Minicat388's Profile

星期六同家中長老決定嚟呢間近期人氣高企嘅海鮮火鍋放題一試，下午打電話做booking，竟然即日有位，不過係晚上9:15 至11:00，唔夠2個鐘，心想咁易book，都應該可以掛，就決定來試一試，不過原來真係唔夠時間嘅，食到好趕，唔夠時間去攞自助區食物，食物係咁倒落個肚度，完全唔enjoy，9:15分入座，10:30就last call，其實只有1個鐘15分落order，出去攞海鮮，去自助區攞食物，攞飲品，攞甜品，仲要食埋落肚，全程未停過，趕，趕，趕，就算CP值有幾高，都完全唔享受。🥵同店員反映，佢話都知唔夠時間，不過佢話唔駛反映，老闆唔會改，佢話鋪租貴，一定會做到盡，提議可中午嚟，可以食3個鐘，會好啲。其實真係唔好怪香港人北上，價錢，舒適度完全冇得比。以下略為分享:地方：夠大，整潔度唔錯，場入面有洗手區，方便客人食完可即時食手，都夠細心。服務：店員大致都有禮貌，有問有答，過咗11點，會善意提醒，都算OK。海鮮：蜆有3 - 4款，蝦有3 - 4款，蟹有2款，有鮑魚，有蠔，有帶子，鱔魚...等，款式唔係特別多，但都夠食。鮑魚size都算ok，唔會太細，當然唔會特別大，最好食係鮑魚，其他一般，有幾隻蝦煮熟咗啲肉有啲霉，蟹唔新鮮，可能最後一輪，放咗成日，死死哋。😅自助區 : 菜都有好幾款，但我只夠時間食一款，其餘啲丸完全冇時間攞嚟食。自助熟食區：冇咩啱食，唔見有小龍蝦，QR code 落單嗰啲都ok，但唔好期待好多款，有燒蠔，有蟶子，算係咁。生果區 : 好小款，趕到係生果都食唔到。甜品：有dreyers，Haagen-Dazs，my favour 😋，仲有其他，但真係唔夠時間，冇特別睇。見過有其他客人有攞軟雪糕，但我搵唔到。QR code 叫咗木瓜燉燕窩，因為要趕10:30前落order，放咗一陣先食，涼咗冇咁好食。有楊枝甘露，不過冇時間飲。飲品 : 都好多種類，但我只飲到1枝珍珠奶茶，唔夠時間又食，又飲。總結 : 每位$348 + 10%，食物算係咁，冇話好驚喜，但都可以嘅，不過真係好趕，唔會再食尾輪，或者下次食中午時段3個鐘，睇吓冇咁趕會唔會好啲。後記：奇怪這食評被退回要求提供收據，怎樣看，這食評也不像是試食優惠或用餐款待吧😅，本人並不常寫食評，只是遇一為之，OpenRice也實在太看起我吧。 😂…Read More

2個人叫了以下5樣食物：蜆介鯪魚球 $32煎釀虎皮尖椒 $30老馮鮮蝦腸 $30臘腸滑雞飯 $41高湯菜心 $20共$153，茶介2位共$24 （每人$12)，另加一服務費$17.7，埋單$195，即係食物外，要比多27%，茶介有點貴，我哋叫嘅係菊花茶，但冇菊花味，好似飲緊清水，另要加一，唔係好值，如果要做平民價，要加一唔係好理想，如果要做中高檔，食物水準又未到。食物普通，服務一般，可以講係冇，收銀位阿姐冇咩禮貌，旺角區有好多選擇，冇特別，唔會有下次。…Read More

食物，環境，服務都痳痳哋，唔會再試，唔係全部餐牌都係半價，加一服務費係原價加一，唔係打折後價錢，食物超咸，原價食，一定唔會食，服務欠奉，唔會幫你加茶，食蟹連紙巾都冇張，成間酒樓，油淋淋，佢哋嘅所為招牌菜，黃金流沙蝦，蝦肉還蝦肉，炸粉還炸粉，唔好食，薑蔥生蠔好實又無味，個燉湯好似加咗水，唔夠味，我坐個位係角位，冷氣唔到，成餐飯食到滴哂汗，埋單$854，2個人，加一連碟花生要比$132，成張單實際要比15%，抵唔抵，自己諗。…Read More