Cherylsweethome's Profile

焗豬扒又淋又夠入味，撈檬份量大味道非常好。最緊要係午市套餐，連包嘢飲都係$60有交易，喺銅鑼灣算係性價比高嘅餐廳！所以每次都好多人，排隊等一陣都有位嘅。係唔錯嘅午餐選擇。…Read More

想食牛腩麵，上openrice搵下屋企附近有咩好介紹。見到樂園評價都ok,一於試下。雙拼價錢正常，牛雜嘅牛腸同牛肚都好味又淋，試吓牛腩，炆得好淋又入味，雙拼有4-5塊牛腩，我覺得分量都ok, 整體好唔錯，會再幫襯。…Read More

放假想飲茶，三口子搵吓附近有咩好食，見到工廈區有間特色點心評價唔錯，一於黎搵吓好嘢食。位置唔起眼都搵咗一陣先搵到邊度係入口，環境就比較迫。點心拼盤，可以一試，樣樣都大大件，味道都幾好。腸粉好滑，份量又多。鳳爪排骨飯份量多，味道正常呢個釀尖椒茄子，味道一流，個醬汁應該加咗孜然粉，香口好多。好想叫多碟。最後加多個鮮蝦豆苗餃，味道好大大件，可惜個皮唔夠煙韌。整體點心有水準，絕對可以encore再encore嘅食店…Read More

喺對面街食完泰幾多發泰國菜，見到有間靚靚甜品舖，一於食埋糖水先走。甜品款式多有創意，睇相令人流晒口水呢個三生有杏，幾香杏仁味，底部有燉鮮奶，都幾滑，有唔同料，鍾意食杏仁嘅朋友，可以試吓。川貝鹹檸檬燉桃膠，就相對失色，桃膠份量少。冇咩特別。最後個芒果楊枝甘露最失望，入面唔知點解咁多龍眼肉，同芒果陣味一啲都唔夾 可能要叫番啲特色嘢會好啲。…Read More

假日去咗九龍城食泰國菜，6:30左右到，等咗10分鐘左右就有枱，可能因為人多，所以入咗前已經要叫定嘢食，入座後，好快就上菜。唔記得咗影蒜蓉包，冇咩特別，可以唔試。檸檬牛肉份量好多，果然係招牌菜，酸酸辣辣，有少少偏鹹，值得一試。泰式燒豬頸肉，又係份量勁多，燒得啱啱好，唔會太乾身。泰式生菜包，香香辣辣，連生菜一齊食真係好正最後叫多個泰式濕炒河，味道正常發揮，都好夠鑊氣。整體食物有水準，經開九龍城會再嚟食。…Read More

自己好鍾意食牛雜，去開紅磡雞蛋仔買夾餅，見到有間外賣牛雜店，最平$20碗，買咗一碗嚟試下。呢碗$20樣樣有齊。牛雜炆得好入味，又冧，最鍾意食牛肚，底有幾塊白蘿蔔，又係好冧無渣。$20咁大碗，超低食！…Read More

呢間糖水店有好多款式，價錢大眾化。食過兩次，水準都保持到。夜晚7點幾去到唔駛排隊。楊枝甘露，西米粒粒分明，甜度適中。另外叫咗兩碗芋圓糖水，都非常吸引，上枱先知道咁大碗，女仔可以叫一碗兩份食。芋圓煙靭、桃膠發得幾好，水果新鮮。最緊要唔會好甜。值得推介，有heart糖水小店。…Read More

一班朋友食飯最啱打冷～ 睇openrice有咩好食，就試下新忠記啦！整體味道都幾好，推介黃金魷魚，鹹香送飯一流～蠔仔餅蠔仔粥相對出色～ 滷水鵝肝口感軟淋好味、鵝片鵝腸正常發揮。其他菜式就一般般，豬大腸可以做得再脆啲。滿心期待煲仔飯，叫左黃鱔田雞煲仔飯，但無香脆飯焦，有少少失望相都無影。埋單每人$200有找，性價比都ok。…Read More