silverbearbear的個人專頁

尋日睇完show,同男朋友同朋友去尖沙咀打邊爐，之前都去過呢間餐廳但係食飯時間都幾多人，今次就試吓11點去啦。今次食得好舒服因為可能閒日加上咁夜，店員好積極介紹嘢食俾我哋。我哋一嚟到就帶咗個泰式生蝦。 唔好以為係泰國餐廳先食到好食嘅泰式生蝦呀，一放入口好彈牙好新鮮原來佢哋嘅生蝦係即嗌即整唔怪得啦四格湯底每款都好入味，食完麻辣又可以食下芫荽豆腐湯底降下火手打黑松露墨魚丸同芝士蝦丸睇得出係誠意之作，芝士係流心嘅店員仲主動俾咗九折我地添下次一定再嚟過…查看更多

懶得weekend 放假，就同男朋友去九龍城塭好野食🤩我哋本身冇諗住食泰國嘢，不過經過呢間好評都幾多嘅泰國餐廳就決定試吓佢啦😀我哋一坐低就嗌咗碟生蝦，好鮮甜，不過咪住，生蝦最緊要係個汁，呢間個醬汁又唔會好辣，啱啱好，唔似得出面有啲餐廳，個生蝦汁辣到物咁，食咗一兩只夠已經唔想食。食完我哋仲encore添之後個椰青，真係好正，因為好甜輪到個辣椒膏炒蜆，啲蜆都幾大隻，洗得幾乾淨，無沙。個辣汁有辣味得來都不是太辣最後嚟到香茅烤烏頭魚，其實我本來比較少食烤烏頭，通常食開明爐煮。不過男朋友說烤仲好味，就試下啦。本來以為烤會好熱氣，點知完全冇呢種感覺。條魚燒得啱啱好唔會老，點埋個汁就prefect 啦！其實個烤魚皮都好食架，大家可以試下我哋食得好開心呀，下次會再黎的…查看更多

前兩日真係好忙，忙到四點先食第一餐。為咗節省時間，通常都會喺公司樓下餐廳搵食。其實呢間台灣野都食過好幾次，但係因為午餐時間實在太多人，所以通常都會係下午茶時段先去食。每一次我去到都會必嗌呢個牛肉米粉加紅棗生薑雪梨茶。原因係呢款牛肉湯湯底好濃，但完又唔會口乾。雖然係下午茶但肉嘅份量都好多，牛肉炆得好林，仲有牛筋，正呀同埋我鍾意佢會比較多蔬菜，有菜之餘仲有蘿蔔啱晒健康中環上班一族個生薑紅棗雪梨茶都好正，有薑味之餘但唔會好辣，飲落去暖胃又舒服但唯一唔好嘅就係就算午餐外賣，都不能夠轉米粉，但我記得之前係可以轉嘅，依家就一定要等到下午茶時段先可以帶米粉食啦…查看更多

年三十晚同男朋友行完花市都十點幾，好肚餓好攰想食好野但係又怕全部鋪頭早收工，其實沿路都有兩間居酒屋，但好幸運地我地去左間好正既居洒屋一黎到個店員就好熱情地介紹菜色比我地。 我哋最後揀咗688揀三樣菜色嘅套餐、其他小食同一支380ml既一期一會我極力推介燒蠔，隻蠔大隻又新鮮，淨係加返少少檸檬汁已經好好食，雖然都唔平，2隻$120，但我哋都encore左其他套餐嘅菜式都不比散嗌嘅差，味道唔會太濃，個豆腐湯都好正，清清地又甜，應該冇落味精因為飲完唔會口渴如果下次我經開天后我一定會再嚟…查看更多

前兩日同班朋友去咗睇波，之後成班唔知食乜好。話晒呢幾日都好凍，我都已經打咗幾日邊盧，不過當晚好似得八度，所以我哋成班喺好無頭緒嘅狀態之下都係選擇返打邊盧啦。我哋當晚八點半左右去攞位，佢話叫我地等一陣，最後等左九個字。我都明白任食打邊爐要求冇散嗌咁高，不過我都係唔會再食，因為成件事好似為咗填飽個肚而去食咁。第一賣相唔好講，啲湯底好似化學顏料加人工味道一樣。紅色湯底＋2舊蕃茄但係食物嘅味道離奇地可以有番茄味🤢第二任食配料見到都已經唔想揀，一嚟冇乜選擇二黎啲嘢食好似食整完嘅餸頭餸尾咁。我以為拎咗罐可樂，飲落去發現係無氣既可樂味，嚇親我😨原來係第二個牌子嘅飲品，真係唔知好嬲定好笑。第三我哋有兩位小朋友，當時樓下職員講話小朋友咁細個可以唔收費，但最後張單係計兩個小童錢，同個職員理論佢係極度冇禮貌加手指指同我地講嘢，最後我哋成餐飯最後尾都唔開心收場。一分錢一分貨我明嘅，但係我真係寧願係屋企食公仔麵都冇咁嬲。…查看更多

尋晚同公司同事食團年飯。我哋book咗間VIP房，因為我哋要等齊人先，店員好好俾咗啲餐前小食我哋食。啲黑木耳味道好特別，酸酸地仲有少少芥辣味。我哋總共帶咗三個喎。醉雞鍋、冬陰公鍋、同埋黑松露鍋。個冬陰公喎同黑松露鍋都好好食食之前我哋仲飲咗好多湯添！打邊爐就最緊要係啲料啦。我哋帶咗好多海鮮基本上一樣都好新鮮嘅仲好足料好大隻。啲牛同雞都好好食。啲雞都好肥服務態度都好好。定時幫我地換碟同埋即刻嗌佢哋都會有人嚟服務我哋。下次我會試吓同男朋友一齊過嚟食架…查看更多

之前喺大陸食過呢間火鍋，覺得好好食🤤知道喺香港啱啱開咗間就趁週末同朋友過嚟試吓。點知好失望因為怕星期六會好多人，所以我地一早訂咗位。一去到，就叫我地等下先，話執緊枱。明明book咗位都要等20分鐘先入到去。呢間火鍋店嘅特色係有live band，可以一路聽一路食。但係我覺得聲量略嫌大左啲😅同朋友對面傾計都要講多兩次先聽到，可能我哋坐得太前啦😅。嚟到呢度梗係要試吓佢哋個招牌椰子雞鍋啦。我地本身都好鍾意食椰子雞，但係呢到嘅椰子雞係有啲奇怪。首先，椰子雞一嚟到係得湯底同雞，配料竹笙都無（嗰度亦都本身冇竹笙）。之後啲雞要計時8分鐘，店員冇同我地講，要等我哋問佢食得未佢先講8分鐘我哋都過晒時，食落去啲雞已經老晒😭之後，食完個椰子雞，啲湯底已經乾晒叫個店員加啲湯，佢話淨係可以加水，如果加湯要另外比＄68😭我都未食過一間火鍋加湯係要加錢😐但因為加左水之後真係無味，我哋無奈要加錢加湯😕不過可以讚嘅係個湯真係好甜，好飲。個湯仲好味過啲雞😂(雖然我朋友話個湯甜到有啲唔尋常🤔)我地都嗌咗個象拔蚌，嚟咗好耐都冇人比芥辣豉油我哋，又係要嗌先有😐不過個象拔蚌都幾新鮮，幾鮮甜。我哋本身想嗌酒，但經理話新裝修未整drink list，紅白清酒所有只有各一款，其中一個店員仲話無白酒，我地話經理啱啱先同我講完話有，佢先入去令比我地睇😑(好明顯佢哋自己都唔清楚)最後我哋三個人埋單1600幾，咁嘅價錢，咁既服務，仲要山長水遠去到荃灣食，我真係寧願返大陸食好過😭😭…查看更多

Weekend就同男朋友去圓方睇戲拍下拖啦❤️因為一啲野都未落過肚，睇戲之前就決定急急去食少少野。我哋去到都五點幾，臨入去坐低之前個服務員話六點就要交枱。不過都無所謂嘅我哋都係食少少野。原因係咩都唔想諗所以就嗌咗佢地個afternoon tea😀個tea都黎得幾快。個賣相都幾好嘅。我哋就嗌左鹹點加甜點set，$298包2杯飲品。個set都幾多野食，不過唔係樣樣都啱我哋胃口，鹹點亦都唔係熱既，可能係五點幾，佢哋都係整定放返出嚟。不過個沙律同個燒牛肉都幾好食。啲甜品我最鍾意係南瓜布甸，唔會太甜不過有啲溜。個芒果糯米飯個飯就已經凍左，好硬，食唔到😕個椰子糯米糍就正常啦😐雖然佢每樣野都係得兩件，但係我哋都食得好飽，可能啲食物都係偏滯不過呢，個環境又真係幾好嘅我哋去嘅時候咁岩係夕陽😍所以如果唔係好高要求，298一個set都合理既😌😌😌😌不過如果下次嚟我都係會揀返晚市😌😌😌…查看更多

開會開到7點幾，本身仲諗住同朋友去Happy hour ，最後嗌個朋友去尖沙咀搵間餐廳坐住等啦。我個朋友真係冇介紹錯，佢之前話成日都去呢間餐廳度食，話呢到環境好又平，所以極力介紹我wo🤔一入到去我個朋友話我地坐outdoor，因為平日只要坐outdoor,drink Menu所有酒都係$40，仲要係全晚！一入到去已經覺得個環境好靚，做嘢做得咁辛苦，當然一坐底就嗌返杯酒relax下先啦😎一睇份drink menu，話有紅白酒仲有啤酒添😍全部都係＄40一杯😨😨😨仲要唔難飲喎，真係飲到你醉都得😂我朋友介紹呢度啲生蠔，話半打都只係＄155，本身都唔係抱太大期望，以為咁平一隻都唔方大得去邊啦，點知好有驚喜雖然唔係話超級新鮮，但係百幾蚊半打仲要咁大隻去邊度塭😭最後我哋encore左兩次😂😂之後我哋就試咗佢個牛扒同雞翼。牛扒都OK好食同唔貴，個雞翼係炸嘅但好似落咗太多麵粉，唔難食但就普普通通啦。 最後我哋三個人分別嗌左3杯紅酒，三杯紅酒，兩支啤酒，埋單都係1600幾。真係抵到爛！我地就過咗好開心嘅一晚我下次一定會再嚟…查看更多