法實有欺騙及誤導消費者之嫌。本人雖然可以獲得套票退款，但已經非常無癮。…Read More

呢排沙律吧夜晚做買一送一，我同太太琴晚今晚(11~12/3/2024，大約七點前後)都走咗去食。Scan QR code點咗沙律吧之後，侍應就送嚟一個人一個木碗。一個碗分量，只能夠去沙律吧攞一次，攞到幾多就幾多，遊戲規則就係咁。正常我地預計，Pizza Hut做得呢個promotion，沙律吧應該要預備比平時更多料俾客揀俾客攞，誰知道完全唔係呢回事！我太太攞完第一碗，發覺d雞嘅份量唔夠俾屬於我嘅第二碗，又發覺有女侍應離遠望住佢，轉頭又望住自己隻錶，似乎係度計緊時間。我太太冇理咁多，開口請女侍應補充d雞，女侍應大話一堆，話d雞冇咁快出嚟㗎！要烤十分鐘㗎(但我地食入口係凍㗎喎)！我太太乖乖地等咗十分鐘又十分鐘又十分鐘，先至有幾片雞走咗出嚟(當d客係乞衣？我地有俾錢㗎……)；我再問第二個女侍應，再等咗十分鐘，就冇料到啦！唔再補貨，當我冇到……第二晚我同樣請一位男經理補充雞，佢嘅藉口仲多，話要時間解凍，又話要切，又話要醃，要整成晚……總之冇就係啦！其他雞肉替代品(例如火腿)都一樣冇！時間咁早，d料咁少(男經理聲稱已經係成晚嘅份量啦！)，上一個攞完，下一個分分鐘就冇，公平咩？想攞個買一送一嘅噱頭，又唔俾客食雞淨係食菜，天下冇呢個免費午餐掛？倒不如收皮唔好做呢個promote啦？做得咁小家，真係唔怪得依家d人北上………Read More

我地兩位7/10/2023去食lunch buffet：1) 三文魚刺身裡面我太太食到有魚骨，唔明白點解餐廳唔徹底起骨嘅情況之下仲可以俾客食，尤其是當日有好多老人家幫襯；2) 我地攞多幾塊細羊扒，每次經過侍應旁邊都總覺得會俾佢地望多幾眼，好似唔抵得我地攞咁多。我地係嚟食buffet㗎，冇搞錯吖！3) 我太太加檸檬開檸檬茶，攞多咗兩個茶包，就咁用手揸住，冇袋落褲袋。有個身形豐滿嘅女侍應每次經過都會望多我地一眼，哩埋一角俾個射哩眼過嚟，侍應之間仲一傳二二傳三三傳四，以為我地睇唔到。兩三個茶包值幾多錢吖！國際品牌酒店都做到咁小家，我地都係第一次聽頭一次見，聞所未聞；4) 當日我地食過三文魚刺身(點豉油wasabi)、波士頓龍蝦(連獻汁)同埋羊扒(加蒜茸汁/紅酒燒汁)，食完之後當日嘅下晝到夜晚都非常之口渴，要猛咁飲水。我地有理由懷疑有d野(唔肯定係邊樣)係加咗味精。我地已經blacklist咗呢間野，唔想貼錢買難受，更加唔想自己食得辛苦。一樣嘅優惠好多餐廳酒店都有做，一樣食得過癮食得飽………Read More

上個禮拜有一晚八點半左右，差唔多收工，本人親眼見到燒味對面啲staff一次過收番哂啲綠包嘅班蘭糕(一盒六件，總共四盒)，拆哂啲包裝保鮮紙同埋紙上面嘅保質期標籤，再放番入雪櫃。本人非常之懷疑，第二日啲staff重新包裝，再貼上一個新嘅保質期標籤之後，施施然再賣過，當冇件事！所謂嘅保質期只係得啖笑，信者失救。各位食家，自求多福！少買為妙………Read More

第一次平日去食lunch buffet，D野總體過得去，當然亦有改善地方。佢嘅主打係生蠔，但d蠔好細隻，有d甚至冇乜肉而只得一塊皮，有d失望，唯有食多幾個補數。佢嘅蝦就好大隻，紅噹噹好搶眼，d肉比較硬身，有質感。三文魚刺身師傅切得好薄身，叫兩個人嘅份量但感覺同一個人嘅份量差唔多，唯有走多幾轉，攞多幾次。魚只有魚塊而冇成條蒸魚供應，非常失望，晏晝Buffet接近三佰蚊一個人冇乜理由食唔到原條海魚(我冇要求石班啦)。龍蝦湯水準以上，但芝士蛋糕就冇乜芝士味。俄國牛柳絲裡面嘅牛柳好冧，感覺良好，食多咗幾舊，正式嘅牛扒反而就冇肚食啦………Read More

臨近宵夜時段，我地點咗牛肉麵、小籠包同埋盬酥雞三樣野。牛肉麵佢地用咗五香牛肉，好冧。麵就用咗以前我喺台灣食過嘅闊身麵，香港少見d，總算有番個回憶。最好味仲係湯底，好明顯係秘方，有藥材味，好難形容，香港第二度未飲過呢種味。小籠包嘅料ok，但汁唔夠，皮亦都比較厚。盬酥雞係當日最後一碟，料唔夠，只有小食份量。老闆唔好意思，就主動幫我地取消order。之前我地要求佢調整冷氣，調整完之前之後佢都主動走過嚟同我地交待一番，非常之貼心。…Read More

呢間餐廳一兩年前我地多次幫襯，襯著今年30/5商場coupon就嚟到期，想回憶吓嗰種味道，我地再走去食咗一餐晚飯堂食，但諗唔到都幾失望。最大問題係，食物份量總體上都比一兩年前少，食水好明顯比之前深。30/5我地點咗三樣野：1) 椰香海鮮喇沙：流沙蛋、豆卜、蝦、炸魚片、麵比例上ok，湯嘅味道都跟以前一樣咁正，但係個碗就係細咗，因此所有料嘅份量就少咗；2) 星洲蠔餅：成個蛋餅size細咗，裡面d蠔少咗一大截，同餐牌差好遠，感覺上同食普通蛋餅冇分別，但係佢嘅正價就要$98咁多，好似俾人呃咁，蛋都唔駛咁貴啦！3) 馬來西亞肉骨茶($178)：總體份量同埋味道都同一兩年前差唔多，但係就冇得加湯。如果要加湯，就要幫襯佢$248嗰隻(除咗加湯，仲有多幾味餸)。老實講，加多少少湯值幾多錢呢？差少少就係差少少，餐廳就係要同你計，世界話變就變……奉勸各位食客，餐牌d相相信都係用close-up拍嘅，會俾人有好大份嘅感覺。希望愈大，失望愈大就唔好啦………Read More

我地兩位點咗以下四樣野：1) 士林鹽酥雞：不過不失，味道冇台灣食嗰d咁咸，份量亦ok。佢俾沙律醬你點雞，都幾特別；2) 蚵仔煎：完全係台灣口味，只不過份量稍嫌不足，蚵仔份量亦較少；3) 台式紅燒牛肉麵：夠份量，牛肉夠冧，湯帶少少甜味，有特制配方感覺。另外佢冇免費炸菜供應，同台灣做法唔同；4) 戀上三杯雞：味道濃，雞件份量啱比例，亦有唔少蒜頭。唯一缺點係太多油，我地要將d雞浸過熱水、去油之後先敢食。…Read More

2022年5月29日19:45左右，本人跟太太去到呢間店，想睇下有乜好食，點知離遠係中島壽司隔離"又"見到我地稱為"乞衣"嘅、身材高挑、經常藍色衣藍色牛仔褲打扮嘅男便衣保安。佢當時隻眼釘著我地，又玩吓部手機，似乎通知緊其他人。我同太太咪同時用手機鏡頭對番佢囉，佢跟着行埋嚟，圍著我轉咗一圈，我未驚過，一樣用雙眼死釘著佢。對著我地佢噏咗幾句野，包括話呢度個個都識你㗎啦(係又點呢？咁俾面？)，又話我做"乞衣"都好過你做賊(我偷咗野，你咪報警拉人囉！警我一樣可以報㗎，唔係你嘅專利……)。點解我前面第一段強調個"又"字呢？原因係佢過往多次騷擾作為客人嘅我地，五行欠"炳"，又報假案屈我地偷野。差佬嚟到，check過哂所有野，一樣放我地走，乜事都冇。我地喺Aeon係客，唔係賊。之後我地大大聲聲話去顧客服務部投訴，佢縮沙，唔再跟著釣著我地啦！之不過招呼我地嘅譚姓女經理(身上掛咗pass)又係廢嘅，佢話唔著制服唔掛pass嘅佢就管唔著，咁好明顯係偏袒啦！"乞衣"係從來唔掛pass㗎！咁我就好想知，實際操控黄埔Aeon嘅係唔係只係一位"食焦"呢？"食蕉"冇王管？我地喺其他商場都見到d"蕉"有掛pass喎！點解偏偏Aeon又唔駛呢？我之前寫過社交平台，冇人理。今次寫Openrice，係希望Aeon解決問題並提醒各位食客，係呢間黄埔Aeon買野，享受美食之餘，被便衣保安騷擾嘅風險不等於零………Read More

5月22日我寫了一篇食評，今日(5月29日)我又經過呢間店，又再幫襯一次，想睇吓佢有冇改善。買嘅時候我已經明示暗示嗰位具備中性外表嘅女收銀，買Panna Cotta嘅時候明明話冇哂貨，但之後冇耐又有貨出現嘅情況。當時佢解釋話師傅後來整咗Cotta，但佢事先唔知道，唔肯定嘅情況之下就唔敢為客人寫包單。我當時聽落去都覺得ok嘅，似乎冇乜野疑點。之不過，我朋友之後冇幾耐又走去呢間店，無意中聽到呢位女收銀同佢兩位同事嘅對話。佢話如果我(女收銀)唔攞出嚟，佢(即我本人)都冇辦法㗎！之後我朋友又見到佢地三位並排企係門口，一致向外望，可能想睇吓我係唔係匿埋咗係邊度，可能驚我見到(d貨出嚟)、驚我投訴。呢d咁嘅鬼鼠野，令我有理由懷疑，呢班收銀係刻意揀客而唔係根據客人先後賣貨嘅！對其他生客嚟講，唔駛講自然係唔公平囉！呢間野d甜品都幾好食嘅！但我都希望呢間店嘅老細可以睇到我呢篇文，解決佢呢個揀客問題。…Read More

5月21日17:45左右，我在餐廳門口排隊打算買Panna Cotta。當時櫃檯放了兩個Cotta，我親口問了一位紥長辮的男員工，他肯定的說我所看到的就是當日最後的貨，不會再有新的貨出來了。六點鐘我買了兩個Cotta離開，我朋友18:15再到現場，發覺櫃檯又放了兩個Cotta。前面有客人買了一個，我朋友只能多買另外一個。餐廳沒有標明採用配給制，當初我排第一位自然有權多買幾個。餐廳員工以不誠實手段限制本人購買商品，員工的人格值得懷疑！…Read More

我地兩位5月22日幫襯佢早茶，大約10:30落單，再經阿姐提點之下10:45預先埋單。11:45左右有位高高瘦瘦姓陳嘅店長走過嚟，話佢要還枱，想我地離開，d野好快d食埋佢！當時附近仲有好幾張吉枱，仲有早茶客係其他位度，我地事先亦都冇聽過準時十一點就要離座。我地當時仲未清完點心，咁一定清完先走得㗎啦！佢話可以，但就不斷强調早茶11:00就完㗎啦！單單打打，好唔禮貌，離遠玩吓射喱眼咁啦！我睬佢都有味，拖吓拖吓到大約12:00食埋野飲埋啖茶先至走。飲茶留佢個半鐘，一d都唔過份。如果佢有多少少禮貌，我地都樂意配合吓佢嘅！呢間酒樓我地以往都幫襯過好幾次，唔明佢點解做到店長，收枱阿姐嘅態度仲好過佢……劉華話齋，今時今日咁嘅服務態度，係唔得㗎！…Read More

我跟太太於今日嘅下午茶時段前後坐咗係餐廳裡面，想向女侍應索取扒類以及下午茶嘅餐牌。女侍應只係一直咁話下午茶時段未到喎！連餐牌都唔想俾我地，我心諗只係睇下餐牌唔駛死啩？遲幾分鐘再嗌咪得囉！做野咁死板點得㗎？到咗14:32了(下午茶14:30開始)，難得佢仲敢不經大腦對我地講下午茶時段仲未到喎，好頂瘾！好嘢！倒不如你唔好做，番屋企把啦！跟着我地向另外一個女侍應想攞三杯熱水，見佢行咗去做第樣野，冇哂下文，我地要再問一個男侍應先至真正攞到三杯熱水。我地之後想攞喼汁同埋芥辣，配合牛扒一齊食。上面提及嘅男侍應攞咗喼汁嚟，但就話芥辣要等陣先。之後佢又係冇哂下文，我地"等了又等"，終於又係要問另外一個女侍應先至攞到芥辣。負責落我地order嘅女侍應話，下午茶時段係唔駛加一嘅！之不過我點咗一份鐵板牛柳餐，埋單收銀嗰位居然就因為咁要收我地呢份扒餐嘅加一！十幾蚊好少事啫，只不過：1)你龍門任意搬，好似你想點都得，一人講一套，冇制度；2)你對我地以上咁嘅所謂服務，我俾你一蚊雞加一真係都嫌多！我地做咗一次白老鼠，經歷到咁嘅教訓，唔敢有下次㗎啦！D野點好食都係咁話………Read More

蝦仁炆伊麵我們以往點過幾次，伊麵的份量都不太夠。孜然牛肉飽裡面的牛肉份量也不足。沙律明蝦角的尺寸稍微大一點可能更好。紅酒燴牛尾醬汁夠味，牛尾也夠大件。如果能夠多加兩件就更好，四件可能少了一些。鮮蝦腸粉裡面的蝦倒是很大隻，吃得很過癮。…Read More

2021年8月25日晚我地事前網上做咗booking，但去到摸門釘，打電話去問先知餐廳呢兩個禮拜要裝修！早知係咁我地就唔特登走過去啦！餐廳唔事先通知我地，完全不負責任！D野點好食都係假，我地blacklist咗佢啦………Read More