chi_hong0522's Profile

1. 一入到去有員工拖地，拖地本屬平常事，但個地拖冇扭乾，成地都好濕。2. 清潔阿姐只是叫我哋坐最尾一張卡位，但佢個水桶就放喺卡位旁邊，啲水彈來彈去，而且好大陣漂白水味。3. 枱上冇餐牌，要主動叫員工A攞。睇咗一陣先發覺唔對路，原來佢淨係畀咗精選套餐同埋午市餐牌。當日係下午茶時段，要再追問先攞到下午茶餐牌。4. 廚房出咗菜，員工A淨係掛住坐喺度玩手機，唔傳菜。員工B亦淨係掛住做其他嘢，完全無傳菜意識。5. 黑椒牛柳粒個黑椒汁極鹹。6. 熱檸茶同熱朱古力都係微暖嘅，唔知間舖個熱水爐咩事。7. 唔計外賣，全場得兩枱客。一開始已經叫咗四樣嘢食，最後嗰份心太軟唔知做乜冇嚟。食完主菜之後已經提咗可以上，等好耐仍然未有。期間員工不停聚埋吹水，最後問進度，係一個冇着制服兼食緊糖嘅人(定員工？)同我講“喺個籠度“。因為趕時間，結果取消離場，仲有杯嘢飲未嗌都放棄喇。隔離百分百都冇咁差，絕對無下次。…Read More

我於11月3日星期三下午8時45分進入上址吃飯，坐的枱號是83，期間發現牆身有兩隻曱甴在走動。我喚來經理，經理用腳弄死他們，然後離開。我再叫她處理屍體，她才用紙巾檢走兩隻曱甴屍體。後來我又先後於牆邊和後方的遮蓋布上發現大約三至四隻曱甴在走動，我再召來職員，另一女職員只用帶著藍色手套的手撥走其中一隻曱甴便了事，員工似乎都見怪不怪。我結帳後向經理反映衞生問題，他指出後方放有紙皮 ，故有可能有曱甴。事實上，之前我在上址用餐時亦已在另一個位置看見牆上有曱甴，怎料原來那不是單一事件，上址應養有不少生猛曱甴。我已拍片段，已報食環，待跟進。…Read More