Satoru531的個人專頁

最近去完旅行返黎重左😂所以決定減減碳，食少啲carbs見到水門雞飯出左兩款生酮系列既椰菜花飯，好似幾健康，一於去試下其中一款係椰菜花配水門雞飯，水門雞係signature一定要試啦！店家落左蒜頭同辣椒粒炒椰菜花飯，食落都香，另外招牌嘅水門雞都唔錯，雖然係雞胸位置，但係食落都唔會柴！減肥人士/gym L都岩食！另一款生酮系列就係椰菜花蝦飯，用左豆角同肉碎炒椰菜花飯，食落好似泰式嘅香葉肉碎飯咁！依款比起頭先果款椰菜花飯就更加惹味！面頭兩隻大蝦都算爽口彈牙～不過依個set就略嫌少protein, 所以我地加多左份海南雞！😆除咗椰菜花飯，仲叫咗兩個小食。其中一個就係呢個泰式燒腩仔！同中式嘅燒腩仔唔同，泰式燒腩仔係加咗芝麻去炸，四邊都非常之脆口，配埋泰式汁好好食～最後仲叫咗一嚿香茅雞翼，＄28有4隻雞翼，個人覺得都幾抵食！雞翼都炸得幾乾身，但入邊就保留到肉汁，做得唔錯！…查看更多

黎親九龍城就自然會想食泰國菜依間小曼谷啲泰菜以前食過都幾正，今日黎九龍城附近做野，即刻去encore下先見到餐廳推出左泰北小火鍋二人餐，好似幾抵食就同朋友叫黎試下一上菜都真係嚇親！因為佢個份量都幾多，有齊牛、豬、魷魚、蝦同雜菜，啲蝦仲要係剝好殼既，正😆牛肉食落都幾軟嫩同幾有牛味，質素都幾好！湯底方面有三款選擇，我地揀左冬蔭功湯底，只能說果然係做泰菜既餐廳！個冬蔭功湯底調味岩岩好，唔會過酸又唔會太淡，同海鮮超級夾！！除左二人餐，我地仲叫左優惠串燒，有一串豬肉一串雞肉$29兩串真心抵！個沙嗲醬甜甜地又好香花生味～另外仲叫左半隻海南雞，個雞都幾滑，而且份量十足，另外佢跟既海南雞醬仲有蒜蓉，配雞食好惹味！最尾一定要飲埋杯泰奶，成餐泰國菜就perfect！…查看更多

同朋友仔係附近行完街覓食，醒起慶坊有個food hall即管入去睇下有咩好食，見到依間中東菜係做cushion素菜幾特別就貪新鮮試下😆Menu好貼心有中英文，因為有啲中東香料既英文真係唔識😂TREEHOUSE PLATTER $148好豐富既platter!!包括左：酸種捲餅、烤天貝、酸種薄餅脆片、烤蒜蓉鷹嘴豆泥、茄子沾醬、香烤甜椒什錦醃酸菜、羽衣甘藍、羅馬生菜同中東芝麻醬第一次試酸種既捲餅，食落幾明顯有酸味，但上面有加左啲中東香料去蓋過佢，而且沾埋佢配既醬就唔覺！仲幾好食！好欣賞佢所有菜都食得出好fresh,連羽衣甘藍都幾嫩，而且個天貝同炸鷹咀豆餅都好好食！兩種沾醬入面，個人比較種意茄子沾醬，佢唔算重口味但texture比較濕潤，配落乾身既捲餅好夾！（但朋友仔就更鐘意香氣中足既蒜蓉鷹嘴豆泥）Pine $78除左platter我地仲叫左個wrap!依款wrap係配上左純素乳酪同薄荷葉，雖然無肉但依然香氣十足！乳酪醬同薄荷葉都幾夾！Double chocolate Walnut brownie $50其實純素既brownie同平時既brownie分別唔大，不過應該因為佢用椰子油所以都幾大陣椰香味！…查看更多

Happy Friday!!今日公司完成咗個大task，收工即刻約朋友去尖沙咀小慶祝一下！Openrice見到附近依間邊爐睇落幾吸引，仲有好少見既雞雜，貪新鮮既我即刻心動，一於走去試下!湯底方面，我地揀左養生冬瓜盅，見佢成個冬瓜咁上好吸引！而且用冬瓜盅黎打邊爐又幾特別～湯底都幾足料，食食下仲發現入面有乾瑤柱！肉類方面，我哋揀咗吊龍，肉味都幾濃，而冬瓜盅清清地正好帶出肉味唔洗點醬汁都好夠味另外揀左好少見既雞雜，一見過可以試到好多唔同雞既內臟部位！第一次試到提燈，原來同蛋黃幾似，幾得意🤣其他部位都幾爽口新鮮！除左依兩樣，店員仲推薦脆皮雞，原來係雞肉加左啲薑絲同蔥一齊烚，平時打邊爐絕少咁樣食，啲雞切得好細烚一烚就食得，估唔到又真係有啲脆口😆總結黎講，依間啲食物都幾精緻新鮮，而且真係唔係度度有。如果去開尖沙咀又想試下啲特別啲既邊爐，都不妨一試！…查看更多

今日收工喺金魚街買寵物野，突然之間好想食鋸扒，即刻上網搵吓。見到附近有呢間專食港式鐵板嘅餐廳，睇落都幾抵食就走咗去試。雖然係茶餐廳格局，但入面都幾乾淨企理，仲有搶眼懷舊feel紅白格仔枱布！同鐵板餐好配合🤣🤣一入到餐廳坐低，侍應哥哥已經問我哋想飲紅湯定白湯。我同男友都係紅湯人，一致揀左羅宋湯～羅宋湯有微微辣味，幾開胃！餐包係暖嘅！鐵板方面，我哋揀咗肉眼扒拼牛舌同埋T骨扒。因為我低碳飲食唔食薯條，侍應姐姐仲肯幫我轉要淨菜，超級好!!一上碟都幾有驚喜！兩款扒都份量十足！肉眼扒揀咗五成熟，切開都真係粉粉嫩嫩既～不過因為喺熱辣辣既鐵板上面，所以食食下都會熟少少～肉眼扒幾厚身，啖啖肉，而且質地都幾冧，食肉獸應該都會滿足到！牛舌都有兩大塊，喺鐵板上面煎幾下，食落幾香！T骨扒又係勁大塊，依款就會肉味比較重啲，如果鐘意牛肉香味既朋友仔，推薦食T骨依款！最後想特別一提既竟然係配角西蘭花！應該有用上湯烚，食落唔會有草青味，而且煮得幾剛好，唔會硬掘掘！最後跟餐仲有啫喱甜品！人均$150嚟講， CP值都算幾高！…查看更多

因為生酮飲食關係燒肉都係我地外食既一個常見選擇。之前都久唔久會去食和牛燒肉一郎既S2 放題menu，$288/位加一，貪佢唔貴得黎有幾款澳州牛食，而且仲有厚切牛舌。點知六月改menu後昨日再去食S2 course，原來肉類選擇已經無曬澳洲牛美國牛，所謂「特選」既牛肉睇落/食落同平時打邊爐最平果種肥肉完全無分別！另外其他款既「特選牛」亦都偏瘦，變相燒完都好韌又無油香😥加上點餐既時候，以前有得直接選「無醬汁」選項，宜家依經無左。我地亦特意同waiter講左所有單都走醬汁，但每次上碟都仲係有俾醬！基本上要每次下單都揾侍應同廚房再講走醬，放題要咁樣落單法都好無癮！😪結論係和牛燒肉一郎既S1,S2餐已經大不如前，如果唔係食D餐以上既set都可以唔洗再去食！但如果要食到D-F餐既價位，又可以有好多其他餐廳選擇，唔一定要食佢！…查看更多

最近先知道 原來太子依間cafe都有生酮menu😍即刻約埋「酮學仔」去食🫶🏻餐廳環境好靚，整間都係用木調做主題個感覺好舒服🤎特別喜歡佢窗邊張枱，有自然光照入去超靚但果日我地無book，原來果張枱已經reserve 左俾其他客人🙈.餐廳有keto同non keto menu我同朋友都係生酮叫左egg Benedict同明太子蒟蒻意粉🍝▫️班尼迪蛋生酮包 $108生酮之後都無食過egg Benedict!!!見到佢地有即刻叫！生酮包雖然同真正酸種麵包既texture有分別，但因為舖頭有烘乾個包包，配埋上面既餡料都好好食！佢個Benedict 上面有煙三文魚、parma ham同半熟蛋，配埋微酸既荷蘭醬，大滿足😆▫️明太子蟹肉蒟蒻意粉依個意粉有驚喜！多數蒟蒻都會好難掛汁，但依個做到有少少掛汁之餘，仲有少少q彈感，比起平時啲蒟蒻麵更似凡人意粉🤩 加上個醬汁好creamy，明太子又唔少，好正😆.我同酮學仔對the site評價超高因為難得佢地有啲比較特別既keto menu而且味道係好食😆一定會再回訪😆.最後奉上menu俾大家睇～～…查看更多

一直想去有生酮menu既 @socoffeegin 試試終於有日係附近工作順便去埋😆餐廳原先係衣車行，而餐廳亦保留左一啲舊衣車展出，環境好靚✨.🔻SO coffee 生酮蛋牛治 $88如果以前有follow開懶豬都知👧🏻未生酮之前一直係包控，所以見到餐廳有keto friendly既包包，多數我都會試！蛋牛治中間係牛肉碎+蛋整既奄列，而包包本身都有煎香，味道唔錯既。不過較可惜既係，包體同大部分生酮包一樣比較乾，最後👧🏻食淨左半塊包放棄左🙈🥹.🔻帶子青醬意大利瓜麵 $118依個同樣係keto friendly item～可能意大利瓜麵既製作時間比較耐，我地食果時等左～20分鐘。不過食落反而有驚喜！個麵整得都算夠乾身唔會太濕（好多時出去食瓜麵都有個問題係啲瓜麵出左好多水🙈），而且店家mix左青瓜同翠肉瓜做個瓜麵，口感無咁單調。青醬都做得幾好，好香橄欖同香草味，帶子亦都煎得夠香，唔錯！.🔻Rose tea latte (轉杏仁奶）$42+$6無糖既玫瑰tea latte，飲落有淡淡玫瑰香氣，不過不失～.…查看更多

今日約左閏蜜𝓈𝒽𝑜𝓅𝓅𝒾𝓃𝑔行到攰攰地就去左嘆個𝓉𝑒𝒶🍰生酮都有好味既甜品真係超幸福🥰.🫧𝒮𝒾𝑔𝓃𝒶𝓉𝓊𝓇𝑒 𝐵𝓁𝓊𝑒 𝐸𝒶𝓇𝓁 𝒢𝓇𝑒𝓎 𝒞𝒶𝓀𝑒 $72朋友仔雖然唔係生酮，但都叫左佢地既生酮伯爵茶蛋糕食面層既cream加左蝶豆花，粉藍色滿滿少女心💙入面既海綿蛋糕體係伯爵茶味既，都幾香🤤加上個cream唔算膩，配埋一齊食都唔錯👍🏻.🫧 𝒦𝑒𝓉𝑜 𝒸𝒾𝓃𝓃𝒶𝓂𝑜𝓃 𝓇𝑜𝓁𝓁 𝓌𝒾𝓉𝒽 𝒾𝒸𝑒 𝒸𝓇𝑒𝒶𝓂 $𝟨𝟪面層既雪糕都係𝒦𝑒𝓉𝑜 𝒻𝓇𝒾𝑒𝓃𝒹𝓁𝓎既 仲要係好香既𝓋𝒶𝓃𝒾𝓁𝓁𝒶味，加上滿滿玉桂香氣既玉桂卷，超夾！包體比起一般麵包乾身一啲，但加左雪糕都𝑜𝓀𝒶𝓎~不過比較可惜既係，本身👧🏻以為個玉桂卷會係整熱既，但原來係唔會🫣相信如果整熱左同涼浸浸既雪糕夾埋一齊食會更好!!…查看更多

平時好少去牛頭角今日工作關係黎到附近，就係附近揾下食🍴因為生酮既關係外食既選擇的確少左好多咁岩search到依間餐廳有沙律，即刻決定食佢！.上到去環境都幾好，有幾張大梳化位，其他座位都闊落一啲都唔迫，仲有個小型既台，有部大電視播住宮崎駿動畫既相，成件事都幾relaxing ，放lunch黎講可以有個咁既地方食下野都唔錯！.🔻63度温泉蛋巴馬火腿沙律 $72 （包熱紅茶/伯爵紅茶）因為生酮關係，👧🏻叫左走醬～個沙律組合就平平無奇，不過有驚喜既係佢啲沙律菜係自家種植！係餐廳外面有另一間房種住啲沙律菜🥗（圖2）雖然走左醬，但勝在有温泉蛋可以撈菜食🤭（可惜上碟時隻蛋已經穿左🥲）啲菜都好fresh，加上環境既加乘，整體黎講依個lunch係唔錯既！.比較可惜既係，餐廳人手真係比較少，見啲店員手忙腳亂咁，落單連等食物都差不多等左20-25分鐘🥲依個位就希望可以有啲改善🥲…查看更多

/抵食台灣菜/一個人係九龍城廣場揾食行行下見到依間餐廳都幾多人等望下餐牌原來係食台灣野既而且價錢都算合埋鐘意食台灣野既懶豬當然衝🏃🏻‍♀️.🔸豐盛三品牛肉麵 $69+4 （轉蕃茄湯）牛肉麵黎講依個價錢唔算貴，三品牛肉麵包括左牛丸、牛腩、牛腱，每款餸各有兩件。個人覺得依個牛肉麵幾有驚喜，牛腱每件都算幾大，而且幾香，質地又唔會過腍過韌。牛腩夠軟腍，而且牛丸唔係乾爭爭，入面係有肉汁既🤩蕃茄湯底酸酸甜甜幾開胃～.🔸原味餃子(5隻) 套餐+$15餃子就係普通菜肉餃，不過不失～.🔸茉香綠茶星期一至五套餐包埋一杯紅茶或者綠茶，懶豬叫左綠茶走甜，淡淡茉香味道，解膩舒服👍🏻.總結來講，$83食到咁豐富飽肚既午餐，cp值都幾高！其實牛肉麵都大碗，就算唔加餃子都好夠飽，不過懶豬第一次食唔知道🤭想食更實惠既仲有其他台式風味系列/台式湯麵系列，平均$50-60包埋小食，都好抵！可以回頭既一間餐廳～.…查看更多

平時嘉多娜啲布丁包成日一早俾人搶曬籌好難買，尋日三號風球又係開附近做野，入去博下點知真係有得買🤩終於試到布甸包同布甸泡芙🥳🥳.🔸法式布甸包 $15係煙煙韌韌既包體加上入面滑嘟嘟既布甸🫶🏻布甸質感比較creamy，幾香vanilla 味。另一個食法係焗/氣炸2分鐘，咁個布甸就會變左流心效果～ 不過個人鐘意凍食多啲🤭.🔸泡芙布甸 $20泡芙布甸一切開啲吉士餡就流曬出黎，好澎湃🤣 內餡味道同布甸包係一樣，不過佢就更加流心。我地無焗熱返泡芙，所以個皮係淋左有啲失色🥺大家如果都想試記得要焗返熱泡芙食！.個人比較鐘意布甸包，因為比起流心餡，我鐘意似布甸質地，同埋個包體夠煙韌好好咬😆…查看更多

作為不專業foodie aka 193老婆市民郭先生cafe今日新開張迷妹第一日就衝去試兼即日出食評是常識吧🥳作為迷妹，你問我推唔推薦大家去試當然係100分推薦不過其實作為foodie其實cafe啲野都真心好食!!🤣.🔸Brunost Cheese Croffle $98•33豬推薦得既款點可以唔試🥰Croffle係牛角包+窩夫既結合，食起黎酥酥脆脆，加上上面加上一球輕柔又順口既cream，加上brown cheese既味道係微咸中帶少少奶香味，成件事好夾!!連平時好唔鐘意食cheese既媽咪都讚依個好味🤣.🔸小龍蝦沙律egg drop $98•Egg drop雖然好多地方有賣，但佢地個包真係好好味😭包控表示就咁食一條個包都得! 包體超鬆軟同好香牛油味（應該都好fatfat😂) 然後小龍蝦都幾足料，略略數過起碼有10隻!!依個egg drop都推薦大家一試～.🔸紫薯mochi包 $55•包包黎講佢都算小貴🤣不過其實都好足料，入面有滿滿紫薯同煙韌既mochi，不過唯一就係佢地個包因為雪係凍櫃，食落去mochi同紫薯都係凍既🥺個人比較鐘意熱食包包，如果有得輕輕烘熱就好嚕.🔸Macthagato $58•抹茶+雪糕，個抹茶係比較香而唔太苦澀既款。不過我影相太慢，未影就溶曬😂所以大家要慢慢影相打卡就唔建議點依個🤣..聽其他33老婆講佢地啲咖啡好飲，不過小妹飲唔到咖啡🥺所以大家去試左再話我知吖🤣P.s. 餐廳有限時1個鐘，大家記得唔好掛住打卡搞到食唔切野!~✨作為迷妹，最後再強烈呼籲大家去cafe被33豬呃多啲錢🤣🤣.…查看更多

/chill濃豆乳🤤🥛/豆乳狂人係bookmark左好耐既餐廳但之前因為學得遠一直無試🤣依家佢係荃灣開左梗係要衝！～.🔸焙茶珍珠小丸子 $42•懶豬同男友子都最鐘意依款!!焙茶既烘焙香氣加上豆乳出奇地搭，而且唔會過甜。第一啖飲落去會先係焙茶既香氣，之後係豆香，最後就會有小丸子既糯米香!珍珠煙韌加埋軟糯既小丸子有雙重口感🤤煙韌控覺得高興，推薦推薦🤣🔸黑白芝麻豆乳 $32•佢地既濃豆乳會出名實在唔係無原因，真係 超 級 濃 稠！個杰度好似飲芝麻糊咁～黑白芝麻豆乳既甜度好低，反而係滿滿芝麻香氣充斥住口腔～依個懶豬都幾喜歡👍🏻🔸豆乳茉莉花茶布丁珍珠 $32•依杯本身懶豬好期待，但最後反而小失望🥲依杯既甜度比較高，而且唔太飲到茉莉花味，布丁滑溜順口，但係無咩豆味🙈.到依家為止暫時只係試左三款飲品，下次有機會再試埋佢既咸食同甜品再報告俾大家知🤣…查看更多

病毒6點發威，想食堂食既懶豬唯有襯早收少少拿拿林仆去食個early dinner🙈 揀左韓國菜，懷念一下泡菜國既味道🥲 🔸牛肉大醬湯跟飯 $78·天氣濕濕凍凍想食啲暖笠笠既野。懶豬揀左依個牛肉大醬湯跟飯試下～估唔到幾有驚喜！可能因為落左翠肉瓜煮，個湯頭好清甜，加上啲料都有豐富！除左滿滿翠肉瓜，仲有豆腐同雞蛋，牛肉都唔少啊☺️個湯飲落去好舒服又好暖胃，飲到停唔到口🤣🔸韓國特色蛋卷-芝士重奏 $78芝士控硬係要叫啲有芝士既野先安樂。但懶豬無估到佢個蛋卷咁大份！😂芝士同蛋依個配搭就好難出錯既，雖然個蛋卷無拉絲，但佢個牛油味都幾香～🔸五花腩炸醬麵 $78以前去韓國好鐘意周圍揾炸醬麵食，因為細個睇韓綜見到啲藝人食好滋味咁！所以今日見到有炸醬麵，即刻嗌返個🤣 炸醬麵麵底係我鐘意既煙韌口感，加上醬入面既薯仔同翠肉瓜都煮得好夠稔，不錯~其實佢啲野食都偏大份，兩個人叫三樣野完全係眼闊肚窄😹店員話依排堂食仲有九折，食到好飽每人大約$100左右，其實都幾抵食🤣…查看更多