kobe_foodie's Profile

位於銅鑼灣世貿中心11樓，以復古圖書館為主題，胡桃木書架+暖黃燈光超有feel～窗邊位可看維港夜景，每晚有live band演奏，超適合約會慶生！Chu Toro Tartare, Royal Daurenki Caviar, Red Prawn Tartare拖羅他他鮮甜柔滑, 魚子醬咸香爆珠, 紅蝦清爽開胃, 紫蘇葉炭烤過超提香！✨ Hokkaido Sea Urchin海膽creamy到爆💥 搭配蟹肉絲和生蠔凍, 墨魚汁畫龍點睛✨ Lobster 龍蝦湯濃郁到掛勺, 龍蝦肉質彈牙+檸檬泡沫超fresh✨ Red Grouper魚皮脆得像薯片！魚肉嫩滑配羊肚菌醬, 層次感絕了✨ Charcoal Grilled Abalone備長炭香超誘人🔥 鮑魚肝醬濃郁到犯規✨ Miyazaki Wagyu Beef和牛雪花太漂亮啦, 入口即化不誇張, 炭烤香氣留在齒間✨ Belgium 64% Chocolate Cake巧克力濃郁不膩, 柚子清香平衡得剛好, 完美收官！…Read More

沙田新強記燒鵝海鮮酒家 (大圍)📍大圍積運街2-8號海福花園商場地下47-50號舖今日同家人來到馳名的新強記吃晚飯慶祝生日，餸菜美味，價錢相宜，一家人都食得非常滿足！✨燒鵝新強記既燒鵝以皮脆肉嫩見稱，每一口都能感受到外層酥脆內層多汁。燒鵝表面烤得金黃香脆，鵝肉豐富的油脂鎖住咗肉汁，使得口感更加滑嫩。✨乳鴿新強記的乳鴿採用嫩滑的鴿肉，皮脆肉嫩，香味十足。乳鴿烤得外脆內嫩，鮮嫩多汁每一口，配合特製的滷汁，進一步提升乳鴿味道層次，入口之後唔單止滿嘴留香，更會令人意猶未盡。✨芝士龍蝦伊面新鮮龍蝦煮得彈牙多汁，濃郁的芝士醬汁包裹着每一根伊面。龍蝦肉與芝士完美融合，餘味綿長。伊面軟硬適中，吸滿醬汁，口感豐富，最重要既係龍蝦份量都幾足，而且夠新鮮！✨菠蘿生炒骨這道菜色香味俱全，菠蘿甜美多汁，與炸得金黃香脆的生炒骨混合，酸甜開胃。生炒骨外皮酥脆，內裡肉質嫩滑，嚴選骨邊嫩肉，用來餸飯都非常不錯！✨炸大腸炸大腸外層炸得酥脆金黃，大腸處理得乾淨無異味，每咬一口都能感受到香脆豐富的口感。大腸炸得乾香不油膩，帶一點鹹香的味道，是一道令人難忘的小食。✨椒鹽九肚魚同平日食開的九肚魚不同，新強記既九肚魚非常好條，外皮炸得酥脆，魚肉鮮嫩厚肉，配上適量的椒鹽調味，香氣四溢。…Read More

✨極上牛舌定食牛舌切得薄薄哋，外邊略為烤焦，入口即溶，滑嫩嘅口感同淡淡嘅炭香，令人一試難忘。配上海鹽、檸檬汁或者wasabi同豉油，真係相得益彰，食到停唔到口。✨紅酒汁煮牛舌定食呢個同極上牛舌又感覺唔一樣，牛舌配上濃郁嘅紅酒汁，酒香撲鼻而來，每一啖咀嚼都係幸福。紅酒嘅微酸帶出牛舌嘅層次，令人回味無窮，味蕾都為之一亮。✨土佐豆腐豆腐嘅外皮經過蛋漿精心地裹上一層，然後下油鍋炸，配上特製嘅豆腐汁，運用新鮮嘅大蔥，切成絲狀然後加入汁中，調出一種既清新又帶有層次感嘅風味。外層嘅脆與內裏嘅嫩形成對比，令人欲罷不能。✨日式鰻魚小食呢個就真係日式風情滿分嘅代表。鰻魚烤得外皮微焦而肉質卻極為鬆軟，醬汁香甜地包裹住每一塊鰻肉，令人食完一塊仲想一塊。總結，呢間餐廳嘅野食，不僅量足，而且質素上乘。每款食物嘅味道同口感都經過細心嘅打磨，絕對值得一試。…Read More

方叔叔重慶老火鍋 (如心廣場一期) (荃灣)📍荃灣楊屋道8號如心廣場一期3樓305號舖天氣終於轉涼啦，即刻諗起方叔叔既麻辣火鍋，食到個身暖笠笠，所以我哋又黎幫襯啦！今次佢地出左冬季限定既羊肉湯底同九宮格拼盤，緊係即刻點黎試下！✨羊肉湯底開頭以為係好重藥材味嘅藥膳湯底，點知飲落去意外嘅清新。湯底一啲都唔會酥，因為入面有好多大蔥嚟辟味。入面嘅羊肉分量非常多，鍾意食羊嘅人一定好啱！✨九宮格拼盤呢個拼盤有九款唔同嘅小食，包括竹笙蝦滑、滷水豬手、手打黑松露墨魚丸、牛肉卷、豬肉丸、麻辣牛肉條、珊瑚蚌、鮮黃喉等等，我見份量唔多，好啱兩個人食。但仲要大讚佢嘅滷水豬手，超大嚿而且有皮有肉，滷得超級入味，放落麻辣湯底嗰邊，朔晒啲湯超級正！另外黑松露墨魚滑都非常唔錯，黑松味超級香濃，墨魚滑夠晒彈牙！而鮮黃喉，係必試之選。佢嘅質感鮮嫩又有咬勁，為火鍋增添咗一份清爽嘅口感。✨鮮炸豆皮同苕皮每次嚟到都必點嘅食材，鮮炸豆皮口感酥脆，沾拌湯底之後，更能吸收湯底嘅鮮味。苕皮口感煙煙韌韌，放落湯底煮一陣就會索晒啲湯汁，都係必試之選。✨白鱔片肉質鮮嫩，清甜又有咬勁，同湯底嘅辣勁形成鮮明對比，令人食得津津有味。✨安格斯牛小排份量都幾多，肉質鮮嫩多汁，散發出濃郁嘅牛肉香氣，每一口都好滿足。…Read More

最近長沙灣開咗一間新嘅韓式烤肉店，成個裝修充滿住韓國財閥家族嘅感覺，非常奢華，就好似入咗去韓劇入面嘅世界咁，所以我哋都諗住試一試！✨會長王牌套餐 $398套餐老細話係最多人叫嘅，有齊哂豬同牛～除咗招牌牛油熟成厚切五層肉，我地揀左特級牛肩脊同辣味豬五花。先講下牛油熟成厚切五層肉，一般嘅韓燒五花肉都只不過係好普通嘅一舊豬肉，但係呢度就用咗好多考試，特別用牛油去處理，所以食落去勁香勁滑，同坊間嘅完全唔同。至於牛肩脊就冇任何醃料，但勝在郁油脂分布平均，肉質嫩滑，就咁點少少鹽都好唔錯。辣味豬五花就用咗超惹味嘅辣醬去醃製，配住蔬菜食超級正！套餐另外仲有時令蔬菜拼盤、韓式小菜同生菜杯，生菜杯係可以refill 㗎 ！✨秘制牛肋排我哋仲另外加咗個牛肋排，入面係醃製咗嘅牛肉，估唔到雖然個容器細細，入面竟然放咗三條長長既肉，份量超多！醬料方面係甜甜地嘅韓式醬料味道，食落都幾唔錯～✨醬油蟹膏蟹子拌飯醬油蟹膏同白飯真係絕配，將佢哋一齊拌食真係好好味！醬油嘅鹹香同蟹膏嘅濃郁融合埋一齊，齊齊浸入飯粒裡面，每口飯都包裹住豐富嘅味道，真係啖啖都唔厭！不得不提蟹子，佢係呢道菜式嘅亮點之一。蟹子鮮甜彈牙，啱啱嘅蟹膏更加增添咗香濃嘅口感，而上面既蛋黃更加係點睛之處，佢令到成個飯更加香滑creamy～✨草莓忌廉米酒呢個酒有好清新同果香嘅味道，加埋忌廉香濃滑嫩感，比平時嘅米酒甜少少，但係酒味就相對淡啲，所以超級適合一班女仔飲！…Read More

天氣又轉凍啦，即刻好想去打邊爐。今次揀咗牛大人，貪佢係任食之餘食物質素都唔錯！牛大人有好多款式火鍋，我今日揀嘅係蒜頭雞鍋湯底，非常入味。湯底係用有足足半隻雞同埋大量蒜頭熬製而成，味道香濃，十分開胃。牛大人嘅菜品選擇都好豐富。我嘗試咗澳洲和牛M5牛肩卷，肉質鮮嫩多汁，入口即化。另外仲有澳洲M9和牛牛丸，非常彈牙。安格斯牛小排，肉質鮮嫩，口感味道都好出色。另外打邊爐落一口牛肉粒同封門柳都唔錯，夠厚肉，食到入面啖啖肉汁！海鮮方面，我哋就叫咗大蝦同埋沙白，兩樣都夠晒新鮮！另外，每次牛大人都一定會忍唔住叫佢嘅台灣小食，好似台灣腸、梅甘酥脆、皮蛋豆腐等等都係不容錯過。牛大人亦都有一個好大嘅配菜區，除咗有各類蔬菜可以自己夾之餘，仲有好多面可以揀，有陣時仲會有滷肉飯呢啲主食添！而且飲品都非常之多選擇，每次嚟到都忍唔住拎佢哋嘅冷泡茶，真係好好飲！除咗菜品以外，牛大人嘅服務亦都值得一贊。服務員有禮貌、專業，懂得配合客人需求。環境舒適，氣氛愉快，令我覺得非常放鬆。…Read More

Urban Coffee Roaster位於尖沙咀既一條小巷入面，人流唔算多，但估唔到平日中午都坐滿左客人，可想而知質素唔錯。📍卡邦尼煙豬腩意粉呢款意粉係一道結合左煙燻豬腩同卡邦尼醬汁嘅美食，每一口都帶來滿滿嘅濃郁味道。呢個菜式以煙燻豬腩為主要材料，煙燻豬腩帶有獨特嘅香煙味道，令人難以抗拒。豬腩經過煮熟後，肉質鮮嫩多汁，搭配意粉，增添了豐富嘅口感。而卡邦尼醬汁則是這道意粉嘅靈魂。卡邦尼醬汁係由牛油、蛋黃和巴馬臣芝士混合而成嘅醬汁，濃郁而且帶有微妙嘅奶香味。而意粉完美地吸附了卡邦尼醬汁和豬腩的滋味，真係好好食。✨油漬黃油雞班尼迪蛋呢個係一個BRUNCH類既輕食。入面有手撕油漬黃油雞、Benedict egg同埋酸種面包，我另外再加左牛油果同大啡菇。油漬黃油雞係印度風味，甜甜地又帶少少辣，雞肉經過油漬處理，保持了肉質嘅鮮嫩彈牙。而班尼迪蛋則是呢道菜嘅亮點之一。班尼迪蛋一切開入面有濃稠黃蛋醬汁的煎蛋，用黎同黃油雞、面包搭配非常完美。✨熱情果朱古力撻熱情果朱古力撻係一個令人驚喜嘅組合。呢款撻有酸甜嘅熱情果味道同濃郁嘅朱古力，兩者嘅對比帶嚟咗一種獨特嘅口感。每一口都可以感受到朱古力撻嘅濃郁與熱情果嘅鮮果味道，令人愉悅又耳目一新。✨75%熱朱古力、凍mocha呢款朱古力有濃郁嘅巧克力香氣同滑順嘅口感。佢嘅甜度正好，一啖落去就可以感受到濃郁嘅巧克力味道，帶少少回甘既感覺。凍mocha嘅朱古力味道比咖啡更加突出，感覺都唔錯。…Read More

呢排成日都見到啲朋友食大閘蟹，我都好想食呀！但自己係屋企蒸又要洗，又要煲薑茶，好彩發現原來莆田而家都做緊大閘蟹套餐，緊係要試下啦！我地叫左個二人B餐，有足足6樣野食，食完真係飽到反肚！✨冰鎮南日鮑南日鮑放入鮑魚汁熬煮入味，再經冷凍方式處理之後，保持左鮑魚的鮮度和口感。鮑魚的肉質緊實，咬落去有彈牙感，每一口帶著鮑魚既鮮甜。✨百秒黃花魚呢道係莆田既招牌菜黎架！開頭以為得一條，但原來係一人一條，真係勁surprise！顧名思義，百秒黃花魚姐係炆煮左100秒既魚，所以黃花魚煮得啱啱好，魚肉超滑，可以話係入口即化，而且本身黃花魚就魚香十足，夠哂鮮甜。不過美中不足既就係比較多細骨，食個時要小心啲！✨清蒸大閘蟹蟹既size唔算好大隻，但係掀開蟹殼，入面真係滿滿都係膏，真係鮮味濃郁，令人一嚐難忘。最貼心既係呢到比齊哂工具比你開蟹，食完又會有一杯熱辣辣既薑茶，咁就唔驚食完好寒啦！✨椒鹽豬手呢個菜又真係勁驚喜，我地掛住食蟹冇即刻食到，但係個皮依然keep到好似薯片咁樣脆卜卜。豬手有豐富嘅肉汁和膠原蛋白，所以外層炸至金黃酥脆個時，內部都可以保持嫩滑多汁。椒鹽既調味則增添了一抹微辣和鹹香，令整道菜更加有層次感。✨興化炒米粉食興化炒米粉，每一口都好過癮。米粉有豐富米香，入口唔會一劈野咁，反而仲有少少咬口。配料方面，有肉類、海鮮同蔬菜，當中既鮮甜與調味料既風味相互交融，味道豐富而平衡。✨甜品：建蓮雪耳湯&薄荷枇杷凍建蓮雪耳湯煮得好夠耐，飲到個湯係漿漿地，煮哂雪耳既膠質出黎，每一口都帶來滑溜嘅質感。而且甜度剛好，唔會過於膩口。薄荷枇杷凍當中既枇杷多汁又帶有淡淡花香，薄荷又好清涼，令人提神。所以食薄荷枇杷凍，每一口都好清新。…Read More

紅葉茶屋係黎自日本鎌倉既人氣和Café，環境舒服放鬆，食物都唔錯，今次同朋友食左幾款，都相當值得推介！✨豪華和牛肉壽喜燒定食呢個菜絕對係肉食愛好者嘅夢幻享受，以頂級和牛肉為主角嘅菜式。和牛肉肉質鮮嫩，每一片都帶有濃郁嘅肉香，入口即化。加上用特製嘅醬汁燒煮，醬汁帶有微甜嘅味道，同牛肉完美結合，增添左層次感，配合埋蔬菜同雞蛋，令整個菜式更加豐富多樣。✨海鮮刺身丼茶漬飯呢個丼飯有新鮮嘅生魚片，例如吞拿魚、帶子、甜蝦、三文魚等。餐廳教我地先可以好似平時食刺身飯咁，加豉油同WASABI黎試下刺身既鮮味，之後再加入熱湯。我地今次揀左鰹魚昆布湯，開頭都諗會唔會怪怪地，但茶湯香爽，加上海鮮既鮮甜同米飯既甘香，真係好唔錯！✨汁煮法國黃金螺螺肉都幾大粒，肉質鮮嫩彈牙，帶有濃郁嘅螺肉香氣。汁煮法國黃金螺以特製嘅醬汁煮製，醬汁濃稠而不膩，帶有微辣嘅味道，螺肉的鮮甜與醬汁的香辣形成絕佳的對比，令人回味無窮。✨熱忌廉抹茶拿鐵抹茶夠哂濃，所以入口有濃厚嘅茶香同微苦味道，加埋鮮奶泡同埋上面一層厚厚既忌廉，有濃郁嘅奶香味同柔滑嘅質地。兩者結合之後，形成一杯絕佳嘅抹茶拿鐵！而且仲送左啲而家已經好少見既石頭朱古力，真係童年回憶黎，超開心！✨鎌倉紅葉茶屋特製軟雪糕芭菲而家係期間限定夕張蜜瓜雪糕！真係超級香甜既蜜瓜味，似食緊真既日本蜜瓜，而唔係香精味！而下面就鋪滿哂唔同既野食，好似有紅豆、抹茶口味銅鑼燒、抹茶忌廉、自家製白玉和抹茶凍等等。…Read More

自從裕民坊重建左之後好少黎呢到，不來重建左之後有唔少餐廳進駐左，望落質素都唔錯。今晚就揀左一間手工意粉試下！2人SET $368有齊餐湯+前菜+主茶+飲品，加錢可以叫wine同甜品，都幾抵食！✨番茄忌廉湯+白鯷魚茄子蓉多士+意大利風乾火腿拼盤番茄忌廉湯熬煮得好濃郁，有豐富嘅番茄味道同埋忌廉嘅滑順口感。每一口湯都帶有微微嘅酸甜味，湯中仲有啲少少番茄既口感，增加咗湯嘅層次同質感。白鯷魚茄子蓉多士。將白鯷魚同茄子蓉結合喺一齊，味道鮮得黎帶少少醋酸，感覺幾開胃。多士外脆內軟，加上白鯷魚同茄子蓉滑順口感，感覺都幾特別！意大利風乾火腿拼盤結合咗不同款式嘅火腿，每一款嘅風味同質感都有啲唔同，火腿片薄而鮮嫩，入口即化，配埋啲好甜既提子，增加咗整體口感嘅平衡同豐富度。✨茴香酒忌廉煮青口呢個係另外加既，幫襯2人set加$88就食到啦！青口鮮甜多汁，每一個都好飽滿。茴香酒忌廉湯底有一種特別嘅香氣，茴香嘅味道好突出，但又唔會蓋過青口嘅鮮味。成個呼道濃郁而充滿香氣，用黎點多士食都非常唔錯！✨新鮮波士頓龍蝦意粉龍蝦肉質鮮嫩，每一塊都充滿咗豐富嘅鮮味。意粉煮得彈牙，配合埋龍蝦嘅鮮味，真係一絕。個意粉用左大蒜炒香，再加入白酒同番茄醬燉煮，令龍蝦同意粉吸收咗湯汁嘅精華，增添咗層次感同味道。另外罜勒既香氣帶嚟一種清新嘅風味，食哂成個都唔夠！✨慢煮牛面頰番紅花意大利飯牛面頰係一塊肉質軟嫩，富有膠質同肉汁嘅部位，入口肉質非常軟爛，每一口都入口即化，一啲都唔會乾柴。番紅花味道香濃而獨特。飯粒咬落去，每一粒都帶有濃郁嘅番紅花香氣，而且個飯做到我最中意既有少少咬口既感覺，非常唔錯！✨百香果果醬奶凍果醬有一種獨特酸甜嘅風味，每一口都充滿果香同清新感覺。而底層奶凍嘅口感滑順，入口即化，而且有濃郁嘅奶香味，令整個甜品更加豐富。…Read More

見觀塘開左間新既日或餐廳，專門食香港少見既湯咖哩，決定黎試吓！✨飛驒和牛漢堡扒湯咖哩首先講和牛漢堡扒，佢用上優質嘅和牛肉做成，每一口都感受到肉質嘅鮮嫩和多汁。漢堡扒表面煎得微焦，咬落去有微微嘅炭燒風味，令味道更加豐富。而湯咖哩用新鮮嘅香料炮製而成，味道濃郁而香氣四溢。咖哩湯汁濃稠滑順，入口即化，與和牛漢堡扒嘅口感完美結合。而最重要既係有好多唔同款嘅野菜，好似南瓜、西蘭花、蕃茄等，色彩搭配得宜，而且令成個飯冇咁滯，尤其南瓜真係超甜超出色！✨香煎帶子蕃茄湯烏冬先講講佢嘅主角：香煎帶子。帶子肉質細緻，鮮嫩多汁。經過香煎之後，表面焦香，裡面嘅鮮甜味道更突出。番茄湯汁酸甜可口，加入了新鮮嘅番茄和香料調配而成，味道鮮明。再講講烏冬麵，佢嘅細長麵條充滿彈性，口感滑順，能夠完美吸收番茄湯嘅滋味。✨開心果刨冰超級吸睛又超級大個！本身以為只係上面擠滿左開心果果醬嘅刨冰，點知入面內有乾坤，除咗有好多麻糬之外，仲有好多開心果果仁開心果有一個獨特嘅堅果香氣，每一粒開心果都帶有濃厚嘅香氣同濃郁滋味。加上刨冰蓬鬆滑順嘅質感，與開心果完美結合，確實係一款唔錯嘅消暑甜品！…Read More

又黎方叔叔打邊爐啦！適逢佢地七週年，出左好多優惠同埋唔少新既菜品，我以我地都試左好多新野！首先講講麻辣鍋底。當個麻辣鍋上爐時，即刻聞到一陣辣椒香味。湯底香辣濃郁，辣味夠味夠勁，真係叫人上癮，完全令人忍唔到手。至於花膠雞湯底，就更加突出！湯底清潤鮮甜，有雞湯嘅鮮味，加上花膠嘅彈牙口感，好正。同麻辣湯底唔同，佢比人一種好唔同嘅享受，好滋味而且滋潤。食材方面，我地今次試左限定既小水母同鱔片。小水母係原隻咁上，個大細都相差幾大，小水母姐係小海蜇，口感清脆爽口，放落湯到會好似花咁綻放，而且會吸哂啲辣油，食得好過癮。而白鱔片超級新鮮，放入鍋中輕輕咁焯一下已經好快熟。撈起黎發現，口感爽彈，味道鮮甜唔腥。最正既係7週年做緊個優惠，只要叫四大天王或者生啤，都係限添飲！佢地既四大天王本身已經超級大杯，仲可以無限添飲真係超正，連生啤都可以添飲，啱晒一班酒鬼朋友！…Read More

鬼金棒終於都開到黎旺角啦，一向中意食辣同埋厚切叉燒既我，今次終於可以試到，一於同大家分享下！✨特製麻辣味噌拉麵&炒豆芽菜辣麻味噌拉麵湯底係用麻辣調味同味噌熬煮而成，味道麻辣刺激同埋香濃嘅味噌。最貼心既憬麻同辣都有唔同既程度可以揀，滿足哂唔同人既口味。而我揀左小辣，覺得又唔係好辣喎，反而食到薑味既溫熱感覺，食得辣既朋友仲可以試下地獄級鬼増級別挑戰下！拉麵嘅麵條係偏粗個隻黎，有彈牙嘅口感，每一口都食得到麵條嘅Q彈。配料方面，通常會有超級大舊既炙燒厚切叉燒，叉燒真係勁好食，肥瘦相間，食落一啲都唔會柴，入口即融！另外味玉都好夠入味，入面夠唒流心。仲有蔥花、粟米仔、芽菜等配料，而炒豆芽菜辣麻味噌拉麵個芽菜係即叫即炒，勁有鑊氣！呢啲配料令拉麵更加豐富口感同風味。✨煎餃子餃子唔算好大隻，入面係菜肉餡，餡唔算好滿，不過味道都幾唔錯，菜既甜味比較出，而且個皮夠哂薄又超級脆，口痕都可以叫黎試下！…Read More

UMI係一間位於銅鑼灣新開既文青café，除左裝修靚，仲要可以欣賞到海景！我覺得野食有質素之餘，重點係價錢係港島區黎講又唔算太貴，都幾值得推薦比大家！✨北海道帶子明太子意大利粉差唔多見到每檯都會叫呢個！明太子味道鹹香又帶辣味，風味濃郁，個醬汁好creamy，夠哂掛汁。而上面既北海道帶子有成三粒，而且輕輕咁炙燒過，帶子肉質鮮嫩，好多汁，食落去好鮮甜。意粉上面仲有超多蟹籽，相當足料！✨M5和牛壽喜燒溫泉蛋意大利飯初初以為個意大利飯都應該係就咁用壽喜汁煮，但原來唔係，佢地用左菇同忌廉煮開左個意大利飯先，之後先將和牛同溫泉蛋放係面，所以個飯就咁食都好好食。而M5和牛既份量都幾多，肉質滑，用埋溫泉蛋撈個飯，口感更滑更creamy！✨宇治金時pancake+$88 可以甜品！個pancake分左好多層，上面有足足三球紅豆雪糕，食到粒粒紅足肉！仲有一舊抹茶芝士蛋糕，好滑身，味道都幾濃郁。而pancake帶少少煙韌既口感，溝埋雪糕食超正！上面仲有啲脆脆同提子乾，超用心既一份甜品！✨繽紛樂榛子朱古力有一條繽紛樂係杯野飲上面，榛子味道好香，朱古力夠濃，唔會太甜！…Read More

天心最近推出左放題火鍋，之前食過佢地既野食質素唔錯，咁啱呢排天氣又轉涼左，最啱打邊爐，所以一於決定試下！✨豆乳柚子湯底+壽喜燒湯底豆乳柚子湯口感絲滑細膩，入口飲到幾出既柚子味道，令湯底感覺清新，最啱拎黎煮豬腩肉。壽喜燒湯底味道醇厚濃郁，加入蔬菜及肉之後味道更加鮮味！✨黑毛和牛+嚴選美國牛肉首黑毛和牛肉質嫩滑同富有脂肪紋理。佢嘅肉質細膩，每一口都帶嚟濃郁嘅牛肉香味同嚼勁。而嚴選美國牛肉感覺都好唔錯，有牛小排、牛頸脊等部位，有適量油花，肉質鮮嫩爽滑，肉味濃郁！✨海鮮選擇唔算好多，不過勝在黎得好足！有鮑魚、蝦、帆立貝、蜆、墨魚滑、青口等可以揀。啲蝦好大隻，飽魚非常彈牙，墨魚滑個味道好香濃，非常唔錯！✨日式小食呢到仲有好少火鍋放題有既日式小食可以揀，例如唐揚炸雞、雞軟骨、煎餃子等，全部都係新鮮炸起，熱辣辣勁脆勁香！…Read More