DeuxChats's Profile

一朝deuxchats一齊食早餐睇雜誌見呢間好似幾好味, 結果就一齊去食啦一去到好在岩岩有人起身,如果唔係實有排等都似食物方面, 略嫌蛋皮唔夠滑, 不過個北海道早餐既奶醬窩夫(加$5)同埋通粉就有驚喜 奶醬窩夫係用粗粒花生醬架! 鬆軟得黎又有花生既香脆~而個通粉既湯係奶黃色, 有香濃牛奶味,仲加左原粒胡椒, 入口咬碎後的微辣, 好夾呢個火腿通!另外,想講下呢到既服務唔知點解侍應d面口有點木又無咩朝氣...招呼人食早餐應該有啲朝氣一個笑容姐, 唔係難掛right?…Read More

chat mâle牛一chat féminin竟然鬼鬼馬馬帶左chat mâle去迪士尼, 嘻嘻!經過deuxchats一番選擇,終於揀左呢度食晚餐啦! 可能6點仲早所以無咩人, 環境好優靜好舒服唯一就係無冷氣, 吊扇麻麻地夠涼...野食好滿意, 尤其個陳皮鴨腿湯麵 之前仲諗住係鴨片, 點知係成隻鴨脾呢!而個印度餐就一定要提其中一款餸: 芝士菠菜蓉如果淨係食菠菜蓉就無乜特別感覺,但係一夾埋少少芝士食 (佢係菠菜蓉中間放一粒芝士), 嘩, 滑到呢~~~不過無肉不歡或頂唔順芝士味既朋友就叫其他餐啦... ^ ^"呢到算係樂園入面頗有特色既一間餐廳 (近獅子王)呢啲東南亞美食, 其他樂園餐廳真係未必供應.下次大家去到樂園除左主流既餐廳都不妨去下呢一間啦!…Read More

chat mâle牛一chat féminin竟然鬼鬼馬馬帶左chat mâle去迪士尼, 嘻嘻!經過deuxchats一番選擇,終於揀左呢到食午餐啦! 食物其實唔係話咩高級野,亦唔太平, 不過喺得樂園裏面開, 有番一定水準,份量又足, 食得飽!而且選擇多, 除左中式點心, 西式扒餐 / fish and chips / 沙拉 之外,仲有鍋燒, 日式便當等等. 全部約 $6x-$8x 有交易.不過要加成 $18 先有一樽飲品, 我地就無叫啦.這裏是自助型式的, 夏天搵冷氣位可能難啲, 但就算坐出面, 都好通風唔太熱 …Read More

琴日DeuxChats去完主題公園夜晚就去左老苔目食晚餐食物已係相片入面有所介紹呢到講下其他野1. 服務一流雖然老闆係鋪出面睇住, 但見到d店員好好禮貌同服務黎到叫你先飲杯水,菜到叫你慢慢食食到咁上下問你滿唔滿意食完叫你慢慢坐兼勤加水走時仲道歉話要DeuxChats搭檯然後走時出面個老闆友善地說期望再次光臨如果個店員用台語叫你「慢慢坐」我真係覺得自己飛左去台灣!keep住呀, 有細心既服務, 食客知道架!2.今次叫既食物抵食到震除左用抵抵抵抵抵黎講, 都唔知點形容3. 環境chat mâle 有d吹毛求疵我覺得整體已經好好鋪細搭檯亦唔係咩過失但如果個洗手間可以做多少少拖返乾少少個地咁就滿分!chat mâle覺得如果餐廳連食客既人生「大小事」都體貼到, 咁呢間餐廳差極都有個譜4, 睇波佐酒物之店?!店中都有賣好幾款卥味雖然無試到, 但已幻想外賣返屋企睇波送酒應該係人生最高享受…Read More

deuxchats下午逛完尖沙咀,夜晚一起去食好味腸粉去!幾碟餸裏面,chat mâle自己就最鐘意豬潤腸 (自稱內臟怪魔^^")首先無諗過d豬潤咁大件而且食落好甘香, 好好味!當然其他都非常美味 不過更加驚訝既係... 我地食到唔同既腸粉係夾唔同既豉油!!!根據chat féminin既味蕾:燒鴨腸 - 一般豉油豬潤腸 - 豉油較甜魚片腸 - 似蒸魚豉油呢一份細心既配搭. . .縱使沒有舒適的環境~那一晚還十分風大, 鋪子就在路邊, 燈都吹得一閃一閃的~對食物的認真態度, 始終是最吸客,最留客的.難怪見到不少人專程開車來吃…Read More

deuxchats 行完尖沙咀D.N.A.記起一次跟友人經過這間甜品鋪, 好多人幫襯,今次一定要去試下~摸左陣路終於搵到啦!deuxchats分享左個宇治金時(即叫即整,落單之後都等左成十分鐘架)雖然未食過日本既宇治金時但係抹茶加上d冰真係極度透心涼間中加一啖紅豆, 甜甜地岩岩好 (微甜中帶茶香,豆香喔!)呢個甜品成功幫我地充電,透心涼既感覺, 最岩夏天完全覺得唔駛去日本都食到日本味 (當然如果有得去日本食駛係正啦! XD)btw 因為今次係晏晝時段,所以唔駛等就有位,但夜晚真係好多人架! 不過多人自有熱鬧既風味…Read More

> < 點解會咁既呢? ... deuxchats 今次真係有俾人欺騙既感覺. . .如果睇番deuxchats既評分, 都唔係差, 但係點解係"喊"樣呢?唉... 只怪看見店名後有點一廂情願的浪漫想法.deuxchats在馬鞍山逛完海濱, 從天橋進入商場便看見這家鋪.鋪面宣傳是這樣寫的: "i do ~ delicious . french . food"雖然餐牌上的食物不太有法國特式, 價錢也相當大眾化, 不過deuxchats 以為, 店名標榜 "法式", 那食物該不會太離譜吧? 廉價餐廳也可抱有對食物的堅持. 於是便要了兩個茶餐, 一個沙爹牛肉潛艇, 一個蕃茄脆豬扒焗螺絲粉. 叫沙爹牛肉潛艇, 是對fusion抱有一點期望, 有點看葫蘆裏賣甚麼藥的意味. . . 唔知長法包配沙爹牛好唔好味呢?等左一陣, 個潛艇先到. 咦? 點解個包唔係長法包黎既? 點解好似軟淋淋... 望真啲, 再拿上手, ... 原來係超市都買到既熱狗包... 沙爹牛味道不過不失, 配熱狗包都唔係唔好食, 但係成件事係錯左既感覺. . . 跟住, 蕃茄脆豬扒焗螺絲粉到啦. 嗯, 望落去幾吸引, 食落啲蕃茄蓉同芝士同螺絲粉都夾本來諗有幾脆, 點知原來係放塊吉列豬扒麵包糠索哂d汁, 一d都唔脆寧願你就唔落麵包糠炸都好d好在個皮唔厚, 都係不過不失之作.至於飲品, 鋪面話係即磨咖啡, 杯野黎左, 上面真係有即磨既泡泡, 不過一飲落去, 可以話係淡然無味... 唔通佢溝左水?!奶茶嘛, 普通貨而已.~~~~~~ 明明就是茶餐廳嘛, 幹嘛扮法式餐廳?!?!?!嗰句 "delicious . french . food" 係咪誤導?!諗下諗下, 人地又無話係 french food, 只係有個french 同埋 food 字. 可能佢唔係講緊食物, 而只係講緊啲餐具, 或者佈置, 或者法國人都會用既食材,或者餐廳老闆, 或者係老闆賺夠錢後既下一開鋪目標, 又或者,純粹提下"法式"...就算係快餐, 係平價都起碼做到deli france 呢個level希望open rice分類能剔除法國菜呢個標籤否則真係會令人誤會食到"法國"菜希望開餐廳既人都尊重各種菜式風格.…Read More

第一次試樂園的紅豆冰, 是上年秋季.我地上到去先知佢地嗰日唔做堂食, 只外賣,於是就叫左杯奶茶紅豆冰, 邊飲邊散步嗰次既感覺係入口幼滑, 甜度適中 今次 une chat 帶左屋企兩位"大人"去 事源母親大人自從睇過阿So介紹之後, 已經想試好耐, 咁岩放假, 就去下囉! 三點幾去到, 都幾多人幫襯!我地叫左三樣野:奶茶紅豆冰:同上次一樣咁幼滑, 比起出面一d超甜既凍奶茶, 佢甜度岩岩好.不過同呢度既咖啡紅豆冰相比, 不免會甜一些 (奶茶同咖啡飲法有別嘛)咖啡紅豆冰:是港式咖啡啦, 咖啡味不濃厚, 而且因為係凍咖啡, 所以都唔似西式熱咖啡般香氣四溢.不過咖啡味原來同紅豆味都幾夾, 所以我們還是滿意這款飲料的 <有關紅豆>就如之前聽說的一樣,這裏的紅豆冰是一粒粒的, 不是紅豆沙喔, 而且煮得夠軟, 一點都不硬不 "粉",所以愛吃紅豆的朋友應該會喜歡吧^_^題外話, 唔知大家有無睇過日本電影 Megane (Glasses) 呢?deuxchats 是挺喜歡這輕鬆小品的 ^^不過點解提起佢?因為裏面有講到點樣煮出又香又軟又唔爆(即係一粒粒完整)既紅豆.煮法就唔詳細講啦, 不過表達左一樣野, 就係紅豆真係可以煮到 "又香又軟又唔爆" 既境界!!而今次食樂園既紅豆冰呢,我其實是吃到一點點 "爆" 了的紅豆 不過只是少量啦, 況且味道也香軟呀, 所以即使十六蚊係貴左少少, 耐唔耐飲下, 回味下都幾好!馬來亞 "加吔" 多士:一望塊多士, 嘩, 裏面d "加吔" 係綠色?!無錯, 望多幾眼之後既結論都係綠色 ^ ^"以前食既 "加吔" 都係偏黃, 所以今次見到綠色都有少少驚訝.食落去 ~~ 好香椰香 嗯, 以前食過偏黃嗰d就蛋味重d, 今次椰香較重, 可能就係綠色既原因啦!還有一點, 就係紅豆冰既 "冰" ~ 對有敏感牙齒既人來說, 那些碎冰確實不大好, 因為就如某些食評提到, 每次舀紅豆吃時,都無可避免會舀到碎冰.不過, 用碎冰的好處, 是讓食客在一開始攪拌飲料時方便些 (冰塊太大很難攪拌),而且將紅豆連少量碎冰一起吃, 那香軟加上冰涼脆脆的感覺是挺特別的! 不妨試試啊 …Read More

今日經過牛記, 記起之前幫襯過, 決定寫番上次滿足的經歷出黎分享下嗰日本來想去九記食, 點知遲左一步(牛腩賣晒^^"), 所以誤打誤撞黎左牛記.個待應一眼見到我地都知道係第一次幫襯.問佢, 呢度有咩好野介紹呀?佢諗都唔諗就答: 肉餅!!見佢答得咁口爽, 就試下另外想食d蔬菜, 所以就叫多一碟煎釀茄子.茄子先上, 雖然表面睇落好似好油, 但係食落尚算乾身, 而且好夠鑊氣!因熱辣辣整好, 中間D魚肉食落會出煙的!而肉餅果然非常香口, 雖然都有少少油, 但係加了鹹魚粒等配料,口感層次十足 並且非常鬆, 唔實同唔"Lup"口.又係一樣, 咬開又會出煙的!兩碟都係送飯之選!講開又講, 呢D剪炸野都有椰菜絲鋪底, 幫手隔下吸下油, 都幾好-> 要一提的是, 肉餅在不同餐廳都有不同整法, 例如我地食過大坑民聲冰室就係 "鬆,軟,滑" 既風格.而牛記呢, 就係行香口風格, 所以可說是各有特色的.食完野, 諗住埋單走人, 點知話有糖水送! 原來係綠豆沙呀! 岩岩食完兩大碟咁燥既餸,食綠豆沙清清熱氣最好不過雖然唔知牛記呢日煲綠豆沙係隨意定係悉心安排 (知道客人多數叫d燥熱野食),不過碗綠豆沙唔太甜, 豆蓉同豆粒既比例岩岩好, 仲俾到好貼心既感覺我地...所以呢一餐完結得非常窩心呀!…Read More

相片有食物評語, 唔多講值得一讚既係鋪仔細細, 但係個洗手間係超乎想像地乾淨, 地下乾爽, 而且無黑色d漬見到一家8口左右既老外去食, 店員又送哂糖俾佢地食之前又有食評話試過即興有9折我地兩口子就無遇到, 可能我地本身夠哂甜, 唔駛折都已好開心掛!…Read More

皇后大道東的 the East "聯盟" 都賣得幾行, 所以趁假期兩口子去試下. 見oyster bar 價錢唔算貴 (brunch buffet 11a.m. - 3p.m.; $128 per person; 10% service charge), 野食款式都幾特別 (最怕D炒飯又炒麵唯恐你唔飽^^"), 就去試下囉! 食物評語請見相片, 不過有幾點值得特別一提:1) 欣賞佢前菜, 主菜及甜點都有起碼六款. 前菜及甜品黎講係多D選擇, 主菜就唔會有嗰種只係貴多感覺 (or 得D普通炒飯又炒麵嗰D), 所以都唔錯! 2) 飲品方面, brunch buffet 包每人一杯野飲, 不過我地一開始食, 有個待應就問我地要唔要果汁. 我地以為咁好喺食前菜時有開胃野飲, 就一人一杯菠蘿汁/番茄汁. 點知原來一用左個quota, 之後就無餐茶 = . =" 所以唔好俾D待應fake左3) Parma Ham 呢D比較矜貴野, 不妨多吃 不過佢會提早收埋佢 (今日佢大概2:30就收埋左啦), 所以要吃趁早! 環境唔算寛敞, 不過都可以接受, 一大班人黎食D枱又可以拍埋. 同埋五歲以下免費, 所以有好多一家"細"口去食! 我地坐到兩點九, D待應都好客氣. 同埋重點係我飽到依家^^" 晚飯都skip左 雖然D野食唔可以話非常高檔 (例如唔好預期會好似d高級酒店咁, D沙律會有好多種菜分開俾你揀, 再有各款醬汁選擇), 不過咁既價錢, 咁既質素, 都滿意既! …Read More